أخطاءنا المطبخيةووصفاتنا الفاشلة فلنصححها -فكرة لاريمان وأم ياسمين-

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
51,395
نقاط التفاعل
84,068
النقاط
821
محل الإقامة
الشرق-الوسط
الجنس
أنثى
السلام عليكم ورحمة الله وبركاته


pondering-and-thinking-smiley-emoticon.gif


قالت :
لاريمان

ليس كل ما نطبقه راهو ناجح قد نفشل في تحضير طبق ما
حلوى لكن نبقى حايرين ونطرح العديد من الأسئلة
علاه مانجحتش وتحصلت على النتيجة المطلوبة رغم اني اتبعت كل الخطوات الوصفة
من مقادير وهذا الي جرالي حبيت نجرب طورطة التفاح فشلت في انجازها
لا اخفي عليكم كانت 4 محاولا ت لنوعين من الطورطة لكن في كل مرة نفشل
وراني جيتكم يا بنات تقدرو تجاوبوني معناوياتي في الارض مع سخرية دارنا خخخخ يا للهول
حطمت الرقم القياسي في الفشل:cry:
نتمنى نلقى اجابة لسؤالي ماالسبب الفرن كان سخون وحتى المول بدلتو
والمقادير والطريقة اتبعتها;)
وهاليكم الصور ونتمنى يالبنات يكون الموضوع مرجع لوصفات فاشلة
وبمساعدتكم يكون مرجع لوصفات ناجحة
هذا النوع الاول
do.php

وهذا النوع الثاني
do.php

وهذي
do.php


أما
أم ياسمينdz
فقالت:

لكل واحدة منا مشاكل قد تصادفها أثناء الطبخ
وأخطاء قد تفعلها فتفسد لها طبختها أو يتغير مذاقها ...الخ

هذا الموضوع نضع فيه اخطائنا المطبخية
ونصححها ايضا مع بعض

يمكن انتٍ اختي اخطأتي يوما ما ضعي تجربتك لتستفيد منها الاخوات

فمن تبدأ بوضع أول خطأ ؟


 
آخر تعديل:
سلام عليكم موضوع رائع جداا
منه تتعلم من اخطائنا واخطاء الاخوات ..
على كل مليئة انا بالاخطاء كش ماتفكرت راني نرجع هنا ان شاء الله..
بالتوفيق
 
راح نبدى بأول خطأ لي كنت كي نسلق البيض نطولو المدة مما يجعل لونه يصبح اصفر بشكل كبير
بعدها اصبحت نحطو غير 10 دقائق مع رشة ملح يطيب هايل

:cool:
 
بارك الله فيك ام ياسمين على الفكرة
الخطا اللي طحت فيه عويص ولولا كانت امي رحمها الله لكببت طبختي في البوبال
المهم كان نهار درت لعدس في دار بابا كي كنت صغيرة ضرك راني عجوزة ههههههههههه
وتحرق او كيما نقولو شاطلي
قاتلي امي ازربي بدليلو الماعون اللي راه فيه
وزديلو شويا حليب رايب
صدقوني راحت كامل ريحة لحريق منو وما بانش طعم لحليب الرايب فيه
اتمنى بناتنا اليوم يعرفو هاذ المعلومة من ام راهي تربي في عرايس وامهات المستقبل
والكوزينة لاتخلو من الاخطاء وحنا جربنا وفسدنا
لكن بناتنا نخرجوهم ناجحات وما شاء الله عليهم
كي نتفكر اخطاء اخرى راني نحطهم
 
يعطيك الصحة اختي
بون اول خطا لي
كي نحب نسلق المعجنات كنت نحط كمية من الزيت مع الماء
وهذا خطا على خاطرش راي تلصق المعجنات
من هذاك النهار استغنيت عليها
وليت نسلق العجنات غي بالماء والملح
وخلاص مدة 10 دقائق
 
نحب نزيد معلومة على طريقة بنتي الحلم الوردي
ديرو الماء بزاف في الطنجرة وخليوه حتى يغلي باه تضيفولو الملح
لان الملح ياخر عملية الغليان
وكثرة الماء متخليش العجائن يلصقو في بعض
مشكووورة حبيبتي ملوكة
 
السلام عليكم أنا عندي خطأ في المطبخ بصح مازال ما علاباليش كيفاه نعالجه

الشوربة كي نديرها يجيني لونها قاتم -_- ما فهمتش علاه . . ماما تقولي من الكمون و صحبتي قاتلي الفلفل الأسود هو سبابك خخخ

المهم لي تعرف علاه وتعرف الحل تقولي
 
بارك الله فيك ام ياسمين على الفكرة
الخطا اللي طحت فيه عويص ولولا كانت امي رحمها الله لكببت طبختي في البوبال
المهم كان نهار درت لعدس في دار بابا كي كنت صغيرة ضرك راني عجوزة ههههههههههه
وتحرق او كيما نقولو شاطلي
قاتلي امي ازربي بدليلو الماعون اللي راه فيه
وزديلو شويا حليب رايب
صدقوني راحت كامل ريحة لحريق منو وما بانش طعم لحليب الرايب فيه
اتمنى بناتنا اليوم يعرفو هاذ المعلومة من ام راهي تربي في عرايس وامهات المستقبل
والكوزينة لاتخلو من الاخطاء وحنا جربنا وفسدنا
لكن بناتنا نخرجوهم ناجحات وما شاء الله عليهم
كي نتفكر اخطاء اخرى راني نحطهم


اهلا وسهلا سموحة فكرة مليحة هاذي تاع الحليب رايب هههه راح نطبقها باذن الله كون يشيطلي لعدس
ربي يجازيك الخير حبيبة
 
يعطيك الصحة اختي
بون اول خطا لي
كي نحب نسلق المعجنات كنت نحط كمية من الزيت مع الماء
وهذا خطا على خاطرش راي تلصق المعجنات
من هذاك النهار استغنيت عليها
وليت نسلق العجنات غي بالماء والملح
وخلاص مدة 10 دقائق

ايه هاذي افضل طريقة وكون تغلي الما مليح تكون اسهل
يعطيك الصحة ملوك
 
نحب نزيد معلومة على طريقة بنتي الحلم الوردي
ديرو الماء بزاف في الطنجرة وخليوه حتى يغلي باه تضيفولو الملح
لان الملح ياخر عملية الغليان
وكثرة الماء متخليش العجائن يلصقو في بعض
مشكووورة حبيبتي ملوكة

يعطيك الصحة على الاضافة
 
السلام عليكم أنا عندي خطأ في المطبخ بصح مازال ما علاباليش كيفاه نعالجه

الشوربة كي نديرها يجيني لونها قاتم -_- ما فهمتش علاه . . ماما تقولي من الكمون و صحبتي قاتلي الفلفل الأسود هو سبابك خخخ

المهم لي تعرف علاه وتعرف الحل تقولي

قصدك شربة فريك ؟
بلاك من لون الطماطم ولاراكي تكثريلها ؟
الطماطم تاني تقوي اللون
الفلفل الاسود ميقتمش منظنش وزيد كي يقتم يبان بلي هو
الكمون ممكن شوي
 
كيما قالت ام ياسمين
الشك كله في الطماطم بدلي النوعية وقللي الكمية
انا اقترح عليك طماطم cab مصبرات عمر بن عمر
 
السلام عليكم
شكرًا اختي ام ياسين على هذا الموضوع
أنا كانت الغلطة تاعي في المطبخ في الشربة
واش نديلها ماتجينيش عاقدة تجيني جارية بزاف
بصح منبعد وليت نكثرلها الخضرة وكي طيب
نرحي هذيك الخضرة ونرجعها لشربة ونخليها
تغلي شوية باش تعقد
نصيحة برك للأخت لي قالت الشربة تاعها
يجي لونها قاتم هذاك اللون من الكمون
لان الكمون ما يديروهش في شربة
الكمون يكون في شطيطحات برك
 
السلام عليكم
راني رجعتلكم واخطائي التي لا تعد ولا تحصى
كلما نتفكر راح نقولكم
كنت كي نقلي البطاطا نحطلها الملح وهي مقصوصة قبل ما نقليها وهذ راح يخليها تخرج ماها وكي نقليها تترتق وتعمل كوارث
وانا خايفا وهاربا عليها
لكن ذرك حتى نرمي البطاطا في المقلاة باه نملحها
 
السلام عليكم
بارك الله فيكي اختي على الموضوع
بون واحد الخطأ وعلي لما كنت نحظر المورانع
طلعت بياض البيض
وبعدها أضفت السكر مرة وحدة
اععع هبط البياض وأصبح مثل الصوص رغم اني عيت نطلع فيه وماحبش
وكانت الفكرة اني وضعت كمية مضاعفة من ال مايزينة دقيق النشا ء رجع تماسك وتخسر الخليط لكني اضطريت اني نطهوه على حرارة الفرن جد عالية
والنتيجة كانت روووعة رجع مثل المورانغ اللي يتباع يعني متماسك
 
السلام عليكم
شكرًا اختي ام ياسين على هذا الموضوع
أنا كانت الغلطة تاعي في المطبخ في الشربة
واش نديلها ماتجينيش عاقدة تجيني جارية بزاف
بصح منبعد وليت نكثرلها الخضرة وكي طيب
نرحي هذيك الخضرة ونرجعها لشربة ونخليها
تغلي شوية باش تعقد
نصيحة برك للأخت لي قالت الشربة تاعها
يجي لونها قاتم هذاك اللون من الكمون
لان الكمون ما يديروهش في شربة
الكمون يكون في شطيطحات برك

وعليكم السلام
صح اختي الما بزاف يفسد اي شربة ويخليها تصماط
شكرا لاعطاءنا فكرتك لتثقيل الشربة
 
السلام عليكم
راني رجعتلكم واخطائي التي لا تعد ولا تحصى
كلما نتفكر راح نقولكم
كنت كي نقلي البطاطا نحطلها الملح وهي مقصوصة قبل ما نقليها وهذ راح يخليها تخرج ماها وكي نقليها تترتق وتعمل كوارث
وانا خايفا وهاربا عليها
لكن ذرك حتى نرمي البطاطا في المقلاة باه نملحها

صح اختي سماح الملح يخليها تطير هههه وتوسخ الكويزينيار
شغل حنا نقليو تقول يجريو ورانا
وهو الحل او ساهل تاخري الملح وهي فرات ههه
 
السلام عليكم
بارك الله فيكي اختي على الموضوع
بون واحد الخطأ وعلي لما كنت نحظر المورانع
طلعت بياض البيض
وبعدها أضفت السكر مرة وحدة
اععع هبط البياض وأصبح مثل الصوص رغم اني عيت نطلع فيه وماحبش
وكانت الفكرة اني وضعت كمية مضاعفة من ال مايزينة دقيق النشا ء رجع تماسك وتخسر الخليط لكني اضطريت اني نطهوه على حرارة الفرن جد عالية
والنتيجة كانت روووعة رجع مثل المورانغ اللي يتباع يعني متماسك

وعليكم السلام
والله فكرة هايلة يعطيك الصحة
 
يالبنات جربت كيكة ل ام وليد تاع الماء
جاتني مفتتة شويا مقدرتش نهبطها من المول واش من خطأ درتو ؟

هاهي الوصفة
12645129_1750875758476101_5687835250067993669_n.jpg
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top