تعقيب مشكلتي ليس لها حل

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
والله ما كنت نسني كل هاذا الكلام القاسي منكم وندمت اشد الندم لاني حطيت مشكلتي هنا فكلامكم هذا زاد من قسوتي احسست انني قتلت الاف الرقاب بصح شح فيا انا لي شتكيت لكم حاشا البعض لوكان غير خليتهاا في قلبي تحرق خير م نحكيهالكم خاطش راكو ظلمتوني بزاااف وانتو ماكوش داريين بصح خلوني نفهكم واحد النقطة برك هاذ الاخ المختل لي حكيتلكم عليه بكري كان لباس عليه هاذ المرض جاه من دعاوي االشر لي لمهم كان واحد خارج طريقوظالم واحد الخطرة ضرب طفل في رااسو ضربة نتع لغدر ووالدة الطفل هاذ دعات عليه ومازالها لحد اليوم تدعي عليه وهاذي دعوة مظلوم لالا وعاودهاا مع شخص اخر ضربو ودخلو في غيبوبة بسبب مناوشة كلامية وغدرو بضربة في راسه اوشك علي الموت


ثاني شي كان عاق لوالديه كان يسب يماه اذا ما عطتلوش درا هم وكان يعاير باباه


وانا واخوتي البناات كي كنا صغاار كي يلقاناا نلعبو برا كان يشدنا من شعورنا قدام كل الناس وانا واحد لخطرة كنت نمشي في الطريق طحت وتجرحت وكان هو تما مع مجموعة مع الرجال شافني طحت وما جاش مامبا يعاونني قعد يتفرج فيا اي رجولة هذه حتي قالولو رجال روح رفد ختك باش جاه النيف وجا رفدني وكان ديماا يطيحلي تخيلو كلام فاحش في الدار ولمن لاخوته البنات وايحاءات فاحشة ماجيش في بالكم ابدا واالمصيبة لكبيرة ولي راح تخليكم تندمو علي كلامكم القاسي ليا هو ان هاذ الاخ الشريف دار عليا حكاية بلي كنت علي علاقة محرمة مع ابن جيراني هاذ الحكاية صرات كي كان عمري سبع سنوات وهو كان بعقلو طبعا شافني خرجت من المدرسة وكنت نحكي مع طفل قدي زميلي في المدرسة وفي نفس لوقت جارنا ودار علياا حكاية بلي كنت علي علاقة معاه تخيلو علاقة جنسية بين طفلين عمرهم سبع السنوات ولمصيبة انو العاائلة صدقو ماعدا اخي لي راهو في الغربة قال لهم مستحييل اختي دير هكا نعرفها ونعرف تربيتها ودافع عليا في الوقت لي تعرضت فيه للظلم هو الوحيد لي وقف معايا خرج راجل لما كان الكل ضدي هااذ الشي لي خلااني نحب اخي هذا يا سي حكيم لي قلت عليه لوكان جا راجل راه قابل خوه لمريض مي هااذ الهدرة ندير روحي ما سمعتهاش خاتش انا لي عايشة معاهم ونعرف شكون الراجل وشكون الرخيس فيهم اوكي


تشوهت سمعتي بسببه قدام الناس وقدام العائلة لحكاية قديمة الجميع نسااها بصح انا بقات محفورة في عقلي وستبقي كذلك الي الابد هاذ الشي كااامل كي كان بعقلو وشفتو واش دار فيا انا كنت نكرهو من بكري ماشي حتي مرض وهاذ الكره انا اعتبره انتقاما لما فعله بي علي كل حال اشكركم علي هذا الكم الهاائل من الكلاام القاسي الذي تلقيته من الاعضاء ليس الكل انما الاغلبية خاصة الاخت التي وصفتي ب الماتيرياليست انا مطلبتش ملااير ولا فيلات وسفر باش تقولي هكا يا اخت انا نحوس علي راحة البال لتي لم اذق طعمها منذ صغري والااخت لتي قالت انت ماتستحيش فعلا اناا مانستحيش لاني بهدلت روحي واحكيت اسراري هنا


اما الاعضاء لي قدرو الحالة لي انا فيها وما قساوش عليا فشكرا لكم وجزاكم الله خيرا


هذه التجربة علمتني ان لا اشكو همي الا لله لانه وحده العاالم بحالي واي حياة انا اعيشها واي ظروف مررت بها
وقلتها ورايحة نعاودها ما يحس بالجمرة غير لي كواتو




ارجو من الادارة عدم حذف موضوعي هذا لانه مهم جدا بالنسبة لي


والسلام عليكم ورحمة الله وبركاته
 
السلام عليكم ورحمة الله وبركاته

أختي الكريمة لازم تفهمي حاجة حنا هذا الركن درناه بش نعاونوا الناس الي مشاكلها كبيرة و كل كلام قاسي يحذف أو إذا تعدى الأمر الحدود يغلق الموضوع ..
إذا تلاحظي أي موضوع يوضع أحاول مراقبة الردود وحذف كل ماهو كلام قاسي لأننا نحب النصيحة والرفق بالشخص الي دار فينا ثقة وحكالنا همو

ولكن الشيء الي خلاني مانحذفش الردود القاسية عليك هو موضوعك الي كان كلو سب وشتم لأخوك المريض و لاحظي أني حذفتلك وصف وصفتي بيه خوك كارثة

حنا منعرفوش خلفيات الأمور ولا أحد منا كان يعرف وش قلتيه دوك علابيها قبل ما تكتبي موضوع وتستناي الأعضاء يتعاملوا معاك بلطف لازم تعرفي تحكي كلش وكل الخفايا مشي تجي تسبي وتشتمي شخص مريضوحنا نتكهنوا وعلاش

أنا من جهتي أعتذر إن أخطئت معك ولكن يبقى أخوك أخوك و يبقى مريض حاليا و لازم تحسني عونو من قبل كي كان بعقلو كنا نقولولك تصبري و كنا نكونو معاك أكيد لكن حاليا أخوك يبقى مريض وأهلك مايحبوش يتخلاو عليه لأنو يبقى إبن عزيز

ومهما كان أخوك و تعاملاته يبقى إنسان مش من حقك توصفيه هكاك ولا تسبيه
ماعليش أدعيلو ربي يشفيه و يرجع أفضل من كيما كان .. يبقى إنسان و ربي يحكم عليه مش حنا

الحل الوحيد هو انك تصبري يا أختي ومتحشميش بخوك ولا بأي شيء و زواجك مش هو سببه أكيد
و ربي يريح بالك ويهنيك

في رعاية الله
 
ربي معاك حنونة
ياأختي اللمة راهي ليك حكي همك وريحي روحك
صح مقريتش حكايتك اللولى
مي تأثرت كحكيتي على الظروف نتاعك
ربي يعاونك
 
choufi ya l okht golt materialiste prc dayra denia zwedj w situation mliha w les blabla, machi materialiste= les millyard, w bentili tchoufi bzef l hadret ness, hada kamel materialisme pr moi tbani ma3andekch inssaniaa w hadi hadja chwia bzef grave
ana l ab ta3i violani presque w nekerho w jamais nessmehlou w mana9derch nchoufou mais ki ykoun 3id w lazem nchoufou, n3amlou kan inssan mm si nehta9ro w nekerho w mane3tabroch ab m1is yeb9a inssan mahma kan jamais la ntyeh le9der wala ngoul 3lih hayawan (ki nkoun bi kol 9oway l 3a9lia)
doonc efehmi a melle la kan 3abd (mayhemech wech der) tkhami bach togetlih win r1het l inssania ta3ek?? hayawan w yghidna f trig nrmlment, alr la 3aaabd tkhabet fi lerch mamak, bel 3akss kan mouch ness mleh w khardjet fih de3wet ness au debut men h19ek tgouli chah fih mais mba3da kouni inssaaana a 3abd rabi 9al9etni la façon ta3ek tkhar men le probleme fi had dhatou
w zedti bditiha b mochkil kbiiiir !! nchikh 3lik rohi a9ray les problemes ta3 ness tchoufi wech kayen f denia, w khayri tessobri ydjik khatab tezewdji direct kima rahom les algeriennes kamel li 3andhom probleme wala tu t assume takhedmi 3la rohek w trohi 3la darkom, mateb9ayech tahedri 3la khouk hakda w tetem3i des etrangers ykounou d accord m3ek!!
w le plu important 3aaabri 3abrk chwia 3el inssania ta3ek sinn mat3ichich bien bla biha :)
 
السلام عليكم و رحمه الله تعالى وبركاته

أختي الفاضلة انصحك نصيحة واحدة
اذهبي الى إمام مشهور بدرايته وعلمه وخذيه الى البيت يتحدث الى الجميع ويحل الموضوع.

تنويه فقط ......
إذا كانت هناك خطبة ستحصل لإحداكن اعملوها في بيت من بيوت العائلة وليس عندكم.

لا تضيعي وقتك في عد المشاكل ....استغلي وقتك في البحث عن حلول.

دعواتنا بالتوفيق والنجاح إن شاء الله
تقبلي مني فائق الاحترام والتقدير
حلم كبير(y)
 
اخوك مريض وليس بعقله وبالتالي لايجب ان تحكمي على تصرفاته ثم ان اي تصرف يقوم به لايحسب عليه كونه للعقل فاقدا ...
اراك تكتبي بشكل جيد واسلوبك جيد ونطقك للعربيه جيد فمالذي يجعلك تحوري كل همومك وما اصابك من غم لجنون اخيك ..
حتى وان كان اخيك ايام كان بعقله سيئا فتلك ايام خلت واليوم هو ليس بعقله فلا تعاتبيه على امور اتخذها حينما كان صاحيا وبكامل قواه لانه اصبح لها فاقدا ..
نحن نعاتبك على التبرم مما اصاب اخوك وكأن مرضه عيبا تحمليه في جوانبك وترمي كل مصائبك عليه رغم انه لايؤخذ منه ولايرد عليه ..
لابد ان تعيشي حياتك كما لو كان اخيك عاقلا ولا تخجلي مما اصابه فتلك مصيبه معرض لها الجميع وان تبحثي عن مخارج السعاده فلستِ وحدك ممن لديها هموم وغموم ..
اتمنى لك كل خير ...
 
السلام عليكم أختي
شوفي حنا مهما قسينا عليك هذا لانو باغيين نعاونوك والله غي ساهلة نكذب عليك ونقولك واه راني معاك مي لا كلامك عليه قاسي وبزاف وديجا نتي ماهدرتناش على سبب مرضه
راكي قلتيها بفمك دعاوي الشر داروها به صاي لي فيه يكفيه والله يعلم بقصتكم ماشي تكذيب ليك مي لانو راني نشوف في القصة من جهة وحدة
شوفي أخيتي لو كان أخي ودار نفس لي دارو عادي ننساهالها مجرد انو ابتلاه الله بهكا مرض
وزواج راه نصيب وبيد الله هدرت الناس ماتدي ما ترد شحال من وحدة نعرفوها تزوجت بخيرة الرجال و كانت دايرة لي ماتندارش مي نهار بغالها ربي تتزوج تزوجت لحكمة منه
نعرف راهي مرت راجل وماجاياش نقولك وين وصل بيها الحال مع هذا والله زوجها الف وحدة تتمناها طيب وفي القمة اللهم لا حسد
العبرة من هدرتي عليها مهما كان السبب كاين رب عادل مقسم للأرزاق
لوقت لي تعاتبي فيه خوك روحي تضرعي فيه للمولى واستغفريه وان شاء الله يقر عينك وعين أخواتك بالأزواج الصالحين يعوضوكم ع كل شي
والديك يا اختي اياك تكسري كلمتهم وتروحي بلا اذن منهم راكي امرأة ورانا مسلمين وعقوق والوالدين حرام مهما كانوا
دعواتي ليك
 
السلام عليكم
ربي يعدل الاحوال ان شاء الله
على كل حال يا ختي واش نقولك، كيما قالت الأخت حكاية القمر حنا كي نقسيو عليك ماش هواية نحبو نمارسوها ونقسيو على الاشخاص
حنا مادابينا مانكسروش راسنا نجي نقولك "وكلي ربي في خوك" وانا خلصت الرد زوج كلمات وانا براحتي علاه عليا ندير رد فيه 80 سطر
كن ماجيتيش تهميني وحابة ننصحك ماندخلش خلاص، المهم لا علينا أولا كي تقوليلنا خويا كان انسان سيء نتي ماذكرتيلناش في القصة السابقة
بلي انسان سيء نتي جيت قلتيلنا خويا مهبول ومبخص بيا وبسبتو ماتزوجتش بيا وبخواتاتي ووووو وحتى ولو انسان سيء دركا راهو مرفوع عليه القلم
ماعندكش حق تسبيه، كاين بزاف اخوات عاناو بالمثل وماعياو خاوتهم يضربوهم بالبشماق للوجه وللآن راهم يحتارموهم طيب ماقلناش احتارميه
بصح على الاقل ادعي ربي يهديه ادعيلو ربي يغفرلو ذنبو ماش تسبيه علابالك بالطريقة هادي كي سبيتيه ونعتيه باسوء الصفات راكي وليتي كيفو ولا كتر
واش الفرق بيناتكم؟؟ يعني اذا ربي سبحانو لي من حقو يحاسب ويغفر لعبادو ويسامحهم، اذا فرعون لي تكبر على ربي سبحانو وقال أنا ربكم الاعلى
وهكاك ربي قال {اذْهَبَا إِلَى فِرْعَوْنَ إِنَّهُ طَغَى (43) فَقُولَا لَهُ قَوْلاً لَيِّناً لَعَلَّهُ يَتَذَكَّرُ أَوْ يَخْشَى} يعني قالهم اتكلمو معاه بالحسنى تجي نتي تحاسبي خوك؟
والمشكلة يا ختي نتي ماجيتيش حكيتيلنا وقلتي عندي خويا ظلمني ودارلي وتفرغي قلبك رانا نسمعولك بصح تقولي حيوان ونحطلو السم وكلشي وكلشي
هادا عيب ختي لعزيزة حتى ولو الانسان هادا عدوي، المهم نتي من الاول ختي العزيزة ماجيتيش تحوسي على حل جيتي تسبي خوك وتنعتيه باسوءا لصفات
عندك حقد اتجاهو جيتي تفرغيه هنا يعني ماكانش مشكلة، خاطر سبيتي خوك ونعتيه باسوء الصفات وكي ماجيناش معاك وقلنالك العكس زدتي جبدتي
شي خلاف عليه أسوء، المهم لا علينا حنا تدخلنا باه نعاونوك واذا ماعجبتكش هدرتي مالا نسحبها ونقولك ربي يسهل ان شاء الله وربي يعدل الاحوال
تحياتي

 
ضركي يعني علاه التعقيب مشكلتك وبنفسك ما عندهاش حل لكن كاين حلول
اذا تقدرو تتصلو بكاش مستشفى للامراض العقلية باش تحطو فيه خوك ويعالجوه لثم
اظافة الى ذالك اذا مكانش وكيما قلتي خوك مازالو يتعدى تقدرو تبلغو الشرطة وهي تتكفل بيه
باسكو خوكم ما عندوش حل آخر الا انو ديرو الشيء الحرام وهو القتل وهذي ما نضنش
راكم فكرتو فيها او ما قدرتوش تنفذوها واش نقلك غير ربي يفتح عليكم هذا الهم
ويشافي خوكم لانو اللي يصيبو الجنون بعد ماكان صحيح عندو نسبة نتاع شفاء
انا نشفى وحد النهار واحد من لافامي يعني هو يتيم وبسبب زوجة الاب نتاعو وواش دارت فيه
كي شغل تخف وراح حاشاكم خرج في يوم ما عريان للشارع بسبب الصدمات نتاع هاذ المراة
ايا ومن بعد جماعة من لافامي نتاعنا داوه لبليدة وين تعالج وريح وحاليا راهو خاطب ومقبل على الزواج
وكي نتلاقى بيه والله ثلاثا غير ما نفوتش عليه حتى يشدني يا نفطر معاه يا قهوة معاه
والحمد لله يعني ما تفقدوش الياس وربي يفتح عليكم..
 
يا الاخت قريت مشكلتك صراحة حيرتيني والله لوكان تشوفي ظروف الغير تتشوكاي
احمدي ربي وكثري الاستغفار راكي ندبتيلها طول
بالنسبة لخوك لي حكا على شرفك وانتي بعمر 7 سنين انتي والطفل لي يقرا معاك اسمحيلي نظن مبالغة لانو ياسيدي لو كان صح علاه العباد لهذي الدرجة بهاليل اسمحيلي .....
بالنسبة لمشكلة الزواج غاليتي شوفي الزواج قسمة ونصيب وخوك ما عندو حتى دخل
وكيما يقولو لي يبغيني يبغيني بخنونتي
هنا راكي قاعدة غير تكفري
المهم حابة نقولك حاجة انا عندي اختي مطلقة عمرها 50 سنة واخت ثانية عزباء عمرها 48 سنة وانا مطلقة عمري 35 سنة وماعندنا لا اخ مهبول ولا غيرو
والحمد لله قانعين بلي كل شي مكتوب ربي واكيد مادام ربي مازال مش مكتبلنا الزواج راه لحكمة لا يعلمها الا هو سبحانه وتعالى
بالنسبة لسفرك وعيشك وحدك مع الصديقة هذي رح تكون اكبر غلطة رايحة تطيشي روحك للمجهول وهنا ممكن تلقاي نفسك تخدمي بروحك والعياذ بالله لان بلاد الناس مش كيما بلادك ماعلابالكش وش هي الظروف لي رح تلقايها
ونزيدك حاجة راكي تقولي بلي ربي ظلمك وربي سبحانو وانا نقولك بعد بسم الله " ولا يظلم ربك احدا" صدق الله العظيم
اتق الله في نفسك .صلي صلاتك في وقتها وكثري الاستغفار واحمدي ربي وشوفي لامك مسكينة حطي نفسك مرة مكانها
الله يهديك ويهدي بالك ويسترك ويشفي اخوك
نشوف الحل انك تتصلي بخوك الهارب الى دولة اخرى قوليلو يجي ويكون راجل صح ويوقف مع والديه لانهم اكيد كبار ومش قد الجريات تاع المستشفيات يروح يجري على خوك الثاني

حطي في بالك حتى لو ماكانش هذا الاخ المجنون ازمة الزواج كاينة في بلادنا لكثرة العهر في بلادنا الله يسترنا ويعافينا كثرو اولاد وبنات الحرام وتخلط الحابل بالنابل
وزادولها التقشف
يعني خوك راكي دايرتيه غير سبة مع احتراماتي
وبالنسبة للخطيب الاول لاختك هذا جاهل بيه باهلو وقولها تحمد ربي انو راح وماولاش تخيلي لوكان تزوجاتو ومبعد في ابسط موقف يطلقها ربي حبها لان مرارة الطلاق اكبر مما تتخيلين
امالا يا ختي العزيزة احمدي ربي وعاودي خمي مع روحك واكتبي النعم لي مدهالك ربي من العقل للصحة للوالدين للدار لي لاماتك لنعمة الاسلام.................................... بزااااااااااااااااااااف نعم لكن للاسف مجرد ابتلاء واحد فقط خلاك تكفري بربي طول
الله يسهللك ويرزقك بولد الحلال وكل شي في اوانو برك كثري الدعاء واستغفري بزاف لان الاستغفار ليه راحة فوق ما تتخيلي
 
آخر تعديل بواسطة المشرف:
السلام عليكم
ربما راني متأخرة نوعا ما لكن نتمنى أنك تشوفي ردي هذا
لأنني عندما قرأت موضوعك و أنت كتبتي مشكلتي ليس لها حل و أنا أرى أن لها حل و لم أستطع رد في الموضوع لأنه كان مغلق
فأرجو أن تتقبلي نصيحتي لك أخية وأعذيني ان قسوت
المشكلة ا أختي أنك تحسبين أن الناس لما يسيؤون معاملتنا و يصبح لنا كره اتجاهم فهذا مبرَر و هو في الحقيقة غير ذلك الكره والحقد ليس له أي مبرر و ان كان الشخص هذا لا يمد لك بصلة وقد فنن في ايذائك فما بالك بأخيك
مشكلتك هي حقدك على أخيك ياأختي و صدقيني لن تعيشي بسلام و لا أمان ولن تهنئي مادام هذا الحقد في قلبك لذلك عليك أن تؤنبي نفسك وتجبريها على العفو و الصفح على أخيك فهذا هو الأصح
الحقد كدر للقلب و طاقة سلبية تؤذيك أنت لاغيرك
وزد على ذلك فانك قلتي أن أخاك من الصغر تصفاته غير طبيعية فما أدراك أنه لم يكن عنده خلل عقلي منذ الصغر ولم تظهر الأأعراض الواضحة الا عندما كبر
وزد على ذلك حتى و ان كان فعل ما فعل عن قصد فالأجدر بك أنت كأخت يا عزيزتي أن تعملين على أن تكفري عن ذنوبه بعد لم يصبح قادرا على أن يفعل ذلك الأجدر بك أن تشفقي عليه لانه مذنب و ليس له الآن القدرة على محو ذنوبه أختي لكي تتخلصي من هذا الحقد داوم الذعاء لأخيك أن يغفر الله خطاياه ولعله يشفيه فالله على كل شيء قدير
صدقيني عندما تعفين على أخاك سترين أبواب الخير تفتح باب تلو آخر
و أمر سفرك انسيه لأنه ضرب من الجنون كيف لا وهو محرم فستفعلين بدون محرم و أيضا هل يعني بتغيك المكان ستفرج الله لو اراد أن يكتب لك شيء يكتبه لكي أين ماتكوني
أختي وان لم تتزوجي فهذا ليس له أسباب سوى أن الله أى في ذلك خير ولا علاقة له بأخيك فأنا أعرف بنتين لهما أخان مجنونان بدل الأخ و تزوجتا
كما نعرف الكثيرلهم اخوة لباس بيهم وهوما ما شاء الله دين وخلق و جمال و ما تزوجوش
السعادة ليست مرتبطة بالزواج السعادة تصنعيها أنت بنفسك
قوي صلتك بالله و اجتهدي في عملك و اجعليه مصب قلقك و نظفي قلبك
كان الله في عونك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top