مشكلتي حاب يورث بابا حسبي الله

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
مساء الخير خوتي وخياتي حبيت نحكيلكم على مشكلة في عايلتنا وتحيرنا كامل مافهمنا والو
حنا 6 بنات وعندنا زوج اخوة ذكور، البنات 2 متزوجات والبقية يا عازبات ولا مطلقات المهم عندنا خويا الكبير مؤخرا عاد يحكي غير عالورث وبما انا بابا عندو اراضي في البلاد جا ليه خويا الكبير قالو اقسم الاراضي قبل ما تموت عليه هو وخويا الثاني
يسما حنا البنات سيبريمانا كامل من لاليست
لاعلينا ما قلنا والو ربي يحفظلنا والدينا بصح حبيت نعرف اذا صح البنات ما عندهمش حق في الارث ؟ بعد عمر طويل لا قدر الله وتوفاو والدينا كيفاه تصرالنا ؟
خويا جربت نحكي معاه بالحسنى قلتلو حبس ما تحكي على موضوع الورث لباباك راه غايضو الحال وكي شغل حبيت تورثو
قالي ما عندو ما دخلك انتوما البنات اصلا ما عندكمش حق وقاعد يحكي على قانون الحبس هنا مافهمت والو لاني خاطيني القوانين وماعنديش معرفة في الامور هذي بصح حبيت برك تفهموني لي عندو دراية بموضوع الحبس هذا وهل صحيح البنت ما عندها حق في والو
مع ان الشرع تاعنا قرينا بكري على الارث قوله تعالى "فللذكر مثل حظ الانثيين"
ربي يخليكم برك فهموني وش حكاية قانون الحبس
اسفة عالاطالة
ونتمنى من كل واحد قرا موضوعي يدعي لخويا بالهداية وربي يحفظلنا والدينا
 
السلام عليكم ورحمة الله وبركاته
تم إعتماد الموضوع
أختي الكريمة والله ماعندي دراية بهذا الموضوع نهائيا تع الحبس ولا ماعرف واش من المفروض كامل عندكم الحق لكن بإذن الله نبحثلك فيه
بصح مافهمتش أصلا وعلاش والديكم على قيد الحياة و خوكم يفكر فالإرث .. كل شيء يمشي كما قاله الشرع من المفروض والقسمة كيما يقول الشرع من المفروض

على كل حال ربي يهدي خوك و يخليلكم والديكم يا رب و يفك أحوالكم

وإن شاء الله يفيدوك الإخوة أكثر
 
السلام عليكم

أول شيء نقلك ربي يهدي أخوك لطريق الصواب.

بخصوص الورث: فيه تفرعات كثيرة, فيرث ابوك, البنات, الأولاد, الزوجات, أعمامك وعماتك.

بخصوص سؤالك حول الآية الكريمة: ((فَلِلذَّكَرِ مِثْلُ حَظِّ الأُنثَيَيْنِ)) [النساء:176]
مثال لشرح ماذكر فيها:
اذا التركه المخصصة للأولاد تقدر بـ 1000 دج
الإخوة عددهم: 2 (كل ذكر له مايعادل 2 من البنات اي نعتبرهم 4)
البنات عددهم: 6
مجموع الابناء: 4 + 6 = 10

1000 دج ÷ 10 = 100 دج
اي كل أنثى لها 100 دج (6 × 100= 600 دج)
وكل ذكر له ضعف ذلك المبلغ اي 200 دج (2 × 200 = 400 دج)


-----

كذلك لا تنسي ان هناك قانون جزائري في دولتنا يقوم بتقسيم التركة او الورث (كاين كيما يقولو فريضة تنعمل).

والغاية اللي يسعى فيها اخوك واضحة هو اجبار ابوك على كتابة الورث باسمه حتى اذا لا سمح الله وتوفى والدك تسقط عن الدولة التدخل في احتساب الورث لكل من يستحقه لان الوالد قد ترك وصيته التي اوصى بها ان تحول التركه لأخوك.
 
آخر تعديل:
لكم حق الارث في الشرع والقانون والاعراف القبليه ...
ولا ثمة مانع من ان تأرثوا والديكم ... في حالة وفاتهما لاسمح الله ...
وباين من كلام اخيك انه طامع بكم وبحقكم في الارث نسأل الله ان يهديه ...
 
مادام باباك عايش جوابي ربي يطول في عمرو وماشي وقتها دورك
 
الله يطول في عمرابوك يا اختي
نورمالمو كامل عندكم الحق تورثوا شاوا خوك باغي من ابيك يقسم الورث بينو وبين خوه باه بعد عمر طويل ابيك كيموت نتوما ماتورثوش بحكم الوصية هاذيك
لكن لي نعرفو انو حرام الاب يدير حاجة كما هاذي لازم كل واح يدي حقه لي عطاهله الشرع
االله يطول في عمر اهل
 
اصلا كلمة الميراث
في الشرع تجي بعد موت صاحب التركة
ما يقدرش الطفل يورث باباه
تخيلي خوك يكتب باسمو كاش ارض ومن بعد خوك يموت قبل باباك
يعني الزوجة نتاع خوك وولادها رايحين يديو كامل الرزق هذاك مع انو الوالد موجود
لذا نورمالمون باباك يحمر عينيه شويا
في وجه خوك وربي يهديه وانت يااختي
ما تخافي ماوالو كل شيء في اليد نتاع الوالد اما بعد الممات ربي يطول في عمنا
كل واحد يدي الحق نتاعو اذا عطالكم بالحسنى اما اذا ما عطالكمش انتوما وواش تحبو
تحبو تديوه بالقوة تحبو تسمحو فيه وربي يسهل ان شااء الله
واقراي هذا البحث واقراي بالظبط الخطأ الثاني في الميراث :
التنبيه على أخطاء شائعة في مسائل الميراث وقسمة التركات - منتديات التصفية و التربية السلفية
 
وعليكم السلام ورحمة الله وبركاته
كاين الشرع والقانون يفصلو في القضية اختي
سورة النساء توضح كلشي ارجعي ليها وافهمي التفسير تاعها
ربي يهدي خوك راه طماع ويحوس يضرب ضربتو في حياة باباك
قبل ماتتغمض عينو
يحسب كي يديلكم حققكم راه دار انجاز
ربي يفرج عليكم اختي ان شاءالله
 
سلام الله عليكم اختنا الكريمة وبعد:لقد فصل الله في هذا الامراي المواريث في سورة النساء وقد سمت هذه السورة بسورة الفرائض اي مفورضة على المسلم ان يطبق ما فيها حرفيا وان كره ذلك واذا امتنع فقد تعدى حدود الله هذا اولا
ثانيا مايطلبه اخوك من الوالد ليس ميراثا وانما هيبة يهبها له قبل موته فإن توفى الوالد بعد عمر طويل سقطت الهبة ولا يبقى له منها الا الثلث هذا في شرعنا اي ما تعمل به محاكما بالجزائر
فهناك خلط عند اخي وهو يعتقد انه سيرث اباه وهو حي وهذا الذي لا يستقيم ابدا لان الحي يملك مادام حيا فإن مات اصبح ماله تركة لورثته كذورا واناثا وحتى الزوجة اي الام لها الثمن ولا يتم قسم تلك التركة الا بفريضة يحررها الموثق وهي مقتبسة من شرع الله عزوجل فلا ارى احدا يدخل سجنا في هذا الامر الا من زوراو كتم شهادة فديننا وشرعنا فصل في هذا الامر فللذكر مثل حظ الانثيين وما يسعى اليه اخاك ما هو الا تعدي لحدود الله يريد ان يستضعف الوالد حتى يمكنه مما ليس بحقه متناسيا حساب الوالد عند ربه والايام دول فممكن سأتي يوم ويفعل معه اولاده مثل ما فعل هو مع والده ومعكم
استسمحكي على الاطالة سلام
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top