السلام عليكم و رحمه الله تعالى وبركاته
الحب .... الرومانسية .... الرسائل الغرامية تحت الوسادة..... انتظار الزوج من الشباك ليعود من العمل.... هو يعاملها بكل لطف وحنان عندما يصل .....
تطبخ له ما يحبه..... يحضر لها الفاكهة التي تحبها .....
هذا اكل كان كاين بكري خويا في كل زوجين جزائريين بل وأكثر ،لا نقاش فيه .
بصح غطاها غبار كبير هاذي المشاعر
،غطاها غبار الهم والخدمة .
غطاها غبار بنهم المريض اللي ما لقاوش باه يداويوه.
غطاها وغطاها وغطاها ......
منين تجيهم الرومانسية ،هذا إذا خزرت فيه ولا خزر فيها يقولو لبعضاهم :واااااش ،كل واحد عندبالو الاخر رايح يطلب منو طلب ،من كثرة الجري، عيا كل واحد.
روح اعطيلهم حياة كريمة ،ميش دراهم بزاف ولا اطيان لالا .... دار تجملهم، أولادهم صحاح هو خدام خدمة مليحة ،ومعيشتهم متوسطة وشوف المرأة الجزائرية والراجل الجزائري كيفاه كانو رايحين يوليو عصافير حب تغرد.
عصافير حب تغرد ارواح تشوف اليوم كيفاه يغردو ، الدنيا اكل عندهم والكوزينة مريكانية ،والصالو مغربي ،والقاراج اندونيسي ، والسيارة ألمانية .
هذا اكل يجرح صبعو يبدا يتمتم: يقولو الخير مرا ويقولو الشر مرا، ملي شفتك وجبتك وانا ماني في ربح .
القندورة نتاع خمس ملاين ،كارافاش ولا واش يقولولو نتاع مياة مليون ،لا ما كذبتش خاطيني هاذ الصوالح، ....
هاذا اكل وتشوف جارتها شرات حاجة تبدأ ميش كيما اللي عندي ،الدراهم دايرهم تحتو ما عرف واش يدير بيهم.....
هاهي رومانسيه اليوم ،يستناو في بعضاهم على الغلطة ،الله يسترنا يارب.
وميش قضية مرا خشنة ولا لينة الرومانسية حاجة وحدها غير الشخصية .
الحب لغة لا يفهمها الا من عرف الحب قبل حبيبته،اي احب أمه واخته وابوه واخوته ،احب الناس بأشكالهم والوانهم.
هذا عرف الحب ويمكن له أن يقدمه
اخي موضوعك معقد تعقيد العقليات الجزائرية في الحب.
تقبل مروري مع فائق الاحترام والتقدير
حلم كبير
