انا شخصيا منتزوج خلاص

وائل ابن الجزائر

:: عضو بارز ::
إنضم
21 أفريل 2008
المشاركات
5,356
النقاط
901
محل الإقامة
وادي سوف




عسآآآكم بخيــــــــر روآد اللمة بآرتو ودائمآ مع موآضيع .......




الموضوع سبق وطرحته في اللمةَ . عآودتو دوك مع تعديل واضافة للتطور الحالي في لبلاد.. الا راني غالط تفضلو علقو



عنوان الموضوع يخلع على الصباح .. بصح هاذي هي الحقيقة ، العرس وانا منتلاقوش خطآن متوآزيآن .
والسبب اني في فراغ الشغل رحت نقارن بين العرس تاع بكري والعرس تاع اليوم ولا المستقبل ..
لقيت فروقات بزاااف ، واهمها كانت :
لباس العروسين :
بكري كان البرنوس والحايك يضرب ، بصح دوكا تبدلوا بالكوستيم و لاروب بلونش ، في زوج غالين مانقدرش عليهم .
كون رانا في ذاك الوقت غير ماما تخيط لي برنوس ونهني الغاشي


اهل العريس ولعروسة :
قبل العرس تلقاهم منتشرين في السوق وحدة تكري ° كراء° لاروب ومنا ولهيه ..والام اسكت برك ولخواتات تانيك خلي البير بغطاه واخوة العريس هههه كوستيم وكراء سيارات وبلا ما ينساو الفلامبو ومشتاقته الالعاب النارية اقصد .. لو كان يشعلوهم تقول الحرب العالمية الثالثة يا بن عمي ...

القصبة والشعبي ~~> الديجي مع الديرونجمو
زدت قارنت كيف كانت الفرحة تاع الزوجين .. بكري كانو يضربو فالطارة والقصبة زيد الشعبي ولا الحوزي
هاذو طيشناهم خاطش قدااام ، تبدلو فالـ dj يحط ليك فكلمات مشفرة ، وباه تكمل الفرحة يديروه فالليل

مام اذا عرضك العريس تجي وتبقى تفرج بعينيك حمر من النعاس .​
وبلا ما ننسى اغاني تاع دوك سيرتو 2015 واروآح غناء واي واي كلام مخل بالحياء وتلقى العريس يرقص مع ليزامي عليه وزيد تانيك العروسة وصحاباتها نهار الحنة ربي يهدي ما خلق لا علينآ

الوليمة .. من الكسكس الى الباتيسري ووادي سوف حكاية تاني
ونزيد نقارن ... بالكسكس كنا نقوموا بعرس الله الله بصح حتى الوالدة تحس ببصمتها فعرسك
في وقتنا الباتيسري وطلع .. تحت هاذا مابقاش عرس ..

وآد سوف ..في الوليمة تاع الراجل والمرا مكاش فرق في زوج خسارة الملايين لانو يديرو وليمة للرجال وحدهم و النساء تاني وحدهم سافي دير العرس يستقام بالزاااف درآهم باسكو مين تدير وليمة في لبلاد ياو الغاشي قاع يطيح عندك ... مؤسف
المهر ... بين لبارح واليوم ليلة يا محلاها
المهر من قبل 20 سنة .. خاتم زيد كبش وشية صوارد
بصح دوكا لاليست طويلة وزيد اقل شيئ 10 ملاين هادو بالنسبة للزوآلي وكاينة جارتي عطاولها مهر 50 مليووون يا محيانك واش هادي ملكة جمال الهند ولا شكون وبالزاااف حكايات ..، وعلاه برك غلاء المهر تقول حاب تتزوج بنات الدنيا يا محاينك

منا على 15 سنة يعود فيها الماس باه تتزوج ..​

--------
هاذي اهم الاسباب اللي خلاتني نقوم بهذا الاعلان
ايا تربحو ..~
سلام
ملاحظة : كتبت الموضوع باللهجة الجزائرية
لأني تكلمت عن تقاليد جزائرية 100% في الأعراس
والا عندكم تاني اضافة حطو برك لانو يتسما كل ولاية وتقاليدها


 
آخر تعديل بواسطة المشرف:

Skor m@k

:: عضو شرفي::
إنضم
12 جويلية 2010
المشاركات
5,466
النقاط
2,901
السلام عليكم
آه يا خويا وائل كاين فرق بين الزواج تاع بكري وتاع ضرك
ضرك تقريبا مانقولوش كامل مي ولا زواج تاع مادة عليها مور العرس تلقاهم فالمحاكم يدورو
خاطرش ماشي متفاهمين وماتزوجوش على قناعة
وتانيت ناس ولاة لازم تبذر باش تزوخ شوفونا حنا مرفهين
مي واش دير راني شاك تحصل فينا حنا لي مزال ماتزوجناش ههههه
50 مليون نروح نجيب بيها QQ ندور ونحوس بيها مانكرهش هههه
شكرا خويا وائل
 

،كارينا،

:: عضو فعّال ::
إنضم
20 جويلية 2016
المشاركات
2,451
النقاط
191
العمر
22
محل الإقامة
دارنا
الجنس
أنثى
ههههه ياخيي وائل عندك الحق
بكري كنت كي تروح لعرس (مانشفاش روحي حضرت لعرس من تاع بكري مي نبلعطوا شوية واش نسرقو الهدرة لي نسمع فيها من غاشي بكري) ايه
كي تروح لعرس تاع بكري تلقى كلشي هادي كل واحد حاكم بلاصتو والكل فرحانين حتى بهديك لحاجات لقليلة
ضرك تلقاه كاتبلها مطار دولي على اسمها وهي نهار عرسها وتشنف عالغاشي هادي لعروسة والعريس هداك تلقاه داير حفلة كما تاع لمريكان هو وصحابو توديع العزوبية قال ههههه تقول رايح يدخل لحبس
وهدوك الحضور وحدة تتكسل على الاخرى تجي تروح العرس لازمك صباط بثلثمياتلف وروبة بخمس ميتلف وشعرك تخدمو بمليوون والكادو لازمك تدي فيراري ولا يزعفوا ولات المحبة تتقاس بالدراهم والكادوات ....بكري غير تحضر كفيت ووفيت ..وتروح هدوك الذر تقول جنون الصالة يقلبوها على راسك ....وهداك الديجي ماتفهم منو والووو غير عياط تحس روحك في تاع التجنيد ويقولك نوض ارقص الواي واي كيفاش نرقص الواي نوقف ونبدا دير في لقطات تاع الزاطلين هدوك لالا غير عفوني نجيب ضربة نايلي خير وحذاها وحدة قبايلي خير وبركة ههههه
علبالك كي تولي لداركم تضرب شهر وباش ترجع لحالتك الطبيعية راسك هداك يتكسر ...
 

،كارينا،

:: عضو فعّال ::
إنضم
20 جويلية 2016
المشاركات
2,451
النقاط
191
العمر
22
محل الإقامة
دارنا
الجنس
أنثى
ايه وتاني حبيت نقول حاجة
هديك تاع لبنات كامل يحوسو عالدراهم ولازم خمسين وستين مليون مهر ماكاش منها مع لبنات كامل كاين لي عادي المهم لهنا وراحة البال ...علبالكم نبات هنا اليووم هههه الا كاش ماتفكرت نووولي
 

وائل ابن الجزائر

:: عضو بارز ::
إنضم
21 أفريل 2008
المشاركات
5,356
النقاط
901
محل الإقامة
وادي سوف
السلام عليكم
آه يا خويا وائل كاين فرق بين الزواج تاع بكري وتاع ضرك
ضرك تقريبا مانقولوش كامل مي ولا زواج تاع مادة عليها مور العرس تلقاهم فالمحاكم يدورو
خاطرش ماشي متفاهمين وماتزوجوش على قناعة
وتانيت ناس ولاة لازم تبذر باش تزوخ شوفونا حنا مرفهين
مي واش دير راني شاك تحصل فينا حنا لي مزال ماتزوجناش ههههه
50 مليون نروح نجيب بيها QQ ندور ونحوس بيها مانكرهش هههه
شكرا خويا وائل
عليكم السلام
اهلا مرحبا نورتنا
والله هدرتك صحيحة صون اون برصون ونسبة الطلاق فدزاير رقم خيالي روح اقلب الصفحة فالجرنال
والناس تبذر تانيك هههههه قولهم علابالنا عندكم دراهم ..حتى البركة ولات مكاش
شفت انا وانت خليها على ربي
qq هههههههه تخرج عليك خويا مي الناس ولات تعطيها مهر
العفو خويا ونورتني
 

ضآحكة مستبشرة

:: عضو شرفي ::
إنضم
27 جويلية 2014
المشاركات
15,079
النقاط
13,521
محل الإقامة
أزمير
الجنس
أنثى
السلام عليكم خويا وائل هذي غيبة
و الله عندك الحق الزوالي في هذا الوقت ميتزوجش خاطرش كل حاجة غلات و اهل العروس و العروس في حد ذاتها ولاو يشرطوا بزاف
و تختلف من منطقة لاخرى على حساب هدرتك عراسكم يستقاموا بزاف

احنا في منطقتي حاليا المهر راهو 15 مليون و خاتم تاع الخطبة و الجهاز و عدنا عادة انو أهل الزوج يديو للعروس الكبش و المهيبات اذا طولت الخطبة
صراحة في منطقتي الشباب الكل رآهم يتزوجوا لانو مراهمش يشرطوا حاجة كبيرة الناس الكل راهي تحوس عالهنا
مي تختلف العادات والتقاليد من منطقة لاخرى

و الزواج اون جينيرال في وقتنا هذا ولا يخوف خاطرش يلزم تكون قافز و من صغرك تبدأ تخمم و تطم في دراهم باش تقدر تستقر
و ان شاء الله ربي يفرج عليك و على كل المسلمين

اما بنة لعراس احنا أغلبية عراسنا بالدربوكة مكاش DJ و الجماعة هذيك و عدنا نهار العرس هو نهار الحنة
نهار تعرس فيه المرا و يجيو رجال و نساء وفي الليل تحني لعروس و من غدوة ذاك عرس العريس يحضروا رجال و نساء ثاني و في نفس النهار يحني لعريس ثاني

و بنة لعراس تاع بكري خير من ضرك كانت النية و البركة و الناس تحوس عالهنا
اما ضروك مبقا حتى شيء غير الحسد و الغيرة و كل واحد يحوس يكون عرسوا هو المخير و الزوخ و الفوخ.

بارك الله فيك اخي على الموضوع الرائع
 

وائل ابن الجزائر

:: عضو بارز ::
إنضم
21 أفريل 2008
المشاركات
5,356
النقاط
901
محل الإقامة
وادي سوف
ههههه ياخيي وائل عندك الحق
بكري كنت كي تروح لعرس (مانشفاش روحي حضرت لعرس من تاع بكري مي نبلعطوا شوية واش نسرقو الهدرة لي نسمع فيها من غاشي بكري) ايه
كي تروح لعرس تاع بكري تلقى كلشي هادي كل واحد حاكم بلاصتو والكل فرحانين حتى بهديك لحاجات لقليلة
ضرك تلقاه كاتبلها مطار دولي على اسمها وهي نهار عرسها وتشنف عالغاشي هادي لعروسة والعريس هداك تلقاه داير حفلة كما تاع لمريكان هو وصحابو توديع العزوبية قال ههههه تقول رايح يدخل لحبس
وهدوك الحضور وحدة تتكسل على الاخرى تجي تروح العرس لازمك صباط بثلثمياتلف وروبة بخمس ميتلف وشعرك تخدمو بمليوون والكادو لازمك تدي فيراري ولا يزعفوا ولات المحبة تتقاس بالدراهم والكادوات ....بكري غير تحضر كفيت ووفيت ..وتروح هدوك الذر تقول جنون الصالة يقلبوها على راسك ....وهداك الديجي ماتفهم منو والووو غير عياط تحس روحك في تاع التجنيد ويقولك نوض ارقص الواي واي كيفاش نرقص الواي نوقف ونبدا دير في لقطات تاع الزاطلين هدوك لالا غير عفوني نجيب ضربة نايلي خير وحذاها وحدة قبايلي خير وبركة ههههه
علبالك كي تولي لداركم تضرب شهر وباش ترجع لحالتك الطبيعية راسك هداك يتكسر ...
اهلا خيتي مرحبا
والله جبتيها قد قد + عجبتني تاع : وحدة تتكسل على الاخرى تجي تروح العرس لازمك صباط بثلثمياتلف وروبة بخمس ميتلف وشعرك تخدمو بمليوون .... شفتي العرس ولا تكاليف للي جاي يتفرج برك لازملو حطة ومنا ومنا هههه ..وهادي تحير يا جدك بنات ورجالة يديروها تاع الزاطلين هههههه واي وواي ههه ربي يهدي ..وحكاية النايلي ولقبايلي هههه خير ههههه على لسانك
وصراحة والله تخسر ادوية وزيارات للطبيب مورا اي عرس سيرتو مين يكون قريبك
على كل ابقاي بالقرب لقينا وحدة فحلة نورتي كارينا
 

حلم كبير

:: نجم اللمة ::
إنضم
24 ديسمبر 2016
المشاركات
5,062
النقاط
2,751
العمر
35
محل الإقامة
فرنسا الجزائر وطني
السلام عليكم و رحمه الله تعالى وبركاته
موضوعك جميل ان شاء الله تلقى بنت الحلال اللي توالمك، وتديك راجل ميش محفضة تصرف بيها.

تذكرت أنشودة جزائرية في هذا الصياغ سأحاول التذكر والكتاب:

عاشور نوى يتأهل قصد عايلة عمي ساهل
سلم وهو داخل ....كيفاه الحالة لاباس؟

جيتكم طالب لبنية ...... اذا تعملو مزية

قالولو قاري النية
واش الخدمة يابن الناس
مثلا راك مقاول ولا محامي واصل

قاللهم انا خماس

خماس نتمسخر بينا وجاي تبهدل فينا
بنتنا سموها آن.... وكل صيفة في المريكان
وتسمع لريقو ماسياس

بنتكم نديرها في قلبي ونزيد نحوطها بحبي
ومن بعد اذا حب ربي نديرو كيما دارو الناس

تحوس تعيشها في براكة وانت عايش غير بالباراكة
بركا يا فلان علينا نضنك تحلم فاليقضات

فيقو ياذ الناس غر بيكم الوسواس
وداكم واد الدنيا ....

هاذا واش شفيت منها تحكي على الزوالي كي يروح يخطب مسكين. ويلقى روحو يتساوم كيما راه يساوم في بقرة فالسوق .

الله يهدي الوالدين ويهدي الهدارة من الناس لاخاطر هذا يضحك على هاذا.

نحكي على خواتاتي ربعة تزوجو بمهر خمس ملاين وقشهم داوه في باشي ميش مليانة .

ضحكو عليهم الناس وقالولهم داوكم باطل.
بصح والحمد لله
رجالهم اكل كانو ميش خدامين وبالبركة نتاعهم دارو ديار وولاد وخدمو وكاين اللي من حاجة ولا في حوايج والحمد لله.
ايسر النساء مؤونة اكثرهن بركة.
يعطيك الصحة ونقولك
اخدم وإذا عجباتك وحدة اخطبها غلاو عليك قلهم اديوها لسوق الموالة واش مدولكم ..... مدوها انا ما نديش
وبالاك تطيح في بنت الحلال اللي اهلها ميش طماعين.
ميش الناس اكل كيف كيف
تقبل مروري مع فائق الاحترام والتقدير
حلم كبير(y)
 

حلم كبير

:: نجم اللمة ::
إنضم
24 ديسمبر 2016
المشاركات
5,062
النقاط
2,751
العمر
35
محل الإقامة
فرنسا الجزائر وطني
السلام عليكم و رحمه الله تعالى وبركاته
تفكرت صاحب الانشودة
في يوتوب دير فرقة التبصرة عاشور نوى يتأهل
رائعة الانشودة(y)
 

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
12,469
النقاط
2,061
محل الإقامة
الجزائر الحبيبة
ايه يا وائل
زمان كانت العروسة يلبسوها البرنوس و هي تبكي و ماماها تبكي
و العريس ما يشوفهاش حتى يدخل و هو حشمان من باباه
اليوم العروسة تخرج عريانة قدام الغاشي و هي ترقص مع عريسها
في لوطو روت و الناس تصور فيهم

ايه راح زمان مع زمانه و جا وقت بفضايحه
 

ماغيكاي تشان

:: مشرفة :: نجمة اللمة
منتدى التنمية البشرية
ركن التوعية الدينية النسائية
طاقم المشرفات
إنضم
27 جويلية 2013
المشاركات
12,939
النقاط
2,256
الجنس
أنثى
السلام عليكم و رحمة الله تعالى و بركاته
موضوع مميز اخي الكريم
لم اكن افهم سبب اكثار المهر و غيره من الطلبات لكن حاليا اصبحت افهم
تعلمت انو الراجل اللي تقادرو و تقيمو حاشا البعض اكيد الا من رحم ربي يحطك رخيسة لما تعاونو وتصبر عليه ومن بعد يقلك ماصبرتي مادرتي والو
حاليا اني متفهمة البنات اللي يطلبو هدوك الامور الخيالية
وان شاء الله مانرجعوش مثلهن
تحياتي​
 

وائل ابن الجزائر

:: عضو بارز ::
إنضم
21 أفريل 2008
المشاركات
5,356
النقاط
901
محل الإقامة
وادي سوف
السلام عليكم خويا وائل هذي غيبة
عليكم السلام ختي الله لا يغيبك ..الدنيا ومشاغل
و الله عندك الحق الزوالي في هذا الوقت ميتزوجش خاطرش كل حاجة غلات و اهل العروس و العروس في حد ذاتها ولاو يشرطوا بزاف
و تختلف من منطقة لاخرى على حساب هدرتك عراسكم يستقاموا بزاف
هيه بالزااااف لو كان نحكيلك قصص راسك يحبس
احنا في منطقتي حاليا المهر راهو 15 مليون و خاتم تاع الخطبة و الجهاز و عدنا عادة انو أهل الزوج يديو للعروس الكبش و المهيبات اذا طولت الخطبة
صراحة في منطقتي الشباب الكل رآهم يتزوجوا لانو مراهمش يشرطوا حاجة كبيرة الناس الكل راهي تحوس عالهنا
مي تختلف العادات والتقاليد من منطقة لاخرى
منطقتك الله يبارك ومام حنا في وادي سوف حسب ما يحكيو في مناطق الاطراف كيما نتوما ... يتسمى عاداتكم اصيلة ..
و الزواج اون جينيرال في وقتنا هذا ولا يخوف خاطرش يلزم تكون قافز و من صغرك تبدأ تخمم و تطم في دراهم باش تقدر تستقر
و ان شاء الله ربي يفرج عليك و على كل المسلمين
انا عن نفسي الحمد لله مي موضوعي على الزواولة ولقلالين ربي يكون معاهم ..وملييح الشاب ليخدم من صغرو على كبرو
اما بنة لعراس احنا أغلبية عراسنا بالدربوكة مكاش DJ و الجماعة هذيك و عدنا نهار العرس هو نهار الحنة
الله يبارك ..الدربوكة دوك نشوفوها غير في الفرق الانشادية
نهار تعرس فيه المرا و يجيو رجال و نساء وفي الليل تحني لعروس و من غدوة ذاك عرس العريس يحضروا رجال و نساء ثاني و في نفس النهار يحني لعريس ثاني
هادي كل منطقة وكيفاه ... عندنا الا حضرو اوبلجي عليك وليمةَ يا محاينك
و بنة لعراس تاع بكري خير من ضرك كانت النية و البركة و الناس تحوس عالهنا
هيه وبكري كان المهر عادي ° اقلهن مهرا اكثرهن بركةَ° ..دوك ولاو يحبو يبانو ويحكو عليهم عرس فلان بن فلان خلي البير بغطاه
اما ضروك مبقا حتى شيء غير الحسد و الغيرة و كل واحد يحوس يكون عرسوا هو المخير و الزوخ و الفوخ.
هيه وهادي اهم النقاط اللي تطير البركة .. والطلاق راه داير حالة ..باسكو مولاوش يتزوجو على نصف الدين ..دوك يتزوج ويحب يبان فير عرسو درت ودرت ..ربي يهدي
بارك الله فيك اخي على الموضوع الرائع
العفو ولو ومرسي على مرورك على اضافتك الراقيةَ
 

يونس قاسم

*أستاذ*
إنضم
1 جويلية 2016
المشاركات
2,999
النقاط
441
و الاهم خويا وائل الرجال و النساء تاع بكري مش كيما تاع ضرك
الراجل كان عندو الغيرة و الشجاعة و قد كلمتوأ افحل و صنديد
و المراة كانت تحشم و مطيعة و ماكياجها الكحل برك تبان تشعل
و ضرك خخخ اشباه رجال الا ما رحم ربك
و اشبه نساء حقا
المهم عندك الحق في كلامك تحياتي
 

sanaya

:: عضو متألق ::
إنضم
8 ديسمبر 2016
المشاركات
3,035
النقاط
991
العمر
29
محل الإقامة
الجزائر
الجنس
أنثى
أوووووو غاضني خويا الصغير ههههه
عندك الحق
باش راجل يتزوج فلحلال لازم يصرف و يصرف و يصرف ومبعد واللي هو الصح
أسكو راح يلقا لهنا وراحة البال ولا لا
راجلي عندو صاحبو صرف على خطيبتو 60 مليون و راحت وخلاتو
ياعجبا ربي يستر
و الزواج واش راح يصرف
لوكان ڨاع لجان يديرو هاذ الإعلان راح الأهالي يبطلو زيادة المهور باش يزوجو بناتهم
الله غالب مجتمع يهمه القشور ولا يهمه اللب
يهمهم الدراهم
وميهمهمش أسكو هذاك الراجل راح يمد لهنا لبنتهم ولا لا
مبارك ختم التميز
سلام
 

وائل ابن الجزائر

:: عضو بارز ::
إنضم
21 أفريل 2008
المشاركات
5,356
النقاط
901
محل الإقامة
وادي سوف
السلام عليكم و رحمه الله تعالى وبركاته
وعليكم السلام ورحمة الله وبركته
موضوعك جميل ان شاء الله تلقى بنت الحلال اللي توالمك، وتديك راجل ميش محفضة تصرف بيها.
االاجمل مرورك اختنا ..ان شاء الله ههه كلامك زين شكرا
تذكرت أنشودة جزائرية في هذا الصياغ سأحاول التذكر والكتاب:

عاشور نوى يتأهل قصد عايلة عمي ساهل
سلم وهو داخل ....كيفاه الحالة لاباس؟

جيتكم طالب لبنية ...... اذا تعملو مزية

قالولو قاري النية
واش الخدمة يابن الناس
مثلا راك مقاول ولا محامي واصل

قاللهم انا خماس

خماس نتمسخر بينا وجاي تبهدل فينا
بنتنا سموها آن.... وكل صيفة في المريكان
وتسمع لريقو ماسياس

بنتكم نديرها في قلبي ونزيد نحوطها بحبي
ومن بعد اذا حب ربي نديرو كيما دارو الناس

تحوس تعيشها في براكة وانت عايش غير بالباراكة
بركا يا فلان علينا نضنك تحلم فاليقضات

فيقو ياذ الناس غر بيكم الوسواس
وداكم واد الدنيا ....
ايه روعة هادي في البوم محلاها ليلة للعلم هادوك احبابنا المنشدين واصدقاء بابا ربي يحفظهم
هاذا واش شفيت منها تحكي على الزوالي كي يروح يخطب مسكين. ويلقى روحو يتساوم كيما راه يساوم في بقرة فالسوق .
شفتي هادي يسموها تقلبات الزمان
الله يهدي الوالدين ويهدي الهدارة من الناس لاخاطر هذا يضحك على هاذا.
االمذبوحة تعاير في المسلوخة ولمكددة ميتة بالضحك
نحكي على خواتاتي ربعة تزوجو بمهر خمس ملاين وقشهم داوه في باشي ميش مليانة .
يا عيني هاديك ليام الزينة ربي يصلح ليهم الحال
ضحكو عليهم الناس وقالولهم داوكم باطل.
بصح والحمد لله
رجالهم اكل كانو ميش خدامين وبالبركة نتاعهم دارو ديار وولاد وخدمو وكاين اللي من حاجة ولا في حوايج والحمد لله.
ايسر النساء مؤونة اكثرهن بركة.
تسلمي عالكلام الراقي .. هادوك نساء في حد ذاتهم رزق ..كاينة لتتزوجها يرزقك سبحانو
يعطيك الصحة ونقولك
اخدم وإذا عجباتك وحدة اخطبها غلاو عليك قلهم اديوها لسوق الموالة واش مدولكم ..... مدوها انا ما نديش
وبالاك تطيح في بنت الحلال اللي اهلها ميش طماعين.
هههه هادي صح ..ان شاء الله
ميش الناس اكل كيف كيف
تقبل مروري مع فائق الاحترام والتقدير
حلم كبير(y)
كلامك راقي اختنا تنتمنى تكوني ديما بالقرب
تسلمي
 

aljentel

:: عضو متألق ::
إنضم
14 نوفمبر 2013
المشاركات
4,090
النقاط
491
الافراح القديمه تحفها البركه من كل حدب وصوب
اما افراح اليوم فهي تفاخر وبذخ ومهايط لا أول له ولا آخر وغالبا ما يكون نهايته سيئه
نسأل الله العفو والعافيه ....
 

فيتامين سي

:: عضو فعّال ::
إنضم
1 فيفري 2016
المشاركات
2,279
النقاط
611
محل الإقامة
كوكب الارض
لا العرس بقا عرس زمان ولا الناس بقاو ناس زمان
ولينا نمشو بقلية باش الناس يشوفونا .ملازمش تقول اوه خلاص متزوجش مي لازم تدير عرس بالطريقة لي ترضى بيها فقط
ماشي لازم نمشو في خط المجتمع او منمشوش ^^ نقدرو نصنعو طريق تاعنا على حسابنا و ترضينا و الناس يبلطو البحر
:giggle:
 

rycerz

:: عضو فعّال ::
إنضم
26 سبتمبر 2014
المشاركات
1,722
النقاط
71
محل الإقامة
แวนคูเวอร์
الجنس
ذكر
صباح الخير عليكم يا ناس اللمة
يا سي وائل ما تعمّرش راسك بلّي صاري .. شوف المرأة لي تصلح بيك برك و الباقي دير رايك .. واش من عرس واش من تقرقيب .. على قد الحال برك عشاء واحد و فوت .. الناس نتاوعنا يجو يوكلو و يروحو و ينساو بالزرب .. ما رايحينش يقعدو يتكلو على عرسك لسنوات .. من الأفضل تخبّي دراهمك و تشري بيهم صوالح البيت و إلاّ ديرهم في تحويسة نتا و الزوجة نتاعك.
 
Top