صالون حلاقة بنات اللمة ~ أهلا وسهلا~

[زهور الأمل]

أنت اديريها في شعرك والا راكي حفافة اديريها للناس كامل ؟؟
انت شعرك كيفاه لونو ؟؟؟

لي تحب نخدملها نخدملها واش تحب نقص ونسبغ ونمكيج
ليا لاااااااا انا شخصيا ماندير حتى حاجة ماعدا مكياج العيون لنفسى
وشعري اسود توت عمري ما صبغته

 

[Only me]

لي تحب نخدملها نخدملها واش تحب نقص ونسبغ ونمكيج
ليا لاااااااا انا شخصيا ماندير حتى حاجة ماعدا مكياج العيون لنفسى
وشعري اسود توت عمري ما صبغته

راكي كيما أنا اسود توتي مكانش خير منو
امالا انت حفافة ؟؟ ارواحي نتعاونو ونحلو كيف كيف ههههه

 

[GI Joe]

يا اختي بالنسبة للشعر الطويل أكيد تلقاي طرق عديدة في اليوتيوب لكن لازملك طريقة تكون مجربة ، ان شاء الله الأخوات يفيدوك واذا لقيت طريقة مليحة نحطهالك
وبالنسبة للتجربة المقرفة هههه أنا بقت شهر ماغسلتوش ( لأني درت عملية على عينيا) مي والله ماتولهت للنتيجة، كنت لاتية بهمي ههههه

hhh kifkif dert 3la 3aynia les deux w maghsseltouch mais kont latiaa ghir b sahti f dek l wa9t

 

[Only me]

hhh kifkif dert 3la 3aynia les deux w maghsseltouch mais kont latiaa ghir b sahti f dek l wa9t

الحمد لله على سلامتك
الصحة هي كل شيء

 

[دعاء الجنات]

دعاء الجنات

مشاهدة المرفق 63626 مشاهدة المرفق 63627 مشاهدة المرفق 63628

دعاء الجنات
مشاهدة المرفق 63631 مشاهدة المرفق 63632 مشاهدة المرفق 63633

شكرا حبيبتي والله هذا وين شفتها ماشاء الله عحبوني سيرتو الطريقة الأولى. . شكرا

 

[تاج النور]

يا اختي انا عرسي في اوت و عندي بزاف مشامل في سعري خفيف من القدام و يطيح بزاف تعبني و دهني بزاف
قوليلي تصبغو و الا نديرلو ليماش و الا في زوج
مع العلم راني خايفه يزيد يفسدلي مع ليماش و يتقصف
ربي يهليك انصحيني حامي صبغت

 

[تاج النور]

وين راكم

 

[Only me]

وين راكم

السلام عليكم
اول شيء مبروك عليك وربي يهنيك ان ساء الله
بالنسبة لمشكل انو خفيف انا ننصحك بالثوم حكي فروة الراس بالثوم والا ديريها في الزيت تبات ومن بعد ادهني بيها راسك لكن بما انو شعرك دهني الاحسن ماديريهاش
ولمشكل دهنبة الشعر انا ننصح تشوفي شامبو ينشف كيما head and shoulders والا venus 2x1 والا اي شامبو خاص بالشعر الدهني ولازم ماديريش ابري شومبوا يإني البلسم وثاني حاولي تدوشي شعرك يوميا وتغسليه مليح باه تتنح الرغوة كليا
سامحيني طولت عليك كنت غايبة على اللمة
ان شاء الله لبنات يزيدو يعاونوك
سلام

 

[Only me]

وبالنسبة للصبغة وليماش ديريهم وماتخافيش لانو هوما ينشفو الشعر يورتو ليماش ،، وزيدي شاوري الحلاقة لي رايحة تمشطلك في عرسك وربي يهنيك مرة اخرى

 

[السلطانة]

مساء الخير اختي
حبيت نفاصي ليماش
واش من رقم نعمل
عمري جربت وحدي لو ممكن تفهميني بالتفصيل واش نشري وكيفاه نعمل

 

[Only me]

مساء الخير اختي
حبيت نفاصي ليماش
واش من رقم نعمل
عمري جربت وحدي لو ممكن تفهميني بالتفصيل واش نشري وكيفاه نعمل

اهلا بيك حبيبتي وسامحيني على التأخر
بالنسبة لليماش تقدري تفاصيهم بأي صبيغة تكون قريبة للون شعرك. والا ديري رقم 6 في لوريات .
اشري فوريات + اوكسيدو وخلطيهم وديريها على شعرك وكثري على مكان ليماش باه يخرج اللون موحد.

 

[السلطانة]

اهلا بيك حبيبتي وسامحيني على التأخر
بالنسبة لليماش تقدري تفاصيهم بأي صبيغة تكون قريبة للون شعرك. والا ديري رقم 6 في لوريات .
اشري فوريات + اوكسيدو وخلطيهم وديريها على شعرك وكثري على مكان ليماش باه يخرج اللون موحد.

تعيشي حبيبتي

 

[بشرى ملاك]

السلام عليكم ورحمة الله تعالى وبركاته

أهلا وسهلا بيكم بنات وسيدات اللمة الغاليات في صالون الحلاقة اللماوي

مشاهدة المرفق 63085
كيما تعرفوني عزيزاتي من بكري عندي اهتمام بالحلاقة والتسريحات وقصات الشعر :X3:
واليوم بعون الله تعالى أصبحت مختصة في هذا المجال بعدما تحصلت على ديبلوم

وهذا الموضوع اليوم هو صرح لكل من لديها استفسار بخصوص الصبغات، القص ، التسريحات، العناية بالشعر، حمامات الزيت وغيرها من الأمور المتعلقة بالشعر ،، أنا رايحة نحاول نرد على كل استفساراتكم بالشيء لي نقدر عليه وأي وحدة يكون عندها تدخل والا مجربة قكرة مرحبا بيها المهم في الأخيرة نستفادو كامل

في انتظار تفاعلكم، تقلوا مني كل الود :kiss:
سلام​

سلام اختي
من فضلك واش ندير باش نتحصل على couleur vert للشعر راني ميتة عليه ماعرفتش كيفاش وشكرا