اقبضوا عليهم

[زاد الرحيل]

السلام عليكم ورحمة الله
هجوم قوي شعرت به بين ثنيا موضوعك اختي
عن نفسي مشغولة بدراستي وعملي لدرجة واخر عشرة ايام كنت مشغولة بمرضي الذي عدت منه الى الحياة من جديد

كنت سأغيب لسنة كاملة للعلم
والإدارة تعلم هذا، فأنا لا أخطوا خطوة غياب هكذا طويلة إلا بعد ان اخذ الإذن من @الورد الأحمر والاخ @Fethi.dz لكنني وفقت في تنظيم وقتي لاجد بعض الوقت للمنتدى والاهتمام به

لكل منا ظروفه الخاصة أختي الإدارة دائماً متابعة لمشرفيها بمعنى حين تجد ركود وتقصير من قبل مشرف ما فإنها تنبهه وربما يصل الى تنحيته عن منصبه ليجلس اداري غيره وهكذا الى ان تجد الشخص الملائم

ربما لا استطيع الدخول لمدة من الزمن هكذا دون سابق انذار
ربما انقطاع في النت، ربما مصيبة حلت بي وربما توفيت يا اختي

لذا نرجوا منكم ان لا تتحدثوا هكذا لمجرد طرح المواضيع، فـ الله وحده اعلم بالحال
@ليليا مرام مثلاً اخت مريضة ودائما تنتقل من والى المشفى، هل اتهجم عليها واعاتبها بشدة ان غابت؟؟؟ لا طبعاً فأنا مقدرة لظروفها حتى ولو لم اعرفها قط
@السحاب العابر اخ مريض والكل يعرف هذا ورغم هذا تجده يسعى وان قدر الله وغاب هكذا دونما عذر فإن الإدارة ستتفهمه مئة بالمئة
ومثلهم الذي سيقدم للبكالوريا ومنهم مشرفات حوامل ومشرفين لديهم وظائف صعبة ومعقدة

حتى مدير المنتدى ان غاب فلن يعاتبه احد فلربما طرأ له ما جعله غير قادر على الاتصال بنا

بالنهاية أختي انا اعاتب واهاجم بشدة من هو مشرف بالإسم واللون ولم نرى منذ اشرافه اي نشاط

ان شاء الله نكون على قدر المسؤولية وان نكون عند حسن ظنكم

وفقكم الله وبارك الله فيك على حرصك اختي

هو عتاب محبه ولم أهاجم يوما بغرض العداء و هذه ليست خصالي ابدا و الهجوم الحميد محبب للمنفعة لصالح المنتدى .
و الان اهجم عليك حقا ،فكيف تمرضين كل هذا المرض و لا تدعين نقول لك
طهور ان شاء الله

 

[سكون الفجر]

بارك الله فيكِ اخيتي، ارجوا المعذرة فهذا ما شعرت به من خلال موضوعك عزيزتي ولقد كتبت هذا

جزاكِ الله خيراً ما تشوفي شر ان شاء الله

 

[ليليا مرام]

صباح الخير ميلينا
سمعت الصباح صفارة لابوليس واقبل بعثتوهملي ههه
فالحقيقة انا مشرفة اداريا وعضوة على ارض الميدان غبت لفترة تقريب 3 اشهر وطلبت تنحي من الاشراف لانو ما نحبش يتعطل قسمي بسبابي ونعرف اهميه كل قسم مي رجعت برغم ظروفي ونحاول ننشط ونفكر فافكار الله غالب هذا ما قدرت
بالنسبة لباقي المشرفين نظن كل واحد يخدم فخدمتو خليني نقولك لو تشوفو فالكواليس كيفاه يحاولو ينشطو المنتدى ويديرونا اجتماعات ويقترحو هذي شهاده والله شي شفتو بعيني لما وليت مشرفة من مفروض ما نقولوش بصح باه تعرفو انهم مش راقدين
وزيدي انا ندخل نلقى الله يبارك قريب 100 عضو موجود مي تلقاي 3 مواضيع و7 والا 8 اعضاء الاوفياء رافدين اللمة لخربن حبيت نفهم جاو يتصورو والا يتفرجو فينا صالة نتاع سينما لالا يا جماعة
وملاحظة نقولها لروحي ولروحكم كامل رجعنا ندردشو فالتعليقات نتاع الحالة الخاصة اكثر من المواضيع وانا معاكم نتبع القسرة ونروح فالخط بصح تلقايني فنفس الوقت نحط فرد او نشارك بموضوع ما يمنعش انو تحطو موضوع او رد وقسري على روحك لانو والله موالفة بالمنتديات الحرية اللي هنا ماكانش فمنتديات اخرى كنت فمنتدى لا داعي لذكر اسمو تقول غوانتانامو تتنفسي عضو يقولك صباح الخير يجيك تحذير هنا دورناها حب وزواج وتعدد وفتحي يشوف فينا ويشارك معانا وزيد قتلو نتزوج بيك ههههه
يعني الحمد لله اللمة من الاحسن المنتديات وقت وفترة برك الي مريض ربي يشفيه واللي يقرا ربي ينجحو وان شاء الله نتعاونو
وضرك اقبضو على ميلينا وجيبولي وليدي اسلام

 

[الورد الأحمر]

السلام عليكم ورحمة الله وبركاته

والله يا أختي مؤخرا مواضيع اللوم على هذي الشاكلة كثرت ونلقى ردود فيها وغيرة مي ما نلقاش ردة فعل !

قلتها كي غير وين في موضوع آخر من الشكل هذا ونزيد نقولها هنا بدل ما نبقاو نبكو ع الأطلال ونسناو في غيرنا يعمل نشاط احنا الحاضرين نعملوه .

بدل ما نجي أنا ندير موضوع نقوللكم اللمة أي راقدة نروح أنا نبدا نحاول نعمل النشاط وسع نولي نلوم لخرين لي ما تفاعلوش معايا.

في مواضيع كيما هك بزاف ردود تلقاها تبشر بالخير مي كي تجي تشوف واش رح يعملو بعد ما كتبو ديك الردود تلقاهم هوما بالذات تطلي ع ملفهم تلقاي الرتيلة دارت عليه.

كاينة مقولة نخدم بيها "كن التغيير الذي تريد أن تراه في الحياة" وهنا نقولعا كن التغيير الذي تريد أن تراه في المنتدى .

لي حايب يشوف المنتدى نشيط ماكان لاه يعمل موضوع ويقولو أنشطو يتفضل يعمل فكرة جديدة تجذب الأعضاء وينشطو معاه واذا ما نشطوش نلومو مش يبقى يتفرج ومطلوب من غيرو ينسط ويعمل جو ويخلق أفكار وهو يجي برك يعيش الجو ومعفي من طرح الأفكار والمساهمة يجي يرفه برك.

حتى المشرفين ولا الاداريين لي تلوموهم وقت يعملو شي فكرة وما تتفاعلوش معاها انتو كأعضاء مالا يعملولكم موضوع ويقولولكم راكم حاضرين مي ما تشاركوش و و و .

الأعضاء لي في قائمة المتواجدين أضعاف مضاعفة على عدد المشرفين الكل بالحاضر بالغايب بصح كي المشرف غايب وينو العضو الحاضر ! ولا يسنى المشرف !

في الواقع رانا كامل مشرفين ع المنتدى وكل واحد مسؤول ع المنتدى لي يحبو كتر من المنتديات الأخرى وما نسناوش مشرف ولا مراقب ولا مدري شكون باه ننشطو ولا نخلقو جو .

كامل عندنا ظروف وكيما انتو مرات تغيبو مرات المشرف ولل اي فرد من الطاقم يغيب على خاطر رانا بشر وأمور اللمة راهي تطوع من عندنا نكرسولها شي من وقتنا باه تكمل اللمة وما تختفيش من عالم النت.

كاين لي يحسبو مثلا أنو اللمة عاملها صاحبها للربح نقوللهم لا راهي منتدى مش مجاني ومدفوع عليه ومن الجيب الخاص مرات هكاك ورغم أنو مرات ترجع بالخسارة على مولاها مي مفضل يدفع من جيبو وما يحرمش كل من يحب اللمة منها .

مالا أختي بدل ما نلومو بعض نعملو المطلوب ونخلقو جو النشاط لي نحوسو عليه مش الادارة تبقى تلوم العضو والعضو يلوم الادارة ونبقاو في حلقة مفرغة.

نتمنى يكون هذا آخر موضوع من النوع هذا على خاطر غير الصباح رديت في موضوع مشابه ومديت رايي وحكينا في الموضوع بزاف ووقت كل واحد يعمل حل ويبدا بنفسو ولا خلي نكملو في الركود.

مشكورة ع الاهتمام وغيرتك ع المنتدى ونتمنى تكرسيها بطريقة أخرى وين نحصدو نتيجة.

بالتوفيق للجميع.

 

[إلياس]

لم افهم ما تقصدين ارجوا توضيح

 

[ليليا مرام]

لم افهم ما تقصدين ارجوا توضيح

اهلا خويا اسمحلي نرد عليك
ميلينا والله تحب المنتدى بزاف وتسقسي على كل واحد وتهتم للمريض واللي راح غاضها تشوف الحاضرين وما يكتبوش طلبت يقبضو علينا ههههه نبيعو الغبرة ههههههه
ضرك انت تبيع والا تشم هههههه
انا خاطيني

 

[إلياس]

المنتدى عائلتي الثانية اعتبره

 

[دعاء الجنات]

السلام عليكم ورحمة الله وبركاته

والله يا أختي مؤخرا مواضيع اللوم على هذي الشاكلة كثرت ونلقى ردود فيها وغيرة مي ما نلقاش ردة فعل !

قلتها كي غير وين في موضوع آخر من الشكل هذا ونزيد نقولها هنا بدل ما نبقاو نبكو ع الأطلال ونسناو في غيرنا يعمل نشاط احنا الحاضرين نعملوه .

بدل ما نجي أنا ندير موضوع نقوللكم اللمة أي راقدة نروح أنا نبدا نحاول نعمل النشاط وسع نولي نلوم لخرين لي ما تفاعلوش معايا.

في مواضيع كيما هك بزاف ردود تلقاها تبشر بالخير مي كي تجي تشوف واش رح يعملو بعد ما كتبو ديك الردود تلقاهم هوما بالذات تطلي ع ملفهم تلقاي الرتيلة دارت عليه.

كاينة مقولة نخدم بيها "كن التغيير الذي تريد أن تراه في الحياة" وهنا نقولعا كن التغيير الذي تريد أن تراه في المنتدى .

لي حايب يشوف المنتدى نشيط ماكان لاه يعمل موضوع ويقولو أنشطو يتفضل يعمل فكرة جديدة تجذب الأعضاء وينشطو معاه واذا ما نشطوش نلومو مش يبقى يتفرج ومطلوب من غيرو ينسط ويعمل جو ويخلق أفكار وهو يجي برك يعيش الجو ومعفي من طرح الأفكار والمساهمة يجي يرفه برك.

حتى المشرفين ولا الاداريين لي تلوموهم وقت يعملو شي فكرة وما تتفاعلوش معاها انتو كأعضاء مالا يعملولكم موضوع ويقولولكم راكم حاضرين مي ما تشاركوش و و و .

الأعضاء لي في قائمة المتواجدين أضعاف مضاعفة على عدد المشرفين الكل بالحاضر بالغايب بصح كي المشرف غايب وينو العضو الحاضر ! ولا يسنى المشرف !

في الواقع رانا كامل مشرفين ع المنتدى وكل واحد مسؤول ع المنتدى لي يحبو كتر من المنتديات الأخرى وما نسناوش مشرف ولا مراقب ولا مدري شكون باه ننشطو ولا نخلقو جو .

كامل عندنا ظروف وكيما انتو مرات تغيبو مرات المشرف ولل اي فرد من الطاقم يغيب على خاطر رانا بشر وأمور اللمة راهي تطوع من عندنا نكرسولها شي من وقتنا باه تكمل اللمة وما تختفيش من عالم النت.

كاين لي يحسبو مثلا أنو اللمة عاملها صاحبها للربح نقوللهم لا راهي منتدى مش مجاني ومدفوع عليه ومن الجيب الخاص مرات هكاك ورغم أنو مرات ترجع بالخسارة على مولاها مي مفضل يدفع من جيبو وما يحرمش كل من يحب اللمة منها .

مالا أختي بدل ما نلومو بعض نعملو المطلوب ونخلقو جو النشاط لي نحوسو عليه مش الادارة تبقى تلوم العضو والعضو يلوم الادارة ونبقاو في حلقة مفرغة.

نتمنى يكون هذا آخر موضوع من النوع هذا على خاطر غير الصباح رديت في موضوع مشابه ومديت رايي وحكينا في الموضوع بزاف ووقت كل واحد يعمل حل ويبدا بنفسو ولا خلي نكملو في الركود.

مشكورة ع الاهتمام وغيرتك ع المنتدى ونتمنى تكرسيها بطريقة أخرى وين نحصدو نتيجة.

بالتوفيق للجميع.

كلامك أثر فيا بزاف اختي
راكي شرحتي كل شي بارك الله فيك

 

[ليليا مرام]

المنتدى عائلتي الثانية اعتبره

مبروك الاسم الجديد خرج عليك ياه

 

[إلياس]

اسمي الحقيقي هو الياس و عملت اسم الياس

 

[ليليا مرام]

اسمي الحقيقي هو الياس و عملت اسم الياس

اسمك شباب خير من كنت اسير الحمد لله جاك العفو الرئاسي ان شاء الله اخر المشاكل وانت سقم رحك هههه خلينا من الاحباس والاسر

 

[إلياس]

ان شاء الله اختي ارجوا منكم الدعاء لي

 

[ليليا مرام]

ان شاء الله اختي ارجوا منكم الدعاء لي

اكيد اخي اكريم
الله يهديك ويصلح بالك ويكون معاك ويحميك يا رب موفق

 

[زاد الرحيل]

صباح الخير ميلينا
سمعت الصباح صفارة لابوليس واقبل بعثتوهملي ههه
فالحقيقة انا مشرفة اداريا وعضوة على ارض الميدان غبت لفترة تقريب 3 اشهر وطلبت تنحي من الاشراف لانو ما نحبش يتعطل قسمي بسبابي ونعرف اهميه كل قسم مي رجعت برغم ظروفي ونحاول ننشط ونفكر فافكار الله غالب هذا ما قدرت
بالنسبة لباقي المشرفين نظن كل واحد يخدم فخدمتو خليني نقولك لو تشوفو فالكواليس كيفاه يحاولو ينشطو المنتدى ويديرونا اجتماعات ويقترحو هذي شهاده والله شي شفتو بعيني لما وليت مشرفة من مفروض ما نقولوش بصح باه تعرفو انهم مش راقدين
وزيدي انا ندخل نلقى الله يبارك قريب 100 عضو موجود مي تلقاي 3 مواضيع و7 والا 8 اعضاء الاوفياء رافدين اللمة لخربن حبيت نفهم جاو يتصورو والا يتفرجو فينا صالة نتاع سينما لالا يا جماعة
وملاحظة نقولها لروحي ولروحكم كامل رجعنا ندردشو فالتعليقات نتاع الحالة الخاصة اكثر من المواضيع وانا معاكم نتبع القسرة ونروح فالخط بصح تلقايني فنفس الوقت نحط فرد او نشارك بموضوع ما يمنعش انو تحطو موضوع او رد وقسري على روحك لانو والله موالفة بالمنتديات الحرية اللي هنا ماكانش فمنتديات اخرى كنت فمنتدى لا داعي لذكر اسمو تقول غوانتانامو تتنفسي عضو يقولك صباح الخير يجيك تحذير هنا دورناها حب وزواج وتعدد وفتحي يشوف فينا ويشارك معانا وزيد قتلو نتزوج بيك ههههه
يعني الحمد لله اللمة من الاحسن المنتديات وقت وفترة برك الي مريض ربي يشفيه واللي يقرا ربي ينجحو وان شاء الله نتعاونو
وضرك اقبضو على ميلينا وجيبولي وليدي اسلام

مساء الخير ليليا
يا ربي تكوني بخير و صحة ،الا الشرطة لك محال انا رسمت على الاخرين ناضوا
حرشوك فيا يعني حكموني من يدي الي توجعني سياسة الجزائريين كامل و زادو ا شكاو بيا لفتحي بالاشارة يعني راح يشوف يشوف و راني خايفة يزيد يحاوز ني ،امالة انقذي ام وليدك لا متزيديش تشوفيه و على جاله اتدخلي احسن ،بللنسبة لنشاطك ولا واحد يقدر يهدر عليك رغم المرض انتاعك دائما حاضرة و شاركتنا الامك و مرضك كما عاىلتك تماما
قولي لفتحي على جال النسبة دير روحك ما شفت ما سمعت

 

[ليليا مرام]

مساء الخير ليليا
يا ربي تكوني بخير و صحة ،الا الشرطة لك محال انا رسمت على الاخرين ناضوا
حرشوك فيا يعني حكموني من يدي الي توجعني



السلام عليكم ميلينا الحمد لله
لا. واش تقولي انا محال يحرشني واحد ولى شكون على اختي هبلتي محال هذي انا تعرفيني نضحك ونقسر انا كنت نفهم فيك برك وانا عضوه مشرفه اداريا لكني عضوه وقلت شهاده على المشرفين علجال راني معاهم ونعرف واش يخدمو مديت كلمة حق
مش انا اللي نتحرش محال هذي
سياسة الجزائريين كامل و زادو ا شكاو بيا لفتحي بالاشارة يعني راح يشوف يشوف و راني خايفة يزيد يحاوز ني ،امالة انقذي ام وليدك لا متزيديش تشوفيه و على جاله اتدخلي احسن ،بللنسبة لنشاطك ولا واحد يقدر يهدر عليك رغم المرض انتاعك دائما حاضرة و شاركتنا الامك و مرضك كما عاىلتك تماما
قولي لفتحي على جال النسبة دير روحك ما شفت ما سمعت

شكون شكا بيك ظشيكون يحاوزك علاه واا درتي مجرد موضوع وانت نستك صادقه وفتحي ماراهش عمى وانت مش عضوه جيتي البارح عند اهميه فالمنتدى حالك.حال اغلب الاعضاء موضوع يا جماعة ما تمدولوش اكبر من حجمو
اختي ميلينا اللمه بيتك. الثاني وبيتنا وهنا تهمنا مصلحه وحده المنتدى
وواحد ما يآذي واحد المشرفين كرهو انو كل شي يترمى.عليهم وعندهم الحق
مش ساهلة ديري منتدى كامل
ما تزعفيش من.كلامي. راكي اختي واسلام وليدي

 

[جمال الدين التلمساني]

لقد عشت أياما في هذا المنتدى لا تنسى ذ
للأسف حسابي القديم تم غلقه
وقد فتحت واحدا آخر
يجب أن نحي هذا المنتدى

 

[زاد الرحيل]

شكون شكا بيك ظشيكون يحاوزك علاه واا درتي مجرد موضوع وانت نستك صادقه وفتحي ماراهش عمى وانت مش عضوه جيتي البارح عند اهميه فالمنتدى حالك.حال اغلب الاعضاء موضوع يا جماعة ما تمدولوش اكبر من حجمو
اختي ميلينا اللمه بيتك. الثاني وبيتنا وهنا تهمنا مصلحه وحده المنتدى
وواحد ما يآذي واحد المشرفين كرهو انو كل شي يترمى.عليهم وعندهم الحق
مش ساهلة ديري منتدى كامل
ما تزعفيش من.كلامي. راكي اختي واسلام وليدي

أخر واخدة نغضب منها و الموضوع للاخذ و الرد و المناقشة للسير بالمنتدى قدما ،وليدك يسلم عليك

 

[ربي اغفرلي]

رآهم رجعوا للمنتدى الحمد لله
جبتهم بهذه السيارة خخخخهههههههه
ركب واحد فوق الاخر خخخخهههه استغفر الله
ولا يهم المهم انني جبتهم سامحووونااا عن الرطااااار

 

[زاد الرحيل]

يعطيك الصحة ،ال

مشاهدة المرفق 73025

رآهم رجعوا للمنتدى الحمد لله
جبتهم بهذه السيارة خخخخهههههههه
ركب واحد فوق الاخر خخخخهههه استغفر الله
ولا يهم المهم انني جبتهم سامحووونااا عن الرطااااار

هم جبتيهم
راهم كسالى و يحب ا التفراج و الرقاد ،ما تخلي حتى واحد
ألف شكرا للنقل

 

[العميد رزق]

مساء الخير للجميع
بينما انا اتجول بين صفحات المنتدى انظر لعلي أجد الجديد ،ألقي نظرة على المتصلين فاذا بي اجد عدد لا باس به من المشرفين لم اصدق لفترة طويلة لا اجدالا القلة يعني قبض عليكم جميعا و لا خروج الا بعد احياء المنتدى الذي يلفظ انفاسه و الكل ينكر و يقول ضروف
اترك النقاش مفتوح بين المشرفين و الاعضاء
تفضلوا
لالا ده كلام ماصحيح شغالين وموجودين حذف وطرد