ختي يخطبو فيها واش ندير ؟؟

[Hakan]

السلام عليكم ورحمة الله وبركاته ناس اللمة بما انو انتم لافامي الثانية نتاعي حبيت ناخذ رايكم بيسك مهم عندي
المهم هذي الايام عندها تقريبا ثلاث ايام دخلت للدار نتعشى جات ليا الوالدة حطتلي عشايا وكي كملت قاتلي
ياحكيم ختك راهم يخطبو فيها واش راايك ؟
بون اي اخ يقولولو هذا الكلام ديركت قلتلها شكون قاتلي فلان بن فلان صراحة انا ما نعرفش هذا السيد
لكن نعرف الام نتاعو ونعرف الوالد نتاعو عائلة بسيطة كيف عايلتنا الطفل عمرو 28 وختي عمرها تقريبا 21
المشكلة ماهيش هنا يعني انا ارتحت كي سمعت انو والديه هذوك هوما بيسك يقلك الزواج زواج عائلتين ماهوش زواج فردين
يعني الام نتاعي ما قلتلها والو والحمد لله عارف الشرع قلتلها وختي واش راهي حابة يعني اسكو راهي قابلة ولا ماهيش قابلة
قاتلي ختك راهي عاطيتلك انت الحرية يعني انا بعد الوالد نتاعي الي عندي الخيار في يدي اسكو نقبل ما نقبلش
يعني قلتلها واش قلتلكم انو والديه يعجبوني اما هو ما نعرفوش شخصياا لكن سمعت من اطراف تعرفو انو شاب لاباس بيه
انسان متربي ماهوش نتاع مشااكل خدام ذرااع والعمل الحمد لله ما عندناش مشكل معاه المهم ختي تتهنى معاه ولو باللقمة
واكيد هذا الحياة ضرك علاه كتبت الموضوع وهو انو البارح قعدت مع الوالدة نتاعي وجبدنا الموضوع وكانت ختي معايا
وختي يعني عاطيلها حرية التعبير هي تحكي وانا نسمع قاتلي ياحكيم والله اللي تقولو انت يمشي ضرك هنا حسيت بالمسؤولية تجاه ختي
ولازم يعني الواحد يسقسي مليح ضركي كيفاش نسقسي هذي نعرفها ولكن حاب نلتقي شخصيا بهذا الشاب ونعرفو بيسك
نقدر نميز الخير في البناادم وانتوما واش رايكم خاوتي؟؟ ودعواتكم ايضا ..​

 

[❤️كلي أمل❤️]

السلام عليكم
اخي حكيم اذا كان انسان مليح وعايلتو تاني
كيما راك تقول علاش راك متردد صح كامل
الأخلاق اما الباقي يجي ويروح
وزيد انت سقسي عليه مليح وادا كان يستاهل
اقبل بدون تردد وقول تاني لاختك تصلي
صلاة الاستخارة وتوكل أمرها لله

 

[ليليا مرام]

السلام عليكم حكيم
اول شي مبروك عليها ان شاء الله ربي يكمل على خير
حكيم خويا انت لازم تحط روحك فبلاصة الشاب هذا ورحت تخطب يعني لو بقينا نديرو احتمالات على وليد الناس بلاما حتى تعرفو لالا انت قلت اهلو لاباس عليهم وانت راجل قادر تسقسي المقربين منو عادي خلوه يجي ويطلب رسمي وسقسي مليح مش دير عليه لونكيت ترفضو قبل حتى ما تعرفو او لازم تخرج وتهدر معاه لانو قادر يوريلك عقليتو الهايلة ويغشكم لالا انا نقول سقسي عليه مليح لانو الناس تشوفو وعارفينو
انا من رايي حكيم اذا عاقل وهلو ناس ملاح اتكل على ربي خلي ختك دير دارها وما تعقدوهاش عاقل ومربي ويصلي وسقسو على عقليتو مع الجيران وغيرو خلاص الباقي تسهيل من رب العالمين وختك خلاتهالك ليك معناها عارفاتك ما تحبلهاش الضرر وزيد لو كانت رافضة رفض قطعي راك قلت ختي عادي نتحاور معاها لو قاتلك لالا ديركت معناها راهي قابلة امالا اتكل على ربي وما تعقدهاش حتى لما تروح انت تخطب ما يصرالكش كيما هو ويركبو فيك الف علة وانت ما بيك والو
بالتوفيق ربي يسهللها ان شاء الله

 

[Hakan]

السلام عليكم
اخي حكيم اذا كان انسان مليح وعايلتو تاني
كيما راك تقول علاش راك متردد صح كامل
الأخلاق اما الباقي يجي ويروح
وزيد انت سقسي عليه مليح وادا كان يستاهل
اقبل بدون تردد وقول تاني لاختك تصلي
صلاة الاستخارة وتوكل أمرها لله

اوكي ختي شكرا وبارك الله فيك على رايك
نشوفو بحول الله ​

 

[Hakan]

السلام عليكم حكيم
اول شي مبروك عليها ان شاء الله ربي يكمل على خير
حكيم خويا انت لازم تحط روحك فبلاصة الشاب هذا ورحت تخطب يعني لو بقينا نديرو احتمالات على وليد الناس بلاما حتى تعرفو لالا انت قلت اهلو لاباس عليهم وانت راجل قادر تسقسي المقربين منو عادي خلوه يجي ويطلب رسمي وسقسي مليح مش دير عليه لونكيت ترفضو قبل حتى ما تعرفو او لازم تخرج وتهدر معاه لانو قادر يوريلك عقليتو الهايلة ويغشكم لالا انا نقول سقسي عليه مليح لانو الناس تشوفو وعارفينو
انا من رايي حكيم اذا عاقل وهلو ناس ملاح اتكل على ربي خلي ختك دير دارها وما تعقدوهاش عاقل ومربي ويصلي وسقسو على عقليتو مع الجيران وغيرو خلاص الباقي تسهيل من رب العالمين وختك خلاتهالك ليك معناها عارفاتك ما تحبلهاش الضرر وزيد لو كانت رافضة رفض قطعي راك قلت ختي عادي نتحاور معاها لو قاتلك لالا ديركت معناها راهي قابلة امالا اتكل على ربي وما تعقدهاش حتى لما تروح انت تخطب ما يصرالكش كيما هو ويركبو فيك الف علة وانت ما بيك والو
بالتوفيق ربي يسهللها ان شاء الله

والله يااختي ليليا كلامك على العين والراس لكن تبقى انو الزواج حاجة صعيبة
مهما كان الشخص المتقدم لانو رايح يكون نسيبك وانا رايح نكون خال الاولاد بحول الله
معليه رايك فيه حكمة كبيرة السؤال على الشخص يعني قصدت بيه سؤال معارفو
ولو انو حاب نشوفو شخصيا الام نتاعي عندها على حساب ما فهمت قبول مسبق
والله اعلم ولكن ان شااء الله نشوفو اللي فيها خير ادعولنا برك ربي يهنيكم
المرة الجابة نكتبلكم خطوبني انا واش ندير ههه ان شااء الله ​

 

[❤️كلي أمل❤️]

اوكي ختي شكرا وبارك الله فيك على رايك
نشوفو بحول الله ​

ان شاء الله لي فيها لخير ربي يقدمها
ما تنساش حقي تاع قاطو برك ههههههههه
اذا كان من مكتوبها ربي يكملها ويفرحها

 

[ليليا مرام]

والله يااختي ليليا كلامك على العين والراس لكن تبقى انو الزواج حاجة صعيبة
مهما كان الشخص المتقدم لانو رايح يكون نسيبك وانا رايح نكون خال الاولاد بحول الله
معليه رايك فيه حكمة كبيرة السؤال على الشخص يعني قصدت بيه سؤال معارفو
ولو انو حاب نشوفو شخصيا الام نتاعي عندها على حساب ما فهمت قبول مسبق
والله اعلم ولكن ان شااء الله نشوفو اللي فيها خير ادعولنا برك ربي يهنيكم
المرة الجابة نكتبلكم خطوبني انا واش ندير ههه ان شااء الله ​

حكيم وعلاه معقدها شكون فيها ختار خالو والا عمو بركانا من تمسخير يعني انت تروح تخطب خوها يخمم اواه انا هذا ولادو راح نولي خالهم لازم نخمم لولادو وولادي لما يولو يلعبو مع ولادو واشبيك اواه راحولك الخيوط ياخويا نعرفو حاجة وحدة تروح تسقسي
خدام عاقل متربي يصلي اهم شي عاقل مع الجيران سيبو راه فيه كل شي اما انت تولي خالهم امالا هو يخمم في خال ولادو يحوس عليك انت ويسقسي ويخمم فالمرا اللي راح تتزوجها خاطر راح تولو نساب ماشي هاك يا حكيم راك معقدها بزاف او تحوس على غلطة على السيد لالا انا ما ننصحكش تتلاقا بيه لالا سقسي عليه الناس برا وومعارفك يسقسو صاحبك لانتيم اكيد يقدر يقرعجلك بطريقة غير مباشرة وهاكا تعرف عليه كل شي وخلي الخطبة تمشي عادي والا نقولك ادي ملفو لدياراس وهني راسك مهبول انت
حنا لما تي تقولولي خطبوني نبعث كامل لبنات لدار الطفلة يحرقوك حنا كامل صحاباتو هههه وانا نقولها والله وتديه تموتي هههه الشح فيك تستاهل

 

[Hakan]

حكيم وعلاه معقدها شكون فيها ختار خالو والا عمو بركانا من تمسخير يعني انت تروح تخطب خوها يخمم اواه انا هذا ولادو راح نولي خالهم لازم نخمم لولادو وولادي لما يولو يلعبو مع ولادو واشبيك اواه راحولك الخيوط ياخويا نعرفو حاجة وحدة تروح تسقسي
خدام عاقل متربي يصلي اهم شي عاقل مع الجيران سيبو راه فيه كل شي اما انت تولي خالهم امالا هو يخمم في خال ولادو يحوس عليك انت ويسقسي ويخمم فالمرا اللي راح تتزوجها خاطر راح تولو نساب ماشي هاك يا حكيم راك معقدها بزاف او تحوس على غلطة على السيد لالا انا ما ننصحكش تتلاقا بيه لالا سقسي عليه الناس برا وومعارفك يسقسو صاحبك لانتيم اكيد يقدر يقرعجلك بطريقة غير مباشرة وهاكا تعرف عليه كل شي وخلي الخطبة تمشي عادي والا نقولك ادي ملفو لدياراس وهني راسك مهبول انت
حنا لما تي تقولولي خطبوني نبعث كامل لبنات لدار الطفلة يحرقوك حنا كامل صحاباتو هههه وانا نقولها والله وتديه تموتي هههه الشح فيك تستاهل

والله ما ني معقدها انت راكي حابتني نعطي المواافقة طوول
خلينا نديرو شويا اكشن ومن بعد يرحمها ربي ههه نتمسخر طبعاا
يعني مام انا عندي موافقة اولية على السيد لكن بقات بعض الروتوشات
ان شااء الله قريبا تسمعو خبر خطبة ختي او اذا ما حبش ربي ثاني تسمعو ربي يهنيك ختي
السطر الاخير انا خيك ديريلي مشااكل ههههه ياك راكي ختي برك ههه
وانا اللي راني نحوسلك على خطاب يا مهبولة حابة تحرقيني ​

 

[Salah eddin]

السلام عليكم
يا خويا حكيم في البداية بالبركة عليكم الامر هذا
...
اما بعد ...انا على حساب ماني نشوف
المؤشرات كلها ايجابية الحمد لله
كاين واحد اللقطة برك
لو كان تاخذ رايي
روح للسيد هذا و اعرضو على قهيوة في كاش قهوة و gسّر معاه زين في زين
وحوس معاه مارّة و شوف الما وين صاد
و بعدها قرر ..
هذا الراي لي نقولولك و الله يجعل الخير و الخير فيما اختار الله
و
السلام عليكم ​

 

[Hakan]

السلام عليكم
يا خويا حكيم في البداية بالبركة عليكم الامر هذا
...
اما بعد ...انا على حساب ماني نشوف
المؤشرات كلها ايجابية الحمد لله
كاين واحد اللقطة برك
لو كان تاخذ رايي
روح للسيد هذا و اعرضو على قهيوة في كاش قهوة و gسّر معاه زين في زين
وحوس معاه مارّة و شوف الما وين صاد
و بعدها قرر ..
هذا الراي لي نقولولك و الله يجعل الخير و الخير فيما اختار الله
و
السلام عليكم ​

والله ياخويا صلاح ق خممت بهذي العفسة مي فيها شويا احراج للسيد
بيسك يقلك راهو يترفع عليا مالغري كل شي وااضح
مالغري هو يعرفني مليح مليح مي انا ما نعرفوش ههه
ادعيلنا معاك ياخويا برك وان شااء الله نعرضك لعرسي هههه ​

 

[ليليا مرام]

والله ما ني معقدها انت راكي حابتني نعطي المواافقة طوول
خلينا نديرو شويا اكشن ومن بعد يرحمها ربي ههه نتمسخر طبعاا
يعني مام انا عندي موافقة اولية على السيد لكن بقات بعض الروتوشات
ان شااء الله قريبا تسمعو خبر خطبة ختي او اذا ما حبش ربي ثاني تسمعو ربي يهنيك ختي
السطر الاخير انا خيك ديريلي مشااكل ههههه ياك راكي ختي برك ههه
وانا اللي راني نحوسلك على خطاب يا مهبولة حابة تحرقيني ​

يا سي حكيم هذو برك رتوشات راك شويتو
معليناش اختك لازم تسقسي مليح ما ترميهاش خلاص مي ثاني لازم ما تكثرش
ان شاء الله تجي تقولنا تمت الخطبة وخليها دير دارها والعاقبة ليك
ماني لا اختك لا والو فالامور هذي هههه صحبتك وفرات هههههه
ما تحوسليش عندي 5 وين نديرهم حقا 4 راني طلقتو صلاح يظل يجري ورا قطر الرعدة وهي بعكاشها خلاص
بقا فتوحي وحكيم ماستر ومالك راني زدتو شرالي طنوبيل يا جدك البارح خلعني ما ديتهاش فيه وهو يحبني اكثر منهم
ولخرين خليهم فالسر تحسدوني
سهل لاختك تروح ونتفاهمو سينو راك عارف 3 سوايع اذا مشيت 60 نكون عندك هههه
المغرب نصلي وربي يتقبل منكم ومنا سلام

 

[Salah eddin]

والله ياخويا صلاح ق خممت بهذي العفسة مي فيها شويا احراج للسيد
بيسك يقلك راهو يترفع عليا مالغري كل شي وااضح
مالغري هو يعرفني مليح مليح مي انا ما نعرفوش ههه
ادعيلنا معاك ياخويا برك وان شااء الله نعرضك لعرسي هههه ​

ايه يا خويا حكيم
ندعيلكم ان شاء الله بالسداد
لكن نظن مافيها و الو ..قال يا فلان ارواح نgسرو شوي و نديرو فيها اتايات و لا قهاوي و ق العافية
كي شقل انساب مقسرين مع بعضاهم و ما فيها والو
ها نتا شوف لي تخرجك و خلاص
و الله يسهل
​

 

[آمِيْرَتُه]

السلام عليك
قبل ما نجاوبك خليني نرفع القبعة لاختك و نقولها يسلم البطن لي حملك وربي يهنيك اختي
هو كل شي بمكتوب ربي
صراحة مرات نسقسو و يقول ملاح ووو ومنبعد يطلع كارثة
خليها تصلي صلاة الاستخارة و انت اقعد مع الطفل وشوف عقليته دير كيما دار خويا ههه عرض الطفل للقهوة و حكى معاه حتى شبع وكي جا للدار قال لماما ياو غير قبلو و كون تنغبن بنتك عرفي بلي هي لي معرفتش تعيش هههه راه ولد فاميليا والحمد لله
مافيها والو هي مسؤولية ومكانش لي ميبغيش لاخته الخير
ربي يهنيها ويهنيك

 

[Hakan]

السلام عليك
قبل ما نجاوبك خليني نرفع القبعة لاختك و نقولها يسلم البطن لي حملك وربي يهنيك اختي
هو كل شي بمكتوب ربي
صراحة مرات نسقسو و يقول ملاح ووو ومنبعد يطلع كارثة
خليها تصلي صلاة الاستخارة و انت اقعد مع الطفل وشوف عقليته و ربي يهنيها ويهنيك

وعليكم السلام
ربي يبارك فيك ايضاا
وهذي اللي خلاتني نترردد يعني السؤال مليح مي ماهوش كل شيء
والاستخاارة يعني باه نكون صريح ما نقدرش نقول لختي صلي صلاة الاستخاارة نحشم خخخ
نورمالمون علابالها بهذا الشيء وان شااء الله اللي فيها خير يقدمها ربي ادعولنا معااكم
...صلاح وليليا بارك الله فيكم وان شااء الله يجيب ربي الخير ولعقوبة لكل اخت هنا في اللمة
وكل اخ لماوي هنا ​

 

[بشرى ملاك]

سلام اخي حكيم
كلش بالبركة
المهم والديه ادا كانو ملاح يكون مليح حتى ادا غلط يردوه زيد تلاقاه وحكي معاه شوف واش يحكي وكيفاش يحكي مام خترع قصص على انها مشاكل صحابك شوف واش يمدلك راي ويكفي انه جاكم من الباب مازعقش عليها وزيدو صلو لربي دعوه اكيد اكيد مايخيبكمش ولي فيه الخير ربي يقدمه ليكم

 

[Hakan]

سلام اخي حكيم
كلش بالبركة
المهم والديه ادا كانو ملاح يكون مليح حتى ادا غلط يردوه زيد تلاقاه وحكي معاه شوف واش يحكي وكيفاش يحكي مام خترع قصص على انها مشاكل صحابك شوف واش يمدلك راي ويكفي انه جاكم من الباب مازعقش عليها وزيدو صلو لربي دعوه اكيد اكيد مايخيبكمش ولي فيه الخير ربي يقدمه ليكم

اهلا بيك بشرى يعني ماشاء الله اتفاق شبه تام بلي لازم نتلاقى معااه
ونتحدث معاه وان شااء الله يكون بارك الله فيكم كاامل ​

 

[{مُدَلَّلَتُهُ}]

السلام عليكم

الله يبارك على أختك كي قريت موضوعك و الله تمنيت يكون عندي خويا كبير ربي يخليكم لبعض و يكمللها بالخير

شفت في رد قلت نحشم نقوللها تصلي عادي خويا حكيم ما فيها والو و بزااف شيرات ما يتفكروش الإستخارة بالاك راهي ناسية ابعث أمك تفكرها بيها و حتى انت استخير ما فيها والو هاذي . . .

و عجبتني فكرة صلاح الدين اعرض الراجل احكي معاه اعرف عقليته كيدايرا و كيفاش يخمم من خلال هدرته تبانلك .. و مين راه ولد المنطقة الي تسكن فيها تقدر تسقسي عليه عادي و ربي يجيب الي فيها الخير

ربي يفرحها و يسهلك انت ثاني عن قريب ​

 

[Hakan]

السلام عليكم

الله يبارك على أختك كي قريت موضوعك و الله تمنيت يكون عندي خويا كبير ربي يخليكم لبعض و يكمللها بالخير

شفت في رد قلت نحشم نقوللها تصلي عادي خويا حكيم ما فيها والو و بزااف شيرات ما يتفكروش الإستخارة بالاك راهي ناسية ابعث أمك تفكرها بيها و حتى انت استخير ما فيها والو هاذي . . .

و عجبتني فكرة صلاح الدين اعرض الراجل احكي معاه اعرف عقليته كيدايرا و كيفاش يخمم من خلال هدرته تبانلك .. و مين راه ولد المنطقة الي تسكن فيها تقدر تسقسي عليه عادي و ربي يجيب الي فيها الخير

ربي يفرحها و يسهلك انت ثاني عن قريب ​

اهلا اهلا هدهودة يااختي غيبة هذي
اكيد ان شااء الله نقدمو على خطوة من اجل الاخت وحياتها ونزوجوها ونفرحو بيهاا
اكيد اي اخ يفرح بختو ويحب يسترها وتبني عايلتها
ربي يهنيكم على النصاائح ان شااء الله تسمعو اخبار مفرحة بحول الله
ان شااء الله ​

 

[السلطانة]

وعليكم السلام ورحمة الله وبركاته
ايه خويا حكيم مافيها حتى مشكل تلاقى بالشاب ودير معاه قهوة وشوف عقليتو وميز
انا منين خطبني راجلي ومع اللول تعرف هدرة نسا وكي وصلت لبابا
بابا هز طوموبيلو وراح ليه مالغري البعد راح شاف وسقسى على عايلتو وكلش كي تاكد زاد جاه عندنا تلاقاه برا وتفاهم معاه بيان هدرة تاع كبار وباه قبل واطمن
انت دير هاذ الخطوة لأنو تاني باه الخطيب يدير في حسابو بلي راه الطفلة هاذي ليها مواليها ويحبولها الخير
ربي يسهل ان شاء الله

 

[aljentel]

وعليكم السلام ورحمة الله وبركاته
ايه خويا حكيم مافيها حتى مشكل تلاقى بالشاب ودير معاه قهوة وشوف عقليتو وميز
انا منين خطبني راجلي ومع اللول تعرف هدرة نسا وكي وصلت لبابا
بابا هز طوموبيلو وراح ليه مالغري البعد راح شاف وسقسى على عايلتو وكلش كي تاكد زاد جاه عندنا تلاقاه برا وتفاهم معاه بيان هدرة تاع كبار وباه قبل واطمن
انت دير هاذ الخطوة لأنو تاني باه الخطيب يدير في حسابو بلي راه الطفلة هاذي ليها مواليها ويحبولها الخير
ربي يسهل ان شاء الله

والله فيك الخير ولو لم تكن رجلا كفو لما وكلتك اختك على مستقبلها ...
نصيحتي لك انك توافق فأختك يبدو عليها الموافقه وبما انك تعرف عائلته فمالمانع ..
والله يكتب اللي به الخير ....