قلب اللوز..

[شجـ الروح ـون]

السلام عليكم ورحمة الله تعالى وبركاته
تحية من قلب لناس اللمة كامليين
ان شاء الله تكونوا بالف الف الف خير
لحقنا رمضان جديد
ان شاء الله ربي يبلغنا ونصوموه بالصحة والهنا يارب
ماحبيتش ندخل يدي فارغة.. احم..
جبت معايا بنة رمضان
ماكاش اللي مايحبش قلب اللوز ولا الشامية
اللي ماياكلوش يالوكان يشوفوا محطوط فوق الطابلة
بالنسبة للشاربات:
-3 كيسان ماء
كاس ونصف سكر
نحطوها عالنار
ومع يهز الغلية نحسبوا 10 دقايق ونطفيو
نزيدو كاس تاي مازهر
او عطر ماء الزهر
للعجينة:
-3 كيسان سميد خاص بقلب اللوز
" ماستعملتش الخشين بزاف "
- كاس ونصف سكر
- ملعقة صغيرةخميرة كيميائية
- نصف كاس زيت
- نصف كاس لبن
- ربع كاس مازهر
نخلط المكونات الجافة مع بعض جيدا
ثم نبللها بخليط السوائل
ونشكل عجينة فقط بالاصابع
نحطوها فالصينية نوزعوها ونساوييوها بظهر ملعقة بدون الضغط
نرسم التقطيعات فقط ونزين بحبيبات لوز
بعد ماترتاح حوالي نصف ساعة
نحطوها في فرن ساخن
نخليوها تطيب حتى يحماروا الاطراف ونشعل الفرن من اعلى حتى يتحمر
لما نخرجوا الصينية نسقيوها بكل الشاربات
ونخليوها تتشرب ليلة كاملة
وهذي النتيجة:



والف صحة...​

 

[Gül Bahar]

ماشاء الله اختي يعطيك الصحة سلمت يداك

​

 

[Oussama.GF]

تسلم ايديك اختاه
واو يعطيك الف عافية
تحضير جيد للوصفة

 

[حكيك]

يعطيك الصحة رمضان كريم

 

[إلياس]

 

[Mårőųā Řāhïł]

السلام عليكم و صح مضانكم
يعطيك الصحة على الوصفة

 

[Soumia hadj mohammed]

ما شاء الله لا قوة إلا بالله ربي يبارك فيك اختي وشكرا على المقادير
ربي يحفظك

 

[الورد الأحمر]

السلام عليكم

أهلا شجون عاش من شافك مرحبا بيك منورة ...

وتشوف أختي الموضوع تخرجلك على ليكخون هههه تموت ع قلب اللوز تسمع اسمو برك تولي ترعش.

يعطيك الصحة ع الوصفة مشكورة وبانتلي ساهلة نموت ع الشي الساهل.

إذا جربتها راني نحط التطبيق

رمضان كريم وكل عام وانتي والعايلة بألف خير:kiss:

 

[miss victoria]

يعطيك الصحة شكراا
شحال نحب قلب اللوز اكيد نجربو

 

[ام تسنيم واحلام]

ماشاء الله يبان يشهي

 

[ميمي مرام]

ماشاء الله تبارك الرحمان
سلمت الايادي اخيتي
وصفة ساهلة و تبان عليها بنينة ان شاء الله نجربها
و نشارك معاكم تجربتي ليها
رمضانك كريم غاليتي
بارك الله فيك و جزاك كل خير ان شاء الله
:kiss::kiss::kiss:​

 

[شجـ الروح ـون]

ماشاء الله اختي يعطيك الصحة سلمت يداك

​

شكرا اختي
بارك الله فيك​

 

[شجـ الروح ـون]

تسلم ايديك اختاه
واو يعطيك الف عافية
تحضير جيد للوصفة

الله يسلمك اخي
الف شكر​

 

[شجـ الروح ـون]

يعطيك الصحة رمضان كريم

الله يسلمك طاطا حكيك
ربي يخليك
رمضانك كريم كل عام وانت بالف خير

 

[شجـ الروح ـون]

شكرا
بارك الله فيك

 

[شجـ الروح ـون]

السلام عليكم و صح مضانكم
يعطيك الصحة على الوصفة

وعليكم السلام ورحمة الله
الله يسلمك اختي
رمضان كريم
ان شاء الله تصوموه بالصحة والهنا يارب

 

[شجـ الروح ـون]

ما شاء الله لا قوة إلا بالله ربي يبارك فيك اختي وشكرا على المقادير
ربي يحفظك

شكرا سمية
ربي يبارك في عمرك اختي
صح رمضانك

 

[شجـ الروح ـون]

السلام عليكم

أهلا شجون عاش من شافك مرحبا بيك منورة ...

وتشوف أختي الموضوع تخرجلك على ليكخون هههه تموت ع قلب اللوز تسمع اسمو برك تولي ترعش.

يعطيك الصحة ع الوصفة مشكورة وبانتلي ساهلة نموت ع الشي الساهل.

إذا جربتها راني نحط التطبيق

رمضان كريم وكل عام وانتي والعايلة بألف خير:kiss:

وعليكم السلام ورحمة الله
اهلا بيك نور
يسلمك اختي النور نورك
هههه بلغيلها السلام اختك..
الوصفة ساهلة وتجي ولا اروع
انا عمري مادرته ووقت جربت الوصفة اعتمدتها على طول
مافيهاش تكسار راس وتوجد في سع
وبنة رووعة والدليل الصينيات اللي فالصورة لابسين ورايحين لمول النصيب ههه
ناس ذاقوه عندي وعجبهم طلبوا مني نحضرلهم صينية ليهم خص نص ههه
رمضانكم كريم نور
ان شاء الله تصوموه بالصحه والهنا يارب

 

[شجـ الروح ـون]

يعطيك الصحة شكراا
شحال نحب قلب اللوز اكيد نجربو

الله يسلمك اختي
جربي وخبريني
رمضان كريم

 

[آمِيْرَتُه]

آهلا آهلا منورة اللمة
عاش من شافك آختي
مبارك عليك الشهر تصومي بالصحة و يعطيك الصحة جربتها خطرة و منجحتش فيها راح نجرب هذي ونرد لأختي الخبر