قلب اللوز..

شجـ الروح ـون

:: عضو بارز ::
أحباب اللمة
إنضم
21 أفريل 2010
المشاركات
6,081
نقاط التفاعل
2,411
النقاط
356
محل الإقامة
المدية
الجنس
أنثى
السلام عليكم ورحمة الله تعالى وبركاته
تحية من قلب لناس اللمة كامليين
ان شاء الله تكونوا بالف الف الف خير
لحقنا رمضان جديد
ان شاء الله ربي يبلغنا ونصوموه بالصحة والهنا يارب
ماحبيتش ندخل يدي فارغة.. احم..
جبت معايا بنة رمضان
ماكاش اللي مايحبش قلب اللوز ولا الشامية
اللي ماياكلوش يالوكان يشوفوا محطوط فوق الطابلة
بالنسبة للشاربات:
-3 كيسان ماء
كاس ونصف سكر
نحطوها عالنار
ومع يهز الغلية نحسبوا 10 دقايق ونطفيو
نزيدو كاس تاي مازهر
او عطر ماء الزهر
للعجينة:
-3 كيسان سميد خاص بقلب اللوز
" ماستعملتش الخشين بزاف "
- كاس ونصف سكر
- ملعقة صغيرةخميرة كيميائية
- نصف كاس زيت
- نصف كاس لبن
- ربع كاس مازهر
نخلط المكونات الجافة مع بعض جيدا
ثم نبللها بخليط السوائل
ونشكل عجينة فقط بالاصابع
نحطوها فالصينية نوزعوها ونساوييوها بظهر ملعقة بدون الضغط
نرسم التقطيعات فقط ونزين بحبيبات لوز
بعد ماترتاح حوالي نصف ساعة
نحطوها في فرن ساخن
نخليوها تطيب حتى يحماروا الاطراف ونشعل الفرن من اعلى حتى يتحمر
لما نخرجوا الصينية نسقيوها بكل الشاربات
ونخليوها تتشرب ليلة كاملة
وهذي النتيجة:

received_1120486561396671.jpeg

والف صحة...
 
(y)(y)(y)ماشاء الله اختي يعطيك الصحة سلمت يداك(y)(y)(y)
honey-1195658433.gif

 
السلام عليكم

أهلا شجون عاش من شافك مرحبا بيك منورة ...

وتشوف أختي الموضوع تخرجلك على ليكخون هههه تموت ع قلب اللوز تسمع اسمو برك تولي ترعش.

يعطيك الصحة ع الوصفة مشكورة وبانتلي ساهلة نموت ع الشي الساهل.

إذا جربتها راني نحط التطبيق ;)

رمضان كريم وكل عام وانتي والعايلة بألف خير:kiss:
 
ماشاء الله تبارك الرحمان
سلمت الايادي اخيتي
وصفة ساهلة و تبان عليها بنينة ان شاء الله نجربها
و نشارك معاكم تجربتي ليها
رمضانك كريم غاليتي
بارك الله فيك و جزاك كل خير ان شاء الله
:kiss::kiss::kiss:
 
السلام عليكم و صح مضانكم
يعطيك الصحة على الوصفة
وعليكم السلام ورحمة الله
الله يسلمك اختي
رمضان كريم
ان شاء الله تصوموه بالصحة والهنا يارب
 
ما شاء الله لا قوة إلا بالله ربي يبارك فيك اختي وشكرا على المقادير
ربي يحفظك
شكرا سمية
ربي يبارك في عمرك اختي
صح رمضانك
 
السلام عليكم

أهلا شجون عاش من شافك مرحبا بيك منورة ...

وتشوف أختي الموضوع تخرجلك على ليكخون هههه تموت ع قلب اللوز تسمع اسمو برك تولي ترعش.

يعطيك الصحة ع الوصفة مشكورة وبانتلي ساهلة نموت ع الشي الساهل.

إذا جربتها راني نحط التطبيق ;)

رمضان كريم وكل عام وانتي والعايلة بألف خير:kiss:
وعليكم السلام ورحمة الله
اهلا بيك نور
يسلمك اختي النور نورك
هههه بلغيلها السلام اختك..
الوصفة ساهلة وتجي ولا اروع
انا عمري مادرته ووقت جربت الوصفة اعتمدتها على طول
مافيهاش تكسار راس وتوجد في سع
وبنة رووعة والدليل الصينيات اللي فالصورة لابسين ورايحين لمول النصيب ههه
ناس ذاقوه عندي وعجبهم طلبوا مني نحضرلهم صينية ليهم خص نص ههه
رمضانكم كريم نور
ان شاء الله تصوموه بالصحه والهنا يارب
 
آهلا آهلا منورة اللمة
عاش من شافك آختي
مبارك عليك الشهر تصومي بالصحة و يعطيك الصحة جربتها خطرة و منجحتش فيها راح نجرب هذي ونرد لأختي الخبر
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top