قلب اللوز -شامية- من مطبخي فيتامين سي

[فيتامين سي]

السلام عليكم و رحمة الله و بركاته
كيف الحال و الاحوال :Love: ان شاء الله كلكم بخير
اليوم راح نكون الشيف فيتامينة هههه لي تخدم قلب اللوز بعقلية السكن الفوضوي :X3:تحت شعار الصح في البنة
بون نمدلكم وصفة ناجحة تاع قلب اللوز او الشامية
مي مديروش كيفي حسبت روحي قافزة السكر معبرتوش نيشان:X3: و رغم كل مرة نفس الغلطة و منتووووبش بصح والله غير بنينة دجا نصها طار


المقادير هي
5 كيلات و نص سميد متوسط و مدابيكم تتاكدو من نوعية مرات تلقوه ينباع على اساس متوسط وهورقيق مينفعش
مع زوج كيلات و نص سكر و اكدو على السكر زوج كيلات و نص متنقصوش حبة سكر باش ميجيكمش سكن فوضوي
و نزيد كيلة زيت كيلة حليب و كيلة ماء زهر
نخلطو كامل المقادير و نحطوهم في الصني *البلا* و يبقا الكاوكاو اختياري تحبو تخلطوه داخل او تديروه طبقة من الوسط او من فوق كيفي نتوما و ذوقكم تحبو متديروهش كامل و نطيبوهم في فور تكونو سخنتوه قبل كي يطيب من الجوانب و يبدا يتحمر من فوق شعلولو من الفوق و خلوه يتحمر و بعد متخرجوه متنسوش تسقوه بالشاربات لي تكونو وجدتوها من قبل و باردة
الشاربات:
3 كيلات و نص سكر
7 كيلات ما
و بعد متغلا مدة 15 دقيقة طفو عليها و زيدي كيلة مازهر


ان شاء الله يعجبكم و متنسوش هذي اول مشاركة ليا سجعوني
كانت معكم فيتامين سي اكبر كارثة جزائرية في الكوزينة . تحياتي

 

[Oussama.GF]

ممم بينية وهايلة
هاتي نسحرو بيها
والله مكان حاجة ناكلها في دار
خخخ
يعطيك الصحة اختي

 

[فيتامين سي]

ممم بينية وهايلة
هاتي نسحرو بيها
والله مكان حاجة ناكلها في دار
خخخ
يعطيك الصحة اختي

يا مامي شكون هنا
ربي يحفضك خويا صغنون كون حدايا والله نرسلك منها هههههههههه باش بلخف تكمل و يقولو بنينة هع هع هع
انا دقايق الاخيرة بديت الحرب و درتها حسيت روحي بطاطة كبيرة
الله يسلمك
صحا رمضانك و صحا سحورك

 

[❤️كلي أمل❤️]

يعطيك الصحة اختي
خليه يبرد وندوقو هههههه

 

[فيتامين سي]

يعطيك الصحة اختي
خليه يبرد وندوقو هههههه

ههههههههههههههههه برد و داقو
راحت عليكم هههههه

 

[❤️كلي أمل❤️]

ههههههههههههههههه برد و داقو
راحت عليكم هههههه

هههههههه معليش بصحتو
المرة الجاية نسبقو ههه

 

[*amani*]

وعليكم السلام
تبارك الله جاك هايل ريحتو راهي عندي ديجا
بصح منحبوش هه..بصحتكم حنونة

 

[*فاطمة الزهرة*]

هاااااااايل
يعطيك الصحة​

 

[Mårőųā Řāhïł]

مممم راني قريب ناكل تلفون يعطيك الصحة والكارثة كي بعثتيليش شوي

 

[Bouchra zarat]

يعطيك الصحة

 

[ha kh]

يعطيكي الصحه
بس ممكن سؤال
الكيلات كلها نفس المقاس

 

[بنفسج]

يمييييي يعطيك الصحة تشهي
​

 

[Cristal BR]

ما شاء الله شاطرة
يعطيك الصحة

 

[dahman kz]

ماشاء الله ربي يبارك
سفهتونا علماملة

 

[Soumia hadj mohammed]

ههههههههه اهلا جارتي
ضحكتيييني بالمقدمة تعك خخخخ فور
ربي يبارك قلب اللوز يبان بنين ومانعرف ههه وماله خلقو في لي فيسيوغ هه اواه ماراكيش دايرة حساب البيطون مع الحديد نيشان سي بور صا صارلك التشققات في الفيلا تع قلب اللوز خخخخ

يعطيك الصحة وبارك الله فيك على المشاركة
رمضان مبارك​

 

[Salah eddin]

صحيتو صحيتو
ربي يعاونكم
ههه
بصح طيبو ثاني
مش ق لي روسات و عقابها
خخخ​

 

[ميمي مرام]

مشاء الله تبارك الرحمان
نموت على قلب اللوز بصح مانيش عارفة علاه في رمضان منقدرش نكلو
بصح هذا العام راني نحلف باه غير يشروه نبدا بيه هو لول هه
يعطيك الصحة اخيتي راه يبان بنين شهيتيني
بصحتكم
و ان شاء الله نشوفوك مع كارثة وحد اخرى في الكوزينة هه ان شاء الله ​

 

[آمِيْرَتُه]

السلام عليك
يعطيك الصحة على الوصفة
صحة فطورك

 

[ام محمد رياض]

السلام عليكم صح فطورك اختي هذي شامية غنية بفيتامين سي هههه بارك الله فيك

 

[Mårőųā Řāhïł]

سلاااام
النص الاول طار النص الاخر بعثيهلي ههههههه يعطيك الصحة