دعوة مني لكم -لؤلؤة قسنطينة-

لؤلؤة قسنطينة

:: عضو بارز ::
أحباب اللمة
إنضم
13 أفريل 2013
المشاركات
14,618
نقاط التفاعل
54,535
النقاط
1,756
العمر
31
محل الإقامة
قسنطينة
الجنس
أنثى
18292639860721wk1.gif

السلام عليكم أهل اللمة الكرام والغاليين واسعد الله أوقاتكم
رمضان كريم تصوموه بالصحة والهنا ان شاء الله
ربي يقدرنا ويقدركم على الصيام والقيام وصالح الأعمال
اخوتي الكرام وأخواتي الكريمات اليوم حبيت ندير واحد المبادرة ونتمنى تتفاعلو معاها
صراحة الجميع يعرف أنو الانسان في شهر رمضان يغتنم الفرصة للعبادة والصلاة والدعوات
خاصة في الثلث الاخير من الليل تكون الدعوات بإذن المولى مستجابة وهادا أحب الاوقات لقلبي
صراحة لي نحب ندعي فيه، ولأني مانحبش الدعوات تكون ليا برك نحب نشارك الجميع دعواتي حتى ناس مانعرفهمش
نحب ندعي جماعيا، المهم هاد الامور تبقى بيني وبين مولايا، وصراحة ناس اللمة لدرجة مكانتهم كبيرة في قلبي
مانقدرش نفوت سجدة ولا ادعية بلا مانذكرهم كاين لي نذكرهم بالاسم خاطر علابالي واش يحتاجو من دعاء
والبقية ندعي بالجملة، ولكن حبيت أنو نخصص لكل شخص دعوة حابها ومتمنيها حابة ندعيلكم بالاسم واحد واحد
اقسم بالله، وندعي لكل شخص بالدعوة لي حابها
هادا شهر الخير والبركات والرحمة والمغفرة مليح انك تدعي ربي، ومليح تاني انو تجيك دعوة من شخص يدعيلك في الغيب
يمكن دعوتو تجيك في لحظة نتا مهموم وتفرج عليك
المهم الفكرة لي حبيت نوصلها، مادابيا كل عضو يمر من هنا يخليلي دعوة حاب يدعيها ،كل شخص في بالو حاجة حابها تتحقق يخلي في رد الدعوة لي حابني ندعيلو بيها، كاين لي حاب ينجح وكاين لي حاب يتزوج وكاين لي عندو هم وكاين لي عندو مشكل وكاين لي حاب خدمة وواحد حاب يسهلو ربي في امر معين، ماكانش قد لي يدعي ربي مباشرة وبنفسو
بصح حتى دعوة بظهر الغيب عندها ميزة الله يبارك لحديث الرسول عليه الصلاة والسلام

عن أبي الدرداء رضي الله عنه قال: قال رسول اللهِ صلى الله عليه وسلم: (مَا مِنْ عَبْدٍ مُسْلِمٍ يَدْعُو لأَخِيهِ بِظَهْرِ الْغَيْبِ، إِلاَّ قَالَ الْمَلَكُ: وَلَكَ بِمِثْلٍ) رواه مسلم، وفي رواية له عن أبي الدرداء مرفوعاً: (مَنْ دَعَا لأَخِيهِ بِظَهْرِ الْغَيْبِ، قَالَ الْمَلَكُ الْمُوَكَّلُ بِهِ: آمِينَ، وَلَكَ بِمِثْلٍ)

صراحة حابة أنو الملائكة تقولي ولكِ بالمثل وحابة في نفس الوقت ندعي لشخص ضاقت بيه وتفرج عليه وندي الاجر

الهدف تاعي من هاد الموضوع هو شخصي يعني ماش الهدف منو كموضوع وفقط، حابة نجمع دعواتكم خاوتي
وكل يوم نخصص مجموعة بالدعاء، فرج همكم والله يفرحني وتحقيق امنياتكم يسعدني
لي عجبتو الفكرة يوضعلي اي امنية واي دعوة يتمناها ولي عندو امنية سرية يقدر يرسلي امنيتو عبر رسالة خاصة

ولي حاب انو يدير نفس فكرتي يقدر يفتح موضوع آخر يكتب "دعوة مني لكم" ويوضع اسم عضويتو قدامها

وحنا نزيدو نشاركو، ماتتخيالوش انك تكون قاعد وكل شخص يدعيلك من كل بلاصة واحد في سجودو

وواحد في الثلث الاخير من الليل وواحد في المسجد، مافيهاش عيب انو نتشاركو الدعوات

نتمنى من قلبي نسمع دعواتكم وربي يحقق للجميع مبتغاه ان شاء الله

وربي يحفظكم وين ماكنتو ويسهلكم كل ماهو صعب

تحياتي

63845259154523dq0.gif
 
آخر تعديل:
السلام عليكم ورحمة الله وبركاته
فكرة شابة أختي مريم
هكا كش مانعرفوا وش يحتاجوا أهل اللمة ولم لا ندعولهم كامل..

الدعوة بالهداية والثبات

اللهم يا مقلب القلوب ثبت قلوبنا على دينك

بارك الله فيك أختي
 
السلام عليكم ورحمة الله وبركاته
فكرة شابة أختي مريم
هكا كش مانعرفوا وش يحتاجوا أهل اللمة ولم لا ندعولهم كامل..

الدعوة بالهداية والثبات

اللهم يا مقلب القلوب ثبت قلوبنا على دينك

بارك الله فيك أختي

وعليكم السلام ورحمة الله وبركاته
شكرا حبيبتي عبير على مشاركتك
ورايحة نسجلك كأول شخص ندعيلو بإذن الله
رايحة ندعي لختي عبير بالهداية والثبات ان شاء الله وكل ما فيه خير لها
ربي يحققلك كل امانيك حبيبتي الغالية
تحياتي
 
انا ادعي للوالدين نتاعي بالحفظ والصون وانو ما يشوفوش شر
وانو يفتح ربي على الاب نتاعي في وحد الصالحة
ربي يهنيك مام انت ان شااء الله تكون لك دعوات من عندنا
تقبل الله صيام الجميع
 
بارك الله فيك وربي يجازيك لؤلؤة
وانا نطلب منكم تدعولي بالشفاء راني مريض ومحتاج دعواتكم
 
انا ادعي للوالدين نتاعي بالحفظ والصون وانو ما يشوفوش شر
وانو يفتح ربي على الاب نتاعي في وحد الصالحة
ربي يهنيك مام انت ان شااء الله تكون لك دعوات من عندنا
تقبل الله صيام الجميع

اهلا خويا حكيم
ان شاء الله مايكون غير الخير خويا
رايحة نتفكر دعاءك بإذن الله
وان شاء الله ربي يفرج على كل مومن يارب
بارك الله فيك خويا ربي يحفظك ان شاء الله
اللهم آمين ربي يتقبل منا ومنكم ان شاء الله
 
بارك الله فيك وربي يجازيك لؤلؤة
وانا نطلب منكم تدعولي بالشفاء راني مريض ومحتاج دعواتكم

اهلا بيك خويا
وبارك فيك الرحمن وجزاك خيرا ان شاء الله
ربي يشفيك ويعافيك ان شاء الله
رايحة نتذكرك بالدعوات ان شاء الله خويا
ربي يفرج ان شاء الله ومايكون غير الخير

تحياتي
 
فكرة اعجبتني
ونشاله تكون كامل الدعواة الاعضاء مستجابة
دعوتي
اللهم اغفر لي كل الذنوبي ولي والدي والهم نجحني في دراستي الهم حقق لي كل حلم طلبته
الهم ادخل والدي الجنة الهم كفر عنهم ذنوبهم
الهم انصر اخوننا في بلاد الشام وغزة وبرما ولجميع المسلمين
اللهم احفظ بلادنا
 
فكرة اعجبتني
ونشاله تكون كامل الدعواة الاعضاء مستجابة
دعوتي
اللهم اغفر لي كل الذنوبي ولي والدي والهم نجحني في دراستي الهم حقق لي كل حلم طلبته
الهم ادخل والدي الجنة الهم كفر عنهم ذنوبهم
الهم انصر اخوننا في بلاد الشام وغزة وبرما ولجميع المسلمين
اللهم احفظ بلادنا

صباح النور خويا اسامة
ان شاء الله اخي الصغير :giggle: راح نتفكرك بهاد الدعوات ان شاء الله
وربي يستجيب ليهم ان شاء الله
بالتوفيق خويا
 
السلام عليكم و رحمة الله
بسم الله ماشاء الله عليك حبيبتي مريوم نحييك على طيبة قلبك يا طيبة
ان شاء الله ربي يعطيك ما تتمناي و يسهلك امورك يا الغالية

انا نحب ندعي لنفسي أول شيء بالهداية و التقرب من الله عز وجل أكثر لانو رآني حاسة بلي راني مقصرة من هذي الناحية شوية
و أسأل الله أن يغفر لي و لوالدي و لاخوتي الحقيقين و اخوتي اللماويين و لجميع المسلمين والمسلمات الاحياء منهم والاموات

و متنساااااوش تدعولي نجيب الباك بمعدل عالي و مليح ^^


و بارك الله فيك حبيبتي
 
السلام عليكم
مريم اول شي ربي يفرحك فالدنيا والآخرة واللي يخمم فالناس قبل نفسو راه جزاتو كبير عند ربي ما استغربتش موضوعك.لانو انا اللي نعرف طيبتك وتربيتك ماشاء الله ربي يحفظ الوالدين اللي رباوك اهم شي تنجحي في حياتك بعد الوالدين وربي يحفظ اختك من كل شر ويحميكم ربي لبعض وانت ربي يرزقك.انسان يعرف الجوهرة اللي ربي كتبهالو جوهرة نادرة اكيد ربي يحبو انو كتبك ليه
انا نطلب تدعولي نبرا تدعولي ربي يمدلي القوة اللي راني فيها جبل ما يتحملو وصابرة وفرحانة انو ربي يحبني ابتلاني ادعولي ربي يهديني ويغفرلي وتكون فرصتي انو نخلي حب ربي. برك في حياتي ونخدم ربي باللي نقدر قطعت عهد انو نكمل حياتي لربي وبرك ربي يرزقني نعتمر حلم حياتي وخلاص وقبل نفسي يمى ربي يخليهالي ويحفظهالي وتسمحلي عذبتها معايا
ربي يحفظكم
 
آخر تعديل:
السلام عليكم و رحمة الله
بسم الله ماشاء الله عليك حبيبتي مريوم نحييك على طيبة قلبك يا طيبة
ان شاء الله ربي يعطيك ما تتمناي و يسهلك امورك يا الغالية

انا نحب ندعي لنفسي أول شيء بالهداية و التقرب من الله عز وجل أكثر لانو رآني حاسة بلي راني مقصرة من هذي الناحية شوية
و أسأل الله أن يغفر لي و لوالدي و لاخوتي الحقيقين و اخوتي اللماويين و لجميع المسلمين والمسلمات الاحياء منهم والاموات

و متنساااااوش تدعولي نجيب الباك بمعدل عالي و مليح ^^


و بارك الله فيك حبيبتي

وعليكم السلام ورحمة الله وبركاته
صباح الورد سميسمة يوم طيب حبيبتي
اللهم آمين غاليتي ربي يحفظك من كل سوء، وبلا مزية لما نتفكر ناس خلاف بالدعوة
فيها خير ليا وليكم ان شاء الله، وربي يستجيبلنا لكامل الدعوات يارب
ان شاء الله حبيبتي ندعيلك بكل مايحب قلبك، والباك راني متفكرتك فيه يعني هاد النقطة مارانيش ناسيتها بربي ان شاء الله
وربي يوفقك لكل خير عزيزتي
 
السلام عليكم
مريم اول شي ربي يفرحك فالدنيا والآخرة واللي يخمم فالناس قبل نفسو راه جزاتو كبير عند ربي ما استغربتش موضوعك.لانو انا اللي نعرف طيبتك وتربيتك ماشاء الله ربي يحفظ الوالدين اللي رباوك اهم شي تنجحي في حياتك بعد الوالدين وربي يحفظ اختك من كل شر ويحميكم ريي وانت ربي يرزقك.انسان يعرف الجوهرة اللي ربي كتبهالو جوهرة نادرة اكيد ربي يحبو انو كتبك ليه
انا نطلب تدعولي نبرا تدعولي ربي يمدلي القوة اللي راني فيها جبل ما يتحملو وصابرة وفرحانة انو ربي يحبني ابتلاني ادعولي ربي يهديني ويغفرلي وتكون فرصتي انو نخلي حب ربي ونخم ربي باللي نقدر قطعت عهد انو نكمل حياتي لربي وبرك ربي يرزقني نعتمر حلم حياتي وخلاص وقبل نفسي يمى ربي يخليهالي ويحفظهالي وتسمحلي عذبتها معايا
ربي يحفظكم

وعليكم السلام ورحمة الله وبركاته
والله يا ليليا ختي سورتو نتي ماتحتاجيش خلاص تكتبي في هاد الموضوع خاطر دعوتك محفوظة في القلب
دعوتك هي الاولى دايما على لساني، خاطر حاسة بزاف بمعاناتك وعلابالي الشي لي متحملتو واحد مايتحملو
لو ربي يقدر يقسملنا الوجع كل طرف عند انسان كن والله مانترددو نتحملو مع انسان يعاني ولو شوي بصح معليش ربي دارلنا الدعوات
وبربي ان شاء الله في هاد الشهر دعواتنا كامل معاك ختي لعزيزة، ودرك راكي زدتي مديتيلي دعوة خلاف وهي العمرة
والله رايحة ندعيلك ربي انو يحققلك حلمك وتروحي لأطهر مكان بالارض وتعتامري وترتاح نفسك وان شاء الله تروحي صح
ربي كبير سبحانو ويحبك بزااااف لدرجة ماتتصوريهاش مادام مدلك هاد العناء وفوق هاد الشي راضية بيه ومتحملتو
دعواتك راهي في القلب ليليا ماتخميش، واللهم آمين ختي ربي يجازيك بالمثل ويرزقك بالمثل يارب
ربي يحفظك من كل سوء وربي يشفيك ويعافيك ويخفف عليك العذاب ويرزقك كل خير يارب، والله اللمة راهي زاهية صح ومنورة الله يبارك
بصح لمستك مازالت ناقصة والله، المهم الاهم عندنا انك ترتاحي وتكوني بخير الباقي كامل راهو يتعوض ربي ان شاء الله
اتهلاي في روحك بزاااف ختي، راكي في قلبي والله بصح مانحبش نراسلك بزاف خاطر علابالي راكي مريضة وفي همك اصلا لي فيك يكفيك
ربي يفرج عليك ويفتحلك ابواب الخير كامل يارب يا حنين يا كريم
 
بارك الله فيك ،، أنا نطلب ربي يعطيك ويرضى عليك أولا
ونطلب من كل من قرأ ردي يدعي لي ولأمي ولعمي ولجميع مرضى المسلمين بالشفاء العاجل ،
ويدعيلي بالخير حيث ما كان سواء نجاح أو زواج ( ربي وحده يعلم وين راه الخير)
 
السلام عليكم حبيبتي ادعي لي ربي يحفظ لي والدي وادعي ربي يحفظ ابني القرآن كاملا

وعليكم السلام ورحمة الله
اهلا بيك اختي وصح فطورك
ان شاء الله حبيبتي مايكون غير خاطرك
وربي يحفظلك الاهل وان شاء الله ابنك يكو نفارس من فرسان القرآن يارب
ربي يهنيك ان شاء الله
تحياتي
 
بارك الله فيك ،، أنا نطلب ربي يعطيك ويرضى عليك أولا
ونطلب من كل من قرأ ردي يدعي لي ولأمي ولعمي ولجميع مرضى المسلمين بالشفاء العاجل ،
ويدعيلي بالخير حيث ما كان سواء نجاح أو زواج ( ربي وحده يعلم وين راه الخير)

اهلا حبيبتي صح فطورك
اللهم آمين ولكِ بالمثل وزيادة ان شاء الله
ربي يشفيهم ان شاء الله ويعافيهم ويحميهم من كل سوء يارب
ونتي ربي يسهلك كل ماهو صعب ويقربك لكل خير
ان شاء الله نتفكرك بالدعوات ختي لعزيزة
تحياتي
 
السلام عليكم
بارك الله فيك اختي مريم على موضوعك
القيم والمميز وربي يجازيك كل خير ويفرحك
يعطيك الصحة اختي مريومة
 
-أنا نحتاج تدعيلي باه يعتبروني بعض الناس لي قراب ليا "إنسان" ويحسو بمشاعري وعلى الأقل يحتارمو مشاعري ويتفكروني إذا بالاك تخصني حاجة ولا لا وعلابالهوم بلي ماعنديش أب -لالا عايش بصح بعيد ماشي معانا-... أنا الحمد لله عندي ربي بصح تصرفاتهم كل مرة تجرحني.. والله يا مريم راني نحكي والدمعة طايحة لأنو تجيك من القريب وبالاك البعيد خير بكثير.. لاحولى ولاقوة إلا بالله.
 
الله عليك هذي حاجة متخفاش عليك حنونة
ربي يحققلك امانيك وربي يحفظك لاهلك
ادعيلي برك ربي يرح بالي
اللهم ثبتنا على دينك
وربي يحفظلي امي واخوتي
وربي يرحم ابي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top