آه يالمليار - مشاركتي في مسابقة مهبول ومهبولة-

Hakan

:: مراقب عام ::
طاقم الرقابة
إنضم
10 أوت 2013
المشاركات
10,917
نقاط التفاعل
47,018
النقاط
1,706
الجنس
ذكر
ايه ايه ايه على ايام بكري
واش نحكيلك يا وليدي حسين هاذ الحكاية يشفالها باباك منين كان في عمرو 23 سنة وقيلا الا ما غلطتش في 2017 ياسيدي وكيفاه صرات كنت وحد النهار كي العادة كل ما تدخل لابورص نتاع الطلبة ياحسراه منين كنت طالب جامعي كنت نروح نجبد هذيك 4000 دج وكانت عزيزة ماشي كيما وقتكم 40 مليون تجيبلك زوج كورنيات اكريم الحمد لله مزيا سناني طاحو راني نشرب غير في الماء نتاعكم ونستنى في الموت قتلك وحد النهار رحت نجبد في لابورص انا وصاحبي حسام هيا حطيت لاكارت مانيتيك في المشينة الجيل نتاعكم هذا ما يعرف والو في الماشينة هذي كنا ندخلو وحد البطاقة وكانت في وقتنا تقدووم وعلم وكان يفتخر بيها الرئيس نتاعنا بوتفليقة وقيلا راهو مازال عايش لضرك :oops: المهم انا دخلت لاكارت وقلت نشوف لابورص باش ما نجبدش طول وينحولي هذيك العشرين الف هيا حتى يخرجلي في الكونت نتاعي مليار و400 الف نتاع لابورص انا هنا راسي تكودا ال 400 الف نتاعي بصح المليار منين جات ؟؟؟
وقعدت نخزر في صاحبي حسام وماكانش حاط معايا المهم توتسويت جبدت هذيك ال400 الف وبردت قالبي وسكتت حتى راح حسام وبيا الخلعة ديبانيتو ب200 الف بيسك هو كان مشومر وحاب يشري سروال وتريكو ياحسراه منين كان التريكو ب 200 والسروال ب 400 الف المهم ا وليدي حسين بقيت نتقلب مع هذيك المليار واش ندير بالاك غلط السيد وعطالي مليار في الكونت ولوكان نجبدها يديرو اونكات وتحصل فيا :cool:
المهم كيما كان الحال هزيت روحي غدوا الصباح لا قرايا لا والو نحيت كل حاجة من البرنامج وعطيتها للبنك جبدت من هذيك المليار زوج ملاين
ونقلك علاه زوج ملاين ياك راني جدك وانت وليدي وانا نخمم عليك مش كيما ولاد ضرك طيح في يدو مليار يروح لكوكب المشتري يخسرها على الفضائيين والفضائيات :alien::alien: ويجي يندب راسو
المهم انا كريت بهذيك الزوج ملاين سيارة لوكاسيون باش نرفد فيها هذيك الدراهم بصح نحكيلك حكاية قبل هذاك المليار نتاعنا ضرك راهي تجي في ورقة من نتاعكم ايه حنا بكري كنا نكرو على جالها طونوبيل نحطوها في كابة باش ما يسرقوهالناش:ROFLMAO::ROFLMAO::ROFLMAO:
المهم كريت السيارة ورحت كملت خرجت المليار غير زوج من البنك هيا ونعطيها تقليعة من الجامعة بهذيك اللوكاسيون المندوبة وانت بالاك راهم قراوكم في حصة علوم الحديث الجايح المثل اللي يقول جا يكحلها عماها المهم وانا راجع في الطريق حكمني الرادار وانا نمشي 200 في الطابلو ياوليدي راها مليار لازم تمشيلها مليار o_Oo_O
وحبسوني الجمارك وفتشو السياارة ولقاو هذيك الدرهم الباقية وانا بيا مغاصب نسيت باش نرفد ورقة نتاع الموافقة باش تسحب ملياار خخخخ ويسيزوهالي ولاد الحرام و جيت نكحلها عميتها وراحت المليار وصاحبي حسام ضرب فيها سروال وتريكو وانا راني قداامك
هاك وليدي 100 الف روح بيها لعمتك في كوكب الزهرة راهي السخانة عندهم قلها جدي راهو متوحشك ها كشما تعود علينا لخبار وسلملي على شعب عطارد كاامل وما طولش ياك الbmw نتاعك راهي تمشي 100 مليون كلم في الثانية خخخخخ والسلام ..

بقلم :حكيم ستوري
 
آخر تعديل:
السلام عليكم هههههه حكيم يشارك في التمهبيل ههههه عالسلآمة المهم هذا رد تاع اعجاب برك نقرا القصة و نعاودلك رد جديد
 
هههههههههه والله عجبتني الفكرة بزاف هههه يعطيك الصحة
اصلا مع قريت السطر الاول ضحكت بعد هههه
وانا العام لي فات زعما شاركت ب3 مواضيع يا محاينك الشعب كامل حطني مهبولة
بصح هاد العام كاين مشاركات بزاف الله يبارك، راكم شجعتوني نزيد نثبت جنوني مرة اخرى هههه
بارك الله فيك خويا فكرة رائعة وطرح أروع، ومن رايي قول لحفيدك يصنعلك آلة الزمن
وارجع لـ 2017 رجع دراهمك تاخد رايي ههههه فتش على البوليسي لي داهم ورجعهم واهرب بيهم لزمن حفيدك
لاشتا اشري بيهم كابريس هههه المهم يرجع حقك هههه
بالتوفيق ان شاء الله خويا
 
خخخخخخ انا لوكان يرجع بيا الزمن نرجع ال200 الف اللي داها حسام هههه تبا له هو يمشي بالنية شرا سروال وانا نمشي بالحيلة نحاولي المليار ودارولي بروصي ههه
 
هههههههههه واقيلا بعد ما فطرت حيا هبالك هههههه
عجبتني القصة سيرتوا كي دخلت فيها لابورس ياو انتوما

الجامعيين كل قصة تدخل فيها لابورس تجي حوادثها
مجنونة ههههههه ، انت ماشي خسرت مليار برك معاهم

٢٠٠ الف حق القعدة تاعك فالجامعة ولاسوفرونس ههه
وزيد بروصاوك اواااه المليار ما يخرجش علينا حنا

الزواولة هههههه
ايا سلام ، و صح سحورك دافونس ..
 
هههههههههه واقيلا بعد ما فطرت حيا هبالك هههههه
عجبتني القصة سيرتوا كي دخلت فيها لابورس ياو انتوما

الجامعيين كل قصة تدخل فيها لابورس تجي حوادثها
مجنونة ههههههه ، انت ماشي خسرت مليار برك معاهم

٢٠٠ الف حق القعدة تاعك فالجامعة ولاسوفرونس ههه
وزيد بروصاوك اواااه المليار ما يخرجش علينا حنا

الزواولة هههههه
ايا سلام ، و صح سحورك دافونس ..
هههه شبعوني بروصيات بعدها ياودي ايام صح يبكي عليها الواحد وحسام انا احكولي على حسام واش دار فيا ميتين الف مارجعهاليش ههه
 
السلام عليكم
ههههههههه باين فطرت ليوم بشوربة فريك حارة بزاف ههههههههه
المليار كي تتفكرو ترتاح خلي يا تكسبو ههههه
الكات صوميل وعندهم بنة سبيسيال خلي تزيد معاهم مليار
قوة كبيرة ههههههههههههه
حسام هذا لو جات ليا ضرك نروح نقولو حلمت ديتلي دوسوميل رجعهوملي هههههههه
اووووموا ترفح فيها شويا هههه
خاطرش المليار واعر الى راح مكاش باش ترجعو ههههههههههه
عجبتني تاع كوكب الزهرة ههههه
بالتوفيق خيي
 
السلام عليكم
ههههههههه باين فطرت ليوم بشوربة فريك حارة بزاف ههههههههه
المليار كي تتفكرو ترتاح خلي يا تكسبو ههههه
الكات صوميل وعندهم بنة سبيسيال خلي تزيد معاهم مليار
قوة كبيرة ههههههههههههه
حسام هذا لو جات ليا ضرك نروح نقولو حلمت ديتلي دوسوميل رجعهوملي هههههههه
اووووموا ترفح فيها شويا هههه
خاطرش المليار واعر الى راح مكاش باش ترجعو ههههههههههه
عجبتني تاع كوكب الزهرة ههههه
بالتوفيق خيي
ههههههه ها في عمري 99 وتحشاتلي حشوة وحدة برك في حياتي لازم
يرجعها الدوسوميل حساام سينون نموت بالقنطة هههه
ربي يهنيك
 
ههههههههه كملت عليك مخلص كسوة لصاحبك وما استفدت من والو :ROFLMAO:

ما قلتلكش بلي راجلي كان مع الجمارك لي حكموك داك الوقت وراهم قسمو داك المليار وبحصتو كملي الناقص وشرالي طوموبيل :ROFLMAO::ROFLMAO:

هكذا ريحت ضميري قلت بالاك بعد السنين هذي كامل تكون بردتلك الحرقة ع المليار لي راح وحق العشرة لي بيننا في المنتدى هذاك لي كان اسمو اللمة تسمحلي :ROFLMAO:
 
سلامو عليكم
عجبتني قصتك كثيرا
هههه
بالتوفيق لك
 
ههههههه والله غير ضحكت من قلبي اضحك الله سنك ياخي مهبول كنت ديما نحسبك سوريو مي نتا فغيمون مريض اخويا جبتها قد قد حتى حسيت روحي نشوف فيك مداير ديلونات هكا وشعرك شايب ومتكي ورافد العصى في يدك خخخهههه يا لطيف شعب اذا سمع المليار عقله طار
بالتوفبق خيو
تقبل مروري وصحا فطورك
 
ههههههههه كملت عليك مخلص كسوة لصاحبك وما استفدت من والو :ROFLMAO:

ما قلتلكش بلي راجلي كان مع الجمارك لي حكموك داك الوقت وراهم قسمو داك المليار وبحصتو كملي الناقص وشرالي طوموبيل :ROFLMAO::ROFLMAO:

هكذا ريحت ضميري قلت بالاك بعد السنين هذي كامل تكون بردتلك الحرقة ع المليار لي راح وحق العشرة لي بيننا في المنتدى هذاك لي كان اسمو اللمة تسمحلي :ROFLMAO:
ههههه ياه يا وحد المصيبة راهو المعلم سلط عليا جيتي بعيدة تسكني في كوكب زحل والمسافة بعيدة شويا والبرد عندكم ولا نجي نطالب بحقي هههه
ربي يهنيك ختي تشفايلها اللمة هذيك يا حسراه ضركا راهي حاجة اخرى بصح منتدى الجلفة مازال ما تبدلش الستيل نتاعو خخخخ وغولام مازال ما فهمتش علاه مارماهاش في التوش هههه
 
ههههههه والله غير ضحكت من قلبي اضحك الله سنك ياخي مهبول كنت ديما نحسبك سوريو مي نتا فغيمون مريض اخويا جبتها قد قد حتى حسيت روحي نشوف فيك مداير ديلونات هكا وشعرك شايب ومتكي ورافد العصى في يدك خخخهههه يا لطيف شعب اذا سمع المليار عقله طار
بالتوفبق خيو
تقبل مروري وصحا فطورك
الشعب كامل حاسبني عااقل خخ وانا مهبول من كوكب الارض التعيس
واش هو ما رجعتوليش الميتين الف خخخخ
المليار يااختي ما تزيديش تفكريني فيها سينون يتوخذو احفادي ههه ونموت وما يروثو الا قارة افريقيا
 
السلام عليكم و رحمة الله
ههههههههههههههههههههههههههههههههههههههههههههههههههههههه
و الله ضحكتنا يا حكيم ديجا كبرت و طاحو سنانك و ليتو جدووو
اه يا عموو تحشاتلك في المصيريف و دارها بيك السي حسام في الصغر
هههههه زعما راني نتخايل في حكيم شعرو بيض و لابس عباية و الريح يدي فيها و يجيب و يمشي عالعكازة خخخخخخخخخخ
ربي يعضوك عمو الحاج متتنواش برك
و صحيبك هذا لا مزال في الحياة قولو يرجعلك الصوارد راهي ماشي عيب حقك عموو


يعطيك الصحة حكيم فريموووووووون ايستوار شووويبة
بالتــــــوفيق
 
ههههههههههه خسارة الميتين الف
بصحتو سي حساام وانت بصحتك الحلم الضائع هههه
تعيش وتاكل غيرها خخخ غير نقسر تعيش وتدي المليار صح حكيمو
صحا فطورك
تحياتي
 
السلام عليكم و رحمة الله
ههههههههههههههههههههههههههههههههههههههههههههههههههههههه
و الله ضحكتنا يا حكيم ديجا كبرت و طاحو سنانك و ليتو جدووو
اه يا عموو تحشاتلك في المصيريف و دارها بيك السي حسام في الصغر
هههههه زعما راني نتخايل في حكيم شعرو بيض و لابس عباية و الريح يدي فيها و يجيب و يمشي عالعكازة خخخخخخخخخخ
ربي يعضوك عمو الحاج متتنواش برك
و صحيبك هذا لا مزال في الحياة قولو يرجعلك الصوارد راهي ماشي عيب حقك عموو


يعطيك الصحة حكيم فريموووووووون ايستوار شووويبة
بالتــــــوفيق
هههه انا اصلا شعري كي نكبر يطيح كاامل كيما جدي وبابا تبا للوراثة
ههه حسام ما نعرف عليه مسكين ما ضنيتش يكون حي هاكي تعرفي
راهو شارك في حرب المجرات الاخيرة وقيلا مات شهيد معليه انا راني ناويها صدقة في سبيل الله
ههه
شكرا على المرور
 
ههههههههههه خسارة الميتين الف
بصحتو سي حساام وانت بصحتك الحلم الضائع هههه
تعيش وتاكل غيرها خخخ غير نقسر تعيش وتدي المليار صح حكيمو
صحا فطورك
تحياتي
احي احي
اتمسخري بيا اتمسخري شتيني بقاتلي شقفة ونموت راكي تتمسخري بواحد كبير
كاشما بقات مليار خخخ ضركا ماراهمش يتعاملو بالدراهم ياك حرب المجرات ما خلات والو
رانا بالارقام برك وكل واحد عاطيلو المصروف نتاعو من صغرو خخخخ {الخيال العلمي}
ربي يهنيك كارليتا على المرور
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top