- إنضم
- 27 جويلية 2014
- المشاركات
- 15,117
- نقاط التفاعل
- 39,535
- النقاط
- 13,026
- محل الإقامة
- العاصمة
- الجنس
- أنثى
السلام عليكم و رحمة الله تعالى وبركاته
نتمنى أنكم تكونوا بخير مع أول أيام شهر الصيام
{ و ربي يتقبل منا و منكم }
يا سيدي اليوم ارواح تشوو جيت نحكيلكم حكايتي نهار رحبت مليار ايه مليااااار شلل عينيك يا مواطن
المهم وحد النهار في نهارات الصيف الڨايلة و السخانة تشووط الناس كامل راقدة و غير وحدة المخلوقة لي هي انا بكل تواضع
قاعدة و متكية على وحد الصور قولوا رايب تاع الحوش القديم و في يدي تيليفوني هذاك النوع لي يقولوا ڨرلو ( اعزكم الله ) ههههه
حتى يصوني تيليفوني اوووو ؟؟ هذا نيميرو جديد منعرفوش و نهز عليه الووووو !!! الووووو ,,, ايا أهدروا ولا ...... حتى نسمع وحد الصوت يقول عزيزتي المستعمة مبارك لك لقد فزتي معنا في قرعة المليار التي اقمناها سابقا ؟؟
وااااش راكي تڨولي يا مخلوقة هااااو احبسي تشوو نشلل وذنياا ... ڨاتلي ياووو ياااو المعاودة في الطعام المهم قدوة ارواحي للبلاص الفلاني تدي صواردك
و وووواك دلالي و دلاااااالي و دلاااااالي و التشي واااااي واااااي و التشي واااااي
نجري و نزغرت هههههه حتى نشوف في جدي الله يذكرو على خير يشووف فيا -_- وااش بيك كلبتي ولا خرجلك حماار الڨايلة هههههه يااااا بابا الشيخ ياو قالولي ربحتي مليااااار حتى انا و ربحت مليار ماشي غير ساعد و الخير ( هذو جماعة في الدوار ربحو مليار قبلي )
أنا قلت مليار حتى نشوف بلي كان راڨد في سابع نوم بلي كان قاعد بيهم الكل الطايح كثر من النايض ههههه خلعوني يا جدكم و يبدا التصفاااق الغبار نوضوه هههه
و بسرعة البرڨ ينتشر الخبر في كامل أنحاء الدشرة و التيليفون حطبة و محبسش خلات
ابابابابا منخلعتش من المليار كثر من ردة الفعل تاع الشعب هههههه
المهم جاو الناس و باركولي و على سعدي لازم نمد شوي باش ميڨولوش مخلوعة دات مليار ولات متعرفناش هذا الفراك و هذا ميادورو و لوخر ألفين المهم وصلت حتى مديت خمسة الآلاف
و نزيدكم ياو ولاو سيموني الشركة القابضة هههههه و كي نجي جايزة على كاش بلاص الطابي رووج و يجو رح يفرشوهلي بصح أنا نحشم قتلهم لالالالالا خخخخخخ
و في الدار وليت في العين الكبيرة ممو العين بابا غير يآ بنيتي و رايح جاي كاشما تستحقي اييه يا بابا روح روح راني فايقة بيك و ماما اسووم واش راكي مشهية نطيب لبنتي قولي برك رآني هنا
و كي خلاصت فترة المباركة جاا وقت التخمام فواش ندير بالمليار يا حوجي الليل وليت منرقدوش بففففف يآ كنت مهنية و تبليت بهذي البلية
و خياتي شوفي من اليوم مكان لا مواعين لا فراش لا تسياق اقراي برك أحنا نخدموا كامل الشغل
هههههه حوجي يانا و حووجي على المليار لي وخذني
و موراها خممت مليح و قلت نعيط للكبار تاع الدار اوواه لالا هنا يطمعولي في مصرياتي حبيباتي
وحدي قلت نشري طوموبيل باه نروح نقرا منظلش نشقي في بابا بوحد 200 مليون و نفتح حانوت تاع حلوى و نشري شوي ذهب نخبيه للجهاز و نبني شمبرة جديدة في الدار و نشهرها مليح كيما يحب خاطري و نزيد نضربها بتحويسة للترك بلاك تصادفني كاش بقلاوة ثم خخخخخخخ
و لي بقاو لازم نتهلا في الوالدين نمدلهم قيس ما يروحو للعمرة و خياتي نشريلهم بيجامة بيجامة قيس ما فرحولي شوي و مخلاونيش نقسل المواعين و خويا قلت نشريلو كرطاب تاع سبونج بوب
المومن يفوت في نفسو و انا من الفرحة كل دقيقة نبدل رايي
مليار زعمآ تاع وجهي مممممممممم مممممممممم واقيل نتبرع بيهم للفقراء ااااحي لالا يخي أول فقير معانا هو أنا
قلت خليها على الله و قدوة يحلها الرحمان رقدت كي العباد و بصح كل دقيقة نشوف في منامي كووابيس على المليار تاع الزمر هذا حاسة كي شغل حاجة ماشي مليحة رح تصرا
انا راقدة حتى يصوني تيليفوني الو اوووف شكون معايا في نص الليل حتى نفرز الصوت واقيل يشبه لمولات المليار هههههه والله غير هي قتلها وآش حبيبتي كاش مليار اخر
قالتلي نعتذر منكم سيدتي قتلها روحي يخي مبجقة هنا انا مادموزال ههههيييهههييي
قاتلي أختي المليار لي عطيناهلك غلطنا فيك وااااش قاتلي ايه غلطنا فيك و غدوة رجعيلنا الدراهم هههههه
و نوض حزميني يآ اماا نوض نشطح هههههه
و نبدا نغني و تهنا الفرطاااس من حك الراس
و بكل روح رياضيه أعلنت حالة الطوارئ لي تقول بلي الشركة القابضة أفلست و تشومرت
و عادت ريمة لعادتها القديمة
شكرا على المتابعة صحيتوا صحيتوا
ان شاء الله تكون عجبتكم القصة ( اول مرة نكتب قصة متضحكوش عليا و سجعوني عالمواصلة )
صح فطوركم
آخر تعديل:
y)
