مسابقة مهابيل اللمة ~ المليار وحكايتو المؤلمة

[همس الوُرود]

السلام عليكم ورحمة الله وبركاته
كيفاش الأحوال مع رمضان والسخانة راهي بدات مفهمتش كيفاش تقلبت الأجواء بالنسبة ليا ضربة وحدة..اييه فكرتوني وقت تقلبت حياتي كون تعرفوا ختكم كيفاش كانت عايشة وحد الوقت ايييه كي يطيح بينا الشان ونرجعوا زوالية لاباس المهم بش متتقلقوش بزاف دوك نحكيلكم حكايتي ..ايه في هادي خلاونا أهلنا أنا وبنت خالتي فدار خوالي وحدنا وراحو نسيت وش كان عندهم شغل ايكزاكت المهم خلاونا أنا وبنت خالتي وحدنا فالليل
بون بش نحكيلكم على دار أخوالي تتكون من ريدشوصي و طابق أول و طيرانس"السطح" .. أنا و هي كنا قاعدين مين الريدشوصي في بيت غلقنا البيبان مليح ومقدرناش نرقدو من الخوف كل مرة نسمعوا حاجة تحركت ..نسمعوا الخبط وطفاو الضواو وبقينا أنا وهي مع شمعة ..الطاقة تتغلق وتتفتح وحدها حكمنا فبعضانا وخايفين
وهكاك حكمت أنا رفدتني بنت خالتي بحكم أنها هي الأكبر مني وأنا طلعت بش نغلق الطاقة .. يا ناس أنا حطيت يدي للخارج وتحكمني يد امرأة .. يا ودييي وليت غير نعيط مافهمت فيها والو المهم عيطت وطحت ديراكت مغمى علي .. ونلقى بنت خالتي تفطن فيا بالكفوف نضت مخلوعة زدت رجعتلها كف قاوي نشفالو مليح ههههه المهم وندور نلقى روحي مين طحت جبدت ورايا ساشي يا ناس ساشي معمرة بالدراهم موفهمت كيفاش جات معرفتش نحسبهم .. وش صرا مين جاو مفهمت والوووو .. هكاك فجأة جاو تع الدار حكينالهم حكايتنا و بدينا نخمموا وش نديرو بساشي تع دراهم بون كي حسبوهم لقاوهم مليار .. اووو قالولي عبير نتي جبدتيهم نتي دبري راسك بيهم ^^ ..وأنا سرحت بخيالي زعما وش ندير بيهمممم امممم
أول حاجة شريت بيهم مليار رقم2 ثاني حاجة بنيت بيهم دار وش نقوللكم دار ولا قصر قعدت فيها نهار ومعجبتنيش بدلتها ايه وقلت دوك نروح نفواياجي للترك بيسك يقولو تم كاين ورد أسود نحب الورد الأسود أنا
زدت حكمت الطيارة رحت لكل البلدان الي فيهم حروب نديلهم فالمؤونة و الأكل والشرب وش نقوللكم تعبت صح فالمروح
ومبعد قررت نهبط لجنوب إفريقيا حبيت نرجعها باردة و قابلة للعيش الكريم اييه هاي ليك بصح التخمام رحت هدرت مع رئيس أمريكا هداك قلتلو كون ماتجيش تسقملنا جنوب إفريقيا نبعتلك الشعب تاعي وتالمو دخلت عليه بديك الثقة و ديك 2 ملاير يا ودي جا يجري هكاك
حنا فالطريق كان يتوسل ليا بش مانخليهش فإفريقيا يعاني قالي خلصيلي برك حق المروح يا ودي حاب يتمسخر واقيلا هداك قلتلو شوف أعطيني وش جابولك تع السعودية ونخليك روح ديتهملو وحنا فالطريق هكاك كنت رايحة ننقذكم ونروح لفلسطين نحررها
بصح منتم وتسيح عليا بنت خالتي الما فطنت هاو وننوض نجري وراها بالبشماق تع شيماء المهم وهاو ليك طرايح شبعنا ضرب فبعضانا هكاك كان يا خوتي حلم من الخوف برك كي خلاونا عايلتنا بايتين وحدنا والصباح جاو تع دارنا ولباس ورجعت أختكم عبير في البأس الإفريقي ~~
ملاحظة " كاين صح فقرات صحاح من الحكاية مع بعض الإضافات "

بارك الله فيكم على حسن المتابعة والإصغاء ومتضحكوش عليا خايفة لا يكون موضوع ميعجبش

وأسمحولي هدا وش قدرت ندير رغم القدرات يعني حبيت نهبط النيفو برك

في رعاية الله​

 

[Salah eddin]

ههههه
عبير و الكف الاسطوري
ههه
و هذي الجورة اكل و الماريكان و جنوب افريقيا و من بعد ظهرت تهتوير برك
كنت حاسبك شوي كوراج
امالا راكي خوافة هاملة gاع
ههه
مزية لي منام ولا كراكي تجسرتي صح على المليار
و كن قلتيلي كنت نديك في الطيارة تاعي للماريكان كورسة
ههه
حكاية زينة و تضحك
​

 

[همس الوُرود]

ههههه
عبير و الكف الاسطوري
ههه
و هذي الجورة اكل و الماريكان و جنوب افريقيا و من بعد ظهرت تهتوير برك
كنت حاسبك شوي كوراج
امالا راكي خوافة هاملة gاع
ههه
مزية لي منام ولا كراكي تجسرتي صح على المليار
و كن قلتيلي كنت نديك في الطيارة تاعي للماريكان كورسة
ههه
حكاية زينة و تضحك
​

هههههههههه وييي لازم نرد الصرف ولا نخليها سبيدري
الله غالب كنت رايحة نصلح أحوال الأمة بصح وش تدير مش بيدي
لا هدي غير فالحكاية خوافة بصح فالصح
هههههه الحمد لله رانا عايشين دوك مليح فالبأس هدا ولباس
بارك الله فيك على المرور أخي صلاح علابالي ماقستهاش كامل​

 

[Oussama.GF]

خخ احلام مؤلمة وش دير طفرت فيك عبير
مليار في حلم تبخرت
خخخ
كل ما ندخل مواضيع تاع مسابقة يزخفوني بزااااف بمليار
اللهم ارزق اخت عبير مليار نتقسمها انا وهي خخخ

 

[الصحافية الساخرة]

هههههخخهخخهخخهه عبير راكي تحلمي يا بنتي حتى انتيا ، أنا حطيتها صح ومن بعد كي فطنتك بنت خالتك فطنت معاك بالكف تاعك ههخخهخخه
قصتك مليحة و ضحكتني ، موفقة

 

[همس الوُرود]

خخ احلام مؤلمة وش دير طفرت فيك عبير
مليار في حلم تبخرت
خخخ
كل ما ندخل مواضيع تاع مسابقة يزخفوني بزااااف بمليار
اللهم ارزق اخت عبير مليار نتقسمها انا وهي خخخ

ههههه الله غالب هدا هو نصيبي من المليار ,, حلم وهمي:p
هههه ربي يرزقك رزقا حلالا طيبا
بارك الله فيك على المرور​

 

[همس الوُرود]

هههههخخهخخهخخهه عبير راكي تحلمي يا بنتي حتى انتيا ، أنا حطيتها صح ومن بعد كي فطنتك بنت خالتك فطنت معاك بالكف تاعك ههخخهخخه
قصتك مليحة و ضحكتني ، موفقة

هههههههههههه كفي زعما قاوي بصح حنين ماتديريش عليا
بارك الله فيك حبيبتي فاطمة​

 

[Skor m@k]

السلام عليكم
أواه توخذت ياختي عبير هههههههههههه
هذو كامل تعمليهم بمليار برك ههههههههههههه
انا قلت بعت رونالدو ومدولك دراهمو ههههههههه
مليار تحرري به فلسطين ههههههه
اواه انت مدلك الطبيب تاع لمهابل تاعنا بزاف جرعات تاع دوا هههههههههه
خليتي خوك مغبون هنا ورحت دافعي على جنوب افريقيا لوكان ديتينا معاك ماشي خير ههههههههه
خيال جميل يعطيك الصحة
بالتوفيق​

 

[لؤلؤة قسنطينة]

ههههههههههه ضحكني خويا مالك قالك بعتي رونالدو ومدولك دراهمو هههههه
المليار تاعك يولد يا عبورة كل ثانية يجيب 3 ملاين ههههه
والله وحدك صح ربي يفرحك كيما فرحتينا
الشي لي عجبني في حياتك هو بشماق شيماء دخل كضيف شرف هههههه نحييوه بالمناسبة ههههه
واش نقولك ختي والله حتى قصتك وبريئة كيفك، عندك افكار هايلة ماشاء الله
علابالك كل المقطع الاول تاع حكايتك درتيه سيريو يخرج قصة رعب رائعة والله
هيا كي دخل فيها المليار تخربطت الحالة هههه
ربي يوفقك ان شاء الله عزيزتي​

 

[همس الوُرود]

السلام عليكم
أواه توخذت ياختي عبير هههههههههههه
هذو كامل تعمليهم بمليار برك ههههههههههههه
انا قلت بعت رونالدو ومدولك دراهمو ههههههههه
مليار تحرري به فلسطين ههههههه
اواه انت مدلك الطبيب تاع لمهابل تاعنا بزاف جرعات تاع دوا هههههههههه
خليتي خوك مغبون هنا ورحت دافعي على جنوب افريقيا لوكان ديتينا معاك ماشي خير ههههههههه
خيال جميل يعطيك الصحة
بالتوفيق​

وعليكم السلام ورحمة الله وبركاته
ههههه علاش مليار برك؟؟
أنا في بالي مليار ندير بيه كلش متقوليش برك درتلكم كيما الصغر نمد مية فرنك لعمو مول لحانوت ونقولو يعطيني كامل الحانوت
هههههههههه 2 ملاير بيسك راني أول حاجة درتها شريت مليار آخر
ههههههههههه راني كنت جاية ننقذكم بصح متحشمش بنت خالتي سيحت عليا الما ورجعتني وين كنت
أممم ههه ربي يحفظك خويا
بارك الله فيك على المرور الجميل:p​

 

[همس الوُرود]

ههههههههههه ضحكني خويا مالك قالك بعتي رونالدو ومدولك دراهمو هههههه
المليار تاعك يولد يا عبورة كل ثانية يجيب 3 ملاين ههههه
والله وحدك صح ربي يفرحك كيما فرحتينا
الشي لي عجبني في حياتك هو بشماق شيماء دخل كضيف شرف هههههه نحييوه بالمناسبة ههههه
واش نقولك ختي والله حتى قصتك وبريئة كيفك، عندك افكار هايلة ماشاء الله
علابالك كل المقطع الاول تاع حكايتك درتيه سيريو يخرج قصة رعب رائعة والله
هيا كي دخل فيها المليار تخربطت الحالة هههه
ربي يوفقك ان شاء الله عزيزتي​

سما من حكايتي كامل جوزتيها رحتي لخويا مالك عجبك الرد تاعو
هنا قلتيلي عبير خاطيييييك نتي خاطيييك

ايه بيسك صح الأول موضوع تقريبا صرالي صح حبيت ندخل الحقيقة مع الخيال خرجلي كائن حي كيما هدا الموضوع

ههههه قصتي بريئة مليح
بارك الله فيك أختي ربي يحفظك مريومة​

 

[لؤلؤة قسنطينة]

سما من حكايتي كامل جوزتيها رحتي لخويا مالك عجبك الرد تاعو
هنا قلتيلي عبير خاطيييييك نتي خاطيييك

ايه بيسك صح الأول موضوع تقريبا صرالي صح حبيت ندخل الحقيقة مع الخيال خرجلي كائن حي كيما هدا الموضوع

ههههه قصتي بريئة مليح
بارك الله فيك أختي ربي يحفظك مريومة​

والله جيت رايحة نرد لقيت رد خويا مالك هو الاخير طاحت عيني عليه وضحكني
ماقدرتش نحكمها في قلبي ههههه بصح رايحة نرد على اساس موضوعك هو الصح
يابنتي نتي بحد ذاتك بريئة وكلشي فيك طيب حتى قصصك تحبي تديريهم فكاهة تغلب البراءة تاعك عليهم
وهادا لي خليك مميزة الله يبارك
والقصة اكيد ضحكتني والله اني قتلك عندك لمسة مميزة الله يبارك
بالتوفيق عزيزتي في المسابقة :kiss:​

 

[همس الوُرود]

والله جيت رايحة نرد لقيت رد خويا مالك هو الاخير طاحت عيني عليه وضحكني
ماقدرتش نحكمها في قلبي ههههه بصح رايحة نرد على اساس موضوعك هو الصح
يابنتي نتي بحد ذاتك بريئة وكلشي فيك طيب حتى قصصك تحبي تديريهم فكاهة تغلب البراءة تاعك عليهم
وهادا لي خليك مميزة الله يبارك
والقصة اكيد ضحكتني والله اني قتلك عندك لمسة مميزة الله يبارك
بالتوفيق عزيزتي في المسابقة :kiss:​

ياااااه حشمتيني مريومتي. هاه علاش تديريلي هكا دوك خدودي يولوا طوماطيش
ربي يحفظك الزينة عينيك الي باهيين​