مشكلتي الله يخليكم اعطيولي حل وسلكوني

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2019
إنضم
19 أكتوبر 2013
المشاركات
677
النقاط
51
مشكلتي اخي الذي اخجل ان اقول انه اخ واحد خارج طريق وماشي متربي واحد ستوت ومايسواش وما فيه ولا ذرة رجولة وسكرجي كل يوم مشاكل كل يوم سب وشتم وكلام فاحش بلا حشمة بلا حيا حتي في رمضان ماسلكناش من فجوره ربي ينتقم منو
اليوم الوالدة حطت شوية مصروف خباتو في مكان بعيد شوية وبعد ساعة او ساعتين حوست عليهم ومالقاتهمش وحتي حد مادخل لهذاك المكان ماعدا هذا الفاجر وهو الوحيد اللي يسرق في العائلة انشالله تنقطع يدو بداء السرطان انشالله ولما جات الوالدة تحاسبو خاتش تعرفو سراق ومايسواش بدا يسب في ربي ويسب في الدين ويقول ماشي هو لي رفدهم ونطقت انا وقلت ليما واحد مادخل لتما من غيرو هو قول حق قلتو باش تاكل لحم الاخرين يخلصها هو خير لي دارها انشاالله ما يصرفهمش بالهنا
وبعد ما سمعني جا لعندي وبزقني في وجهي حتي ان لعابه دخل في فمي وانا صائمة حسبي الله ونعم الوكيل وبدا يسب ربي يسب ديني ويتهمني في شرفي
نعم ابن ابي وامي يتهمني في شرفي حتي االخرجة ومانخرجش مالدار حسبي الله ونعمة الوكيل ولما رجعتلو الهدرة رفد خشبة كبيرة طاح عليا ضرب
والله يا اخوتي راني نكتب ونبكي وماني قادرة ندير والو رفدت قشي باش نروح نشكي بيه حبستني يما وقالت لي لوكان ديريها مانسمحلكش تخاف علي هاذ البخس وماتخافش عليا انا لي راني طفلة وبنتها الوحيدة
حالتي صعيبة وماعنديش لمن نشكي حتي زهري معوج في كلشي لا زواج لا خدمة نرفد بيها روحي ونستقل بحياتي والله مستحيل العيشة في هاذ الدار مع هذا الرخ
واحد الخاطرة سكر وفي الليل حاول يدخل علي غرفتي انا غلقت بابي بالمفتاح وهو راح جاب مفتاح متل هذاك وحاول يفتح بيه الباب كان يدفع بيه المفتاح لي كان مداخل الحمد لله كنت مستيقظة ونضت مباشرة شديت المفتاح الداخلي باش مايقدرش يدخل لعندي والا راهي صرات كاااارثة في هذيك الليلة حسبي الله فيه انسان فاجر يسب والديه ويتبلي الناس حتي رمضان ومايصوموش ربي ينزل عليه بطشه الشديد وينتقملي منو
هاذ الشي كامل واحدمايقدر يحاسبو لا الوالدين ولا اخوته دار رايو فينا وهذا واحد مغضوب عليه من والديه حتي الوالد حرمه قالو نهار نموت محرم عليك تمد يدك عليا انا متاكدة ان مستقبله سيكون اسودا جزاء مافعله بنا خاطش والديه دعاو عليه
خوتي الله يعطيكم ماتتمناو القاولي حل انا علي حافة الانهيار راني خايفة علي روحي من هذا لي مايتسماش واش من خير يجي من واحد حاول يدخل عند ختو في منتصف الليل وهو سكران
ماعلاباليش اذا نقدر نقرا الردود ديالكم لنو حالتي صعييبة بزاف فرجاءاا ادعيولي الزوج الصالح الي يخاف ربي فيا ويسلكني من هاذ المستنقع لي راني عايشة فيه ارجوكم ادعوولي ارجوووكم
 

Ma$Ter

:: مراقب عام ::
طاقم المراقبين
إنضم
25 سبتمبر 2007
المشاركات
15,660
النقاط
1,471
محل الإقامة
تبسة 12
الجنس
ذكر
السلام عليكم ورحمة الله
ادعولو هذا او اتصلو بشيخ مثل الشيخ فركوس او احد العلماء الجزائريين راح يخبركم طريقة التعامل معه
اذا تحتاجو ارقام المشياخ تاع الجزائر راسلنى
 

dahman kz

:: عضو فعّال ::
إنضم
1 أكتوبر 2008
المشاركات
2,663
النقاط
511
محل الإقامة
الوادي
الجنس
ذكر
ربي يهديه وربي يتوب عليه
واصبري وحتسبي صبرك لله وربي يرزقك بزوج صالح وربي يهنيك
 

zohor kfz

:: عضو مُتميز ::
إنضم
5 نوفمبر 2015
المشاركات
1,359
النقاط
121
العمر
29
محل الإقامة
tlemcen
الجنس
أنثى
rana fi ramadan w da3wa mostajaba ..; d3ilo rabi yahdih
elrasol 3alayh elsalat wassalam daro fih ktar marah sari fiki w mad3ach 3lihom
ad3ilo rabi yahdih ya okhti
w rabi yarza9ki nti tani zawj sali7 wa doriya sali7a yaaaaa rab
 

يزيد 05

:: عضو مُتميز ::
إنضم
10 جوان 2011
المشاركات
923
النقاط
551
محل الإقامة
Batna
الجنس
ذكر
ربي يهديه . هذا كارثه ربي يعافينا ويعافيكم. لازم تشوفو حل خاطر اذا قعد هكذا راح توصل الامور لا قدر الله لاشياء اخطر على الاقل حاولو تتصلو بكبار اهلكم واقاربكم او الجيران يشوفو معاه حل واذا ماحبش يتربى ما يبقى امامكم الا تقديم شكوى لمصالح الامن
 

محمد التبسي

:: عضو منتسِب ::
إنضم
20 فيفري 2017
المشاركات
90
النقاط
537
العمر
33
محل الإقامة
تبسة
ما خبرتيناش انت منين وقداه عمرك انا نفتش ع بنت لحلال
ربي يكون في عونك ويهدي اخوك
المسؤولية تاع والديك لازم يوقفوه عند حدو ولو يدخلوه للحبس حتى يتربى
كان الله في عونكم
مشكلتك انت انك لازم تتعامل مع هذا الابتلاء بصبر ورضا
فمن اركان الايمان
الايمان بالقضاء والقدر خيره وشره
ما تقوليش زهري معوج ووو
هذا كلام خطير ولا يجوز شرعا
ربي يفتح عليك
 

Hakan

:: مشرف ::
منتدى واش راك تهدر+فرغ قلبك
ركن المحاولات القصصية للأعضاء+بوح القلم
طاقم المشرفين
إنضم
10 أوت 2013
المشاركات
9,814
النقاط
2,201
الجنس
ذكر
السلام عليكم
يا الاخت الكريمة من خلال كل واش قلت يتبين ان الاخ نتاعك مريض نفسي
ومدمن مخدرات او خمر يعني لازملو مستشفى باش يتعاالج
والوالدين ساعات يدوخوني عوض لا تدعي على وليدك بالشر روح اديه للمستشفى
بالاك يحتاج طبيب نفسي يحكي معااه بالاك عندو عقدة بالاك هو من ضمن الناس اللي تحرشو بيهم في الصغر
لانو سمعت انو مثل هته الشخصيات تنشأ بسبب الاعتداء الجنسي في الصغر
يعني شوفولو طبيب او يبلغ عليه الوالد لانكم عايشين تحت الخطر والمشكلة ماهوش اللي يصرف عليكم
باش تتقلقو على معيشتكم ربي يهديه ان شااء الله ويرجع للطريق الحق
يعني اما شباب كيفو انا شخصيا نعرف شخص مثل هذا يعني باع المنزل نتاع الام نتاعو بسبب الخمر
والمخدرات والملاهي لكن كي حب ربي تاب ورجع للطريق وان شااء الله ربي يفرحكم يخوكم يارب ..
راهو رمضان ادعولو بالهداية وما تايسوش ...
 

**laila**

:: عضو فعّال ::
إنضم
4 جوان 2009
المشاركات
2,101
النقاط
111
العمر
31
محل الإقامة
tebessa
لا حول ولا قوة الا بالله العلي العظيم
ربي معاك اختي قطعتيلي قلبي

ربي يسترك و يرزقك الزوج الصالح آمين
 

aljentel

:: عضو متألق ::
إنضم
14 نوفمبر 2013
المشاركات
4,150
النقاط
491
سمعنا وسلمنا لاحول ولاقوة الا بالله العلي العظيم ...
الله يفرج همك ...
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,319
النقاط
821
محل الإقامة
الشرق-الوسط
الجنس
أنثى
ربي يهديه ان شاءالله اختي
شحال صعيبة هاذ الحالة
شوفو كان تقدرو تعالجوه
وادعولو بالهداية مهما يكون راح طرف من اللحم اختي متكرهيهش مهما كان راه خوك ومتدعيش عليه بالشر
 

زاد الرحيل

:: نجمة اللمة ::
إنضم
14 جوان 2016
المشاركات
4,523
النقاط
1,491
محل الإقامة
الجزائر
الجنس
أنثى
هذي مصيبة احكي لامك على محاولة دخول هذا الشيطان عليك حتى فالنهار مفيهش الأمان حاذري منه و اتصلي بالمام تاع المسجد يطرح عليك الحل و حذاري منه و التزمي الصمت كي يهدر هو
 

redouane27

:: عضو منتسِب ::
إنضم
14 جوان 2007
المشاركات
15
النقاط
3
السلام عليكم

الله يمهل و لا يهمل

المهم يا أختي نقولك أنو ما تخليش الشيطان يلعب بيك لاخاطر الشيطان يجي في أوقات الغظب و يعرف كيفاش يلعبلك على عقلك

و الحل على حساب ما نشوف أنك تتجاهلينه تماما حتى و لو تكلم معك أو سبك
أما الحل الثاني أنك تصبري تصبري تصبري إن مع العسري يسرى
يعني أنك ديري الثقة الكاملة في ربي سبحانه ة ربي راه يشوف
و دعوة المظلوم صعيبة و لكن ما تقوليش أشياء تدعي بيها ربي يديرله و يعمله قولي فقط حسبي الله و نعم الوكيل ربي يعرف واش يدير

و في الأخير نقلك ربي ينجيك و يفرحك و تفتحلك بيبان الخير إن شاء الله

سلام و صحا فطوركم
 

زهور الأمل

:: عضو شرفي ::
إنضم
27 جانفي 2017
المشاركات
2,410
النقاط
2,511
محل الإقامة
My Home
الجنس
أنثى
اختى لازمك اول شيء ماتعانديهش فالهدرة
وغي بشوية ..ادعوله بالهداية لان الدعاء بالشر يزيد يخففه
وحرام مهما دار متدعيش عليه بالشر قلتي هاذا الاخ الوحيد
اكثري الدعاء لخوك فى كل صلاة باش ربي يهديه
لانه حتى هو مراهش لاقي روحه والغضب انتاعه من نفسه يزيد يهيجه اكتر
ربي يقدركم ويهديه
 

أمين 27

:: عضو مُشارك ::
إنضم
31 أوت 2015
المشاركات
230
النقاط
13
العمر
26
محل الإقامة
مستغانم
اصبري تأجري على صبرك و ادعيلو بالهداية و خوك يلزملو يغير المحيط تاعه و يغير صحابو و يمكن حتى الرياضة تكون حل ..
ربي يفرج عليكم أختي
و نصيحة : ما تدعيش على خوك هاك خطرش راه ضايع لوكان جا عارف شاراه يدير يسقم روحه
صحا فطورك
 

sad_pb

:: عضو مُتميز ::
إنضم
14 أفريل 2010
المشاركات
1,348
النقاط
543
محل الإقامة
TEBESSA
الجنس
ذكر
لا إله إلا الله ... واحد كيما هذا لازملو رفقة صالحة تعوضو على رفقاء السوء اللي راه يدور معاهم لأنو حتى السجن في هذا الوقت ماولاش يربي .. واش راح نقلك ربي يحفظك و يسترك ان شاء الله ... ما بعد الضيق الفرج بإذن الله .. شدي في ربي و ان شاء الله تتحسن احوالك
 
الحالة
مغلق ولا يسمح بالمزيد من الردود.
Top