حوادث المرور في رمضان {مشاركتي في مسابقة خفيف وظريف}

[لؤلؤة قسنطينة]

السلام عليكم وصح رمضانكم وربي يتقبل منا ومنكم الصيام والقيام وصالح الأعمال ان شاء الله
موضوعي اليوم هو حول حوادث المرور لي راهي واقع أليم وتعمرت بيهم الاخبار والجرائد وكل يوم الطرقات تحصد أرواح كثيرة
لكن باه يرتبط هاد الموضوع بشهر الرحمة والغفران هنا المشكلة، يعني من المفروض الشهر لي يرتاح فيه الانسان نفسيا ويكون اكثر وعيا
حنا لالا تما وين العبد يجهل أكثر، ونلاحظو هاد الظاهرة بكثرة فيما يخص وقت الافطار، يعني لي راك تجري باه تلحق على الفطور
تلحق روطار أحسن ما تفطر في الجبانة، قعدتك وسط عايلتك وقت الفطور صح عزيزة ولكن التأخر لدقائق قليلة أحسن من أنك تحرم عايلتك
وأولادك من وجودك للأبد، ونتوما واش رايكم يا أهل اللمة في هاد الموضوع؟ وصح فطوركم وسحوركم
​

 

[لؤلؤة قسنطينة]

راني درت انجاز وكتبت في 6 أسطر برك ​

 

[بشرى ملاك]

عندك الصح لؤلؤلتي والله بصح الله يستر

 

[لؤلؤة قسنطينة]

عندك الصح لؤلؤلتي والله بصح الله يستر

اهلا حبيبتي مساء الورد
ربي يهديهم برك ان شاء الله
راهي الطرقات في الفطار وتحصد الارواح وين رمضان والشعب دايخ وملهوف على الماكلة
ربي يثبتلنا العقول برك
شكرا غاليتي على كرم مرورك ربي يحفظك ويحميك
صح فطورك الزينة :kiss:​

 

[Hakan]

اهلا بيك مريومة
والله حوادث المرور الرمضانية للاسف عايلتي عانات منها عندي زوج عموميتي تعرضو لحوادث المرور في هذا الشهر
والسبب هو قلة النوم ممكن حالات قليلة اللي يزرب على الفطور لكن اغلب الحوادث المسجلة في نهار رمضان تكون في ساعات الصباح او الظهيرة لانو اغلب
السائقين مع فوضى المدينة في الليل ما يقدرش يرقد او هو يكون سهران لهذا في النهار يروح يسافر وهو ممكن راهو راقد 2 سوايع
لهذا حوادث المرور صراحة جد مؤسفة وربي يرحم كامل اللي ماتو و نصيحة للناس اللي تزرب باش تلحق للفطور ياو في الجبانة مايديروش البوراك ههه سلام ​

 

[يونس قاسم]

موضوع رائع
صح وقت الفطور تلقايه طاير تحسب راه الفطور هارب و هو يجري من وراه
السبب واضح نقص الوعي حقا يا بن ادم لوكان تمشي بالعقل توصل روطار بنص ساعة مش رايح تموت
ياودي ربي يهدي ماخلق برك
صحيتي مريومة

 

[لؤلؤة قسنطينة]

اهلا بيك مريومة
والله حوادث المرور الرمضانية للاسف عايلتي عانات منها عندي زوج عموميتي تعرضو لحوادث المرور في هذا الشهر
والسبب هو قلة النوم ممكن حالات قليلة اللي يزرب على الفطور لكن اغلب الحوادث المسجلة في نهار رمضان تكون في ساعات الصباح او الظهيرة لانو اغلب
السائقين مع فوضى المدينة في الليل ما يقدرش يرقد او هو يكون سهران لهذا في النهار يروح يسافر وهو ممكن راهو راقد 2 سوايع
لهذا حوادث المرور صراحة جد مؤسفة وربي يرحم كامل اللي ماتو و نصيحة للناس اللي تزرب باش تلحق للفطور ياو في الجبانة مايديروش البوراك ههه سلام ​

اهلا خويا حكيم، راني درت التقشف في الستيلو هههه
لا حول ولا قوة إلا بالله ياك سلامات برك؟
فعلا يمكن تكون قلة النوم والسفر هوما أهم سبب لحوادث المرور في رمضان
وعلى هادي من الافضل مايكونش السائق وحدو كي يعود مسافر على الاقل كي يلقى لي يونسو مايرقدش
وكيما قلتها مساكن لي داتهم الموت في هاد الشهر الفضيل ربي يرحمهم ويوسع عليهم ان شاء الله
أما الناس لي دير سرعة قبل الفطور راهم كاينين زعما جمعيات خيرية يوزعو الافطار على الصائمين في نص الطرقات
غير باه نتجنبو هاد الحوادث وهكاك فيها فيها، ربي يهديهم برك ويصلحهم
شكرا خويا حكيم على كرم المرور وصح فطورك خويا​

 

[لؤلؤة قسنطينة]

موضوع رائع
صح وقت الفطور تلقايه طاير تحسب راه الفطور هارب و هو يجري من وراه
السبب واضح نقص الوعي حقا يا بن ادم لوكان تمشي بالعقل توصل روطار بنص ساعة مش رايح تموت
ياودي ربي يهدي ماخلق برك
صحيتي مريومة

اهلا خويا يونس يومك طيب ان شاء الله
بلافعل خويا راكي كوارث تصرا قبل الفطور، صح جمعة العائلة عند الافطار
مايعوضها والو، ولكن كي تخسر حياتك راك حطمت روحك وحطمت عايلتك لي تجري عليها
على هادي نتمنى لو الشعب يوعى شوي والتأخر كيما قلت يا ربي حتى نص ساعة
خير ما تولي في كارثة، وربي يهديهم ان شاء الله وربي يحفظ الجميع من هاد الحوادث
شكرا خويا على كرم المرور ربي يهنيك وصح فطورك
تحياتي​

 

[Oussama.GF]

سلام عليكم اختي
صح رانا نشوفو كثرة موت في شهرة رمضان
لواحد تلقاه يزرب باش يلحق على فطور مع عائلة طب حادث مرور
ربي يقدر مايشاء

 

[لؤلؤة قسنطينة]

سلام عليكم اختي
صح رانا نشوفو كثرة موت في شهرة رمضان
لواحد تلقاه يزرب باش يلحق على فطور مع عائلة طب حادث مرور
ربي يقدر مايشاء

وعليكم السلام ورحمة الله وبركاته
اهلا بيك خويا اسامة يومك طيب ان شاء الله
ربي يهديهم برك ان شاء الله وربي يستر على الجميع
فطور العائلة صح مايتعوضش ولكن السرعة رايحة تديك للهلاك وتزيد تحرمك من عايلتك
ان شاء الله يزيد وعي الشعب وينقصو السرعة سواء قبل او بعد الافطار
شكرا خويا على كرم مرورك ربي يهنيك وصح فطورك
تحياتي​

 

[badidoo]

السلام عليكم
مدام رنا في رمضان نصومو علي السياقة تانت افضل حل

 

[GI Joe]

heeblou heblou surtt li yele3bo b ness shab les taxi w les buss,, au lieux yna9sso l khadma m3a la fatigue yroho yrisquiw!!
f nhar kont fel kouss mrawha w kan dayer la radio yahedro 3la les accidents f ramdhan justement, kont mghamdha 3aynia w nesme3 yfrini sec tekhlaa3t le temps li nhel 3aynia imaginit l avant ta3o rah fiha mais salamat l hamdullah

 

[ام محمد رياض]

السالم عليكم صح فطوركم صح اختي كثرت حوادث المرور وكله بسبب السرعةوالمهم ان تصل ولو متاخرا خير من ان لا تصل

 

[menaa1981]

صح فطوركم عندك الحق

 

[لؤلؤة قسنطينة]

السلام عليكم
مدام رنا في رمضان نصومو علي السياقة تانت افضل حل

وعليكم السلام ورحمة الله وبركاته
اهلا بيك اخي ويوم طيب ان شاء الله
والله يا اخي مانضطروش للصيام عن السياقة نحتاجو وعي برك
خاطر لي يسوق بسرعة قبل المغرب بشوي نقولولو بلي السرعة اي ماش هي لي تلحقك في الوقت مع الفطور
قادر بالعكس تدير حادث وتصبح في المستشفى هادا لا ماصبحتش في الجبانة يعني بلعقل برك في الطريق
ولي مكتبو ربي يلحق، وربي يهديهم ان شاء الله
شكرا خويا على كرم المرور وصح فطورك​

heeblou heblou surtt li yele3bo b ness shab les taxi w les buss,, au lieux yna9sso l khadma m3a la fatigue yroho yrisquiw!!
f nhar kont fel kouss mrawha w kan dayer la radio yahedro 3la les accidents f ramdhan justement, kont mghamdha 3aynia w
nesme3 yfrini sec tekhlaa3t le temps li nhel 3aynia imaginit l avant ta3o rah fiha mais salamat l hamdullah

اهلا بيك اختي ويومك طيب ان شاء الله
والله هادي هيا ماعادتش درك يموت وحدو ولاو يديو معاهم ارواح سورتو صحاب لي بيس والطاكسيات
وكاين فئة لي تزيد السرعة قبل المغرب باه يلحق على الفطور ساع يجيبها في روحو
ربي يهديهم برك وربي يعافينا ان شاء الله وربي يرحم لي ماتو في هاد الشهر الفضيل
شكرا على كرم المرور ربي يهنيك وصح فطورك
​

السالم عليكم صح فطوركم صح اختي كثرت حوادث المرور وكله بسبب السرعةوالمهم ان تصل ولو متاخرا خير من ان لا تصل

وعليكم السلام ورحمة الله وبركاته
مرحبا اختي ويومك طيب ان شاء الله
وجميلة جدا عبارتك هي "المهم أن تصل ولو متأخرا خيرا من أن لا تصل"
يعني تلحق متأخر خير ما تسرع وتجيبها في روحك وتمنع ولادك من شوفتك مرة اخرى
ربي يهديهم ان شاء الله
شكرا اختي على كرم المرور وصح فطورك​

صح فطوركم عندك الحق

الله يسلمك اختي ومرحبا بيك ويومك طيب ان شاء الله
ان شاء الله تكون هادي رسالة للناس لي دير السرعة ويحبسوها ان شاء الله
شكرا حبيبتي على كرم المرور
صح فطورك​

 

[أمين 27]

موضوع مهم ,, اصبحت الناس تستهين بحياتها و حياة الغير
الله يجيب الخير
شكرا على الطرح

 

[badidoo]

وعليكم السلام ورحمة الله وبركاته
اهلا بيك اخي ويوم طيب ان شاء الله
والله يا اخي مانضطروش للصيام عن السياقة نحتاجو وعي برك
خاطر لي يسوق بسرعة قبل المغرب بشوي نقولولو بلي السرعة اي ماش هي لي تلحقك في الوقت مع الفطور
قادر بالعكس تدير حادث وتصبح في المستشفى هادا لا ماصبحتش في الجبانة يعني بلعقل برك في الطريق
ولي مكتبو ربي يلحق، وربي يهديهم ان شاء الله
شكرا خويا على كرم المرور وصح فطورك​

يعني قصدي نصمو علي السياقة ماشي مانسوقوش اصلا
إلا إدا إطرت الحاجة لخاطر كاين ليحبو يجوزو وقت يدي السيارة ويروح يدور بها
الإشكال في تقافة الموطن الجزائري اصا السيارة وسيلة نقل لا اقل و لا اكتر حنيا يلعبو بيها يديرو لا كورس يتباهاو سيارتي الاقوي و الاسرع
و زد علي دالك الطرقات التي لا تليق بسيارت قوية
ربي يجعل الخير
الشكر يعو لكي اختي الفاضلة علي طرح اللموضوع و النصائح
رمضان مبارك وصح فطوركم