كاميرا كاشي {لمّة خير} الحلقة الأولى

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى

السلام عليكم أهل اللمة الكرام وأسعد الله أوقاتكم

وملأها بركة وسعادة، وصح رمضانكم وربي يتقبل منا ومنكم الصيام والقيام وصالح الأعمال
كالعادة مستحيل يعدي شهر رمضان المبارك على اللمة الغالية بدون كاميرا كاشي وبدون ضحك وبدون مقالب

وهاد العام خممنا أنا وشريكتي في الإجرام @عآشقة الجنـة باه نديرو كاميرا كاشي لأعضاء اللمة كيما كل عام ونطيحوهم في الفخ

ونعرضو المقالب هادو في حلقات باه نغيرو الجو ويكون لرمضان داخل اللمة طعم مختلف وجميل ;)
لكن هاد المرة فكرنا أنا وأسماء وقلنا بعيدا عن كاميرا كاشي تاع فلان هدر فيك وفلان قال فيك ووين نخلي العضو هاداك يهز في قلبو
ولا نخلي العضو يغضب من عضو خلاف علاه مانديروش حاجة مختلفة يكون فيها
عبرة ورحمة وتعاون :giggle:
بالأخص والمعروف على ناس اللمة أنو مايجمعهمش عالم افتراضي فقط بل تجمعهم محبة وتواصل وترابط رغم أنهم داخل عالم افتراضي
فيفرحوا مع بعض ويبكيو مع بعض ويحسو ببعض، فهل يا ترى صح كامل هاد الكلام؟
نخليو الحلقات القليلة في عددها ولكن الكبيرة في معانيها وقيمها هي تخليكم تحكمو على أهل اللمة وأخلاقهم
إذن تابعوا معنا حتى الأخير، وبالاكم تنحيو التيليكوموند من يدكم وشاهدوا معنا كاميرا كاشي بعنوان

{لمة خير}



أول ضحية معنا في هاد الكاميرا كاشي هو الأخ @حلم كبير هاد الأخ ماكنتش ناوية نديرلو كاميرا كاشي خاطر وقت دخولو للمة ودخولي
ماش كيف كيف لكن شاءت الأقدار أنو نلتقي بيه في أحد الأيام يدور في اللمة في نفس وقت تواجدي، وماضيعتش الفرصة

وجدتلو سيناريو من عندي وراسلتو شوفو واش صرا

لؤلؤة قسنطينة
السلام عليكم
صباح النور خويا حليم ان شاء الله احوالك بخير؟
وان شاء الله كامل العائلة بخير؟
نتمنى تكون كل امورك بخير خويا خاصة بعد الانتقال ويكون شهر رمضان شهر خير عليكم يارب
(بديتهالو بسؤال على الأحوال ورميتلو معاها طعم صغير باه يبان السيناريو طبيعي وغير مفبرك ههه)


خويا حليم حبيت نسقسيك واعتذر على السؤال طبعا
حبيت نسقسيك نتا في اي مدينة من فرنسا باريس بعد؟
حلم كبير
وعليكم السلام والرحمة
بارك الله فيك على السؤال حنا لابأس والحمد لله ،الرحلة مع رمضان يمكنك تتخيليها ههه الحمد لله على كل حال .
ونتوما أحوالك لابأس والعائلة لابأس نشالله مع رمضان تكونو ملاح ...
معليهش عادي
أنا ساكن في فالنسيان قريبة لمدينة ليل المعروفة في شمال فرنسا ،باريس بعيدة عليا بساعتين ونص هكذاك ...
ربي يبارك فيك
(الأخ حليم حتى الآن تجاوب مع الموضوع ومسكين عطاني بعض المعلومات لي نحوس عليها وأنا عمدا سألتو مسبقا
على مدينتو باه نعرف كيفاه نكمل السيناريو بلا ما يشك فيا وهو سهل عليا الأمر)


لؤلؤة قسنطينة
والله الحمد لله خويا يسقسي عليك الخير ربي يجازيك الخير
وربي يكون في عونكم خويا وربي يجعل هاد البيت فاتحة خير عليكم يارب
بالشوي يروح التعب ان شاء الله وتلقاو روحكم
مدينة ليل خويا فيها مستشفيات ولالا خاطر ماشفيتش على اسم المدينة بالضبط بصح يدهرلي ليل
هي لي قريبة من باريس
(درت روحي ما شفيتش على الاسم باه نستدرج الاخ أكثر ومايفيقليش بلي مجرد سيناريو وهو تجاوب معايا مسكين وبعتلي حتى صورة توضيحية بارك الله فيك
خويا حليم
قبل حتى ماتسمع واش المشكلة ساعدتني نتا نعم الناس) :)

حلم كبير
إيه ليل فيها مستشفى جامعي كبير تتبع بنتي ثم عندهم ،عندهم طبة ملاح
إيه قريبة من باريس
هاي ليك صورة توضيحية

(ربي يشفيلك بنتك ان شاء الله خويا حليم ويحفظهالك من كل سوء
بعدما ضمنت تجاوب الأخ حليم أرسلتلو السيناريو لي خططتلو شوفو واش كتبتلو
نصلح نكتب سيناريوهات تاع أفلام هههه)


لؤلؤة قسنطينة
الحكاية ومافيها يا خويا، كاين عضو هنا من اللمة يماه مرضت
واضطرو يطلعوها لفرنسا دير عملية ولا تتعالج ماعلاباليش بالضبط ونظن في مدينة ليل خاطر كي ذكرت اسمها تفكرت
هي لي قريبة من باريس
ولكن بما أنو شهر رمضان هو راح لفرنسا على اساس عندو عائلة تما يقولك على الاقل يجبولي فطور للمستشفى
ولا على الاقل يروح يفطر عندهم ويماه راهي في المستشفى
ساع طيشوه واحد ماتفكرو ولا جابلو طرف خبز يفطر بيه
ماتعرفش كاش نفس مومنة تتفكر هاد الانسان تمدلو ولو طرف خبز ولا تتفكرو بفطور
خاصة انو في بلاد الغربة ومايعرفش ويماه مريضة

أول ماسمع الأخ حليم بحالة هذا العضو قالي خليلي رقمو باه نلحقو ليه وقالي نشوف كاش ناس قراب من تم يوصلو ليه لأنو المستشفى بعيد عليه
ولكنو كان مزروب ما وضحليش مليح استنيتو حتى يرجع وخبرتو باه مايتصل بحتى واحد حتى نخبرو أنا
على اساس أنو العضو ماعلابالوش بهاد المساعدة لي رايحة نقدمهالو وباه مانحرجوهش هههه وانا راني خادمتها من تحت لتحت هههه
ومن بعد خرجت رحت نصلي وخليت الأخ حليم يخمم في حالة هذا العضو لدرجة أنو ما استنانيش مسكين حتى نرجع
ما جيت نرجع في ظرف ساعة تقريبا كان ديجا اتصل بناس يعرفهم لأنو هو عندو ظروف وبعيد عليه المستشفى لي فيه هاد العضو الخيالي ههه

وفي النهاية خلالي هاد الرسالة لي فيها بعض المعلومات لي ممكن تساعد العضو هذا إلى غاية نهاية الاسبوع يتكلف بيه الأخ حليم

حلم كبير
أنا بعيد عليا بزاف ممكن عطلة الأسبوع نشالله إذا حب ربي
شوفي كاين ثم مساجد يديرو الفطور لعابري السبيل إذا كان محرج يلڨا الناس بزاف تفطر ثم ودايرين ماكلة الدار عادي ميش غير هو
إذا كان في هذا السبيطار
Jeanne de Flandre
هاهو المسجد ڨريب ليه نص ساعة على رجليه مع العنوان يكتبو والناس تدلو
Mosquée Al Imane de Lille
59 Rue de Marquillies, 59000 Lille
تقريبا السبيطارات كامل في جيهة وحدة وهذا الجامع لڨريب ثم
وإذا حب يعطيك العنوان بالضبط مع رقم الهاتف هاذي رحمة نعيطولو ونشوفو على الأقل في الويكاند ما يڨعدش هكذاك ،والناس لبعضاها علاه الحشمة....
ربي يسهل نشالله
الأخ حليم رغم كامل المساعدات لي بعتهملي في الرسالة السابقة ورغم معارفو لي شافهم بقا قلبو عند العضو هاداك
وزاد بعتلي رسالة أخرى (وانا هنا مازال حتى ما جيتش هههه) وحسب الرسالة الاخيرة الاخ هز هم خوه رغم أنو للآن ماعطيتوش اسمو
والظاهر راهو يفكر في أنو يستضيف العضو هادا
المجهول بيه بيماه عندو في الدار :)

حلم كبير
ڨداه رايح يڨعد هنا ،
والوالدة نتاعو دارت العملية ولا مزالت
لو كان بيدي نجيبو هو والوالدة لعندي كل يوم يفطر هنا لكن بعيد عني وزيد الخدمة الله غالب
شوفي مع رقم الهاتف نتاعو ڨبل ومن بعد يحلها ربي
(كي دخلت ولقيت كامل هاد الميساجات ماحبيتش نطول عليه وخبرتو بلي كانت مجرد كاميرا كاشي )


أياااااا ختي مريم :eek::eek::eek:
عام ربح نشالله
وأنا عيطت للغاشي وڨالولي ڨوللنا وين راه فالسبيطار بالضبط ونشوفو كيفاه نديرو ،يعني كنت رايح ندير حملة ذات منفعة عامة في سبيطار ليل وضواحيه غاضني صح ...

يعني نحيتي علينا خدمة نتاع خير
وأنا من الصباح نسب في عايلتو وكيفاه يخليوه وكيفاه يتلفوه وهاذو ميش عباد هههههههههههه
يعطيك الصحة درتيها بيا يا بنت قسنطينة
والله درتيها بيا صح وما فقتلك ياو !!!!!!
المهم وضحت في النهاية للأخ حليم فكرة الكاميرا كاشي واعتذرت منو طبعا وهو تقبل الأمر بصدر رحب
واستأذنتو طبعا في طرح المعلومات الشخصية المذكورة لفوق لي تخص المدينة وكلشي
والأخ صراحة غاضتو ماش كي درنالو كاميرا كاشي بل غاضتو انو راحتلو فرصة يربح أجر في هذا الشهر الفضيل
وبهذا حسيت أنا لي دارولي كاميرا كاشي ماش للأخ وهذا بسبب طيبتو وحبو للمساعدة


الملاحظة لي حبيت نقولها في نهاية الحلقة أنو لما راسلت الاخ ودرتلو كاميرا كاشي كان تما سمع بلي الأب تاعو مريض بمرض خبيث وحالتو سيئة
ولكن كان كلامو معايا طيب كيما شفتو وحتى بعدما سمع بلي كان مجرد مقلب ضحك عادي وفرح عادي
تخيّل باباك مريض في حالة ونتا في الغربة بعيد عليه عندك عايلتك تخمم عليها عندك بزااف امور في راسك ويجي واحد يديرلك مقلب كيفاه تكون ردة فعلك؟
مهما كانت ردّة فعلك فهي في حقك، لكن الاخ حليم رغم كامل همومو تقبل كلشي بصدر رحب وحب يعاون غيرو

ولهذا سميناها "لمة خير"
وهادو هوما أبناء اللمة الأحرار لي يساعدو غيرهم حتى بدون ما يحوسو يعرفو شكون هوما المهم يجري في عروقهم دم جزائري

في نهاية الموضوع نقول للأخ حلم كبير بارك الله فيك خويا وربي يجازيك الجنة وربي يعطيك ما تتمنى واسمحلنا
ربي يشفيلك الوالد ويحفظهولك في هاد الايام المباركة ويطولو في عمرو ويخليه تاج فوق راسكم وربي يفرج عليك خويا
شكرا لمتابعتكم لهذه الحلقة وماتنساوش تخليولنا رايكم فيها، نلتقي في حلقة أخرى ومع عضو آخر

سلااام










 

ضآحكة مستبشرة

:: عضو شرفي ::
إنضم
27 جويلية 2014
المشاركات
15,079
النقاط
13,521
محل الإقامة
أزمير
الجنس
أنثى
السلام عليكم حبيبتي مريم او زميتلي في الحصة هههه
اولا شكرا جزيلا و بارك الله فيك انت صاحبة الفكرة الرئيسية
كان عمل مميز بالتعاون معك و موضوع الكاميرا كاشي كان مختلف عن باقي الكاميرات
هذي كانت عبارة عن تجربة اجتماعية للاخوة و الاخوات
و من خلالها تعرفنا على حقيقة الاعضاء و عرفنا بلي مزال الخير في بلادنا و عبادها
اما بخصوص الاخ حلم كبير فبارك الله فيه على طيبة قلبو و حب لعمل الخير نقولولو ربي يقدرك على فعل الخير و مساعدة الناس
انسان كبير مثل ماهو حلم كبير انسان طيب القلب و فحل و وليد البلاد صح
يعطيكم الصحة كامل
و ربي يشفي الوالد تاعو و يخفف عليه و صحا عيدو مسبقا
شكرا اول حلقة كانت رائعة
 

4algeria.com

:: إدارة اللمة الجزائرية ::
طاقم الإدارة
إنضم
25 أفريل 2018
المشاركات
1,674
النقاط
171
الجنس
ذكر
بارك الله فيك اخي @حلم كبير على سعة صدرك و على نواياك الطبية و الصدقة تحسب في ميزان حسناتك
و ربي يشافي الوالد الكريم و يرزقه الصحة في العاجل القريب و مشيئة الاله الاحد
- - - -
الكاميرا الخفية ناجحة و لو كان في علمنا بها لكنا ساعدناكم فيها اكثر و السنة المقبلة اذا كنا من الاحياء ستكون مدروسة اكثر و نعرضها حتى على اليوتيوب بالصوت و الصورة.

مشكورة اختي الكريمة و رسالة لمة خير واضحة من اسمها
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
47,320
النقاط
821
محل الإقامة
الشرق-الوسط
الجنس
أنثى
وعليكم السلام يعطيكم الصحة هاذي فكرة ولاخلي الاخ حليم ربي يبارك فيه ديما سباق للخير وكم من مرة شفنالو في اللمة مواقف انسانية ومن خلال هاذ الموضوع بانت طيبتو اكثر واكثر ربي يشفي الوالد ان شاء الله وتحية للسيناريست والاخراجيست ;);)
 

صانعة الإبتسامة

:: عضو فعّال ::
إنضم
4 ماي 2017
المشاركات
2,406
النقاط
1,011
محل الإقامة
قلب ماما وبابا
الجنس
أنثى
ياااااه مريومة انت وحدك والله;)
مسكين خويا @حلم كبير والله نية وحنين ربي يحفظو وماشي غريب عليه هاد الشيء اصلا طبيعتو يحب يعاون ناس الله يجازيه الجنة ويحفظ عايلتو الصغيرة والكبيرة ويشفي الوالد الكريم
وأنت يا مكشردة يجي نهار ونديرلك كاميرا كاشي ???
مرسي حنونة موضوع رائع مثلك يا جوهرة قسنطينة
 

faith8

:: عضو شرفي ::
إنضم
9 جوان 2013
المشاركات
7,239
النقاط
2,086
محل الإقامة
الجزائر العاصمة
الجنس
أنثى
السلام عليكم ورحمة الله وبركاته
والله كاميرا كاشي ولا خليني مريم اختي واسماء مكنتش نسنا كامل هاد الابداع يعطيكم الصحة فريمون دهشتوني حاجة تووب
والاخ حلم كبير نحييه على طيبة قلبه وسعة صدره جزاه الله خيرا على نيته الطيبة وان شاء الله ربي يشفيلو الوالد الكريم ويعافيه في هاد الايام المباركة
 

فريد أبوفيصل

:: نجم اللمة::
إنضم
1 أوت 2008
المشاركات
6,389
النقاط
2,651
الجنس
ذكر
هاي الكاميرا نتاع الصح مافيهاش العياط والضرب ووووو
وكان راح يكمل رمضان بلا كميرا مخفية في اللمة كالعادة لكن يعطيكم الصحة على المبادرة ويعطيكم الصحة على فكرتها وموضوعها واخونا حليم نقلو انما الاعمال بالنيات وانت ان شاء الله تكتبلك الاجر كامل حتى وهو مزحة لكن الله لا يضيع أجر المحسنين ولو بالنية ونيتك كانت خالصة لوجه الله.
والسيد هاذا المريض الافتراضي نقلوا ارجع انت ويماك لدزاير بالاك تحرق راها كميرا كاشي فقط.
بارك الله فيكم وأكيد كل من في اللمة لن يتأخر ثانية اذا كان الامر يحتاج الى تكاتف وتظامن على الخير أكيد ناس اللمة ناس ملاح بلبزاف وميتعوضوش.
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
ربي يحفظكم جميعا على التشجيع
وعلى الدعوات والكلمات الطيبة
وسعيدة أنو الفكرة عجبتكم
غدوة نرجع نرد عليكم واحد واحد ان شاء الله
وصح سحوركم ^^​
 

Salah eddin

:: عضو شرفي ::
إنضم
27 جانفي 2016
المشاركات
10,188
النقاط
1,886
محل الإقامة
الجلفة
الجنس
ذكر
السلام عليكم و رحمة الله و بركاته

بصراحة و باختصار ... لم يفاجئني رد فعل الأخ حليم ...

لان الكرم و النُبل و كرم الأخلاق أمر مُسَلَّم به عند الأخ الكريم @حلم كبير

بارك الله فيك الأخت @لؤلؤة قسنطينة على المبادرة الطيبة

و صح سحوركم :)



 

dahman kz

:: عضو فعّال ::
إنضم
1 أكتوبر 2008
المشاركات
2,663
النقاط
511
محل الإقامة
الوادي
الجنس
ذكر
بارك الله فيكم ويعطيكم الصحة عالكاميرا كاشي والفكرة
ومع انو مقلب الا انو عجبني موقف ورد الاخ حليم بارك الله فيه وربي يشفيله الوالد وربي يحفظه من كل سو ان شاء الله.
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
شخص متميز (y)
كاميرا شابة
ربي يوفقكم

صباح النور أخي حمزة
وشكرا لكرم تواجدك
وبالفعل الأخ حليم شخص أكثر من متميز
شكرا خويا على تشجيعاتك بارك الله فيك

تحياتي
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
السلام عليكم حبيبتي مريم او زميتلي في الحصة هههه
اولا شكرا جزيلا و بارك الله فيك انت صاحبة الفكرة الرئيسية
كان عمل مميز بالتعاون معك و موضوع الكاميرا كاشي كان مختلف عن باقي الكاميرات
هذي كانت عبارة عن تجربة اجتماعية للاخوة و الاخوات
و من خلالها تعرفنا على حقيقة الاعضاء و عرفنا بلي مزال الخير في بلادنا و عبادها
اما بخصوص الاخ حلم كبير فبارك الله فيه على طيبة قلبو و حب لعمل الخير نقولولو ربي يقدرك على فعل الخير و مساعدة الناس
انسان كبير مثل ماهو حلم كبير انسان طيب القلب و فحل و وليد البلاد صح
يعطيكم الصحة كامل
و ربي يشفي الوالد تاعو و يخفف عليه و صحا عيدو مسبقا
شكرا اول حلقة كانت رائعة

وعليكم السلام ورحمة الله وبركاته
اهلا زميلتي في الإجرام هههه صباح النور أسومة
شكرا غاليتي وأنا لي سعيدة بالتعامل معك وحتى نتي عندك أفكار ماشاء الله
وبالفعل كانت تجربة جميلة بالنسبة لينا حنا أولا ودرك يزيدو يشوفوها الأعضاء
درك تزيد تعجبهم أكثر ورايحين يعرفو بلي لمتنا صح لمة خير
وربي يحفظ الأخ حليم على طيبتو وحسن أخلاقو وحسن معاملتو معانا
وربي يشفي الوالد تاعو ويحميه من كل سوء
شكرا غاليتي على مرورك وعلى تعاونك وعلى مجهودك
بارك الله فيك وجزاك خيرا

شكرا لمرورك أسومتي
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
بارك الله فيك اخي @حلم كبير على سعة صدرك و على نواياك الطبية و الصدقة تحسب في ميزان حسناتك
و ربي يشافي الوالد الكريم و يرزقه الصحة في العاجل القريب و مشيئة الاله الاحد
- - - -
الكاميرا الخفية ناجحة و لو كان في علمنا بها لكنا ساعدناكم فيها اكثر و السنة المقبلة اذا كنا من الاحياء ستكون مدروسة اكثر و نعرضها حتى على اليوتيوب بالصوت و الصورة.


مشكورة اختي الكريمة و رسالة لمة خير واضحة من اسمها

صباح النور أخي وشكرا لكرم مرورك
وبارك الله في الأخ حلم كبير على سعة صدره وعلى أخلاقه النبيلة
وكما قلت حتى وإن كانت مجرد لعبة إلا أن الله سيجزيه خيرا على نواياه الطيبة
ربي يكثر من أمثالو وربي يشفيلو الوالد تاعو ويحميه
إن شاء الله أخي، وهي كانت مجرد فكرة جاتنا قلنا نطبقوها وزيد كان راح الحال
بقالنا 15 يوم على نهاية رمضان، اضطرينا للسرعة في التطبيق
وعدد الحلقات رايح يكون قليل نوعا ما لكن ان شاء الله تعجب الاعضاء
وتلقى الفكرة استحسان الجميع
العفو أخي وشكرا لتواجدك بارك الله فيك

تحياتي

 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
وعليكم السلام يعطيكم الصحة هاذي فكرة ولاخلي الاخ حليم ربي يبارك فيه ديما سباق للخير وكم من مرة شفنالو في اللمة مواقف انسانية ومن خلال هاذ الموضوع بانت طيبتو اكثر واكثر ربي يشفي الوالد ان شاء الله وتحية للسيناريست والاخراجيست ;);)

اهلا أختي أم ياسمين وصباح النور
سعيدة أنو الفكرة نالت إعجابك وان شاء الله تلقى استحسان من الجميع
ولي شاركو معانا ان شاء الله تكون في ميزان حسناتهم
والأخ حليم كما قلتِ دائما سباق للخير ودائما مايضيعش فرصة مساعدة غيرو
ربي يشفيلو الوالد الكريم وربي يعافيه ان شاء الله
شكرا حبيبتي على كرم مرورك وراهي وصلتنا التحية هههه
تحياتي

 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
ياااااه مريومة انت وحدك والله;)
مسكين خويا @حلم كبير والله نية وحنين ربي يحفظو وماشي غريب عليه هاد الشيء اصلا طبيعتو يحب يعاون ناس الله يجازيه الجنة ويحفظ عايلتو الصغيرة والكبيرة ويشفي الوالد الكريم
وأنت يا مكشردة يجي نهار ونديرلك كاميرا كاشي ???
مرسي حنونة موضوع رائع مثلك يا جوهرة قسنطينة
صباح النور حبيبتي صفاء
شكرا لتواجدك غاليتي
فعلا الأخ حليم إنسان طيب ومتخلق ربي يوفقو لكل خير
وأهم شي ربي يشفيلو الوالد تاعو ويعافيه
ههههه ديجا راهم داروهالي العام لي فات ليكيب تاع صلاح ههه
وتواجدك أروع يا عيوني ربي يحفظك يا غالية وربي يهنيك

تحياتي
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
السلام عليكم ورحمة الله وبركاته
والله كاميرا كاشي ولا خليني مريم اختي واسماء مكنتش نسنا كامل هاد الابداع يعطيكم الصحة فريمون دهشتوني حاجة تووب
والاخ حلم كبير نحييه على طيبة قلبه وسعة صدره جزاه الله خيرا على نيته الطيبة وان شاء الله ربي يشفيلو الوالد الكريم ويعافيه في هاد الايام المباركة

وعليكم السلام ورحمة الله وبركاته
صباح النور حبيبتي إيمان وشكرا لتواجدك غاليتي
سعيدة أنو الفكرة عجبتك والسيناريو عجبك ههه
شكرا لتشجيعك حبيبتي هذا يفرحنا
والأخ حلم كبير نعم الناس ونعم الأخ ربي يجازيه الخير
وربي يشفيلو الوالد الكريم ويعافيه يارب
شكرا حبيبتي إيمان على مرورك الطيب

تحياتي
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
هاي الكاميرا نتاع الصح مافيهاش العياط والضرب ووووو
وكان راح يكمل رمضان بلا كميرا مخفية في اللمة كالعادة لكن يعطيكم الصحة على المبادرة ويعطيكم الصحة على فكرتها وموضوعها واخونا حليم نقلو انما الاعمال بالنيات وانت ان شاء الله تكتبلك الاجر كامل حتى وهو مزحة لكن الله لا يضيع أجر المحسنين ولو بالنية ونيتك كانت خالصة لوجه الله.
والسيد هاذا المريض الافتراضي نقلوا ارجع انت ويماك لدزاير بالاك تحرق راها كميرا كاشي فقط.
بارك الله فيكم وأكيد كل من في اللمة لن يتأخر ثانية اذا كان الامر يحتاج الى تكاتف وتظامن على الخير أكيد ناس اللمة ناس ملاح بلبزاف وميتعوضوش.
اهلا سيدي الكريم وصباح النور
شكرا جزيلا على تشجيعك وسعيدة أنو الفكرة عجبتكم
باه يكون فيها تنوع وعبرة ومتعة في آن واحد
وكيما قلت حتى ولو الفكرة مزحة لكن الاجر عند الله عظيم
والنية الطيبة تاع الأخ راهو مكتوبة عند ربي سبحانو
ان شاء الله ربي يشفيلو الوالد ويعافيه عاجلا غير آجل
ههههه نداء للمريض الافتراضي ارجع لبلادك رانا خلصنا التصوير هههه
وبارك فيك الرحمان على تشجيعك، وفعلا ناس اللمة ناس من ذهب ماشاء الله عليهم
شكرا لكرم مرورك سيدي جزاك الله خيرا

تحياتي
 

لؤلؤة قسنطينة

:: مراقبة عامة ::
طاقم المراقبين
إنضم
13 أفريل 2013
المشاركات
14,621
النقاط
2,251
العمر
27
محل الإقامة
قسنطينة
الجنس
أنثى
الله يحفظه و يقوي من أمثالة و ان شاء الله له أجر النية ..انما الأعمال بالنيات.
شكرا لؤلؤة على الكاميرا كاشي
صباح النور أخي ومرحبا بك
اللهم آمين ربي يحفظ الأخ وربي يجازيه الخير
وربي يشفيلو الوالد الكريم ويعافيه يا رب
العفو أخي والشكر موصول لك على تواجد وتشجيعك
بارك الله فيك على كرم مرروك

تحياتي
 
Top