مشاركتي في مسابقة {خفيف وظريف}

[لؤلؤة قسنطينة]

السلام عليكم وأسعد الله أوقاتكم ويومكم طيب ورمضان مبارك
ربي يقدرنا على الصيام والقيام وصالح الأعمال ان شاء الله
حبيت اليوم نطرح مشاركتي المتواضعة في مسابقة

مسابقة {خفيف وظريف} تعود اليكم من جديد

وهي كالتالي:

لي حبيت نتكلم عليه اليوم هو كاينة واحد الظاهرة بحيث نلقاو أفخم المطاعم سواء الجزائرية منها أو الأجنبية في الجزائر سواء السورية أو التركية أو غيرها في شهر رمضان الكريم يديرو الأكل عندهم وقت الافطار باطل خصيصا لعابري السبيل وللفقراء والمحتاجين وكتر خيرهم وربي يجعل هاد الأمر في ميزان حسناتهم، الشي لي محيرني تلقى ناس لاباس بيهم يدير 4 أطباق في دارو يغلق دارو ويجيب عايلتو يفطرو في هاد المطاعم ويدي بلاصة واحد فقير ومحتاج ولا بلاصة واحد يسكن بعيد وفاتو وقت الافطار، وهذا نفس الشي لي لاحظتو تاني فيما يخص قفة رمضان يعني القفة بدل ما تروح لناس محتاجين طرف خبز يسخفو عليه يديها لي عندو سيارة
تاع 200 مليون، مافهمتش إذا الإعانات هادي يستغلها الغني ولا حتى الفقير ماعندوش زهر في أبسط الأمور، واش رايكم في هاد الظاهرة؟

وصح فطوركم/سحوركم
تحياتي


​

 

[Hakan]

السلام عليكم اهلا بيك مريومة ختي :
ظاهرة التسول المحترف هذي راهي طغات في الجزائر وكي نقول تسول محترف مش مقطع حوايجو ويطلب لا
بالعكس يجي بملابس نظيفة كيفه دايرة مع مرتو ويزاحمو في الفقراء كيما ذكرتي تخيلي العالم اللي فات
واحد يخلص 8 ملاين للشهر راح خرج القفة نتاع رمضان والمشكلة الاكبر خرج 3 قفف يعني سرقة بواحا في شهر المغفرة
ضركي هذا كيفاه صيامو داير وكاين قصص وقصص لكن خلاصة القول قول الله تعالى :
لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لَا يَسْتَطِيعُونَ ضَرْبًا فِي الْأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُم بِسِيمَاهُمْ لَا يَسْأَلُونَ النَّاسَ إِلْحَافًا ۗ وَمَا تُنفِقُوا مِنْ خَيْرٍ فَإِنَّ اللَّهَ بِهِ عَلِيمٌ (273)

هذا هو الفقير تاع الصح اما الناس لخرين اشباه متسولين هذو كي يقابلو ربي يوم القيامة يجيو ووجوهم مافيهاش اللحم جزاء السرقة هذي والتسول بغير حاجة بارك الله فيك بالتوفيق في المساابقة ​

 

[السلطانة]

وعليكم السلام ورحمة الله وبركاته
كاين ناس السرقة عيناني
وحتى في شهر الرحمة والغفران ولو هو لاباس بيه ينحي اللقمة من فم لي معندوش ويديها هو
ربي يهديهم برك
يعطيك الصحة أختي بالتوفيق

 

[لؤلؤة قسنطينة]

السلام عليكم اهلا بيك مريومة ختي :
ظاهرة التسول المحترف هذي راهي طغات في الجزائر وكي نقول تسول محترف مش مقطع حوايجو ويطلب لا
بالعكس يجي بملابس نظيفة كيفه دايرة مع مرتو ويزاحمو في الفقراء كيما ذكرتي تخيلي العالم اللي فات
واحد يخلص 8 ملاين للشهر راح خرج القفة نتاع رمضان والمشكلة الاكبر خرج 3 قفف يعني سرقة بواحا في شهر المغفرة
ضركي هذا كيفاه صيامو داير وكاين قصص وقصص لكن خلاصة القول قول الله تعالى :
لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لَا يَسْتَطِيعُونَ ضَرْبًا فِي الْأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُم بِسِيمَاهُمْ لَا يَسْأَلُونَ النَّاسَ إِلْحَافًا ۗ وَمَا تُنفِقُوا مِنْ خَيْرٍ فَإِنَّ اللَّهَ بِهِ عَلِيمٌ (273)

هذا هو الفقير تاع الصح اما الناس لخرين اشباه متسولين هذو كي يقابلو ربي يوم القيامة يجيو ووجوهم مافيهاش اللحم جزاء السرقة هذي والتسول بغير حاجة بارك الله فيك بالتوفيق في المساابقة ​

وعليكم السلام ورحمة الله وبركاته
اهلا بيك خويا حكيم ومساء النور
للاسف كيما قلتها هادي ظاهرة تسوّل محترف
ناس لاباس بيها تزاحم الفقير على أبسط الامور كيما قلتها يسلك مليح
وبالاك تلقى عندو فيلا ويضرب اللحم يوميا ويزيد يدي قفة فيها شوي دقيق وزيت
هاد الناس ماعندهمش قناعة ويحبو ينهبو كلشي، خاطر الفقير الحقيقي فقير من برا
بصح غني من داخل وعندو عزة نفس تلقاه بالاك مايجيش يدي خلاص القفة
متوكل على ربي ومخلي رزقو عليه، أما هادوك الفومبير هههه فربي يهديهم
حسابهم عند ربي سبحانو
شكرا خويا حكيم على تواجدك وصح فطورك
بارك الله فيك​

 

[لؤلؤة قسنطينة]

وعليكم السلام ورحمة الله وبركاته
كاين ناس السرقة عيناني
وحتى في شهر الرحمة والغفران ولو هو لاباس بيه ينحي اللقمة من فم لي معندوش ويديها هو
ربي يهديهم برك
يعطيك الصحة أختي بالتوفيق

أهلا أختي أم ياسمين مساء النور
نعم أختي هادوك كيما قلتي سرقة عيناني يعني يسرق ووعينك تشوف
بدون حشمة ولا خوف من ربي يديو حقوق الناس هكاك
إضافة إلى أنو شهر الرحمة والمغفرة لازم الانسان على الاقل يخاف
من ربي في هاد الشهر، لكن لا حياة لمن تنادي
شكرا لتواجدك حبيبتي وصح فطورك
بارك الله فيك وبالتوفيق لك كذلك
​