مشاركة سمية في مسابقة طفولتي في رمضان

Soumia hadj mohammed

:: نجمة اللمة ::
إنضم
28 أوت 2011
المشاركات
6,262
النقاط
2,281
العمر
24
محل الإقامة
سعيدة
الجنس
أنثى
السلام عليكم ورحمة الله وبركاته



زمن جوهري يتصادف معه الشهــر الفضيل
ابـــتســامـــة شاسعة مصحبة بذكرى
حينما تعود ال
صور بستة عشر سنة الى الماضي الرونقي
اوووف ههه مسرورة جدا والدمع تغرغر في نفس الوقت ،
زمــــــــــــــــــــــــن
هــــــــــــدوء كــــــــــان °°°°°°°°°°رغم الغيـــــــــــوم البشريـــــــة
كــــــان زمـــــن
بـــــرآآآاءة °°°°°°°°°°°°°°°°رغـــــــم إجــــــــرام البشـــــــر
كان زمن
الاطمئنان°°°°°°°°°°°°°° رغـــــم ضجيــــــج البشر
كان زمن
الـــفـــــرح و لو أن الحــــــــزن عليه غطى
كـــــــان زمـــــــــــــن
الـــــحريـــــــــــة حتى لو بها قوانين مرور

°°°~~ـــــــــ~~0~~ـــــــــ~~°°°​

بون ما نخرطش عليكم باسكو منيش متفكرة اكزاكتومو كال آني بديت نصوم

مي كنت بادية فالتدريبات كي كنت فالابتدائية وكنت دائما في الهجوم



كان يحمكنا رمضان وقت الدراسة
في الليل قبل ان انام كنت افرح ب الميادورو ولا الالففرنك لي يمدهالي ابي هه نشوف فيها وندريها تحت مخدتي

صباح غيرنفيق ندير طلة تحت المخدة هه حملة ذات اطمئنان عامة على الخزينة الدولية
،
ويا فرحي وسعدي نهار لي ندي دوميل ولا ساميل خخخ كي شغل صوميل تع ذاك الوقت

كنت نخرج لعشية وقت القيلولة مهم قبل العصر وتبدا مسيرة الميل ههه بمئزر زهري احبه كثيرا فيه زوج جيوب كنت اضع باحدها الدنانير التي يعطيني اياها ابي حفظه الله



كنت نشري الحلويات ومرات ندس ميادورو على الالف به نشري كش حاجة معينة شفتها فالحوانت

وخطرة في رمضان كي خرجت من القراية شريت كتاب تع حلويات من المكتبة لي حدا المدرسة

وصلت للدار ونوريهلهم وانا فرحانة بروحي ويبدا تحقيق المخابرات من طرف اختي الكبيرة :
مين جبتي دراهم

علاه شريتيه
ياخوتي تقول راني فالكوميساريا

ايا كي كثرت عليا قتلها مكان ما دخلك مشي توعك دراهم وانا بغيته
ههههه جومونفو راس البيطون بلا سيمان
كانت مسيرتي من المدرسة الى غاية دخولي لمنزلنا لها ذوق رائع غير ندخل للحي لي نسكن فيه نشبع روايح تع الطبخ خاصة انو دارنا في لافان تع الحي ههه صافي نشم طبخ تع 32 دار هههههههه
واللقطة الي تتكرر كل يوم سوميتي ارواحي تذوقي هههه من كثرة التذوق وليت نفيق للماكلة اسكو سامطة ولا مالحة بمجرد ان اشمها فقط ههه الحاسة السيزيام

هكذاك وكنت نحاول كش ما نعاونهم فالطبخ مي كانو يمدولي سرفيس تع حط الماعن خخخخ

كانت عندي طبيعة كي كنت نصوم اكل يوم نوجد سندوتش نبقى نقلب فالطنجرات ونتشهى ونعمر فالخبز ايمى قلبي الصغير لا يتحمل
مي تركت تلك الطبيعة خاطر قعدت فيا سنين ، يخي طبيعة شينة يخي ههه


لا ماخفتش نكذب كيما قال النوري في عاشور العاشر نظن اني كنت نصوم قبل ما تخرجت من الابتدائية اي بمعني قبل ما درت لاسوتنونس تع السيزيام


وكنت نصوم نهار كومبلي مكنتش عندي عقلية تع نص نهار ههه كنت قوية هه امي كانت تحب تفطرني وانا نتعمدلها
نبغي بزاف البورااك ناكل حصتي وندور على حصص البقية هه سياسة الحقرة من صغري / حقرونا حقرونا ههه /
والبرامج تع كل يوم بوراكة حتى وليت نغيها وحدي وهذوك تع خمس بنات ماكارينا ماكاريا اووووووو خالتي حليمة والشطحة تعها
خخخخ
وامي تقريبا كل يوم ؛؛ سمية ارواحي هاكي دي لجارتنا تذوق
الغدوا منذاك
ها سمية روحي جيبي الماعن تع لبارح من عند الجارة
وعلاه ياماما اكتيفيتي لي مسياج بيا
، كنت نامبر وان فلي زاساماس تع الجورة



كنت العب في الحي ورا الفطور مع بنات الحي شحال فووور وليلة سبعة وعشرين نمووت على رائحة البخور ومن صغري كنت انا من يبخر المنزل في تلك الليلة



اما نهار لي ميفيقونش للسحور هه ناكلهم بالزgا


الاسئلة :
متى بدات تلك الطفلة تصوم ؟
الاكلة المفضلة ؟
وش هو لي قالولها علاه شريتيه ؟
خخخخخخخ جاوبو بلا كوبياج رانا في رمضان

صح فطوركم



 

الصحافية الساخرة

:: نجمة اللمة ::
إنضم
5 جانفي 2017
المشاركات
3,487
النقاط
1,441
العمر
24
محل الإقامة
Jijel
الجنس
أنثى
هههخخخهههههه البوراك و الكتاب تاع الحلويات اه هخخخهخ بلا كوبياج ههه نسيت وكتاه بدات تصوم هخخ وانتيا رجعتينا تاع الابتدائي الاسئلة فالاخر ههههخخه ايوا الواحد خرج من القراية زيدله انتيا
ملاحظة : الفقرة الاولى عجبتني والله لو شاركت في مسابقة قلم رمضان كنتي اكيد تربحي راائع
وحتى فالمسابقة هذي لوكان حطو مشاركتك لوكان صوت عليك لانك تستحقين الفوز حقا ..
بالتوفيق
 

طموحة

:: عضو مُتميز ::
إنضم
27 أوت 2016
المشاركات
1,473
النقاط
471
محل الإقامة
الجزائر العاصمة
الجنس
أنثى
السلام عليكم
بديت تصومي قبل لاستنونس ت الابتدائي
و الأكلة نسيتها
والحاجة لي شريتها كتاب الحلويات
ههه عجبني بزاااف موضوعك سامو

بصح صح مين جبتي الدراهم :unsure:
ههه راني نقسر برك
في أمان الله صح فطورك​
 

Skor m@k

:: مشرف ::
منتدى واش راك تهدر
طاقم المشرفين
إنضم
12 جويلية 2010
المشاركات
5,269
النقاط
2,901
السلام عليكم
هههه شفتي المات فكرتينا فيهم هههههههه سورتو كي غنيتي تاع مكارينا مكارينا ههههه عندي مووووودا ماسمعتهاش هههههه
الالفرنك الاسطورية كي تشوفعها تقول ذهب هههههههههههه
شفت شحال كنا نزعفو كي ماينوضوناش للسحور هههه
ونهار ينوضونا مانقدروش نوضو ههههههه
والحاجة لمليحة كامل كي يعيطولك تذوك تحس روحك شاف كبير هههه
ممبعد نبداو نتفلسفو هههه
مسوسة شويا خخخ واقيل خصها السكر شويا ههه
ممبعد يما تعيط طير عليا الشربة يديرولها السكر ههههههه

متى بدات تلك الطفلة تصوم ؟
قبل ما السوتنونس تاع السيزيام ههههه
الاكلة المفضلة ؟
الى ماخفتش نكذب البوراك خخخخخ ممبعد نطلع نطل هههههههه
وش هو لي قالولها علاه شريتيه ؟
كتاب الحلويات ههههههه

يعطيك الصحة ختي سومي
 
Top