حرب الفيتنام ≡ودعاء≡ (نهائي مهبول ومهبولة2)

[دعاء الجنات]

السلام عليكم...
صح فطوركم...

ياولادي ويا بناتي فكرتوني في حرب الفيتنام عام 1946/1945ضد امريكا(على الاقل راكوم عرفتو التاريخ تاع الحرب:p)

ايه ماريكان أنا وبابا بسلاااامتنا حنا لي خرجناها من الفيتنام

واشنو راكوم تعرفو كاين واحد وسمو قنديل الفيتنامي هو لي زور التاريخ... وماذكروش آسمنا انا وبابا في التاريخ....

لا علينا....
في يوم من الأيام تزوج بابا سي العاربي مع ماما الفيتنامية "نهاي في" بعد قصة كره دامت عشر سنوات؟؟؟؟

آيا جابوني أنا وسماوني بالعربية دعاء
و بالفيتنامية ذار ماهي شهاي في....
...

وعاش بسلام وكيما اصبح عمري 15 سنة قلت لهم : آواه لازم نروح لبلادي...
وتفاهنا باه نروحو انا وماما وبابا ووجدنا الحوايج..
آه ذيك الليلة مارقدتش وانا فرحانة على خاطر رايحا للتزاير أول مرة..

وأنا نغني ونقول(هاي..ماشيونا بي فاري ديا...) ماتحاولوش ترجمو هاذي اللغة الفيتنامية بالدارجة تاعهوم على خاطر كنا نسكنو في جبل سيدي ميمون الفيتنامي
.......

وفجأة...


شنت أمريكا علينا الحرب دون سابق انذار...(في ذاك الوقت قناة النهار الفيتنامية كانت لاتية بالدوا تاع رحمة ربي تاع زعيبط ونسات ماقالتلناش بلي الحرب قااااادمة)

بابا : اوووف لوكان غير قالولنا الحرب جايا باه نخبي شويا دقيق وشويا خضرة وفاكية..

ايه بابا سي العربي والله ماراه خايف...
دعاء: واش بابا ماراكش خااااايف من الحرب؟؟؟

بابا : يابنتي حنا رانا ساكنين وحدنا في قمة الجبل... شكوووون لي راح يسمع بينا بلي رانا هنا أصلا باه يحاربنا؟؟؟

ايه والله صح!

امالا الناس تحارب وحنا عايشين هانيين... بصح ساعات وين نسمعو الأخبار وين وصلت الحرب..

وفي يوم من الأيام وحنا راقدين نسمعو بلي كاين جنود امريكيين طالعين للجبل يديرو مخيم تاعهوم..

هنا جمدنا في بلايصنا وهنا دخلت ماما الإسلام ههههه : ياربي نجينا ياربي...

وسمعنا بلي الجنود قتلو وخربو الفيتنام وسمعناهوم رايحيين يديرو مخطط عسكري باه ينفيو الفيتنام من الوجود..

هنا بابا سمع بالخطة وأرسلني في مهمة خطيرة للرئيس الفيتنامي باه نخبروه بالخطة..

علابالي تسقسوني علاش ماراحش بابا راكوم تعرفو بابا راهو في الفيتنام بلا كوارت وخاف يحكموه الجنود باه يجوز عامين تاع لارمي... راكوم تعرفو..

آيا روحت ووصت لمقر الرئاسة تاع الفيتنام وقابلت الرئيس...
وكشفتلو المخططات تاع الجنود الأمركيين.. و+ اعطيتو افكار جنونية هو وداخ فيها قال لي : واش من بلد انت ؟؟
قلتلو : ماما فيتنامية من اصول أردنية وبابا سي العاربي جزائري100/100
قال لي : آآآآ قوليلي من الأول جزايرية نفهم... بلد المجانين أليس كذلك؟؟

قالي : اذا نجحت الخطة تاعنا ووواش تطلبي؟
قلتلو : حابا نروح للتزاير بلادي سمعت بلي عندهم الكسكس بنين بزاف..

------- طبق الرئيس الخطة تاعي وأكيد خرجت ماريكان من عندهوم..

وفرح الشعب الفيتنامي على الإستقلال... وحققلي الرئيس حلمي وبعثني إلى التزايز...​

والمفاجعة... كيما وصلنا والطيارة رجعت للفيتنام نكتشف بلي اليوم بدات حرب التحرير..... من حرب الحرب مانحكيلكومش خير..

نتمنا تكون عجبتكوم القصة وصح فطوركوك

 

[Skor m@k]

السلام عليكم
ههههههه هاه ويقولو لمهابل مايعرفوش هههه
ذكرتينا بتاريخ حرب الفيتنام هههههههه
مي اسمحيلي اسمك بالفيتنامية هايل تقول كاش واحد سقساك واش تاكلي هههه
مي باباك ذكي علاه ماجبتيهش لعندنا يحررنا من فخنسا بقبزت زر هههههه
وزيد شفت الفيلم تاع رومبو كي جا سلككم ماتقوليش كان من ظمن الخطط تاعكم
لوكان زدت كملت عليها هنا في لبلاد بحرب وخلاص ههههههه
تدي زوج مرات البونسيو تاع المجاهدين وحدة تاعنا والثانية بالدوفيز ههههههههههه
يعطيك الصحة ختي
بالتوفيق​

 

[دعاء الجنات]

السلام عليكم
ههههههه هاه ويقولو لمهابل مايعرفوش هههه
ذكرتينا بتاريخ حرب الفيتنام هههههههه
مي اسمحيلي اسمك بالفيتنامية هايل تقول كاش واحد سقساك واش تاكلي هههه
مي باباك ذكي علاه ماجبتيهش لعندنا يحررنا من فخنسا بقبزت زر هههههه
وزيد شفت الفيلم تاع رومبو كي جا سلككم ماتقوليش كان من ظمن الخطط تاعكم
لوكان زدت كملت عليها هنا في لبلاد بحرب وخلاص ههههههه
تدي زوج مرات البونسيو تاع المجاهدين وحدة تاعنا والثانية بالدوفيز ههههههههههه
يعطيك الصحة ختي
بالتوفيق​

اهلا اخي... أكبر حرب في التاريخ راني اختصرتها في زوج سطور ساهلة ماهلة.. ان شاء الله تكون عجبتكم القصة-سلام

 

[Salah eddin]

امالا نتي من حرب الفيتنام لحرب التحرير تاع دزاير
بالا راكي ملقطة كاش دعاوي من عند العزوج تاعكم
تعود داعية عليك بالحرب في كل مضرب
ههه
والدعوة تاع الفيتنامية راها تجي قاسحة
هههه
الله يعنلك طريق في الضيق
هههه
شكرا على القصة رائعة دعاء
بصح لازم تفهمينا في هذوك الكلمات التي كتبتيهم بالفيتنامية
ههههههه​

 

[الصحافية الساخرة]

ههههههخههخخخخهههه لازم شوية ترجمة الاخت دعاء راني فهمت كلشي غير الدارجة الفيثنامية تشبه شوية لتاع القبايل ههههه ايا تمنريست هههههخخخخ
يعطيك الصحة قصة رائعة ولا نقول هبال رااائع هههه

 

[لؤلؤة قسنطينة]

هههههههههه والله يعطيك الصحة قصة هايلة
عندك موهبة عظيمة في سرد القصص تجيبي القصة من ماكانش
بديتي بتاع حريم السلطان كانت روعة ودرك هادي قاتلهم ارقدو هههههه
والله استمتعت بكل حرف سورتو تاع جبل سيدي ميمون الفيتنامي ههههه هادي قتلتني ضحك
وزيد مليحة الدنيا خالية بالحروب ونتوما عايشين في سلام في الجبل هههه
يعطيك الصحة حبيبتي دعاء موضوع هايل
وبالتوفيق ان شاء الله في المسابقة
صح فطورك ​

 

[دعاء الجنات]

ههههههخههخخخخهههه لازم شوية ترجمة الاخت دعاء راني فهمت كلشي غير الدارجة الفيثنامية تشبه شوية لتاع القبايل ههههه ايا تمنريست هههههخخخخ
يعطيك الصحة قصة رائعة ولا نقول هبال رااائع هههه

ههههه هاذيك هي القبايلية تاع الفيتنام... هههه شكرا على المشاركة فطومة

 

[دعاء الجنات]

هههههههههه والله يعطيك الصحة قصة هايلة
عندك موهبة عظيمة في سرد القصص تجيبي القصة من ماكانش
بديتي بتاع حريم السلطان كانت روعة ودرك هادي قاتلهم ارقدو هههههه
والله استمتعت بكل حرف سورتو تاع جبل سيدي ميمون الفيتنامي ههههه هادي قتلتني ضحك
وزيد مليحة الدنيا خالية بالحروب ونتوما عايشين في سلام في الجبل هههه
يعطيك الصحة حبيبتي دعاء موضوع هايل
وبالتوفيق ان شاء الله في المسابقة
صح فطورك ​

ايي مادام عجبتك القصة ماعنتها صاح مليحة... شكرا حبيبتي واش تديري نحب القصص والوقت برك ماكانش لوكان راني ديرتها افضل.. والشكر كل الشكر للقائمين على هذه المسابقة وصح عيدكوم مسبقا