خلطة التحول -مهبول وومهبولة 2-

[دعاء الجنات]

السلام عليكم
... جيت نحكيلكم مالا قصتي مع خلطة التحول ......نهار كنت خدامة في الشركة... وبعد مانجح المدير تاعنا في الprojet الجديد تاعو قرر يدي كامل الخدامة تاع ل"دبي" ولا تركيا آآآ ذاك النهار مارقدتش بالفرحة......
آيا روحت للدار نوجد حوايجي... وبعدها جاني ميساج من سيكريتار لي كانت معايا تالمو حشمو يهدروهالي ديراكت بعتولي ميساج.."المدير قرر ماتروحيش علاخاطر ماخرجتيش في القرعة
من الصدمة عيطت للمدير قال لي: كل زوج خدامة خيرنا منهم واحد... وانتوما زوج سكريتار انت وأمينة... وأمينة خرجت في القرعة وانت لا...
آه يا الباندية....ديرتو القرعة بلا بيا آواه هذا الmatch مشري....
عيطت لأمينة وحللتها باه نروح بلاصتها عندي حوايج obligé نشريهم من الترك...
والو...والله ماحبت تتنازل وغدوة راهوم رايحين...ذيك العشية بكيت بكيت...ومن بعد قلت آواه واش من فايدة تاع البكا....بما أني قريت وقت فات لو chimie عيطت لواحدة صحباتي في الجامعة... ودخلت المخبر وديرت "خلطة التحول" ههههه باه نولي أنا هي أمينة وهي تولي دعاء... بصح هي تاني لازم تشرب منو...
-بعد ماديرت الخلطة عيطتلها وقلتلها :حبيبتي أمينة تسكني بعيدة على الشركة وغدوا راكوم تروحو بكري...امالا باتي معايا اليوم...
فرحت أمينة بالفكرة وباتت معايا وجبتلها عصير (هههه فيه الخلطة) شرباتو وكانت فرحانة ، أنا غيرت علاخاطر علابالي ذيك الخلطة ماراحش تصلح....
في الصباح نضت نصلي روحت نغسل وجهي...والمفاجعة...لقيت روحي تحولت ووليت أمينة. ..واو
نوضتها وقلتلها : دعاء نوضي نوضي راني رايحة للترك..... ظحكت امينة :0 هههههههه واش بيك دعاء تخلطولك الخيوط... أنا لعبتهالها نية في الهبال... بصح كي فتحت عينيها مليح تشوكات....دددددددددععععععااااااءءء ووووووااااااشششش كككككاااااييين ؟ انا صارحتها قلتلها : يا ختي هدرت معاك بالعقلية باه نروح في بلاصتك ماحبتي ..امالا نتوما لازم معاكوم هاذ السياسة هععههههههه بقاي علا خير ديجا راح عليا الحال...
روحت للشركة ومن ثما روحنا كامل لي يخدمو معانا للمطار وانا "أمينة " وشحال شباب هذاك الشعور كيما تكون انت ماشي انت.... كيما كنا في المطار نلقا امينة جايا من بعيد تعيط : يا دعاء يا الخداعة راكي حولتيني.....آآآآه هنا كامل بداو يقولو : آواه دعاء هبلت... -ياربي حصلت راح نرجع مهبولة علاجال الترك-.... هنا واحد ماعلابالو بلي راني تحولت انا وأمينة....
راحت أمينة للمدير وقالتلو : والله انا هي أمينة ودعاء دارتلنا تحول...
قلتلها يا مرا خزي الشيطان علاه حاسبا روحك في القناع الأخضر ؟؟؟؟..
هنا حكمتني امينة في ركنة وحدي وقالتلي( راني سقسيت على هاذي الخلطة وقالولي تقعد شهر واحد... دورك ندير روحي مهبولة... باه يحسبوك هبلتي... ومن بعد على جال الترك تخسري خدمتك..) آواه أمينة بالاكي تديريها.... هنا حلفتلي بالله باه تديرها وانا نخسر السمعة تاعي... قلتها واش الحل... قالتلي الحل تقوليلهوم نخلي دعاء وهي أنا باه تروح بلاصتك وهاكذا انا نروح للترك بصورتك.... علاخاطر هاذ الوصفة لازم شهر باه تروح....
هنا لقيت روحي مضطرة باه نقوللهوم بلي مانروحش ونخلي دعاء -ولي هي امينة - تروح بلاصتي.... ومن بعد وافق المدير قال : خلاص يا امينة مادامكوم متفاهمين لاحرج......
قريب يركبو في الطيارة أمينة هي لي رايحا تروح في صورتي منها خسرت الترك وخسرت وجهي وراح نبقا شهر كامل بهذا الوجه وجه النحس.... وليت نبكي في المطار... عيطتلي صحباتي وحكيتلها القصة...قالتلي سااااهلة دورك نعطيك وصفة يرجعلك وجهك في ....قلتها ازربي قبل مايطيرو... جات بسرعة وقالتي: هاذي المرة ماعليش ماتشربش هيا المهم انت... ومن بعد كيما شربت الخلطة رجعت دعاء هي دعاء... روحت ليها وقلتها : واش امينة ياك خليتيلي لبلاصة.... مين جات تهدر.. جبتلها المرآيا هههههههه زعفت وراحت للمدير وقالتلو... ياك انا لي نروح... قاللها : آواه يا امينة واقيلا تخلطولك الخيوط... ماشي هذا وين سمحتي في بلاصتك لدعاء... قالتلو : بصح.... قاللها : ماكان لا بصح لا والو..... هنا طاحت تبكي وأنا هي لي راني رايحة... ومن بعد المدير غاضتو امينة وقاللها :هيا تروحو في زوج:p وخلاص علاخاطر دوختوني ....وهكذا روحنا كامل
​

 

[Skor m@k]

السلام عليكم
ههههههه انت ودوختيني معاك ماشي غير المدير مسكين هههههههههه
انا لو جيت في بلاصتك ماتخليهاش تروح معاكم
خاطرش هي زوج خطرات ماخلاتكش خخخخخخخخخخخخ
قصة جميلة من البداية حتى للنهاية
بالتوفيق ختي​

 

["viola"]

ههههههههه شحال شفيتيني كي انقلب عليك السحر خخخخ مي تعرفيلها ثم ثم درتي عليها ههههه
هايلة بالتوفيق ^^​

 

[دعاء الجنات]

السلام عليكم
ههههههه انت ودوختيني معاك ماشي غير المدير مسكين هههههههههه
انا لو جيت في بلاصتك ماتخليهاش تروح معاكم
خاطرش هي زوج خطرات ماخلاتكش خخخخخخخخخخخخ
قصة جميلة من البداية حتى للنهاية
بالتوفيق ختي​

ههههه ماعليش ندوخكوم كامل.. علاه مانخليهاش ياك انا الظالمة... لوكان روحت وحدي لوكان غاضتني... بصح مزيا روحنا في زوج شكرا ليك على المرور-تحياتي

 

[دعاء الجنات]

ههههههههه شحال شفيتيني كي انقلب عليك السحر خخخخ مي تعرفيلها ثم ثم درتي عليها ههههه
هايلة بالتوفيق ^^​

اهلا فيولا... يا نروحو في زوج يا ماكانش هاذي هي السياية ههههه شكرا حبيتي على المرور تحياتي

 

[salah.f]

اول مرة قصة تنتهي بفوز الشرير هههههه
ضحكتيني قصة شابة شكرًا

 

[لؤلؤة قسنطينة]

ههههههههههه الله يعطيك الربح والله عشت القصة معاك وشحال غضتيني كي الستوتة هاديك عادت رايحة في بلاصتك هههه
يعطيك الصحة قصة هايلة كي العادة ومشوقة وفيها ضحك كبير ربي يفرحك ان شاء الله
وبالتوفيق في المسابقة
وصح فطورك
تحياتي :kiss:​

 

[دعاء الجنات]

ههههههههههه الله يعطيك الربح والله عشت القصة معاك وشحال غضتيني كي الستوتة هاديك عادت رايحة في بلاصتك هههه
يعطيك الصحة قصة هايلة كي العادة ومشوقة وفيها ضحك كبير ربي يفرحك ان شاء الله
وبالتوفيق في المسابقة
وصح فطورك
تحياتي :kiss:​

اهلا مريم... ماعليش مافوزش المهم اني نكتب وخلاص ونشارك وفرحانة كي عجبتك القصة وسعيدة بتواجدك حبيبتي وصح فطورك مرة اخرى ههههه تحياتي

 

[لؤلؤة قسنطينة]

اهلا مريم... ماعليش مافوزش المهم اني نكتب وخلاص ونشارك وفرحانة كي عجبتك القصة وسعيدة بتواجدك حبيبتي وصح فطورك مرة اخرى ههههه تحياتي

والله رانا نستمتعو بالمشاركة كتر من الفوز فيها اومبيونس واستمتاع هههه​

 

[يونس قاسم]

يا امينة قصة هايلة بصح قصة تاع دعاء خير منك هههههههه
يعطيك الصحة

 

[ليليا مرام]

السلام عليكم
انا نحتاج الخلطة باه نولي مالك ومالك يولي ليليا ههههه خلي ندير التبهديل وتحصل فيه هههه
هي صح الترك شابة بزاف وتستاهل ديري الف خلطة مي عجبتني منين درتي عليها هههههه وفالتالي قلبتونا راسنا ورحتو في زوج ماشي ضرك نتحول ونولي كروكوديل ناكلكم ههههه
عجبتني دعاء قصة فور

 

[دعاء الجنات]

والله رانا نستمتعو بالمشاركة كتر من الفوز فيها اومبيونس واستمتاع هههه​

والله صح حبيبتي المهم المشاركة والمشاركة بحد ذاتها فوز لينا..

يا امينة قصة هايلة بصح قصة تاع دعاء خير منك هههههههه
يعطيك الصحة

ههههه انا مانيش امينة دورك. .دورك راني دعاء يعطيك الصحة خويا يونس على المشاركة

 

[Mårőųā Řāhïł]

هههه كون غي تبعثيلي شوي من ديك الخلطة
يعطيك الصحة قصة روعة
موفقة

 

[دعاء الجنات]

السلام عليكم
انا نحتاج الخلطة باه نولي مالك ومالك يولي ليليا ههههه خلي ندير التبهديل وتحصل فيه هههه
هي صح الترك شابة بزاف وتستاهل ديري الف خلطة مي عجبتني منين درتي عليها هههههه وفالتالي قلبتونا راسنا ورحتو في زوج ماشي ضرك نتحول ونولي كروكوديل ناكلكم ههههه
عجبتني دعاء قصة فور

وعليكم السلام ليليا... هاذيك الخلطة غالية.. بصح نتي نعطيهالك باطل بصح بشرط ماتوليش @الورد الأحمر تزيدي تحظرينا كامل هههه:p فرحت كي عجبتك القصة وتحياتي ليك

 

[ريحـان]

السلام عليكم

أمينة ا خلاص رجعت دعاء الزينة
قصة جميلة و تحول اروع
ها اعطيني شوي من الخلطة باه نولي
امينة و نروح في بلاصتها معاك للترك
يعطيك الصحة
و بالتوفيق​

 

[دعاء الجنات]

السلام عليكم

أمينة ا خلاص رجعت دعاء الزينة
قصة جميلة و تحول اروع
ها اعطيني شوي من الخلطة باه نولي
امينة و نروح في بلاصتها معاك للترك
يعطيك الصحة
و بالتوفيق​

هههه ماعليش ياسمين نعطيك الوصفة وروحي دوري شويا في الترك ومن بعد رجعيلنا رانا نحتاجوك بالاكي هههه شكرا ياسمين على المرور​

 

[دعاء الجنات]

هههه كون غي تبعثيلي شوي من ديك الخلطة
يعطيك الصحة قصة روعة
موفقة

اهلا مروة مرحبا بيك ايييه نبعثلك ماشي مشكل بصح انت ديجا راكي تحولتي..هعهههه ماتسحقيهاش.. بالتوفيق ليك ايضا حبيبتي

 

[جيهان جوجو]

السلام عليكم
هههههههه زهرك يا دعاء
مسكينة ظلمتيها امينة درتي فيها رايك ههه
هايواه مليح غي خلاكم المدير رحتوا في الاثنين كراكي درتي مغامرة اخرى وشريرة كالعادة ههه
قصة هايلة
بارك الله فيك حبيبتي
وفقك الله الى ما يحبه ويرضاه.

 

[دعاء الجنات]

السلام عليكم
هههههههه زهرك يا دعاء
مسكينة ظلمتيها امينة درتي فيها رايك ههه
هايواه مليح غي خلاكم المدير رحتوا في الاثنين كراكي درتي مغامرة اخرى وشريرة كالعادة ههه
قصة هايلة
بارك الله فيك حبيبتي
وفقك الله الى ما يحبه ويرضاه.

اهلا جيهان جوجو... صح اليوم لعبت دور الشريرة هههههه علاجال الترك ومزيا كيما روحنا في زوج هكذا واحد مايغير من واحد...شكرا ليك حبيبتي على المرور و-تحياتي