ليزيميـGري أرواحو نتفاهمو قبل ماتزدمو

[Skor m@k]

ها قد عدنا من جديد للكتابة في المكان المحبب لي ولكم بالطبع خخخخ
تبلعيطة تاع الخمول لي راهو فيا وفيكم تانيت ههههه
وأيضا عودة للتمنشير المفضل لدي

ليوم جيت نحكي على وحد الناس لي نسيميهم انا الأشباح المشحاحة خخخخ
ولا مام تقدرو تعيطولهم الجراد المسمار ههههههه
هوما ناس كيما حنايا تقريبا الصفات ماشي كيف كيف مام الشكل مختلف نوعنا مااااااا
وبما انو خالتي هذا اليمات راهي جاية لعندنا من فغانسا أوجه لها ولكل الجراد لي راهو جاي
هذه النصائح والى نسيت كاش حاجة زيدوها انتم اصدقائي

منذاك نشوف تصرفاتهم نحير الى يخممو كيما حنا ولا زيادة علينا هههه
يجيبو ولادهم كامل شعرهم كبير والمشكلة واحد مايصلح شعرو تقول بوب مارلي ولا سويالي ياه ياه
انا نحير علاه ماعندهمش لي كوافور وين عايشين
ولا زعما على زوج دورو لي راح نزيدهم للحفاف نخلي ولادي مغوفلين حتى يضحكو عليهم فلبلاد خخخ
أول نصيحة روح حفف لولادك قبل ماتهبط لعندنا أخي الميقري خاطرش راكم تبهدلو

راهم هبطو من الطيارة ولا جاو فالبابور وتشوفهم بالكابات يكركرو تقول gوربي بالاص نهار رحلو
الكابات الكابات وين دور تلقاهم رافدين انت تقول واش م الخير لي جابو معاهم
انا وحدي نبدا نيماجيني واش جابولي
وفالأخير يخيب ظني ضربة وحدة مع بداية الفرز والرمي في لابوبال لي ماتصلحش
هاذي جبات تاع الفينيقيين وهاذو تقاشر كل وحدة بفردة وهذا سروال قاطيفة تاع نابليون
ثاني نصيحة يرحم والديكم المارشيات تاوعنا راهم معمرا بالشيفون تاعكم غير ماتعيوش روحكم جيبونا كاش حاجة وجوهكم خير

مريحين فالدار حتى زعما تنغزني يما روح خرجهم يحوسو جاو يحوسو ولا يبقاو فالدار
وانا علبالي لو خرجتهم نتشومر اوووووه ماشي هكذا ياحليش
نخرجهم وحاجة ماتعجبهم
حنا في فغانسا عايشين . حنا في فغانسا ماشي هكذا . حنا في فغانسا ..... الخ
ثالث نصيحة سينفوبلي الجُمل هذو خلوهم في فغانسا علبانا بلي هاربين علينا نتوما ماتزيدوش تفكرونا خخخخ

تكون تمشي ممبعد وليدو يتشهى ولا تعجبو كاش حاجة يديه النيف مع التزيار تاعي هههه
يرمي يدو فالجيب ويجبد 100 اورو ... اوووو ياشاوشي صعيبة هذي
ويقول كلمته الشهيرة باغدو عمبالي راني في فغانسا ويعاود يرميها للجيب ويجبد الصرف
رابع نصيحة يزينا من التبهليل أجبد الصرف تاع الدنانير لي عندك وهنينا

وليزيمقري عندهم لامودا حنا هنا فاتت علينا واندثرت وهوما مزالت غير عند الجراد المسمار تاعنا هههه
يجيب ساكوشة معلقها كي الصاك
ياكل بيها .. يرقد بيها .. يعوم بيها .. يصلي بيها .. ومام حشاكم للتواليت ويدخل بيها
خامس نصيحة راكم تمبانو قدم على رمسيس الثاني ... دير كوارطك في جيبك وهنينا يا حبيبي

تديهم للبحر زعما كيف كيف مايعجبهم حتى حاجة متشائمين من كل حاجة تقول كانو فالجنة وهبطو
وزيد يطلق ولادو يبعدو عليه ممبعد ينوض يعيط بالعبارة الفغانساوية الشهيرة
كغييييم فياااان ايسيي .. كغييييم نبووووج با
سادس نصيحة شد ولادك عندك وبركانا من العياط الممل هذا رانا كرهناه

وسابع نصيحة نبداهالك من الأول
كي توصل للبلاد انت والجراد تاعك روح أكري دار عند لبحر وجوز فيها أوقات مسلية ومرحة وفي ليتسع
وزيد أصرف على روحك شويا احسن ليك ولينا

الى هنا انتهينا من نصيحة بعض الجراد الموسمي اللي راهو راح يغزو بلادنا هذي الصائفة
الى عندكم كاش نصائح أخرى أكتبوهنا فالردود تحت الموضوع
وشكرا مي زامي
نقسرو معاكم برك خاوتنا لي زيميقري ماتزعفوش علينا

​

 

[زهرة اللمة]

خليلي بلاصتي من بعد نرجع
نفطر و نجي هه
قلبي معمر من هذو الناس

 

[Skor m@k]

خليلي بلاصتي من بعد نرجع
نفطر و نجي هه
قلبي معمر من هذو الناس

راهي بلاصتك محكومة هههه
معليش زيدي أتعشاي وأرواحي هههه

 

[Hakan]

ههه اهلا بيك مالك خويا ومرحبا بيك
ياخويا ليزيميقري اللي يعرفهم حنا خاطينا ليزميقري
نعرف غير ليزيميقري نتاع جاري اسماعيل نهار يجوه
والمشكلة بنات خخخ ماعلابالهم بلي راهم في الجلفة
حيث تقطن الحشمة صراحة بايعين البارطية طول هذا شعر مطلوق
هذا بونتاكور هذي لبسة مفضوحة خخخ يقعدو خمستعشر يوما يخربو المشاعر نتاوعنا ويروحو
قالي وحد النهار هذا السماعيل بنت عمو تاكل غير لحم القرش تبا والكبش نتاعنا وين نحطوه
انتهت النصائح نتاوعي شكرا خويا وربي يحفظ الجراد نتاعنا منين ذاك يزهو كي تسمع الاخبار في الخارج
بصح نضن الجراد هذاك اللي راح حراق منا ههه​

 

[هدوء المطر]

وعليكم السلآم ورحمة الله تعالى وبركاته
والله يا خويا بردتلي قلبي فيهم
يهبطو للبلاد تقول كآنوا في كوكب آخر بعيد بزاف على الكرة الأرضية، وماعلاباليش علاه ديما تلقاهم روطار بالرغم من أنهم عايشين في بلاد متقدمة ! يلبسوا لبسة ديمودي وولدو شعرو مغوفل ومام الغنا لي يسمعوه من وقت عرس جدي، وكي يهبط للبلاد الحاجة لي ديرها يجبدلك la france، تشري حاجة ب 100 ألف يقلك غالية بزاف حنا في فخونسا دير مامبا 25 ألف .. تطلع الشمس وتبدا السخانة يقلك السخانة تقتل عندكم حنا في فخونسا ديما المطر والبرد .. تديه للبحر يقلك موسخ هاذ البحر حنا في فخونسا تلقاه ديما نظيف ويشعل .. تديه للأماكن الترفيهية يقلك هذا ماعندكم وين ترفهو على رواحكم؟ حنا في فخونسا ما نقدرش نحسبلك البلايص لي نروحو نحيو على خاطرنا فيهم، المهم كل حاجة لازم يدير آجوتي لكلمة فخونسا
والساكوشة لي حكيت عليها، هذيك باش يبانوا بلي راهم هبطوا من لافخونس ويزيد يهدرلك 40 كلمة بالفرونسي ووحدة بالدارجة باش يبان بلي راه ايميقري
بلا ما نحكي على الحوايج لي يجيبوهم قسما بالله لي نشروهم من هنا خير منهم 7000 مرة، يجيبولك الراشي والشيفون خاصة السروال كي يجيبوهولك تلبسو 10 سنين وزيادة ويبقى هو هو ما يصغار عليك ما والو
بكلامي هذا مارانيش نهدر على لي زيميقري كامل، حاشا كاين الله يبارك بصح الأغلبية نتاعهم هكذا
يعطيك الصحة خويا على الموضوع جا في وقتو.

​

 

["viola"]

السلام عليكم
خخخخ كل ما تهدروا عليهم نتفكر ميقرية في دوارنا ههههه الشبيبة قاع تبدا تبيّش علا جال سوندغين هههههه
الكوارط خخخ مالك في عوض ما تبهدلهم اكتيفي على روحك تخدملك كواغط و صوvي على روحك :p
حمدلله حنا معندنا لا في لافامي لا فالحومة فكّة
برك فكرتني فالشيفون خخخ عندي صاحبتي خالتها في فغونسا ههه العام ليفات جابتلها وحد القش ههه قتلها سلفيهلي ندير بيه مسرحية خخخ
قاتلها سي لامود خخخ مسكينة من بينهم سروال كيما كانت لابساتو البطلة تاع لفيلم تاع الجلطي .-.
صحيت نشالله توصل رسالتك ​

 

[زهرة اللمة]

السلام عليكم
بون علابالك حطيت الملح على الجرح
تعرف هذو ليزيميقري شحال يلعبولي على المورال
تلقاهم عام كامل ضاربهم الزمان و في الصيف جايين ياكلوا في ارواحهم بزوج اورو
مافهمتش انا كيفاه يخموا ..عندنا وحد المثل يقول بات ليلة مع الجاج صبح يقاقي
المعنى انا لي نعرفهم يضرب سمانة في فغونسا يحسب في روحو
انا نسكت خير باسكو غير نسمع بواحد من لافامي هابطين للبلاد يحكمني شلل نصفي
اهم نصيحة نسيتها نقولهالهم ماشي تجو تلعبوها :اوووه اماي ڨود واش هذي ساسي كوا ...و لي تقتل الطريق لي تربى و شبع تراب منها كي كان صغير و يلعبها متلف الطريق و وصلوني و ادوني و جيبوني

ايا انا لو كان نبدا مانسكتش -_-
صحيت على الموضوع الزين و ماقوتلكش راني حاكمة ميقري منعرف بلاك ندير لافار و نروح نشوف الحالة ههه
الصيف الجاي نجيكم نهدر فغونسي مونامي ^^
​

 

[حلم كبير]

السلام عليكم و رحمه الله تعالى وبركاته
صحيتو خاوتي لعزاز
بارك الله فيكم

كاين وكاين ناس ملاح وناس ميش ملاح فالدنيا كامل
فالدوار الواحد فيه المليح والقبيح
صح كاين ميڨرية يوجعو الڨلب ،
بصح كاين اللي رجالة ونسا هازين مواليهم وخدامين على شرهم وحتى دار ما يسعاهاش ،ويمد ويعاون ويحن كثر من ناس لبلاد

وقصة ديمودي هاذي نجاوبكم عنها ( نحكي على روحي) لاخاطر حنا ما نتفرجوش للمسلسلات ونعاندوهم ،أنا واحد من نفسي نهبط نتخلع فاللبسة اللي تدور في بلادي ،اللي كنت نشوفها لابسينها الڨور ونسمي منهم ،البورطابلات تلڨاه وليدو ميش شاريلو صباط وشاري لمرتو بورطابل نتاع زوج ملاين
شفتها بعينيا ما كانش واحد ڨالي
أنا ندافع على نفسي وفقط بصفتي ( ميڨري ) وواحد من أصحاب الموضوع
شكرا لصاحب الموضوع
احترامي وتقديري​

 

[Skor m@k]

ههه اهلا بيك مالك خويا ومرحبا بيك
ياخويا ليزيميقري اللي يعرفهم حنا خاطينا ليزميقري
نعرف غير ليزيميقري نتاع جاري اسماعيل نهار يجوه
والمشكلة بنات خخخ ماعلابالهم بلي راهم في الجلفة
حيث تقطن الحشمة صراحة بايعين البارطية طول هذا شعر مطلوق
هذا بونتاكور هذي لبسة مفضوحة خخخ يقعدو خمستعشر يوما يخربو المشاعر نتاوعنا ويروحو
قالي وحد النهار هذا السماعيل بنت عمو تاكل غير لحم القرش تبا والكبش نتاعنا وين نحطوه
انتهت النصائح نتاوعي شكرا خويا وربي يحفظ الجراد نتاعنا منين ذاك يزهو كي تسمع الاخبار في الخارج
بصح نضن الجراد هذاك اللي راح حراق منا ههه​

هههههههه والله قتلتني خويا حكيم هههههه
واعرا الميقريات هههه انا هدرت غير على لولاد ماجبدتش الجنس الآخر هههههههههه
انا ماحبيتش نهدر على بنت خالتي خخخخخ
اسكت برك راهي من كوكب آخر هههههههههههه بيانسور زين
لالا هوما ملاح كي تحكي معاهم ويبداو يحكولك على مغامراتهم مع التقشف هههه
يا سبحان الله كل حاجة يحسبولها شحال تسقاملهم بالدورو هههه
يعطيك الصحة خوو​

 

[Skor m@k]

وعليكم السلآم ورحمة الله تعالى وبركاته
والله يا خويا بردتلي قلبي فيهم
يهبطو للبلاد تقول كآنوا في كوكب آخر بعيد بزاف على الكرة الأرضية، وماعلاباليش علاه ديما تلقاهم روطار بالرغم من أنهم عايشين في بلاد متقدمة ! يلبسوا لبسة ديمودي وولدو شعرو مغوفل ومام الغنا لي يسمعوه من وقت عرس جدي، وكي يهبط للبلاد الحاجة لي ديرها يجبدلك la france، تشري حاجة ب 100 ألف يقلك غالية بزاف حنا في فخونسا دير مامبا 25 ألف .. تطلع الشمس وتبدا السخانة يقلك السخانة تقتل عندكم حنا في فخونسا ديما المطر والبرد .. تديه للبحر يقلك موسخ هاذ البحر حنا في فخونسا تلقاه ديما نظيف ويشعل .. تديه للأماكن الترفيهية يقلك هذا ماعندكم وين ترفهو على رواحكم؟ حنا في فخونسا ما نقدرش نحسبلك البلايص لي نروحو نحيو على خاطرنا فيهم، المهم كل حاجة لازم يدير آجوتي لكلمة فخونسا
والساكوشة لي حكيت عليها، هذيك باش يبانوا بلي راهم هبطوا من لافخونس ويزيد يهدرلك 40 كلمة بالفرونسي ووحدة بالدارجة باش يبان بلي راه ايميقري
بلا ما نحكي على الحوايج لي يجيبوهم قسما بالله لي نشروهم من هنا خير منهم 7000 مرة، يجيبولك الراشي والشيفون خاصة السروال كي يجيبوهولك تلبسو 10 سنين وزيادة ويبقى هو هو ما يصغار عليك ما والو
بكلامي هذا مارانيش نهدر على لي زيميقري كامل، حاشا كاين الله يبارك بصح الأغلبية نتاعهم هكذا
يعطيك الصحة خويا على الموضوع جا في وقتو.

​

السلام عليكم
شفت ياختي لافخونس هذي سمطو بيها روحهم
عليها قلتلك من كوكب آخر بصح المشكلة
عندا لافامي تاعنا عايشين في لالمان وكندا
ماشي هكذا يهدرو ولا يتعاملو انا غير لي ففغانسا يجوني بيزاغ هههه
انا نشوفهم قدم على بربروس فلبستهم وحتى فهدرتهم
هو تلقاه عايش في فغانسا وانا نعرف الرئيس تاعهم خير منهم هههههههه
الشيفون ماتهدريش عليه والله يجيبوه منا نرموه منا مكاش لي يلبسو تبهديلة جيني ههههههههههه
ايه حنا ماقلناش كامل انا خالي مايهدرش بزاف على فغانسا ومايشكيش بزاف
مي خالتي لي راهي جاية ياربي واش تشتكي اوووووو مليار
ولوكان تشوفي واش عندهم فخامته ماسعاهمش ههههه
صحيتي ​

 

[Malika Tlm]

السلام عليكم
والله ضحكتني يا مالك
تعرف كيما قال اخي حلم كبير كاين وكاين
مي الاغلبية والله كي يدخلوا للبلاد تحسب شعب مشتاق وجيعان
تعرف انا عندي بنت اخي عايشة ففخانسا ايا هي تجي فالبابور تعرف نهار لي نروحوا نعرضرلها واو كااارثة كبيرة تحسب راهم في عام الشر السيارات معمريييين حابين يطرطقوا وغي فالخرادي
ايا كي تدخلوا للبلاد واش نقولك الفرونسي معقد هههه اللبسة مزال مفهمتش مين يبموها ههههه يطيحوا كي الجراد علي الفاكية علي الخضر ووووو
والمليحة حتي الدونتيست يخليو حتي يجيو هنا ويخدموا يقولولنا بزاف غالي ففرنسا
ولي تحمقني كي تقولي هذي شريتها ستقامتلي غالية بدراهمنا واو واسم داك تحسبي بدراهمنا ياخي حاله ياخي
ونزيدك التكبر والشيكي والخلعة عندهم حط وهوما والو
مي بيناتنا والله يديروا هكدا الا الجيعانين
تلقاو واحد قاري وراسه معمر يكون متواضع ويعرف يحكي وقانع
الله يهديهم
تحياتي اخي

 

[Skor m@k]

السلام عليكم
خخخخ كل ما تهدروا عليهم نتفكر ميقرية في دوارنا ههههه الشبيبة قاع تبدا تبيّش علا جال سوندغين هههههه
الكوارط خخخ مالك في عوض ما تبهدلهم اكتيفي على روحك تخدملك كواغط و صوvي على روحك :p
حمدلله حنا معندنا لا في لافامي لا فالحومة فكّة
برك فكرتني فالشيفون خخخ عندي صاحبتي خالتها في فغونسا ههه العام ليفات جابتلها وحد القش ههه قتلها سلفيهلي ندير بيه مسرحية خخخ
قاتلها سي لامود خخخ مسكينة من بينهم سروال كيما كانت لابساتو البطلة تاع لفيلم تاع الجلطي .-.
صحيت نشالله توصل رسالتك ​

وعليكم السلام
هههههه والله حتى انا يعجبني الفيلم هذاك هههههه
خخخخخخ كاين بصح مايحبوناش هههههه الواحد لازم يشمر على يديه هههههههه
ماشتيش واش دارت سوندغين فالسيد الكبش وماطلقوهش هههههههههههه
انا حيروني تقول عاد يخرجو من الكهف كانو في سبات ههههههه
كاين الفايسبوك مايعرفوهش خخخخخ وين عايشين مانعرف
يرحم والديك قوليلي الى مزال سروال قاطيفة ولا مانعرف كيفاه تسموه انتم يلبسوه الناس
منذاك يغيضوني علبالك ومنذاك نقول كيفاه فرنسا راهي حاملتهم هههههههههه
ان شاء الله توصل ديجا الأخ حلم كبير واقيل ماعجبوش الحال هههه
مي غسي​

 

[Skor m@k]

السلام عليكم
بون علابالك حطيت الملح على الجرح
تعرف هذو ليزيميقري شحال يلعبولي على المورال
تلقاهم عام كامل ضاربهم الزمان و في الصيف جايين ياكلوا في ارواحهم بزوج اورو
مافهمتش انا كيفاه يخموا ..عندنا وحد المثل يقول بات ليلة مع الجاج صبح يقاقي
المعنى انا لي نعرفهم يضرب سمانة في فغونسا يحسب في روحو
انا نسكت خير باسكو غير نسمع بواحد من لافامي هابطين للبلاد يحكمني شلل نصفي
اهم نصيحة نسيتها نقولهالهم ماشي تجو تلعبوها :اوووه اماي ڨود واش هذي ساسي كوا ...و لي تقتل الطريق لي تربى و شبع تراب منها كي كان صغير و يلعبها متلف الطريق و وصلوني و ادوني و جيبوني

ايا انا لو كان نبدا مانسكتش -_-
صحيت على الموضوع الزين و ماقوتلكش راني حاكمة ميقري منعرف بلاك ندير لافار و نروح نشوف الحالة ههه
الصيف الجاي نجيكم نهدر فغونسي مونامي ^^
​

وعليكم السلام
ماشي غير الملح لي حطيت لاسيد واقيل هههههههه
ضرك نحكيلك مرة على خالتي كانت جداتي حية ضرك الله يرحمها
وخالتي كانو ولادها صغار شويا كل يوم دوشلهم
وتروح تقوللها لجداتي انا في فغانسا مرة فالسمانة ندوشو خاطرش الماء والغاز غالي
ريحت شهر حاجة ماتشريها تشري غير البيض والمقارون هههههههههه
ممبعد كي عادت رايحا لفغانسا قالتلها ليما صرفت 400 اورو كانت هذاك الوقت تسقام 4 ملاين
قالتلها صرفت غير مليون الى عندك 300 اورو عاودي صرفيهوملي باش نديهم
ضرك جاية من فغانسا تاعهم راجلها يخلص بدراهمنا كيما يحسبو هوما 30 ولا 40 مليون
في شهر تصرف مليون مع 5 دراري عندها وجاية تحوس
ماني الله يرحمها قالتنا نهار نموت بلاكو تقوللهم لهذو تاع فرنسا هههههههههه
صحيتي عبقرينو​

 

[{هِشام}]

وعليكم السلام ورحمة الله
المغتربين اللي عشرتهم قاع ملاح الحمد لله، فيهم عفسة كغيم فيا إيسي، بصح كغيم الله غالب يفهم غير فغونسي، شا يدير له ؟
أما بقية الحوايج نورمال. قاريين، فاهمين. اللبسة نهار الأول يجي محطط، الايام الباقية لابس كيفو كيفي ويجمّع ويجمّل ف الهدرة.
وفي كل جيهة كاين المليح والدوني، التعميم ف الموضوع و'احنا' و'هوما' هي اللي ما عجبتنيش.. الله يبارك فيكم

 

[Skor m@k]

السلام عليكم و رحمه الله تعالى وبركاته
صحيتو خاوتي لعزاز
بارك الله فيكم

كاين وكاين ناس ملاح وناس ميش ملاح فالدنيا كامل
فالدوار الواحد فيه المليح والقبيح
صح كاين ميڨرية يوجعو الڨلب ،
بصح كاين اللي رجالة ونسا هازين مواليهم وخدامين على شرهم وحتى دار ما يسعاهاش ،ويمد ويعاون ويحن كثر من ناس لبلاد

وقصة ديمودي هاذي نجاوبكم عنها ( نحكي على روحي) لاخاطر حنا ما نتفرجوش للمسلسلات ونعاندوهم ،أنا واحد من نفسي نهبط نتخلع فاللبسة اللي تدور في بلادي ،اللي كنت نشوفها لابسينها الڨور ونسمي منهم ،البورطابلات تلڨاه وليدو ميش شاريلو صباط وشاري لمرتو بورطابل نتاع زوج ملاين
شفتها بعينيا ما كانش واحد ڨالي
أنا ندافع على نفسي وفقط بصفتي ( ميڨري ) وواحد من أصحاب الموضوع
شكرا لصاحب الموضوع
احترامي وتقديري​

وعليكم السلام
هههههه علبالك ياخويا والله نكتب فالموضوع وانت في بالي ههههههه
قلت مصاب مايزعفش علينا خاطرش علبالي بلي ماشي كامل كيف كيف
انا خالي كونطر خالتي في كلش مام عايشين بين زوج في فرنسا
مي انا الحاجة لي مافهمتهاش فيكم ياليزيمقري تاع فرنسا
علاه نتوما ماشي كيما تاع ألمانيا ولا كندا ولا لانغليز ولا البلدان لوخرين
علاه غير تاع فرنسا لي ديما يشكو
علاه غير تاع فرنسا لي ديما عقليتهم قديمة
علاه غير تاع فرنسا لي مايمشوش مع التقدم
علاه غير تاع فرنسا لي مشحاحين
كاين بزاف اسئلة تخص غير لي عايشين في فرنسا
انا كاين لي يكولولي من كندا من ماريكان من سبانيا من المانيا ياك حتى هذوك ليزيمقري
علاه ماشي كيما لي ساكنين في فرنسا
علبالك كي نشوفو واحد مقري من فرنسا نشوفو متخلف من كل النواحي
من اللبسة والحطة من التكنلوجيا من الأخبار
وزيد حاجة أخرى علاه غير لي ساكن ففرنسا يقولك أخطيك ماتحرقش وماتخرجش من بلادك
علاه لي ساكنين في البلدان أخرين ينصحك بالهجرة وبالقراية فالبلدان المتقدمة
انا كاين عندي بزاف أسئلة دور في راسي من جيهت ليزيميري تاعنا تاع فرنسا
ان شاء الله نلقى شويا اجوبة منك هههههه
انا ياخويا مانيش عليك ومانيش نعمم بصح تقريبا الأغلبة هذا هو تخمامهم
​

 

[ضآحكة مستبشرة]

السلام عليكم و رحمة الله تعالى وبركاته
أولا يعطيك الصحة مالك موضوع حساس بزاف هههههه
راك قستها و جبتها سواسوة
واش نقولك و الله رآهم طيحو علينا البق خخخخ
الواحد حاير في روحو و يزيد يحصل فيهم
شفت دار عمي مساكن هوما الله يبارك دار عيال قيسهم قيس روحهم و يزيدو يجيو تاع لهيه الدار و ما فيها يزيدو يحصلولهم في ماكلتهم و شرابهم
و كيما قلت تقوشي خاصنا شيفون باش يزيدو يجيبو الفضلة ديالهم يروموها لهنا
لوكان واحد يمدلي الشيفون قدام عينيه نقطعو نرجعو نشاف هههههه
على الأقل حاجة تصلح شوي كيما العام لي فات مدولي كادو شباب من فغونسا جاااي نيهاهاهاهاها
و تقول قاتلهم الشر الحاجة لي يشوفوها يطيحو على عينيهم و إذا شافو حاجة ما تعجبهمش يبداو حنا في فغونسا و حنا في فغونسا
والله أنا عمي يسكن لثم مشاء الله خاطيه التبهليل هذاك متواضع و الحمد لله
و الحمد لله معدناش لي زيميڨري لي يجونا للدار ولا كان راني نسوفري ههههه منفهمش الفرانسيسا مليح و بابا لي يفهمها و ميحبش يهدر بزاف ههههه
الحمد لله تهنينا ربي يعنيكم هههههه
بصح كاين شي ناس لا حول ولا قوة الا بالله
و منين ذاك يا مالك منلوموهمش إذا معجبهمش الحال
خاطرش رآهم عايشين في لوروب ماشي في شكوبي الفقاقير هههههه

يعطيك الصحة مالك بارك الله فيك
شكرا ^^​

 

[Skor m@k]

السلام عليكم
والله ضحكتني يا مالك
تعرف كيما قال اخي حلم كبير كاين وكاين
مي الاغلبية والله كي يدخلوا للبلاد تحسب شعب مشتاق وجيعان
تعرف انا عندي بنت اخي عايشة ففخانسا ايا هي تجي فالبابور تعرف نهار لي نروحوا نعرضرلها واو كااارثة كبيرة تحسب راهم في عام الشر السيارات معمريييين حابين يطرطقوا وغي فالخرادي
ايا كي تدخلوا للبلاد واش نقولك الفرونسي معقد هههه اللبسة مزال مفهمتش مين يبموها ههههه يطيحوا كي الجراد علي الفاكية علي الخضر ووووو
والمليحة حتي الدونتيست يخليو حتي يجيو هنا ويخدموا يقولولنا بزاف غالي ففرنسا
ولي تحمقني كي تقولي هذي شريتها ستقامتلي غالية بدراهمنا واو واسم داك تحسبي بدراهمنا ياخي حاله ياخي
ونزيدك التكبر والشيكي والخلعة عندهم حط وهوما والو
مي بيناتنا والله يديروا هكدا الا الجيعانين
تلقاو واحد قاري وراسه معمر يكون متواضع ويعرف يحكي وقانع
الله يهديهم
تحياتي اخي

وعليكم السلام
أهلا بك ختي مليكة ان شاء الله تكوني بخير
ولابد مانعمموش الناس ماشي كامل كيف كيف
مي الأغلبية لي الناس كامل يشكو منهم
صح من جيهت الماكلا يقولو حنا عندنا كلش مي تلقايهم ملهوفين على كلش
جراد وبصح هههه مايخلو والو في طريقهم
الدونتيست والحفاف وحتى الحمام هههه يقولك الماء الغاز غاليين عندنا خخخخخ
ايه عندهم هذي العقلية كلش يعاودو يحسبولو بدراهمنا
بصح سقسيهم شحال يخلصو بدراهمنا هههههه هذي مايقولوهاش
شكرا لك ختي

 

[Skor m@k]

وعليكم السلام ورحمة الله
المغتربين اللي عشرتهم قاع ملاح الحمد لله، فيهم عفسة كغيم فيا إيسي، بصح كغيم الله غالب يفهم غير فغونسي، شا يدير له ؟
أما بقية الحوايج نورمال. قاريين، فاهمين. اللبسة نهار الأول يجي محطط، الايام الباقية لابس كيفو كيفي ويجمّع ويجمّل ف الهدرة.
وفي كل جيهة كاين المليح والدوني، التعميم ف الموضوع و'احنا' و'هوما' هي اللي ما عجبتنيش.. الله يبارك فيكم

السلام عليكم
حنا ماقلناش الناس كام سواسية بصح الأغلبية عندهم هذي الصفات
ماشي غير انا لي راني نقول هكذا بصح الشعب الجزائري كامل يشكي منهم ( التصرفات تاع التمسمير خاصة )
كيفاه الواحد جا يحوس مايصرفش على روحو هذي مجاياش كامل
التعميم ؟؟؟؟
راك تهدر برك يا خويا

 

[يزيد 05]

هذو هم العرب يرجعو من برا لبلادهم قاتلهم الفوخ والزوخ والمظاهر يحسبو في رواحهم مانعرف منين جاو
تلقاه يحكي بغير العربيه وينفخ في روحو تقول مادي جائزه نوبل
وهذوك الاشكال لي حكيت عليهم ماشي صدفه خويا دايرينهم بالذمه باش كي يشوفوهم الناس يقولك هذو جاو من برا
مره نتفرج فتيلي نعتوهم يبيعو فالشمه والدخان في فرنسا تشوف حالتهم يبكي عليهم الي مايبكيش بصح هم تبانلهم تجار كبار هههه
وكنت وقت نخدم في سيبار يجي واحد كبير اب ولاد داخل بشورت قصير تبانلو راه في مارسيليا قلت لخوه وشبيه خوك هذا لا حشمه لا حيا داخل علينا يبان راح يتحمم ههههه وزيد ولادو لصقولي فالميكرو والله يا خويا تقول عمرهم لا شافو ميكرو بالسيف باش نوضتهم
بناقص من هكذا جنس نعيشو في بلادنا ونموتو فيها خير من الحاله هذيك

 

[{هِشام}]

السلام عليكم
حنا ماقلناش الناس كام سواسية بصح الأغلبية عندهم هذي الصفات
ماشي غير انا لي راني نقول هكذا بصح الشعب الجزائري كامل يشكي منهم ( التصرفات تاع التمسمير خاصة )
كيفاه الواحد جا يحوس مايصرفش على روحو هذي مجاياش كامل
التعميم ؟؟؟؟
راك تهدر برك يا خويا

عندك الحق اسمح لي، الأغلبية انت عشرتهم باش حكمت عليهم

وضروك نسميهم أنا ثاني جراد ومخلوعين وماهمش عايشين خاطرش كامل الشعب الجزايري 'المتربي' راهم يشكي منهم.

من وقتاش ولات (الشعب كامل) حجة في نقاش ؟ وكلمة 'كامل' ثاني ماهيش تعميم، راني نهدر برك يا خويا، و سلام.