عاشقة الجنة ضيفة العدد الأول-الطبعة الثانية-طفولتك أيها العضو/ة اللماوي تحت عدساتنا

[Princess nour]

ههههههه دوكا نتوما حتى انا نعرضكم على روحي
وين راكممممممم ؟؟

@لؤلؤة قسنطينة
@بنقابي افتخر
@جيهان جوجو
@حكاية قمر
@الزهرة الحمراء
@دعاء الجنات
@لاريمان
@yaso ياسمين
@Twinkle Stars
@أشــواق 19
@ليليا مرام
@سكون الفجر
@أم منيــــــر
@¬Đỉaмơŋđ ✿
@أبو عبد السميع
@ابو ليث
@الأزرق الملكي
@hakim story
@Skor m@k
@السحاب العابر
@جليلوس
@الفتى المغامر
@طائر الخير
@MESSI23000
@mixicali
@طموحة
@عاشقة الإحسان
@ammmmoula
@ميلينا
@حروف تائهة
@حلم كبير
@mohamedfathi
@Snow pink
@فتاة الاسلام22
@فتاة حساسة
@حفيدة الخنساء
@habchisalaheddin
@فيتامين سي
@"viola"
@Mustapha Bita
@مشاغب
@بشرى ملاك

@hocine ben
@chirine zina
@sanaya
@وائل ابن الجزائر
@aymen-mans
@Malika Tlm
@sosobibicha

@Soumia hadj mohammed
@الصحافية الساخرة
@missing heart
@Lovely ღ smile
@Asseli Queen
@red rose
@sقطر الندىs
@يونس قاسم
@فارس البوح
@فارس الروح
@tistissa dj-tissou
@*حزن النبلاء*
@صمت المشاعر
@اكرام براءة
@MAROUA HAIBER
@*amani*
@الحق سلاحي
@شيماء05
@حلم كبير
@Only me

مارنيش نشوف اسمي ؟؟؟؟؟؟؟؟

 

[ضآحكة مستبشرة]

مارنيش نشوف اسمي ؟؟؟؟؟؟؟؟

ههههههه آسفة غاليتي

 

[Hakan]

السلام عليكم ياختي اسمحيلنا على التقصير والتاخير المهم نبدا بالاسئلة نتاعي:
عاشقة الجنة في صغرها هل هي فتاة تحب تلعب مع البنات ولا الفتاة التي تحب اللعب مع الذكور خخخ ؟
واش هي القصة الطفولية الي كانت ماثرة عليك في صغرك ؟
كنت تحبي ماماك ولا باباك في الصغر؟
اعطيلي احساسك يوم شراولك الادوات لاول مرة وكذا دخولك للمدرسة لاول مرة ؟
متى بدأت في شرب القهوة هههه والقازوز ؟
نرجعلك ان شااء الله قريبا...​

 

[ضآحكة مستبشرة]

السلام عليكم ياختي اسمحيلنا على التقصير والتاخير

و عليكم السلآم و رحمة الله
السمـــآح خويا حكيم

المهم نبدا بالاسئلة نتاعي:

تفضـــــــــــل باب

عاشقة الجنة في صغرها هل هي فتاة تحب تلعب مع البنات ولا الفتاة التي تحب اللعب مع الذكور خخخ ؟

ههههههههه اكيد مع البنـآت من صغري منحبش نحكي مع لولاد ولا نلعب معاهم
الا زوج ولاد لي هوما وليد عمتي { اخي } و عمي الصغير هذو كنت نحب نلعب معاهم ههههه

واش هي القصة الطفولية الي كانت ماثرة عليك في صغرك ؟

هههه معلباليــــــــش ههههه { منشفاش مليح هههه }

كنت تحبي ماماك ولا باباك في الصغر؟

نحبهم في زوج بصح كنت نميل لبابا بزاف لانو ماما كانت تضربـني و بابا ضربني خطرة في حياتي هههههه

اعطيلي احساسك يوم شراولك الادوات لاول مرة وكذا دخولك للمدرسة لاول مرة ؟

هههه احساس رائع و في نفس الوقت الخوف و تبدا حياة جديدة ههههه
كنت نحب نقرا و مزالني نشفا على ريحة الادوات المدرسية هههههه روعــــــــة ههههه


متى بدأت في شرب القهوة هههه والقازوز ؟

القــــــــازوز من صغري و القهوة من صغري نخلطها مع الحليب
لكن قهوة وحدها اول مرة نشربها في اختبارات الجامعة هههههههه


نرجعلك ان شااء الله قريبا...​

ان شاء الله خويا حكيم
في الانتظار
نــــــــــــــــــــورت ​

 

[آمِيْرَتُه]

السلام عليكم
مرحبا بآميرتنا الحلوة
مش عارف كان سؤلك هذي الاسلة يارب ماتكون متكررة
المهم أجمل و أسوء لحظة طفولية مازالت عالقة بمذكرتك ؟

 

[ضآحكة مستبشرة]

السلام عليكم

و عليكم السلام و رحمه الله تعالى وبركاته

مرحبا بآميرتنا الحلوة

و بيك يعيشك حبيبتي

مش عارف كان سؤلك هذي الاسلة يارب ماتكون متكررة

معليش في الإعادة إفادة ^^

المهم أجمل و أسوء لحظة طفولية مازالت عالقة بمذكرتك ؟

اجمل لحظة هي نهار زاد خويا الوحيد لانو أول ولد بعد 3 بنات
أسوء لحظة سبق و قلت عليها هي نهار درنا اكسيدون في مقام الشهيد بعد جولة ممتعة

شكرا لك على المرور الطيب حبيبتي
نورتي ^^​

 

[السلطانة]

زعم كي تعود عندك بنتك واش تحبي تغنيلها من اغاني الاطفال لي كنتي تغنيهم بكري هههه

اكتبيلنا لي مازلتي تتفكريهم

 

[ضآحكة مستبشرة]

زعم كي تعود عندك بنتك واش تحبي تغنيلها من اغاني الاطفال لي كنتي تغنيهم بكري هههه

اكتبيلنا لي مازلتي تتفكريهم

هههههه سؤال رائع
مممممممممم أول حاجة نعلمها الأغاني تاع الألعاب الشعبية خير من تاع الرسوم و طيور الجنة

مثلا

- شادي فوق الشجرة في يدو سلة واش فيها ؟ بيض .. شحال من حبة يا مولات الزيت و الزالاميت ههههه

- يا خالتي مالحة وراكي رايحة رايحة لبلادي و نزور ولادي ولادي في تونس عشاهم بركوكس بالزبدة و الحمص ... تشك ربح لي بوم بوم بوم تشك ربح لي بوم {2} ... صالح في دارو يضرب في حمارو ايوا ايوا هههههه

- يا حجنجل يا مجنجل وين بت البارح في جنين صالح واش كليت من التفاح و النفاح و البرقوق في لسطاح هاذا يشد و هذا يلم و هذا يرفع هههههه


كاين بزاف على خلاف أغاني الكرتون
كيما أنا و اخي ... الحديقة السرية ... ريمي .... الخ

شكرا لك على المرور حبيبتي
​

 

["viola"]

ههههه عجبني سؤال ام ياسمين حطة خخخ
مهم نزيدلك انا ثان شوي اسئلة :
*بما انك كنتي مشاغبة ؟ اعطينا موقف احرجتي به العائلة الكريمة مع الضياف و لا الجيران خخخ ؟
*كنتي تبكي كي ما تقعديش فالطاولة الاولى فالقراية ؟
*كنتي بياعة و لالا :p؟
*كي كنتي لسع تلعبي برّا على قداه كنتي تدخلي للدار هاك ههه ؟
*قريتي فالجامع ؟
​

 

[ضآحكة مستبشرة]

ههههه عجبني سؤال ام ياسمين حطة خخخ
ههههه هآآيـل { اسمحيلي طولت عليك كنت بالتيليفون خخخخخخ }
مهم نزيدلك انا ثان شوي اسئلة :
تفضلي حبيبتي
*بما انك كنتي مشاغبة ؟ اعطينا موقف احرجتي به العائلة الكريمة مع الضياف و لا الجيران خخخ ؟
مممممم امالا هاذي مرة من المرات جارتنا كان عندها باسـآن { نظن تعرفيه خخخ } غير كيما عمراتو بالما الجديد
و انا كنت كي الشاطرة رحت جيهتو صبت بـاكي اومو فرغتو كــامل لداخل
ههههه خرجت تجري و تعيط مسكينة ماهي بالباسان تاع الما ماهي بالصابون
هذاك الباسان كانو يشربو منو { الحيوانات } و يغسلو منو و يستعملوه في كلسي الا الشرب و الاكل
حرمتــــــــــــــــــــووووووووولهم ههههههههههههههههههههه
*كنتي تبكي كي ما تقعديش فالطاولة الاولى فالقراية ؟
ههههههه لالا و في الحيقيقة كنت نريح غير القدام منحبـش اللور
*كنتي بياعة و لالا :p؟
منين ذاك على حساب الشخص ههههههه
*كي كنتي لسع تلعبي برّا على قداه كنتي تدخلي للدار هاك ههه ؟
ماما مكانتش تخليني نطول برا كي تبدا تظلام ندخل يعني ما بين المغرب و العصر
*قريتي فالجامع ؟
ايه قريت حبست في الثالثة متوسـط حتى تحجبت
​

يعطيك الصحـــــــــــــة حبيبتي على المرور
نورتي ​

 

[شيماء05]

اغاني حافضتهم روعة
مي نتاع الشادي حنا منقولوهاش هكذا
حنا نديروها هكا
شادي فوق الشجرة يحسب منا لعشرة واحد زوج........... عشرة
وزيد غني لبنتك هذي لغنية وقلها من عند طاطاك شيماء ههههه (ضنيت كلمت طاطا موالمتنيش عدت نبان كبيرة اواه مزالني صغيرة )
بابا سليسلي انعم وليدي وينا بابا نحلو بابا الزورقا خيفين من لكلاب يكلونا مربوطين بالسنسلة شرن بابا غايو شرن شرن بابا غايو
ليكاستيو بداو
واش تحبي جداك ولاجداتك
ومزالوا حين ولانو
تحبي ختك ولا خوك اكثر
كان يضربك بباك ولالا لا واذا ضربك كاش مرة علاش
اغنية من تخرجي تلعبي تغنيها
بزايد عنك
واسمحيلي طولت عليك والاشارات مهومش يوصلو ڨاع منعرف علاه وهيا باي وتلاي في روحك​