الشهرية متكفيــش !!

ضآحكة مستبشرة

:: عضو بارز ::
أحباب اللمة
إنضم
27 جويلية 2014
المشاركات
15,117
نقاط التفاعل
39,535
النقاط
13,026
محل الإقامة
العاصمة
الجنس
أنثى
السلام عليكم و رحمة الله تعالى وبركاته :)
وشراكم لباس خاوتي ؟؟ :cool:

ان شاء الله تكونوا بخير مع هاذي السخانة !! :devilish::devilish:

بون اليوم جيت نحكي على الشهـــــــرية خآصةً تآآع أوـــت و سبتمبر
خاوتـي الحـآلة غــــــلآت و الزوالــــــي في هذا الوقت ولا يشوف غير بالعيـن الشهار و ملحقش فما بالكم لي لا خدمة لا خلآص
الشهريـة تاع أوت و سبتمبر يا خاوتي وآش راح تكفـــــي كيما علبالنا كامل شهر اوت هو اكثر الاشهر لي الناس تحب تخرج تحوس فيها و فيها لعراس تاني بــــزاف و سبتمبر فيه العيــــــــد و الدخول الاجتماعـــــي
هاذو كادوات هاذو خرجـــــــــــــات هاذا كبش العيد و كســــــــوة الاولاد و الادوات المدرسية و الكتب .. الخ
الناس راهي تعاني خاصة لي العايلة ديالو كبيرة و فيها بزاف الذراري الصغار لي يقراو
باش راح يكفوهم و هذا العام الدولة نظراً للتقشف مرحش تمد للمعوزين و الفقراء و اليتامى منحة 3000 دج كيما تعودنا
و الكتب المدرسية رح تولــــــــــــــــــي بالدراهم و المحافظ و الادوات المدرسية لي شفناها قبل اعوام توزع في المدارس الابتدائية هذا العام كيف كيف مكاش
حليل الزوالــــــــــــــــــــــــــي لي عندو 3 ولا 4 ولاد يقراو يحتاجو ملابس يحتاجو ادوات و اكيد قبل الدخول المدرسي يحتاجو نزهة ولا تحويسـة باش يقدروا يبداو القراية بمــــــــــــورال طـآلع
في هذه الحالة الانسان فاش يسمــــــــح يسمح في الاعراس ميقدرش خاطرش ولينا في وقت فرحتلي نفرحلك جيتني نجيك مفرحتليش و الله منعفس عندك خاصة اذا كان من الاقارب و العائلة لازم تمد تاوسـة مليحة تقدر تفوت حتى زوج ملايين { مبلغ مالي يقدم لاهل العرس او العريس/العروسة } اذا كان العرس في الدار
تســــــــمح في التحواس بزاف لي يقولو لازم ندو ولادنا يحوسو باش النتائج الدراسية ديالهم تكون مليحة بحكم انو التحواس يطلع المورال و يزيد من حيوية و نشاط الطفل
يسمــــــــــــــــح في الكبش خاصة لي موالفين ميقدروش لانو سنـــــة و راهو مشا بيها اعــــــــــوام

ميكسيش ولادو للدخول المدرسي ثلني تجيه ثقيلة التلاميذ يدخلوا بلباس جديد و ودلادو ميشروش حوايج جدد تغيضوا و تغيضهم
ميشريلهمش الادوات المدرسية كيف كيف مفيهاش لانو الدولة و تراجعت على فكرة تقديم ادوات مدرسية و محافظ مجانية

خـــــــــــــــــــــــــــــــآطرش رانا في التقشـــــــــــــــــــــــــفْ


التقشف غير على الزوالي و المواطن العادي لي بدراهمو ميحسشششششش

انا نعرف اذا رانا في التقشف / التقشف على الجميع ماشي تجيب نجوى كرم و محمد عساف يغينو ساعة يديو مليار و لا زوج {مثلآًً } و الزوالي حبة تفاح شاتيها

خاوتــــــــــي الموضوع باين الشهرية مولاتش تكفي تجيب 8 ملايين في الشهر و تقول خاصني فما بالك بصحاب المليون و نص ولا ليمخلصش كامل ؟؟؟؟؟
الشي غلآ و الدراهم ولاو معندهمش قيمة و مع كل هذا { اعراس / تحواس / كبش العيد / الدخول المدرسي ....... الخ }
يبقى القضيـان هاذي زيت هاذي خضـــــــرآ هاذا سكر هذا حليب هذا خبـــــــــــــــــــــــــــز وحدهم لازم شهرية خاصة
يا ينقصـو في الغـــــلآء و يرجع كلشي في متناول المواطن البسيط يا يزيدو في الشهرية و يلتفتوا للشعب لي قتلو الشـر
الدولة الجزائـــــــــــــــــــــرية دولة غبية تنظر لمسؤوليها وليس لشعبـــــــــــــهآ للأسف


لكـــــــــــــم الخط ____________
و لكم حرية التعليق ......


في امان الله :giggle::giggle:

{ عندي بزاف مكتبتش موضوع هنا طريقة الكتابة راحتلي آسفة اذا الافكار غير متناسقة خخخخخخخخخ }
 
آخر تعديل:
شكرا لك على موضوع الساعة
في هدي الحالة يليق التقشف يدخل تاني للبيوت

ينقصو من دراهم الكادويات بدل مايشروا كادوا نتاع 2000DAيشروا كادوا نتاع 1000DA
وينقوا من الخرجات والتحواس
وكذلك كبش العيد بدل مايشروا نتاع 55000DAيشروا غير نتاع40000DA
وهلم جرا
تبانلي بلاك ربما تكفيهم الشهرية
 
السلام عليكم
أهلا أسومة وصباحك نور وسرور وأحلى المسك والعطور
عاش من شافك هنا وعاش من شافني هنا ههههه نتي عندك بزاف ما كتبتيش وانا عندي بزاف ما اعتمدتش ههه
المهم افكارك متناسقة وباهية وموضوع شباب وفي محلو صراحة
أصلا ماعندهاش يومين وحنا مع العايلة نحكيو على هاد الموضوع بالذات ولي هو غلاء المعيشة وخاصة اذا ارتبطت
بكبش العيد والدخول المدرسي وهاد المصاريف لي راهي طايحة على راس المواطن ترجم فيه تقول حجر
درك اسومة راني معاك من جانب أنو المعيشة غالية وجات غير على الزوالي مسكين لي مالقاش لقمة عيش تلمو
هو وولادو فمابالك يشري كبش بـ 5 ملاين ولا ادوات الاطفال لي ولات تثقل الكاهل صراحة، يعني هادي
نتفق فيها معاك، ولكن لو نشوف من منظور آخر شعبنا تاني فيه وعليه، يعني تقدري تقسمي الشعب لــ 3 أقسام
القسم الاول لي حكيتي عليه مسكين باه يوكل ولادو ليلة مالقاش، والقسم الثاني هو لي زوالي وطاير، يا خويا
جاوك ثلاث مصاريف في بعضهم أصرف على حاجة برك، مثلا الكبش ماراهوش اجباري، 5 ملاين لي تمدها في كبش
خبيها اشريها ادوات مدرسية لولدك حنا لالا تلقاه يسلف 5 ملاين للكبش و3 ملاين باه يكسي ولدو و2 ملاين
باه يري ادوات مدرسية ومن بعد يقعد على الحديدة، حنا في صغرنا بالاك 7 سنين ماعيدناش ولا 6 سنين وعمرنا
لا شكينا، واللبسة قديمة عمرنا لا شرينا لبسة جديدة في العيد، كانو والدينا يصرفو علينا غير على الادوات المدرسية
ودرك ولدي او يسخف وولدي او يشوف للناس وولدي لازملو كارطابل تاع 500 ألف، كاين ناس طايرين بزاااف
أما القسم الثالث هو لي يشكي وانا ومصاريف وكلشي وهو تلقاه لاباس بيه لدرجة يشري كبش بــ 7 ملاين ويكسي
ولادو لبسة للعيد الكبير ولبسة للدخول المدرسي والادوات يشريلهم المخيرة، تلقاه في شهرين يصرف قريب 20 مليون
ويقولك المصاريف، على هادي قتلك جات غير على الزوالي المغبون لي ماش حاط في راسو خلاص كبش العيد
مسكين يتمنى خبزة برك تلمو هو وولادو، وكيما قلتيها التقشف قايس الزوالي برك اما الحفلات لي خاسرين عليها الملايير
نورمال، وهنا تاني نلوم الشعب خاطر منا ماعندوش الدراهم ويروح يخسر على حفلة تاع مغني ماعندوش معنا ومن بعد يقولك الدولة
ربي يهديهم برك وهادا ماحكيتش على البحر والعطلة الصيفية هههههه نسيتهم هههه المهم اتخيلي كل قسم من لي ذكرتهم
واربطيه بالعطلة الصيفية عجزت نكتب ههههه، شكرا اسومتي على الموضوع ربي يهنيك الزينة
تحياتي
 
~

وعليكم السلام ورحمة الله وبركاته

تمنّيت ما نكونش من الردود الأولى، خاطرش الموضوع ساخن وانتي راكي معوّلة، وأنا إنسان بارد هههههه

للأمانة، مانيش متزوج، ونجيب 31000، ونلايم منّا ومنا صوالح من غير التعليم نديرهم

وقليل وين نصرف (خاطرش عايش مع خاوتي المتزوجين والوالدين)

فأنا مانيش مثالا يحتذى به في الإنفاق ولا مقياسا (للشهرية تكفي ولا لا ) لكن، كي أمّنت بلي الله سبحانه هو الرّازق

إيمانا فعليا ماشي غير هدرة لسان، وكي عرفت بلّي "تصدّق تُرزق" كاين منها ماهيش غير شكلة،

جبت لوطو، وسلّكت خاوتي وصحابي في مواقف ضيق، وحوّست حتى شبعت تحواس، وكي نستحقّ باش نكسي روحي

كاين، كي نستحقّ باش ناكل برّا كاين.

للأمانة 3 ملايين ما تدير والو مقارنة بالأسعار والتضخّم اللي رانا عايشين فيه، لكنّ الرّازق في الرّخاء هو هو الرّازق سبحانه في "التقشّف".

والحاجة الوحيدة الأكيدة في وسط المعمعة ذي قاع هي أنّ الشّكوى ولعن الدّولة ما غادي ينقّص من غلاء المعيشة، ما غادي يزيد في رزق العبد.

فنصيحتي للي ما عندوش:

ما تغرّقش روحك بالدَّين حتى تصيب روحك اللي تجيبها تفوّتها ديركت للي يسالوا.

واصبر وقت اللي ما تلقاش،

وتصدّق وقت اللي تلقى، تقولي كيفاش عندي غير شوية ونروح نتصدّق؟ نقولك

(قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ)

It doesn't have to make sense, It just works

وأكثر الاستغفار فالله تعالى يقول على لسان نوح عليه السلام:

(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا).

وتقوى الله (ع الأقل ما تخدمش بالحيلة) والدّعاء طبعا

(وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا).

~

ايه وكي نتزوج إن شا الله ويجي الطفل الأول، نرجع نردّ هنا p:

 
السلام عليكم ختي أسومة مشكورة على الموضوع و الطرح تلجميل .. كما يقولوا هم يضحك و هم يبكي برك لوكان تشوفي جانب آخر غير الدولة حتى الشعب ياكل فروحوا شوفي فالصيف قطعوا نعمة ربي على الغاشي جايين حواسين ولاو ياكلوا فالخبز بالماء خلي برك .. و زيد ما تنخدعيش و الله فالزمان دوك الزوالي اللي لابس و مكسي و ماكل و شارب شوفي تلقاه معندو والو خارج يحوس و ياكل فالشوا وووو متهفكش كي تشوفي عايلة حاصلة فروحها خاطر بزااف ياكلوا دراهمهم فالتحواس و اللباس و اللشي التافهو كي يلحق الصح يلقاو روحهم معندهم والوا .. شوفي للي سنانيهم سوس و مكسرين ما يخصروش عليه ثلاث ملاين بصح يخصروا على لبستهم كتر من خمس ملاين و التحواس خلي و خلي و شوفي جميع من راهم دوك شابعين تحواس ووو دوك يوصل العيد و الدخول المدرسي باش يفطنوا لفراغ جيبهم و يولي يقولك الشهرية متكفيش .، الانسان و الله والله والله ثلاث مرات لوكان يبدا بالصوالح الاهم الاولويات غير يلقى روحو وما يمد يدو بثح حنا يبداو بالتوافه و الشي الاهم يولي يشكي و يمد فيدو و زيد مقلب عينيه و يحسب للي عندو و يحسد فيه ،، اه لا لا شوفي غير لباباك و والدينا مالغري شسهرية تاع مليون و نص و الله ملحقين ارواحهم و دراهمهز فيهم البركة و الحمد لله هذا اللي شاكر ربي و حامده دوك كما قلتي 8 ملاين و يتكبر عليها و يقولي خاصني اواااه الواحد يعرف يتصرف برك ماشي يرخف يدو فالصوالح اللي ما تفيده ما تفيد غيروا ،، هذا رايي أسومة نتمنى تتقبليه و مرسي على الموضوع باركم الله فيك ..
 
~

وعليكم السلام ورحمة الله وبركاته

تمنّيت ما نكونش من الردود الأولى، خاطرش الموضوع ساخن وانتي راكي معوّلة، وأنا إنسان بارد هههههه

للأمانة، مانيش متزوج، ونجيب 31000، ونلايم منّا ومنا صوالح من غير التعليم نديرهم

وقليل وين نصرف (خاطرش عايش مع خاوتي المتزوجين والوالدين)

فأنا مانيش مثالا يحتذى به في الإنفاق ولا مقياسا (للشهرية تكفي ولا لا ) لكن، كي أمّنت بلي الله سبحانه هو الرّازق

إيمانا فعليا ماشي غير هدرة لسان، وكي عرفت بلّي "تصدّق تُرزق" كاين منها ماهيش غير شكلة،

جبت لوطو، وسلّكت خاوتي وصحابي في مواقف ضيق، وحوّست حتى شبعت تحواس، وكي نستحقّ باش نكسي روحي

كاين، كي نستحقّ باش ناكل برّا كاين.

للأمانة 3 ملايين ما تدير والو مقارنة بالأسعار والتضخّم اللي رانا عايشين فيه، لكنّ الرّازق في الرّخاء هو هو الرّازق سبحانه في "التقشّف".

والحاجة الوحيدة الأكيدة في وسط المعمعة ذي قاع هي أنّ الشّكوى ولعن الدّولة ما غادي ينقّص من غلاء المعيشة، ما غادي يزيد في رزق العبد.

فنصيحتي للي ما عندوش:

ما تغرّقش روحك بالدَّين حتى تصيب روحك اللي تجيبها تفوّتها ديركت للي يسالوا.

واصبر وقت اللي ما تلقاش،

وتصدّق وقت اللي تلقى، تقولي كيفاش عندي غير شوية ونروح نتصدّق؟ نقولك

(قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ وَمَا أَنْفَقْتُمْ مِنْ شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ)

It doesn't have to make sense, It just works

وأكثر الاستغفار فالله تعالى يقول على لسان نوح عليه السلام:

(فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُمْ مِدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا).

وتقوى الله (ع الأقل ما تخدمش بالحيلة) والدّعاء طبعا

(وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا).

بارك الله فيك جبتها فالصواب خويا هذي هي ^^
 
السلام عليكم و رحمة الله
اولا بارك الله فيك يا اختنا اسما على الموضوع الرائع و الي جا في وقتو
....
صح ... الدعوة راها تقلي
و الزوالي راحت عليه ... ياو الي بدراهمو وما يلحقش
االبطال يحلم بالشهرية يا حليلو مولى وليدات.... كيما قال كمال مسعودي الله يرحمو
و راه جاي العيد و الدخلة و سيدي عبد الله يااااوش نحكيلك
الكباش عندنا راهم بادو يطلعو مع قرب العيد الرخلة المدرحة راها ب زوج ملاين و نص
...
و صراحة ماكاش حل في دزاير
الحل هو احملو الهانة و لا دزاير راها ق حيوط .. اخبطو روسكم و ين حبيتو
...
اصلا بلا تقشف المواطن الجزائري مش لاحق و كل مرة حاجة جديدة و هذيك تاع 300 الف تاع المعوزين
ما تجي في والو و راهم يدو فيها ناس لاباس عليهم اصلا
ق شوي الي راهم صح يدو فيها من حقهم اما الاخرين يدو فيها تيكيات

و هي هاك من بكري عمرو المواطن الجزائري ما لحق

و الله يصبرنا في بلاد العجائب

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top