مطلوب فتيات للعمل

[*حزن النبلاء*]

اول موضوع لي هنا ... و هادي تخربيشة و تحريشة ^^

مطلوب عاملات للعمل:
- مدة العمل 6 ساعات ===> 6000 دج
- حسنة القوام
- لا تشترط الخبرة
- تبتسم على مدار الساعة
-عدد المناصب المتاحة 1000


مطلوب شباب للعمل:
- مدة العمل 12 ساعة مقابل 2000 دج
- 15 عام خبرة
- 6 ميداليات أولمبية
- يُجيد التحدث مع الحيوانات
- شارك في بناء برج دبي
-ابوه شارك في بناء برك ايفل
- متصوّر سيلفي مع هيتلار
-حائز على كأس العالم عام 1685 م
-يجيد النوم على الحائط
-حائز على كأس دوري أبطال اروبا 23 مرة
-يقفز من المرتفعات من 20 كيلو متر إلى 68كيلو متر
- يستطيع أن لا يأكل و لا يشرب لمدة تفوق 30 يوم.
- يحتمل كل انواع الامراض و الاوبئة
-شيات
- عدد المناصب المتاحة 5

م.بتصرف

و دزوج و دير الدار و ابعث والديك للحج ... يا الزعيم

 

[*حزن النبلاء*]

هادا مليح في منتدى هنا فرغ واش كاين في قلبك

غلطت
@ابو ليث
@الامين محمد
@habchisalaheddin
@إلياس
@master
@يزيد 05
....الخ مرحبا بكم و قولولي راني غالط برك ...

 

[Malika Tlm]

ههههههههههههههه
الله يعطيك الخير والله نيشان
الله يغفرلهم

 

[الامين محمد]

ههههههههههههههههه الله يهديك اخي امير
في المساء نرجع للرد

 

[*حزن النبلاء*]

ههههههههههههههه
الله يعطيك الخير والله نيشان
الله يغفرلهم

أمين
و ليهم هما ..ربي يهديهم ...
على كل حتى الشباب تاعنا ماشي قاع يطلعو المورال و يحكو مليح في الخدمة ... يموتو على كارت الشيفا و المضمون ... باش لواحد يكون عادل شويا

 

[*حزن النبلاء*]

ههههههههههههههههه الله يهديك اخي امير
في المساء نرجع للرد

أمين ..علاش راني نقطع في القميص ديالي ^^
تم تم تم

 

[Soumia hadj mohammed]

--يقفز من المرتفعات من 20 كيلو متر إلى 68كيلو متر
- يستطيع أن لا يأكل و لا يشرب لمدة تفوق 30 يوم.
- يحتمل كل انواع الامراض و الاوبئة
-

هههههه هذا في ناشيونال جيوغرافيك ومتصيبهش هههه واقع مر

 

[Salah eddin]

ههههههههه
و الله ياو خونا نبلاء
هههههههههههههههههههه
تسمع المثل الي يقولك :
هذا الرقص قاع و مانيش خوني ؟؟؟؟

ههه
هذي هي
الشروط هذيط قاه على جال 200 الف
ههه
الله لا تربحهم
ههه​

الخوني : المرابط ​

 

[همس الوُرود]

السلام عليكم
للأسف واقع مر
ولا زالت لم تنتبه النساء أنهن كبضاعة أمام الإدارات و...
الله يعافينا ويهدي بنات المسلمين
ويوفق الرجال و يصبرهم

 

[فيتامين سي]

لي يسمعك يامن
هذوك لي المناصب لقاوهم باطل عندهم العرف ماشي لي كيفنا ^^

 

[يزيد 05]

هادا مليح في منتدى هنا فرغ واش كاين في قلبك

غلطت
@ابو ليث
@الامين محمد
@habchisalaheddin
@إلياس
@master
@يزيد 05
....الخ مرحبا بكم و قولولي راني غالط برك ...

كون تفرغ مليح ياكلوك ههههه
رجع لواحد يقول هات تخطي راسي برك
ربي يهدي الجميع

 

[Hakan]

ههههههه القصف اللولبي فكرتني بضربة النمر المقنع في الحلقة الاخيرة اللي ربح فيها على زعيم الاشرار
هذي بلادنا ا السي بصح المشكلة تصيب ارباب العمل اللي يحوسو على هذي المواصفات كلهم من اصحاب البطون الكبيرة
و يعشق في القوام للاسف الشديد هاك تعرف منها خدامة ومنا وذاك خدامة سلام ​

 

[الصحافية الساخرة]

السلام عليكم

ههههه عجبتني تاع يقفز يااو تاعنا يعرفوا يقفزو غير فلابوسط هههه

قولي برك حكاية البنات هذو اللي يخلصوا 6 وين شفتها هدي وزيد يخدمو ست سوايع وريهملي برك انا شفت اللي تخدم بالشبكة غير ست ميات الف برك و تخدم من الصباح للعشية هذي مشفتهاش انت بلاك انا شفتها

دوك نرجعو ليكم يا البؤساء هههه تحوسوا على خدمة فالبيرو وعلاه ماشي باش ترقدو وتخلصوا ؟ ههههه و الفلاحة و البناء ووو لمن نخلوهم

حليت نفهم ياك الرجال قوامون على النساء ولا هذي تان تفهموها فاي وقت تحبوا اارجل لازم يتعب و يحمل مادام ربي فرض عليه الجهاد وامور بزاف ابان الواقع الل فيه ماشي مر ابدا هذا هو العمل تخدم و تشقى ولا كيفاه تلقاها طايبة

و لكان درت مقارنة هدي حبيت نقولك هذا قسم الله دوك كل واحد تان يجازيه ربي حساب تعبه وين تحط رجل ماهوش قاري فالادارة كاين الب ماعنده حتى ديبلوم ويحوس خدمة فالبيرو اواااه كما قال ربي عز و جل " والله لن يغير ما بقوم حتى يغيروا ما بأنفسهم "

يعني انت اصلا ما تحوس تتعب و تبدل وتستنى ربي يغيرلك الواقع تاعك الااا

في بعض الاحيان أرى البعض يتحدث بما ليس موجودا حتى يا أخي دير فحسابك مهمش يعطو مناصب للنسا فقط لا هذه كلها حكاية الوساطة فقط

احمدوا ربي شوية خاطر كامل واش عندنا العقل الصخة و ماناش حامذين واونبليس جامدين لا نتحرك ذهنيا و فكريا

 

[البحر الهادي]

صحيح
فقط نسيت الخدمة العسكرية للرجال والتي هي العائق الأكبر في إجراء مسابقات