الدينار الجزائري وسياسة طبع الاوراق النقدية "كانت باينة تكمل هاك"

SOFIANE020

:: عضو بارز ::
أحباب اللمة
إنضم
11 أكتوبر 2012
المشاركات
3,711
نقاط التفاعل
11,892
النقاط
196
العمر
38
محل الإقامة
الشلف
الجنس
ذكر
سلام عليكم ليزافركا:)
ان شاء الله الجميع بخير
راني حاب نعطيكم راييي وتحليلي كي رايح تولي البلاد مع الازمة هدي
ونسيي مانجوزش الخطوط الحمراء و سياسة المنتدى
وان شاء الله نكون غالط برك وهدي اول مرة نتمنى هدا
وضع مخيف و مؤسف والله :cry::cry:
الجزاير راها على باب الافلاس الخزينة فارغة و الاقتصاد وسعر النفط في الحضيض
و الف مليار دولار في مهب الريح
وكلكم يعرف ان الجزاير بلاد ريع ماتنتج والووووووووو:eek::eek: تعتمد غير على البترول
في ظل هدي التطورات ومجيئ اويايا وتبنيه سياسة طبع النقود التي يعتقد انها الحل السحري لاخراج الجزاير من هاذي الازمة
لي مايعرف واش هيا طبع النقود هي طبع المزيد من الاوراق النقدية دون ان يكون لها مقابل من العملة الصعبة او الذهب او الانتاج
وهدا رايح يؤدي حتما الى التضخم قاعدة اقتصادية ثابتة ينتج عنها ارتفاع مهول في الاسعار و ضعف القدرة الشرائية للمواطن
اذا كملت الحكومة بهدي الوتيرة في طبع النقود رايح يولي مليون كي شغل 700الف وبعد فترة من الزمن ثلاث اشهر او اربعة ك حد اقصى يزيد يطيح ومحتمل يلحق 500الف
وهدا راح يعود على الطبقات الثرية والمسؤلين سياسين :cool: باثر نفسي وتخوف من مستقبل الدينار الدي يتوقع سقوطه سقوط حر(n)
يجعلهم يبيعوالدينار ونهب وتهريب العملة الصعبة قدر ما يستطعون لاطول مدة ممكنة
ولجوء الى مايسمى الملذات الامنة وهي في وضع بلادنا الذهب الاورو دولار وغيرها من العملات القوية
وهدا رايح يزيد في تسارع تدهور الدينار في ظل غياب انتاج محلي كافي او عملة صعبة مقابلة
لي يشوف كل هدي الارقام يقول المشكل اقتصادي
لا
الجزاير تملك من الخيرات ملا تحلم به دول اخرى
لاكن للاسف المشكل سياسي
المشكل في الثقة و نقص الكفاءة وسوء التسير وانعدام الوطنية عن المسؤلين
والفساد لي بلغ حد الوباء:mad:
ولي راح يخلص كل هدا هو المواطن البسيط :sick:
اااه نسيت:unsure:
قانون المالية 2017 لي راح يكون اخر مسمار في نعش المواطن
لي راح يفرض عليه ضرائب تعسفية وزيادات في كلشي

راح نتوقف هنا و ان شاء الله ربي يجيب الخير برك
سلام






 
السلام عليكم
يااااا انا بري وين ؟؟ هههه
ياو لعبت يا جدك
يقولك رانا في ازمة و الخزينة فارغة
ياو طبطب ... الخزينة معمرة و الدراهم على نظر عينك
و السياسة الفاسدة و الفاشلة هي لي دارت البلاد في هذي الحالة
و حكاية طبع النقود هذي راها رايحة تخلي البلاد و تزيد من سخط الشعب
و الله يسلكها على خير
الله لا تربحهم هذو لي خربو البلاد
شكرا خويا سفيان .... و راها لعبت
 
السلام عليكم و رحمة الله
في بالك سلال طار بهربة باطل ما قدرلهاش ما خصهم غير يطبعوا حتى الخبز متخهافش و تولي تاكل خبز مطبوع هههه ربي يستر هذا ما كان أنا صح نتبع السياسة بزااف خاطر نحب بلادي و اكقر شي فسد البلاد سياسة الجهلة هذوما كي تهدر كلمة حق يقولك ايادي خارجية وكي يخلوها علينا يقولوا : سقسي الشعب هو علابلوا
كما اويحي كي قالهم : الشعب علابالو وين راحت هه

هكا ... مي دوك خلاص كرهت نتبع و نحوس نفهم ربي يجيب الخير .. ربي معانا منخاف من والو ..
نختم بدعاء برك : اللهم من أرادظ ببلدنا هذا سوءا و فسادا فاللهم رد كيده في نحخره يااا رب "
ربي يسترنا حنا الشعب الضعيف ..
 
يعطيك الصحة .. راك وضحت الوضع بشكل عام
التضخم قاعدة اقتصادية ثابتة ينتج عنها ارتفاع مهول في الاسعار و ضعف القدرة الشرائية للمواطن
تماما .. بمعنى آخر : رايحيين بطريقة غير مباشرة يفرضو على المواطن أنو ينقص من الإستهلاك حتى في المواد الضرورية لي كانت مدعمة ، أما لي ما عندهمش دخل هاذوك هوما لي يتهلكو
نهب وتهريب العملة الصعبة
نعم .. مافيا التلاعب بالمال العمومي من عملة صعبة أصبح عندهم إدمان في السلب و برغم أنو لبلاد في وضع صعب إلا أنهم ماهمش باغيين يتراجعو .. و لهذا قاموا بتنحية السيد تبون (لأنه وضع خطة لوقف نزيف العملة الصعبة في الأمور الفارغة)
ولي راح يخلص كل هدا هو المواطن البسيط
بالطبع .. عند طبع العملة بحجم كبير أمام إنعدام إنتاج و إقتصاد نشيط يحدث تضخم و بالتالي تنقص قيمة الدينار .. و عدم رفع الأجور في هذه الحالة هو في الحقيقة إنقاص في أجور العمال و الموظفين هذا في نفس الوقت الرفع من أسعار المواد الإستهلاكية (عن طريق الزيادة في الضرائب) .. في الأخير التجار خاصة كبارهم و أرباب المال و الاعمال لن تمسهم الازمة مهما نقصت قيمة مدخرات لأنها في الواقع كبيرة .. لكن كما قلت أنت المواطن البسيط هو من يدفع الثمن خاصة الزوالي ...
لكن أتساءل : هل عندما يقع الفاس في راس الزوالي، هل يا ترى رايح يبطّل هاذيك العادة وين على طول العام و هو يعس في خوه الزوالي (مرعوب خايف منو يربح) .. و إلاّ لو كان تذبحو ما يبطّلهاش.

ضرائب تعسفية وزيادات في كلشي
هاذيك هي الوسيلة التقليدية المعروفة.
 
@rycerz هههههههههه عجبتني تاع على العام هويعس في خوه الزوالي الى يربح ولا والله ما نظن يبطلوا
كما يقولو : اللي فيه نڨة ما تتنڨى ^^
 
اختي الصحافية الساخرة مانعرفش كي اقتبس شكرا ردك جميل تباني تبعي سياسة
نزيدك معلومة يقولو انو سلال طبع مليار ونصف في الخفاء باش يملا بيها الخزينة
وعطاها
كامل اشرار
امممم البارصا ماركات مايربحوش
 
rycerz شكرا كفيت ووفيت
اما عن سؤالك هههه اشك ان شعب كي هدا يبطل على العادات نتاعو
خلاص لا حياه لمن تنادي شعب هدا ميت من 62
شوف واش راه صاري في قطاع التربية ولا واحد حرك ساكن تقول
ماشي ولادهم لي راهم يقرو
ربي يحفظك خويا
 
السلام عليكم ورحمة الله تعالى وبركاته

خوفتني خويا الكريم بلادنا من سيء لأسوأ ربي يستر
وحتى بعض المناطق شح فيها المطر والدولة ما تدعمش حفر الآبار للناس البسطاء
من غير الارض وين يروح المواطن البسيط
على الاقل ياكل من ارضو وخلي البنان والكيوي و الأناناس ليهم يتحرڤو بيه

حتى ڤطرة الما بخلوهم بيها
الله يجيب الخير برك ويعين الزوالي آب الاولاد
ربي يحفظك خويا على الموضوع
ضعيف انا في السياسة
بارك الله فيك
احترامي وتقديري
حلم كبير
(y)
 
إلا أنه في الأخير يجب الإعتراف أنه ما من بد غير التأقلم مع الأزمة .. و الإلتزام على المستوى الفردي بعدم تضخيم الأمور فوق حقيقتها .. يجب التحلي بالإيجابية في الذهن و في السلوك .. ما من بد ، يجب ذلك .. فأعداء الأمة كثيرون ، و حتما أنهم بدأوا النباح في العلن و في الكواليس عبر شبكات التواصل لنشر البلبة و الخوف .. و كما هو معروف فالخوف هو أساس كل خراب ..
الأصح هو أن تكون العبرة بالصلاح و بالصالحين (حفظهم الله و أعانهم على كل خير) و ليس بالفاسدين و السراق و الخائنين (هداهم الله و ردّهم للطريق القويم و لِما يصلح بهذه الأمة) ..
و الله يوجد أناس مؤمنين خيّرين صالحين بريئين ذوي قلوب طاهرة يعملون بجد و في صمت و يدعون لهذا الوطن عن ظهر قلب بكل خير و أمان .. فالدعاء الدعاء فإن الله هو الرزاق الرحيم و هو على كل شيء قدير .. وفقنا الله لذلك و للعمل الصالح و المفيد لهذه الأمة ..
فقط النية السليمة ، نعم النية السليمة و سيصلح كل شيء بإذن الله ..
--

حكى لي أحد الأصدقاء (موظف) أعجوبة النية السليمة و نتائجها الجميلة ، قال أنه كان في مكتبه العديد من الملفات العالقة ، و قد حاول كثيرا أن يحركها و يجد لها حلا لكن في كل مرّة يصطدم بعراقيل أغلبها مفتعلة و ناجمة عن البيروقراطية التي يمارسها بعض الموظفين (هداهم الله) و أيضا بسبب عدم كفاءة موظفين آخرين إلى جانب الإهمال و التنصل من واجب العمل من طرف البعض الآخر ، و هكذا بقيت تلك الملفات و أصحابها (المواطنين) عالقين بذهنه لشهور و هو متحير عليهم و يؤنبه ضميره كلما وقعت عيناه على الملفات في مكتبه .. و قد كان كل مرّة دون كلل يحاول من جديد أن يجد لها حلا .. و في الأخير قبل عطلته السنوية بأسبوعين إهتدى إلى طرق غير تقليدية لجلب المعلومات التقنية الناقصة (البحث في أرشيف الملفات القديمة و الإتصال و الإستعانة بموظفين يعرفهم في إدارات أخرى .. و هكذا شيئا فشيئا حتى تمكن من إستكمال التقارير التقنية و القانونية المتعلقة بتلك الملفات .. و جاءت الفرصة مع خروج المسؤول للعطلة السنوية (كانت له بعض اليد في التعطيل) و جاء مسؤول مستخلف مكانه فأمضى على كل المراسلات و التقارير لتلك الملفات فتحررت من الأسر .. فخرج هذا الموظف للعطلة السنوية و هو مرتاح البال مع دعوات المواطنين له بالخير و التوفيق .. هذا كان ثمرة لنيته السليمة و العمل على تحقيقها فوفقه الله سبحانه و تعالى .. هذا هو الدرس.
الأمر بسيط جدا النية السليمة مع العمل الصالح تأتي بالخير و بالنتائج العجيبة و لو طال الأمر .. اللهم وفقنا جميعا لما فيه الخير و الصلاح .. آمين
 
للاسف اختي حلم كبير هذا هو الواقع رغم مرارته
شكرا لمرورك
 
شكرا بشرى ملاك اكيد و الخير عمرو لا ينقطع حتى يرث الله الارض وما عليها
 
rycerz انا لا اتفق معك في اول كلامك هذا ليس تاجيج وتهويل
الوزير الاول قالها بعظمة لسانوا انا لسنا قادرين على دفع رواتب الموظفين والمتقاعدين لشهر نوفمبر
وقال انا ماعندي مانخبي عليكم لحق الموس للعظم والخزينة شبه فارغة

وكل الخبراء الاقتصادين والمحللين السياسين اكدو على ان الجزاير مفلسة داخلة في نفق مظلم
بسبب سياسات فاشلة انتهجتها الحكومات المتعاقبة
نعم هناك ناس خيرين وصالحين وطنين يحبو البلاد بدون مقابل
البلاد مزالها واقفة حتى الان بدعاويهم ونيتهم الصافية لا احد ينكر عليهم
الجزائر بلادنا ولي يخلينا نقولو هكدا هو حبنا ليها وخوفنا عليها
ربي يحفظها وناسها من كل شر
شكرا خويا على ردودك الايجابية

 
rycerz انا لا اتفق معك في اول كلامك هذا ليس تاجيج وتهويل .... الوزير الاول قالها بعظمة لسانوا
نعم أعلم ذلك .. و حقا ذلك شيء مؤسف .. إلا أنني فقط أردت أن أقول شيئا للأمل و للتشجيع فما من بد غير التأقلم مع الأزمة ..
وكل الخبراء الاقتصادين والمحللين السياسين اكدو على ان الجزاير مفلسة داخلة في نفق مظلم
و يضهرلي أنو من بين الأمور التي تحدث هي أنو الدولة رايحة تتخلى على تسسير العديد من المؤسسات و الخدمات و الهياكل بسبب التكاليف .. و ها قد قامت بإغلاق أكثر من 300 مخبر جامعي
لكن يصير خير إن شاء الله ..فلا يعلم الغيب إلا الله .. فبالرغم أنو هؤلاء المحللين يتنبأو بناءا على معطيات و أمور منطقية إلا أنهم لا يمكنهم الجزم بدقة
--
المهم ربي يجعل الخير
مشكور الأخ سفيان على التفاعل
 
السلام عليكم
خويا سفيان وعلاه من وينتا واحنا مش فأزمة المريض يداوي بدراهمو تروح لسبيطار يبعثلك دير راديو برا يخدمو مصالح مع الخواص المواطن شهريتو ربع شهرية ويعافر ويخدمو مرا وراجل ويا رب تلقاهم 4 و 5 فالدار يخدمو ويا ربي قيس المعيشة لا تحواس لا والو تلبس مرة فالعام وتامل وتشرب شهر عجاجن ومرة لحم وكي شغل العيد مي رانا عايشين الزوالي يلبس ياكل وفرحان بالشي القليل انا راني نسمع على الافلاس ما قلقنيش من بكري مفلسة. الشعب هذا عندو من الاستقلال وهو يسوفري ماشي جديدة هوما خايفين من الافلاس يضرهم بزاف مامانش وين يسرقو خزينتهم اللي فالدار او سويسرا تفرغ. خاوتك من بكري عايشين بلا بيهم. ربك رحيم بالناس ويخلص غير اللي دارها كحلة
ربي يسترنا ويستركم
 
Mustapha Bita، تم حظره "حظر دائم". السبب: مخالفة القوانين / ما تؤمن به يجب أن يعلمك على الأقل احترام الغير أم أن بوب مارلي لم يخبرك بهذا !
مساء الخير

صدق لقال
الذئب زرع في الخراف فكرة..ان حريتها تكمن في ثورتها على الراعي..وعندما تقتل الخراف راعيها تغزو الذئاب مراعيها.
 
ليليا مرام صح الشعب من بكري مهمش و مخصوص
مي حساب واش راها تقول حكومة اويايا بغض النظر ان كان حقيقي ولا حابين بيه شي اخر
رايح يكون تاثيره مدمر على المجتمع اخلاقيا وقتصاديا
الفقر ينجر عليه الكثير من الافات كنا نسمعو بها برك ضرك نولو نعيشها يوميا
كون جات على الاكل وشرب راها فرات الشعب من بكري صابر
ربي يجيب الخير اختي شكرا على مرورك الطيب
 
Mustapha Bita، تم حظره "حظر دائم". السبب: مخالفة القوانين / ما تؤمن به يجب أن يعلمك على الأقل احترام الغير أم أن بوب مارلي لم يخبرك بهذا !
كاين رب اسمه الكريم وهو كفيل بعباده...

الله يخلق الناس احرار لاكن لايجبرهم ان يعملو كل شيء صح لان الاجبار يلغي حريتهم .
للاسف في ناس احرار خلقهم الله مارسو حريتهم بطريقة غلط وهدا الدي يوجد الشر الاخلاقي في العالم لاكن فكرة ان الناس بيستخدمو حريتهم ساعات في انهم يغلطو هدا لاينفي قدرة الله ولا صلاحو ولا ينفع يمنع حدوث الشر الا لو لغى امكانية عمل الخير . الفين كارل بلانتينغا
ليس كل ما يحدث لنا في حياتنا بظلم الناس لنا واخد حقوقنا نوجه اصبع الاتهام الى (الله)
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top