الدينار الجزائري وسياسة طبع الاوراق النقدية "كانت باينة تكمل هاك"

نعم اكيد
لايغير الله بقوم حتى يغيروا مافي انفسهم
 
ليليا مرام صح الشعب من بكري مهمش و مخصوص
مي حساب واش راها تقول حكومة اويايا بغض النظر ان كان حقيقي ولا حابين بيه شي اخر
رايح يكون تاثيره مدمر على المجتمع اخلاقيا وقتصاديا
الفقر ينجر عليه الكثير من الافات كنا نسمعو بها برك ضرك نولو نعيشها يوميا
كون جات على الاكل وشرب راها فرات الشعب من بكري صابر
ربي يجيب الخير اختي شكرا على مرورك الطيب
اهلا خويا
ايه راني معاك انا نحكي جانب اقتصادي راني من زمان نعانو. ونعافرو فالمعيشة. مي لو افات كيما قلت وحتى هذي ثاني راه العجب ماين اكثر من التعدي على الاولاد الصغار كاين اكثر من ابن يقتل امو ويذبحها راه العجب كاين من اخ يطمع في اختو عفانا الله الله يسترنا برك ناهيك عن حبوب مهلوسة وغيرو يغرقو فيها فالمجتمع انا نقول كل واحد منا يشد في ربي وهذا وقت نزيدو نتقربو منو الشدة في ربي سبحانو. اللي عندو اولادو يراعيهم ويحميهم قد ما يقدر والمعيشة اللي خلق ما يضيع والشباب ما يروحش وراهم ويزيدو يضيعو الشدة. في ربي
نخلوها على ربي سبحانو راح يرحمنا ان شاء الله شكرا أخي
 
... راني نسمع على الافلاس ما قلقنيش من بكري مفلسة ...
هههههههههه
و الله عندك الحق ..
أنا من بكري وانا ما يهمني لا واش كليت ولاّ ما كليت لا واش شربت ولاّ ما شربت لا واش لبست .. هات برك .. صايي كرهت و تلgيت
 
هههههههههه
و الله عندك الحق ..
أنا من بكري وانا ما يهمني لا واش كليت ولاّ ما كليت لا واش شربت ولاّ ما شربت لا واش لبست .. هات برك .. صايي كرهت و تلgيت
السلام عليكم
قولي كي يقولك راح نفلسو زعمى تحكمني الخلعة انا من بكري فلست من نشفى لعمري وانا مشومرة انا دولة ما دواتني ما مدولي خدمة يمى 10 سنين تخدم فنتاع 300 بعدو خرجوها قالولها كبرت روحي حوسي وحدك خدمة يجي ضرك خزينة فرغت نخاف يفرغ كروشهم نورمال
راني كيما انت كرهت ومليت والله وتخلى تندب يخلي ريسانهم
 
البلاد الى الاسوء و كان صح الخزينة فارغة ماش راح يستدركو الامر لان الحل الوحيد للنهوض هو الفلاحة و الزراعة (قمح...شعير...خضار .. و غيره ) لكن اذا بداو يصدرو باش يستدركو راح تزيد يغلو علينا الشربة و تتخلط و تعود حرب اهلية كي سورية ... و نتشردو ... خخخخ هيوو رواحكم
لكن اذا كانت معمرة يخدمو بيها هيا من غير مايشرو على الشعب و يصدرو و نتاع الشعب لينا
 
ماكان والو إن شاء الله ... راهم غير يخلو فالناس و يبالغو باش هكذا الناس تسيري السانتورة و تستعد و لما جي الأزمة ما تحسش لي لما هو أهون
كل شيء يفوت .. و حنا نقولو غير الخير
الله يهدينا أجمعين بالناس الصالحة و الناس الطالحة
 
مازال نلحقو لوقت تدخل عند الخضار تقولو شحال البطاطا يقولك 360 مليون للكيلو

تقولو ديرلي حق مليار .. تكون كبيرة تاع قليان ههههههههههههههههههههههههههه
 
حتى لو افترضنا ان 1000 مليار دولار التهمها الفساد وليس البنية التحتية
السعر المرجعي المعتمد حاليا لبرميل النفط في قانون المالية 2017 هو 50 دولارا
بينما ارتفعت اسعار النفط في السوق الدولية الى اكثر من 55 دولارا!
احتياطنا للصرف في البنوك العالمية لا يقل عن 100 مليار دولار! مديونية خارجية صفر! وضع امني مستقر ومثالي
السؤال الغبي يقول: لماذا وكيف وصل الموس للعظم:unsure:
 
السؤال الغبي يقول: لماذا وكيف وصل الموس للعظم:unsure:
--
هاذيك هي قد قد
حنا عندنا بعض المسؤولين كيما لعجايز .. كلامهم خرايفات .. كيما : ما توكلش الكبدة و إلا تخرج خوّاف .. و عندك منهاذيك مامنوش و ما نعرف واش
و كأنو يخلعو و يخوفو فالناس باش يستعدو للأسوأ و ما يسالوش على أكثر من الخبز و الماء
قالك لمثل : أضربو على التبن ينسى الشعير
 
والله ياخوي rycerz غير عندك الحق

اضربو على التبن ينسى الشعير
 
مسرحية متعددة الفصول تنتهي بقدوم الرجل المعجزة الذي ينقذنا من كارثة اقتصادية
ويتولى بعدها الحكم ويشبعنا خرشف على مدى عقود ونحن نهلل ونصفق لانجازاته
تمام مثلما حدث لنا من قبل
 
والله ياخوي rycerz غير عندك الحق

اضربو على التبن ينسى الشعير
هاذيك هي السياسة التقليدية و البايخة نتاع الناس الحابسة .. و عندهم مقولات كثيرة في هذا الإطار ، كيما :
- جوع الكلب يتبعك
- ما تشبعو ما يضبعلك
- ... إلخ
كاشما عندكم أمثال أخرين كيما هكذا هاتو ...
 
السلام عليكم

كما قالها حفيظ دراجي .. طبع النقود سيكون وقود الجحيم .. و للأسف و كالعادة المتضرر الرئيسي هو المواطن البسيط
لا أعلم هل الشعب الجزائري جاهل للدرجة هادي بالسكوت على افعال كهذه ام انه يتبع سياسة ( اخطي راسي )
المختصر المفيد ان الحكومة ظالمة وفاسدة و الشعب اظلم منها بسكوته و الأيام القادمة ستحمل الكثير وربي يجيب الخير ان شاء الله
 
مسرحية متعددة الفصول تنتهي بقدوم الرجل المعجزة الذي ينقذنا من كارثة اقتصادية
ويتولى بعدها الحكم ويشبعنا خرشف على مدى عقود ونحن نهلل ونصفق لانجازاته
تمام مثلما حدث لنا من قبل
--
ههههه
و لكن الحق يقال .. حتى حنا كشعب في أغلبه ما عندك ما تقول .. و يكفي تشوف القمامة مرمية في كل مكان .. و كأننا معمدين على لعوج

 
prince of love عندك الحق وشعب هو الضحية وشريك في نفس الوقت
rycerz بكل مرارة حنا شعب جاهل بدرجة امتياز للاسف اوافقك الراي
 
السلام عليكم
تحليل منطقي و مرعب للاسف هذه هي الحقيقة المرة مرارة العلقم
الله عز و جل رزق هذه البلاد كل الخيرات و لكن لا احد استطاع ان يسيرها احسن تسيير
الكل متسابق على النهب و السلب و المواطن البسيط من يدفع الضريبة
كلها حلولا ترقيعية لا تعود على البلاد بالفائدة لا طبع النقود و لا استخراج الغاز الصخري" الله يجيب الخير"
الدينار في تهاوي مستمر اصبحت احلم ان اسمع يوما ان الدبنار قد ارتفع و لو بنسبة ضئيلة
في الايام الماضية اسرع اصحاب الاموال الطائلة لتغيير حزمهم المالية بالاورو و الدولار عندما سمعوا ان الدينار سيزيد هبوطه ليطمئنوا و يرتاح بالهم
هؤلاء اسرعوا لنجدة اموالهم و ماذا عنا نحن المواطنون البسطاء
لنا الله و حسبنا الله و نعم الوكيل
مشكور على الموضوع الذي فعلا يجرح الصميم
 
حسبنا الله و نعم الوكيل الله
نظام فاسد و شعب راقد
واش تستنى الف مليار دولار راحت ادراج الرياح
كانو قادرين يبنو بها جزاير اخرى مي مدوهم لارلوند وهيفى وهبي وغيرهم
ماقدروش يوفرو حتى نقل مدرسي للاطفال
ويحطو قانون ابواب المدرسة تغلق ثامنة الا خمس دقائق
حتى الدول الافريقية لي في وقت من الاوقات كنا نضربو بيهم المثل في التخلف و الفساد
هربو علينا باشواط و في كل المجالات
شكرا أم منيــــــر على مرورك الطيب
كاين ربي ياخذ منهم الحق
 
سلام عليكم ليزافركا:)
ان شاء الله الجميع بخير
راني حاب نعطيكم راييي وتحليلي كي رايح تولي البلاد مع الازمة هدي
ونسيي مانجوزش الخطوط الحمراء و سياسة المنتدى
وان شاء الله نكون غالط برك وهدي اول مرة نتمنى هدا
وضع مخيف و مؤسف والله :cry::cry:
الجزاير راها على باب الافلاس الخزينة فارغة و الاقتصاد وسعر النفط في الحضيض
و الف مليار دولار في مهب الريح
وكلكم يعرف ان الجزاير بلاد ريع ماتنتج والووووووووو:eek::eek: تعتمد غير على البترول
في ظل هدي التطورات ومجيئ اويايا وتبنيه سياسة طبع النقود التي يعتقد انها الحل السحري لاخراج الجزاير من هاذي الازمة
لي مايعرف واش هيا طبع النقود هي طبع المزيد من الاوراق النقدية دون ان يكون لها مقابل من العملة الصعبة او الذهب او الانتاج
وهدا رايح يؤدي حتما الى التضخم قاعدة اقتصادية ثابتة ينتج عنها ارتفاع مهول في الاسعار و ضعف القدرة الشرائية للمواطن
اذا كملت الحكومة بهدي الوتيرة في طبع النقود رايح يولي مليون كي شغل 700الف وبعد فترة من الزمن ثلاث اشهر او اربعة ك حد اقصى يزيد يطيح ومحتمل يلحق 500الف
وهدا راح يعود على الطبقات الثرية والمسؤلين سياسين :cool: باثر نفسي وتخوف من مستقبل الدينار الدي يتوقع سقوطه سقوط حر(n)
يجعلهم يبيعوالدينار ونهب وتهريب العملة الصعبة قدر ما يستطعون لاطول مدة ممكنة
ولجوء الى مايسمى الملذات الامنة وهي في وضع بلادنا الذهب الاورو دولار وغيرها من العملات القوية
وهدا رايح يزيد في تسارع تدهور الدينار في ظل غياب انتاج محلي كافي او عملة صعبة مقابلة
لي يشوف كل هدي الارقام يقول المشكل اقتصادي
لا
الجزاير تملك من الخيرات ملا تحلم به دول اخرى
لاكن للاسف المشكل سياسي
المشكل في الثقة و نقص الكفاءة وسوء التسير وانعدام الوطنية عن المسؤلين
والفساد لي بلغ حد الوباء:mad:
ولي راح يخلص كل هدا هو المواطن البسيط :sick:
اااه نسيت:unsure:
قانون المالية 2017 لي راح يكون اخر مسمار في نعش المواطن
لي راح يفرض عليه ضرائب تعسفية وزيادات في كلشي

راح نتوقف هنا و ان شاء الله ربي يجيب الخير برك
سلام






سلااااااام ...للأسف شعب فقير في دولة غنية ....سياسة التقشف قتلتنا...كل الخير في هاذه البلاد لكن الملموس لايوجد...هذه جزائر الغد ....وعندما تأتي الإنتخابات يتفكرون الشعب ...يعني عامين أو أربع سنين وهناك أشخاص يعانون ....لهذا لاينتخبو ...وعود مؤجلة إلى إشعار آخر...مشكوووور أخي تقبل إحترامي...(y)
 
السلام عليكم
السياسة والدينار والشعب في الوسط
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top