حاب نساعد وطني و لكن ( كاينة مفاجأة في الميضوع )

[الامين محمد]

وخرو رحمة على والديكم
و مكانش اللي يشدني خلوني نفرغ قلبي يا حوجي و يااا حوجي على اللي راه صاري
رايح نخش في الميضوع مباشرة
انا راجل مشهور على المستوى العالمي و عندي مواهب كبيرة
بلادي كان عندها مشكل كبير في واحد القضية
و عيطتلي باش نساعدها
انا تكوش لحمي و سالت دمعتي
و جاني احساس غريب أول مرة نحس بيه
فصرخت لبيك يا وطني لبيك يا بلادي و أنا هنا
و هنا فدى الوطن
لكن بشرط واحد يا وطني العزيز أنا رايح نعاون و نضحي بوقتي الثمين
شرطي الوحيد و هو
400 مليون سنتيم كراتب شهري و شقة فاخرة
ـ
ـ
ـ
ـ
ـ
ـ
ـ
هذا هو حال السيد رابح ماجر
قال راني جاي نعاون في بلادي
و بلادي راهي ناداتني
و أنا سألبي نداء الوطن الغالي
و لكن في البنود 400 مليون سنتيم شهريا
بعقد لثلاث سنوات
في عز الأزمة و التقشف
يا حوجي أنا ياا حوجي أنا

ـ
ـ
ـ
طال غيابك يا معزتي
راكي طولتي في الزريبة
بلا بيك كرهت ومليت راني عيشتي في الضلمة
طال غيابك وانا رشيت
مازال راه كاين ليستوار باش ناكلك علاه نقطعوا لياس
ماااازال نبغيك يا معزتي
و أنا واش علي هاذ الغيبة
شدني الحب دلالي عليا وعلاش ذي الغضبة
طال غيابك يا معزتي راكي طولتي في الزريبة
انس الي صرا بينك وبيني يالي راكي عليا بعيدا
بلا بيك كرهت ومليت راني عيشتي في الجوعة
غير ولي لحبيبك نحلوا كيكوطة جديدة
و نطيب منك الزلوف و الدوارة نخليها لغدوة
و الضلوع نشويهم و الكتف نطيب بيها المرقة
ـ
ـ
ـ
صحيتوا صحيتوا صحيتوا
خخخخخخخخخخخخخخ
سلاام

 

[Salah eddin]

السلام عليكم
هههه
الله يعطيك روينة خونا امين
ههه
راك جايبها ورا ماجر
ههه
و حسدتو على 400 مليون
ها خليه يدي ... الجماعة قاع راهم يدو
و حداد و السعيد و القاشي الاخر قاه يشرب في حليب البقرة
و الشعب علابالو وين راحت ال1000 مليار
ههه
خلي ماجر الله يسهل عليه ههه راها 400 مليون برك
ههه​

 

[dahman kz]

لو كان جات غير في ماجر برك
وصفقة ماجر والله ماتبان مع البقية

 

[حلم كبير]

اهلا بمدمن قهوة الزايخة
والجرعة الزايدة مزالت تخدم ههههه

اولا وشكون ماجر هذا هههه
ولنفترض اني نعرفو
خدمة البلاد بالبالو حتى باطل ما شكيتش جلدة رايحة تخدم البلاد ههههه
( وصلتني باطة نتاع القهوة اللي بعثتهالي خويا امين كثر خيرك وخير خالتك الزايخة ههههه)

ايه جلدة لا هروب من الواقع واش استفدنا منها
الجلدة هاذي بنات السدود
الجلدة هاذي سكنت الفوقارا
الجلدة هاذي عمرت البيوت
الجلدة هاذي رجعت الغريب لبلادو...

ما دارتلنا والو

والله انا شايف انو رايح يخرب البلاد ويزيد يخلصوه على خرابو

اسمحولي ياللي تحبو البالو انا هذا رأيي فالبالو ملي كان عمري عامين
شراولي بالو دنڤت فيه لڤيتو مدور ڤطعتو
من ثم بدأت قصة الكره العميق هههههه

خربوها البلاد وڤعدو على تلها
الله يجيب لدزاير ايام خير من هاذي
سلام​

 

[أم أحمــــد يــسّ]

.....راح نخلطها دارجة هذي المرة...
ليهم اكثر من هاك الله يزيدهم ويعيدهم
زعمة جات غير على ماجر هذا ؟؟هي مخروبة ومجروبة خلي تكمل حليلك يا الزوالي عييييش تشوف..
وخليه يتشرط ويزيد قلهم 600 على حصة تدريبة كل شهرين ياووو قلي شكون راح يدرب ؟؟؟
كرعين لمعيز حاشاكم وحاشا اللي مايستاهلهاش
جيبلي الفايدة منهم ومن الجلدة اللي يجرو من وراها وقلي شحال يخلصوا ؟؟؟؟
كاين اللي مش سامع اصلابالدزاير وين جات ويعيطولوا قااالك يمثل الوطن ويرفد الوان بلادوا؟؟ لالا يرفد الشكارة ودراهم الحابسين اللي يتفرجولو..
الحق فينا احنا هوما عندهم حق نهار يحبوا يلهيو الشعب في روحوا وفي الميزيرية والغلا يلهوه بالبالون بففففف شعب فارغ ونزيد ناسي حالو وحلالو وعايلتو وخدمتو وهمومو وقاعد في قهوة يسب ويلعن في جلدة...
عندنا مانشوفو من شعب (جيعان بكل المقاييس )

 

[يزيد 05]

في كل الاحوال راح يديها هو ولا الاجنبي
بصح لحاجه لي تغيض كي يجو ولاد البلاد يهدرو باسم الوطن ويكذبو باسم الوطن

 

[الصراحة راحة]

هههههههههه
يا خويا محمد هههههه درك يوليوووووووووو يمركوا بالطالووووووووا
غير كوووونك هاني 400 رايحة رايحة

 

[الامين محمد]

السلام عليكم
هههه
الله يعطيك روينة خونا امين
ههه
راك جايبها ورا ماجر
ههه
و حسدتو على 400 مليون
ها خليه يدي ... الجماعة قاع راهم يدو
و حداد و السعيد و القاشي الاخر قاه يشرب في حليب البقرة
و الشعب علابالو وين راحت ال1000 مليار
ههه
خلي ماجر الله يسهل عليه ههه راها 400 مليون برك
ههه​

هههههههههههه الله يحفظك حبيبي صلاح
و الله غير تعجبني الروينة حنا نصنعوها بالسمن و التمر و السكر الله الله مااا أروعك راني قريب زدتك غنية مااا أروعك هههههه
انا ما حسدتهش بالرغم من اننا نحمل نفس الدبلووم خخخخخخخخخ لكن علاه يخرط و يقول
جاي نعاون وطني الغالي
الله يحفظ حبيبي صلاح و من دعواتك لا تنساني

 

[الامين محمد]

لو كان جات غير في ماجر برك
وصفقة ماجر والله ماتبان مع البقية

فعلا و ما أكثر الماجرات هههههههههه
الله يحفظ دحمانوس

 

[الامين محمد]

اهلا بمدمن قهوة الزايخة
والجرعة الزايدة مزالت تخدم ههههه

اولا وشكون ماجر هذا هههه
ولنفترض اني نعرفو
خدمة البلاد بالبالو حتى باطل ما شكيتش جلدة رايحة تخدم البلاد ههههه
( وصلتني باطة نتاع القهوة اللي بعثتهالي خويا امين كثر خيرك وخير خالتك الزايخة ههههه)

ايه جلدة لا هروب من الواقع واش استفدنا منها
الجلدة هاذي بنات السدود
الجلدة هاذي سكنت الفوقارا
الجلدة هاذي عمرت البيوت
الجلدة هاذي رجعت الغريب لبلادو...

ما دارتلنا والو

والله انا شايف انو رايح يخرب البلاد ويزيد يخلصوه على خرابو

اسمحولي ياللي تحبو البالو انا هذا رأيي فالبالو ملي كان عمري عامين
شراولي بالو دنڤت فيه لڤيتو مدور ڤطعتو
من ثم بدأت قصة الكره العميق هههههه

خربوها البلاد وڤعدو على تلها
الله يجيب لدزاير ايام خير من هاذي
سلام​

هههههههههههههه
خويا حلم كبير و عجبتني هاذيك الاغنية
واش حابنا نعملوا مدمنين كووورة الله يعافينا

تحياتي , راجيا دعواتك أخي

 

[الامين محمد]

.....راح نخلطها دارجة هذي المرة...
ليهم اكثر من هاك الله يزيدهم ويعيدهم
زعمة جات غير على ماجر هذا ؟؟هي مخروبة ومجروبة خلي تكمل حليلك يا الزوالي عييييش تشوف..
وخليه يتشرط ويزيد قلهم 600 على حصة تدريبة كل شهرين ياووو قلي شكون راح يدرب ؟؟؟
كرعين لمعيز حاشاكم وحاشا اللي مايستاهلهاش
جيبلي الفايدة منهم ومن الجلدة اللي يجرو من وراها وقلي شحال يخلصوا ؟؟؟؟
كاين اللي مش سامع اصلابالدزاير وين جات ويعيطولوا قااالك يمثل الوطن ويرفد الوان بلادوا؟؟ لالا يرفد الشكارة ودراهم الحابسين اللي يتفرجولو..
الحق فينا احنا هوما عندهم حق نهار يحبوا يلهيو الشعب في روحوا وفي الميزيرية والغلا يلهوه بالبالون بففففف شعب فارغ ونزيد ناسي حالو وحلالو وعايلتو وخدمتو وهمومو وقاعد في قهوة يسب ويلعن في جلدة...
عندنا مانشوفو من شعب (جيعان بكل المقاييس )

الكارثة انه يوجد لاعبين في بطولتنا الحزينة يخلص
300 مليون و الله ما يعرف حاجة في الكرة
و يقولك عندي بلاصة في الفريق الوطني
الله يجيب الخير

أعجبني مروووركم الراقي

 

[الامين محمد]

في كل الاحوال راح يديها هو ولا الاجنبي
بصح لحاجه لي تغيض كي يجو ولاد البلاد يهدرو باسم الوطن ويكذبو باسم الوطن

أهلا حبيبي يزيد
قبل ما ننسى في حال انقسام الكتالونيين عن أسبانيا كيف رايح تلعب البرسا

فعلا خويا يزيد سي ماجر قال لبيت نداء بلادي
و في الكواليس ضرب شكارة دراهم
يعني ليش الكذب كان قادر يسكت و يمضي على العقد كأي لاعب
الله يحفظك حبيبي يزيد

هههههههههه
يا خويا محمد هههههه درك يوليوووووووووو يمركوا بالطالووووووووا
غير كوووونك هاني 400 رايحة رايحة

ههههههههههههههه لا لا رايح يمركوا بكروشهم لأن فيه لاعبين
في البطولة المنحرفة نتاعنا راهم سمان
من الاكل و السهر
مرورك أسعدني

 

[يزيد 05]

تفرجت اليوم الندوه الصحفيه قالك انا ماطلبتش اجر وزطشي هو لي عرض عليه
وقالك اقل من اجر المدرب السابق
لي تعجبت فيه لما سالوه على توقفه لمده طويله عن التدريب يشبه نفسو بمدرب البايرن هاينكس قالك هو توقف خمس سنوات ورجع مي ماقالش واش حقق هاينكس في مسيرته مع البايرن فالسابق
والبقيه كيما عودونا الخرطي راح نديرو ونديرو
فيها خير ان شاء الله كيما موالفين هههه
واش فيها كون داروك نتا علبالنا 400 مليون مايطرلناش دورو معاك مي زوالي تستاهل ههههه

 

[الامين محمد]

تفرجت اليوم الندوه الصحفيه قالك انا ماطلبتش اجر وزطشي هو لي عرض عليه
وقالك اقل من اجر المدرب السابق
لي تعجبت فيه لما سالوه على توقفه لمده طويله عن التدريب يشبه نفسو بمدرب البايرن هاينكس قالك هو توقف خمس سنوات ورجع مي ماقالش واش حقق هاينكس في مسيرته مع البايرن فالسابق
والبقيه كيما عودونا الخرطي راح نديرو ونديرو
فيها خير ان شاء الله كيما موالفين هههه
واش فيها كون داروك نتا علبالنا 400 مليون مايطرلناش دورو معاك مي زوالي تستاهل ههههه

هههههههههههههه
على الأقل كان يقارن نفسه مع الامين محمد كنا نغمظو عينينا عليه
أما هاينكس هنا السيد راه خاصة يروح لالاة خيرة تعلق ليه حبات قمح خخخخخخخخخخخ
ناسي أن هايننكس ألماني ما يديرش الشمة

ما عندكش الزهر حبيبي يزيد لوكان حكمتها كنت نعملك مساعد لــي انت و صلاح
خخخخخخخخخخخخخخخ
و ثاني حاجة ما نعيطش لواحد من المحليين كلش من المحترفين حتى المشجعين نجيب من هيه خخخخخخخخخخخ

 

[الامين محمد]

تفرجت اليوم الندوه الصحفيه قالك انا ماطلبتش اجر وزطشي هو لي عرض عليه
وقالك اقل من اجر المدرب السابق
لي تعجبت فيه لما سالوه على توقفه لمده طويله عن التدريب يشبه نفسو بمدرب البايرن هاينكس قالك هو توقف خمس سنوات ورجع مي ماقالش واش حقق هاينكس في مسيرته مع البايرن فالسابق
والبقيه كيما عودونا الخرطي راح نديرو ونديرو
فيها خير ان شاء الله كيما موالفين هههه
واش فيها كون داروك نتا علبالنا 400 مليون مايطرلناش دورو معاك مي زوالي تستاهل ههههه

نسيت حاجة خويا يزيد هذا دليل ان ماجر ماهوش جايب خبر
بلي راه صاري في الكرة
لازم نخبروه أن هاينكس قبل 3 مواسم تحصل على الثلاثية سنة 2013 مع البايرن.

 

[يزيد 05]

نسيت حاجة خويا يزيد هذا دليل ان ماجر ماهوش جايب خبر
بلي راه صاري في الكرة
لازم نخبروه أن هاينكس قبل 3 مواسم تحصل على الثلاثية سنة 2013 مع البايرن.

صحيح خويا محمد هذا لي قصدته في تعليقي حقق الثلاثيه وهذا لي نساه سي ماجر
ايضا هو تحجج باعذار كثيره لما سئل على خبرته اتذكر انو تكلم على حضوره في عده قنوات كمحلل وكأن الاستوديو يضاهي التدريب على ارض الميدان
حنا نتمناو فريق وطني يدربو مدرب وطني وينجح في مهمته بصح ماشي هكذا بالاماني والوعود
الخبره والانجازات هي المطلوبه فالمدرب
المهم نستناو ونشوفو واش راح يدير