ما تحشموش سراقين تفو ......حاشاكم طبعا

[السلطانة]

وعليكم السلام

راهي عادت ديمودي تاع يسرقو الكود ههه
عادو يحطو ابليكاسيون تفتح الويفي ديراكت
كي نروح لدارنا وكوم نسكنو في بطيمة
نلقاهم مسرسطين نطفي المودام ههه واش نحب نلعب بيهم
ولي عجبني الجيران كل لاصقين فينا
يتيليشارجيو عظهرنا
ولي هلكتني +يشريو في لي بورتابل ولي تابلات الغاليين وبابا يسلكلهم في النت
وراكي كليتي تاع لابوسط ههههه اطفلة بلعقل تخيلتك جيفتيهم

 

[ليليا مرام]

وعليكم السلام


وعليكم السلام

راهي عادت ديمودي تاع يسرقو الكود ههه
عادو يحطو ابليكاسيون تفتح الويفي ديراكت
كي نروح لدارنا وكوم نسكنو في بطيمة


ايه ديمودي زعمى جيت نقفاز لقيتك جيت لقيتك يا حسراه جبت الجديد
عارفة كاين تطبيقات بيراطاج الويفي جامي سييتهم واقيل نييراطي كاش ويفي

نلقاهم مسرسطين نطفي المودام ههه واش نحب نلعب بيهم
ولي عجبني الجيران كل لاصقين فينا
يتيليشارجيو عظهرنا
ولي هلكتني +يشريو في لي بورتابل ولي تابلات الغاليين وبابا يسلكلهم في النت

ايوا هذوك اللي يجو يسرقو غير اللي عندهم وهذي تغيضك
وراكي كليتي تاع لابوسط ههههه اطفلة بلعقل تخيلتك جيفتيهم

ايه انا كليتها لو كان تشوفيهم كي توقفي عند راسها وهي تمضغ فالعلك وتعوج فحنكها وتقسر مع صحبتها وتشوف فيك واقفة بالعكاز مريضة ماشي غير تاكليها
شكرا

 

[Princess nour]

هههه حنا معندناش هادو حشرات هه وزيد خويا دار مودباس للويفي

 

[الصحافية الساخرة]

ههههخخخههههههه والله يا ليليا انتيا تقتلي نورمال

حشرات هذو في كل كوان ههههههه انا خويا يبدل كل مرة مودباس كاارثة دوك ابليكاسيون يجبد جدو نورمال هههههه

يحبو الباطل و هذي والله حرام تعتبر سرقة لازم نقطعولهم يديهم هههه لا هذي سرقة بالعقل ههه نقطعولهم عقولهم اللي تخمم كيفاه تسرق الويفي هههههه

ربي يهدي هذو العباد ان شاء الله

ومرسي على الموضوع المميز كالعادة ^^

 

[Malika Tlm]

سلام مليكة الزينة واش راكي
ايه خونة حلاليبن للويفي يجو عندباب تقولي نخرجلهم القهوة ههههه
انا دايرة اسم مودبم تسرقوا ما تحشمةش ..تفو ههههه
واش معناها تهناد مليكة أول مرة ما نفهمش كلامك علميني لهجة تلمسانية
ربي يحفظك أختي

مساء الورد حبيبتي
ههههههه التهناد زعما يبروفيتي هههههه فهمتي ختي
الله يعطيك الخير

 

[أم أُنٌَيسة]

السلام عليكم ورحمة الله وبركاته
صباح النور ان شاء الله راك بخير يارب ،ربي يشفيك ان شاء الله حنونة وطهورا ان شاء الله
وكالعادة موضوع مميز متميز ،دمت ودام لنا وجودك وتميزك غاليتي
قتلتيني ضحك والله ،حتى النديغة ديالنا قتلتني ضحك والاخ حزن النبلاء تان لبروبلام ياخوتي فالبيس تقتلوني بالضحك
نقول مانزيدش نقرا مواضيعكم وردودكم لما نكون فالبيس ومانقدرش ههههههههههه
حنا من قبل مدينا المودباس ديالنا لجيراننا لانهم بنات كيفنا باه يقرو عادي
رجعت حتى باه نثيليشارجي البي دي اف للبحوث ماكاه ،رجعت لما نحب نثيليشارجي نحبس الاي بي ديالهم ولما نخلص نفتحو
حتى قبل رمضان من عام اختي جات فايتة لقات الدكور متجمعين ورجعو يتجمعو ديما قدام دارنا ،قالو والله رمضان هدا يعدي فور بالانترنت قالتلو مروة منين لانو غير حنا برك اللي كان عندنا الويفي قاللها من داركم
من بعد عرفت انو خوها مد المودباس للدكور ،رجعت نغلي من الغضب بدلت المودباس قلت لاختي كي يسقسوك قلهم شيماء بدلتو ولما تحكي معي معرف شانردلها
كيفاه يعني لمنكر هدا ماعرفناش حنا نمدوه للناس ولا نديرو اعلان عليه ومن بعد يزيدو هم يتغششو وخلي خلي واش صرا موراها
ربي يهدينا ويثبتنا ان شاء الله وكل المؤمنين يارب ،فكرني موضوعك بامور ربي ينسينا ويثبت علينا العقل والدين
ارجو تقبل مروري غاليتي
تحياتي احترامي وتقديري
في امان الله وحفظه​

 

[قلم مغرور]

مساء النور والخير والبركة
و الله غير ضحكتيني .. اسم اسم الويفي تاعك غير ديريلو شهرة باسمك قبل ما ينتشر في البلاد
هذو الناس مثل المتسولين .. بل أكثر منهم يعني سراااقين و ربي يهديهم .. نورمالمو يحشموا سورتو كي يكونوا كبار.
رجعنا في التليفونات ونديرو الكود تاع الويفي .. ناس تبروفيتي في كل شئ.
و على فكرة المودام مازال ما وصلناش ههه باه تشري مودام وحد الاجراءات وضمانات نحليوها على ربي ..
مي سياتي يوما عاجلا ام اجلا ونبس نفوذنا .

 

[ليليا مرام]

هههه حنا معندناش هادو حشرات هه وزيد خويا دار مودباس للويفي

السلام عليكم
تهنيتو منهم حاذري فالصيف ينتشروا ههه
ايه ما تنسايش كاين تطبيقات يسرقوا الويفي شعب عظيم ما يخفالوا والو ههههه
شكرا لك

 

[ليليا مرام]

ههههخخخههههههه والله يا ليليا انتيا تقتلي نورمال

حشرات هذو في كل كوان ههههههه انا خويا يبدل كل مرة مودباس كاارثة دوك ابليكاسيون يجبد جدو نورمال هههههه

يحبو الباطل و هذي والله حرام تعتبر سرقة لازم نقطعولهم يديهم هههه لا هذي سرقة بالعقل ههه نقطعولهم عقولهم اللي تخمم كيفاه تسرق الويفي هههههه

ربي يهدي هذو العباد ان شاء الله

ومرسي على الموضوع المميز كالعادة ^^

أهلا طمطوم
داعشية وأفتخر هههههه
ايه المشكل درنا مود باس خرجوا تطبيقات انت من داركم يسرقك هههههه شعب رائع وعظيم
حرام ارواحي انت فهميهم باللي حرام قالك هاكا مش حرام تعتبر معونة ههههه ايه سرقة ودارو فيها النية مانيش نقولك شعب فريد الأطرش من نوعو هههه
يا حسراه يا طمطوم اللي يسرق ويفي قطعيلو يديه واللي سرق مود باس الفايس رجليه واش تخلي فيهم
راني غير ندعي بالهداية زادو هههه
شكرا طمطومة لازمنا قعدة مستعجلة فالتلفون

 

[ليليا مرام]

السلام عليكم ورحمة الله وبركاته
صباح النور ان شاء الله راك بخير يارب ،ربي يشفيك ان شاء الله حنونة وطهورا ان شاء الله

وعليكم السلام
مساء النور الموضوع نسيتو إسمحولي
آمين الله يحفظك يا رب ويهنيك

وكالعادة موضوع مميز متميز ،دمت ودام لنا وجودك وتميزك غاليتي

آمين يا رب تسلمي ردك الرائع دائما يسعدني شكرا
قتلتيني ضحك والله ،حتى النديغة ديالنا قتلتني ضحك والاخ حزن النبلاء تان لبروبلام ياخوتي فالبيس تقتلوني بالضحك
نقول مانزيدش نقرا مواضيعكم وردودكم لما نكون فالبيس ومانقدرش ههههههههههه

خخخخخخخ وانت علاه تقراينا فالبيس هههههه سيرتو لو كنت كي مرت الدايم تضحكي بزاف ههههههه كي حالتي يا حسراه تولي فرجة للغاشي عههه

حنا من قبل مدينا المودباس ديالنا لجيراننا لانهم بنات كيفنا باه يقرو عادي
رجعت حتى باه نثيليشارجي البي دي اف للبحوث ماكاه ،رجعت لما نحب نثيليشارجي نحبس الاي بي ديالهم ولما نخلص نفتحو
حتى قبل رمضان من عام اختي جات فايتة لقات الدكور متجمعين ورجعو يتجمعو ديما قدام دارنا ،قالو والله رمضان هدا يعدي فور بالانترنت قالتلو مروة منين لانو غير حنا برك اللي كان عندنا الويفي قاللها من داركم
من بعد عرفت انو خوها مد المودباس للدكور ،رجعت نغلي من الغضب بدلت المودباس قلت لاختي كي يسقسوك قلهم شيماء بدلتو ولما تحكي معي معرف شانردلها
كيفاه يعني لمنكر هدا ماعرفناش حنا نمدوه للناس ولا نديرو اعلان عليه ومن بعد يزيدو هم يتغششو وخلي خلي واش صرا موراها
ربي يهدينا ويثبتنا ان شاء الله وكل المؤمنين يارب ،فكرني موضوعك بامور ربي ينسينا ويثبت علينا العقل والدين
ارجو تقبل مروري غاليتي
تحياتي احترامي وتقديري
في امان الله وحفظه​

هكذا صرالي انا مديتو راحت مداتو للشعب كلو بصح نعجبك تعريشة من التاقة ونعاير هههههه اما ذوك اللي جاو عند الباب اختك سيقت الحوش كامل والمخير دايرلي العقدة والحطة ولاكوست قتلهم في قلبي بالكفارة يا اليوم تبقالكم سوفونير من عندي وتقدري تتخيلي كيفاه خلاصت عليهم وبيدون من الحجم الثقيل أي نعم عييت باه قدرت نرفدو خاطر مريضة مي عافرتو معليش جهاد هههههه وحررت الموديم من الصهاينة نتاع النت هههههه
وتحياتي عزيزتي

 

[ليليا مرام]

مساء النور والخير والبركة
و الله غير ضحكتيني .. اسم اسم الويفي تاعك غير ديريلو شهرة باسمك قبل ما ينتشر في البلاد
هذو الناس مثل المتسولين .. بل أكثر منهم يعني سراااقين و ربي يهديهم .. نورمالمو يحشموا سورتو كي يكونوا كبار.
رجعنا في التليفونات ونديرو الكود تاع الويفي .. ناس تبروفيتي في كل شئ.
و على فكرة المودام مازال ما وصلناش ههه باه تشري مودام وحد الاجراءات وضمانات نحليوها على ربي ..
مي سياتي يوما عاجلا ام اجلا ونبس نفوذنا .

مساء الأنوار أخي الكريم
ايه اسم الويفي نتاعي لما رحت نبدلو تخلعت نتاع تيليكوم قات تشوف فيا قتلها تكبيه والا نجي عندك انا نكتبو والا نخير واحد اخر اكثر منو ههههه ايه ضرك يولي مشهور خلي يوروني فالتيفي وراح نهديلك تحياتي
لالا المشكل قد ما يكبرو قد ما الحشمة تموت عندهم قد ما تلقاه كبير تلقاه بهلول او يلعبها بهلول انا ما تغيضنيش اني نخلص قد التعب لما تتخسر ونروح نريكلامي ولاشان والمعافرة وبعيد عليا وانا مريضة لازملي نكري طاكسي وهوما بالبارد قاعدين فديارهم ويجو عند الباب ويكونيكتي نورمال لا حيا لا حشمة لا وجه عندهم
علاه ما تشروش موديم يا حوجي وين هذي ههههههه نسلفلك الموديم اللي عندي
اواه خدمتهالي هذي نتاع ما نديرش ويفي ولازم نفوذ لاوزمني نعرف ببلاما نرفع ملفك للقوات الخاصة اللي هي طمطومة الصحفية الساخرة راهي زميلة الميدان ههههه وراك عارفها تجيبك وين تكون
شكرا لك نورت صفحتي

 

[آمِيْرَتُه]

السلام عليك
ياودي جارتنا ولات طبطب علينا وتقولنا عطوني مود باص تحسب كاش طبسي راهي مسلفاته لينا ههه
صح واش رايك في مود باص كلمة : روح اصرف على روحك ههههه

 

[حاتم خليفة]

الكود درتو من النهار اللول لي دخلت في انترنت

أصلا عندي طريقتي الخاصة لي نفتح بيها أي كود وبلا أي تطبيق

 

[إلياس]

ربي معاك

 

[السلطانة]

الكود درتو من النهار اللول لي دخلت في انترنت

أصلا عندي طريقتي الخاصة لي نفتح بيها أي كود وبلا أي تطبيق

راك. رفعت موضوع من 2017 هههه