من مطبخي كيكة الشكولاته بمربى التوت بالصور

[قطر الندىdz]

السلام عليكم ورحمة الله وبركاته
هذي الكيكة عندها ذوق مميز
نحتاج:كاس بيض +كاس سكر +رشة ملح نضربوهم بالباتوغ شوية ونزيدو عليهم كاس زيت وكاس حليب وخلطوهم نزيدو عليهم كاس ونصف فرينة ونصف كاس كاكاو وكيس خميرة الحلوى مغربلين ونخلطهم ونفرغو الخليط في سنيوة مدهونة بالزيت ورشين عليها الفرينة ندخلوها تطيب على درجة 180

من جيها اخرى نحضرو صلصة المربى
نحتاج. في كسرونة ندير نصف كاس ماء نذوبو فيه مغرف مش معمرة نشا ونضيفولها 200غ مربى التوت ونخلطوهم حتى تثقال ثم وصفوها

بعد متطيب الكيكة نشربوها بكأس بالحليب

ونفرغو فيها صلصة التوت ونخلوها تبرد ثم نضيفو فوقها جاناش الشكولاتة وزينوها كيما تحبو وخلوها تبرد مليح ثم قدموها

وشهية طيبة للجميع

 

[Ryry_Ndj]

السلام عليكم
عجبتني بزاااااااف ان شاء الله مجربها يسلمو اختي يعيطك الصحة