من مطبخي شخشوخة الخبز اليابس. (بنة زمان)

[قطر الندىdz]

السلام عليكم ورحمة الله وبركاته

شخشوخة الخبز كاين بزاف ميعرفوهاش
ساهلة واقتصادية وهك نحفظو على النعمة ومنرموش الخبز اليابس صدقوني لي مجربهاش يجربها لأنها بنينة بنينة بزاف بزاف وش نحتاج: خبز مقطع قطع صغيرة (اذا كان عندك الخبز يابس وخفتي تغبر قطعيه ودريه في كسكاس وشليه وخليه يقطر) لي تحضير المرق
في قدر ديري الزيت والخضر انا درت البصل واللفت والجزر مقطعين رقيق والكرافس والقسبور (ديري الخضر لي تحبي) قليتهم ثم أضفت الدرسة
في مهراز درت الثوم والملح وفلفل اسود وفلفل احمر وشوية كمون والحار دڨيتهم مليح وفرغتها على الخضر واضفت ملعقة طماطم مركزة وقليتهم مليح و مرقت بماء ساخن وزدت الحميصةكي طاب كلش درت على المرق الخبز وخلطتو مع شوية قسبور حوالي دقيقة والأكلة رهي جاهزة (لازم لها القسبور والحار هما الأساس تع البنة ) هذي توالم مع هذا البرد وتنتكل سخونة والعائلة كامل ملمومة وشهية طيبة

 

[ريحـان]

تبان تشهي اممم
مع انه اول مرة نشوف هذي
الوصفة لخاطر مكانش في
منطقتنا مع ذلك ان شاء الله
رح نجربها
تسلم ايديك.

 

[قطر الندىdz]

تبان تشهي اممم
مع انه اول مرة نشوف هذي
الوصفة لخاطر مكانش في
منطقتنا مع ذلك ان شاء الله
رح نجربها
تسلم ايديك.

شكرا لمرورك حنونة
ايه جربيها ورد لي الخبر

 

[*رحيق الزهور*]

يعطيك الصحة اختي
تبان تشهي

 

[قطر الندىdz]

يعطيك الصحة اختي
تبان تشهي

الله يسلمك حنونة

 

[omarwa]

تبان بنينة شكرا اختي

 

[قطر الندىdz]

تبان بنينة شكرا اختي

الله يسلمك حنونة

 

[الورد الأحمر]

السلام عليكم

صراحة أول مرة نشوفها بصح تبان تشهي واشيا كي قلتي الكسبر والحار هوما أساس البنة يتسمى أنا ما نقدرش ناكلها خاطيني الكسبر وخاطيني الحار .

احنا نحمرو الخبز الزايد علينا ونحب نشرب بيه حليب كي يكون محمر :Love:

مشكورة على ما تقدمينه بارك الله فيك .

 

[لؤلؤة قسنطينة]

السلام عليكم
شخشوخة الخبز اليابس ام الزاوالي
بكري كانت الام كي تحيرلها تدورها شخشوخة الخبز اليابس
في قسنطينة تاني نديروها بصح راهي قريب تنقرض
في دارنا برك ماما مازالت تحب تديرها ساعات تقولي تربيت عليها ونسخف عليها
حنا تاني نديروها بالحار بصح ماش بالخضر
زيت وبصل وتوم وفلفل كحل وملح وطماطم وخلاص على هادي قتلك ام الزوالي، طبعا مع الخبز اليابس
انا مانحبهاش صراحة بصح ختي وماما يموتو عليها
المهم بصحتك ختي وفكرتينا في أكل زمان
ربي يحفظك ويهنيك ^^
تحياتي​

 

[قطر الندىdz]

السلام عليكم

صراحة أول مرة نشوفها بصح تبان تشهي واشيا كي قلتي الكسبر والحار هوما أساس البنة يتسمى أنا ما نقدرش ناكلها خاطيني الكسبر وخاطيني الحار .

احنا نحمرو الخبز الزايد علينا ونحب نشرب بيه حليب كي يكون محمر :Love:

مشكورة على ما تقدمينه بارك الله فيك .

اه لازم الحار يو رهي غير خبز هههههه حتى انا مناكلش الحار بزاف لكن بعض الأكلات لازم كيما المحاجب
علا بالي كون ذوقيها تعجبك خاصتا في البرد وتتلم العايلة وتكلوها في الجفنة يم يم
نورتي حنونة :kiss:

 

[قطر الندىdz]

السلام عليكم
شخشوخة الخبز اليابس ام الزاوالي
بكري كانت الام كي تحيرلها تدورها شخشوخة الخبز اليابس
في قسنطينة تاني نديروها بصح راهي قريب تنقرض
في دارنا برك ماما مازالت تحب تديرها ساعات تقولي تربيت عليها ونسخف عليها
حنا تاني نديروها بالحار بصح ماش بالخضر
زيت وبصل وتوم وفلفل كحل وملح وطماطم وخلاص على هادي قتلك ام الزوالي، طبعا مع الخبز اليابس
انا مانحبهاش صراحة بصح ختي وماما يموتو عليها
المهم بصحتك ختي وفكرتينا في أكل زمان
ربي يحفظك ويهنيك ^^
تحياتي​

أكيد تع الوالدة جي بنينة ربي يخلي هالك
الخضار تعطيها بنة ومليح ندخلو الخضر في أكلنا نغطوها قيمة أكثر
بوركتي حبيبتي

 

[سكون الفجر]

اي بالله عليكي تحطي هيك وصفات جزائرية بحتة لاني محتاجيتن :Love:

سهلة واكيد طعمها جناان، تسلم ايديكِ حبيبتي على الوصفة وطريقة التقديم
بصحتكم يا شيف

 

[قطر الندىdz]

اي بالله عليكي تحطي هيك وصفات جزائرية بحتة لاني محتاجيتن :Love:

سهلة واكيد طعمها جناان، تسلم ايديكِ حبيبتي على الوصفة وطريقة التقديم
بصحتكم يا شيف

الله يسلمك
نورتي الموضوع حبيبتي

 

[السلطانة]

تاع بكري يعرفو كيفاه يخمولها ويوجدو اكلة لذيذة
تسلم يديك حبيبتي

 

[قطر الندىdz]

تاع بكري يعرفو كيفاه يخمولها ويوجدو اكلة لذيذة
تسلم يديك حبيبتي

عندك الحق
تع بكري مايبذروش على هذيك كانت البركة
نورتي الموضوع حبيبتي