راك مسحور روح ترقي '~'سلسلة وسوسهم وخليهم 2 '~ْ

[Skor m@k]

اووووووووو عودة ميمونة ليا بعد غياب كبير وأول موضوع بيانسور ليا في العام الجديد
بالمناسبة نهنأكم بالعام الجديد ( قالك أن تلحق خير من أن لا تلحق خخخ )
المهم كيما قال عمو الله يذكرو بالخير مزالنا في زمن التقسف والتقرمش
حقا الموضوع هذا برعاية تشيواوة قرمشها وغمض عينيك

وفي لحضة من الزمن تفكرت هذا الموضوع اع اع اع
سلسلة '~' وسوسهم وخليهم '~ْ


الموضوع هذا سبيسيال لوحد الناس باين شكونهم لموسوسين تاع لمتنا ومزال مافقنالهمش

و لي موسوس دوريجين هذوك باينين
و لي يلعبها موسوس رانا فايقينلو

مي ماشي مشكل ان شاء الله حنا نوسوسوه
العام الماضي كتبنا مواضيع وكاين لي توسوس من لكتيبة وكاين لي توسوس منا
وكاين لي توسوس من روحو وكاين لي توسوس من الاشهار تاعنا
هذا العام قالك برعاية تشيواوة هذيك الحارة

في هذو لعوام كثر السحر وسورتو تاع الكادنات ولمفاتح وخلا دار الشيخ
ولينا كل يوم نشوفو ونسمعو بالسحر فالمقابر
كيما قال وحد لبنادم يخوفو فينا
تصاور تاع نساء وأطفال وشباب وحتى شيوخة مكتوب فيهم طلاسم ووو
وكل سحر الهدف تاعو
كنطر الزواج كنطر الباك كنطر الخدمة كنطر الانجاب وحتى كنطر التوسويس
يديرولك سحر باش تولي موسوس وتشك في كلش
حتى حليب اوبي كي تشريه تتوسوسلو خلي يا كي تشري ليكوش بيبي
قالتلك جيب راحتي جيب راحتي شحال صامط هذا مايفهمش
اذن هو يستهل السحر

المهم مانطولوش فالموضوع ندخلو فغالسوجي ديراكتومو

شكون قالك مافيكش مسّ أو سحر،،،حتى وماكنتش أنت المقصود بلاك غلطو في لادريسة
بلاك الحبة تاع المقروط جاتت لعندك وكليتها بلاك لصاحبك خدموها سبيسيال وهو مايحبش المقروط مدهالك ليك
وبلاك شكون شاف

شكون قالك يا طفلة ان يماك ماربطاتكش كي كنت صغيرة ولا جارتكم هذيك لي مزالها تعس من الثقبة تاع الباب
أيا ماشفيتوش لبيونة نهار حركت الطعام باليد لمقطعة بلاك كي كنت ماتعرفيش وقالتك نروحو نشوفولك زهرك
ولا داتك تنحيلك العين باش تقراي مليح والجني هذاك عجبتيه
وبلاك شكون شاف

شكون قالك ان الطفلة لي راك خاطبها ماكنتش تحبها وبيه بيه صبحت تحت يدها أيا شكون قالك بلي هي ناس ملاح
وأنت سقسيت عليها بلاك كنت تتخايل ولا السحر تاعها لي خلاك تشوفها هكذا
أواه هذي سور تكون فيها كادنة مخبية في كاش جبانة غير دير أنونس لتصويرتك
وبلاك شكون شاف

شكون قالك بلي أنت دوريجين ماتعرفيش تقراي ولا صعيبة فلحفاظة ولا الباك واعر وماقدرتيش تنجحي
وشكون قالك بلي الباك زهر وأنت زهرك كي التشيواوة مالحة من برة ولداخل تلقاها فارغة
شكون شاف بلي ماكيش مسحورة ولا ربطولك السنسلة فالباب تاع الثانوية
وبلاك شكون شاف

شكون قالك بلي لعريس راهو يحوس غير على الجمال والمال وأنت مشومرة ومزعوقة شكون لي راهو يخليك تفكري هكذا
وشكون لي قالك بلي كل عطلة فيها خير نزيدو نوصلو للثلاثين يجي لعريس وحدو
وفالأخير ديري في بالك بلي مزال عمي رزقي المنقذ
هذيك ماتكون غير لي رحت تقهويتي عندها بلمسمن ولمشوك
هذي لي قالك كل صبع بصنعة
ساهلا ماهلا وذن تاع الضفدع وزوج صباعتين تاع الفيران وشعرة تاع قنفد البحر وراهي فرات الحالة
وبلاك شكون شاف
هذي برعاية هذا الموضوع أتزوجي يا طفلة '~'سلسلة وسوسهم وخليهم 1 '~ْ


شكون قالك بلي ما راكمش تسكنو بيت كانت تسكنو لجنون من قبل ونتوما تزاحموهم فيه
عليها تدخلي لدار تكرهي حياتك عليها تحبي المارشيات والأسواق بزاف
عليها راكي تحبي تخدمي وماتريحيش فالدار عليها الزواج ولا مايشدش بزاف سمانة ولا شهر
سيدي الجوج أنا ولية أحكم عليا بالعدل
وبلاك شكون شاف

شكون قالك ان الاحساس بالدفىء و الحنان كي تروح ترقد ماشي جني لي راهو يدفي فيك ومحضنك
شكون شاف بلي هذيك لمخدة كي طيح وحدها فالأرض ماشي الجني لي عاد يرميها
وبلاك شكون شاف

وصح شكون شاف بلي مراكش مسحور ولا راك مكادني في كاش جبانة
وصح شكون شاف بلي التعاسة والفقر جاو هكذاك برك ماشي كي يغيرو منك سحروك

شوف روحك وحوس على الراقي
الناس كامل تسحرو ماعرفناش شكون لي يسحرو

ياو روح ترقي بلاك تلقى كاش جني ساكنك
أنا خاطيني

​

 

[الورد الأحمر]

السلام عليكم ورحمة الله وبركاته

عييت في الموضوع نفهم الكلمة لي كتبتها كنطر كنطر كنطر بسيف فهمتها طلعت في قاموسي نفسها كلمة كونثخ

والله يا خويا من جهة السحر كثر وي كثر ورجع موضة لا لشيء إلا أنو الناس بطلت تخاف ربي ومهما كان كامل عندنا غلطاتنا بصح أنو نوصلو لشي كبير فيه شرك بالله هذي الحمد لله مازال ما لحقنالهاش .

بصح من جهة ثانية كيما كاين ناس ما عندهمش مشكل يعملو سحر كاين ناس بالمقابل ما يتحصنوش بالأذكار والقرآن علابيها يصلح فيهم السحر على خاطر لي محصن ما يقيسو والو بإذن الله .

أونفان بالاك انت بالذات ممسوس على خاطر موضوعك تاع واحد ما صحيحش

أهلا برجعتك ما موالفش تعملها وتطول هك ان شاء الله المانع خير ... نسناو لموسوسين يجو

 

[Skor m@k]

السلام عليكم ورحمة الله وبركاته

عييت في الموضوع نفهم الكلمة لي كتبتها كنطر كنطر كنطر بسيف فهمتها طلعت في قاموسي نفسها كلمة كونثخ

والله يا خويا من جهة السحر كثر وي كثر ورجع موضة لا لشيء إلا أنو الناس بطلت تخاف ربي ومهما كان كامل عندنا غلطاتنا بصح أنو نوصلو لشي كبير فيه شرك بالله هذي الحمد لله مازال ما لحقنالهاش .

بصح من جهة ثانية كيما كاين ناس ما عندهمش مشكل يعملو سحر كاين ناس بالمقابل ما يتحصنوش بالأذكار والقرآن علابيها يصلح فيهم السحر على خاطر لي محصن ما يقيسو والو بإذن الله .

أونفان بالاك انت بالذات ممسوس على خاطر موضوعك تاع واحد ما صحيحش

أهلا برجعتك ما موالفش تعملها وتطول هك ان شاء الله المانع خير ... نسناو لموسوسين يجو

وعليكم السلام
هههههه كي كتبتها قلت سور مايفهموهاش هههه بصح هذي هي نكتب بالدارجة لمخلطة هههه
هذي هي الناس كل ما تبعد على ربي سبحانه تكثر المعاصي والشيطان هو لي يولي يتحكم فيهم
عليها تلقايهم يجرو للسحر والمشكلة زعما تلقايهم يصلو مي
من الغيرة ولحسد والبغض تروح تجري عند السحارة والمشعوذين ويعملولهم السحر
هههههه اواه لي ممسوس مايشكش ههههه وانا شكيت ههههههه

ايه طولنا بلاك كان عندنا جني خامل وفنيان بصح نحيتو
شكرا​

 

[لؤلؤة قسنطينة]

السلام عليكم
ههههه عجبتني اصابع الفأر وشعرة القنفوذ، ووين تعرف نتا هاد الامور؟
بالاك نتا راك تبات قاعد مع السحارين توجدو في الخلطات السحرية ههه
المهم نحكم بلاصة هنا عندي بزاف افكار مخربطة في راسي
خلي نفرزهم ونرجع بحول الله خاطر عجبني الموضوع
لي عودة ان شاء الله
​

 

[sanaya]

ههههههههه هذا سبيسيال للموسوسين الللي نهار كامل سحروني و ضربوني بالعين ووووووو ياخي عباد
أنا المهم توسوست قلت هاذيك الجارة اللي تحبني بزاف سور مخبية حاجة موراها غدوا كتجي نخليها واقفة فالباب
و كتبعثلي طعام نمدو لقطوطة و كتقولي جيبي بناتك يريحو معايا نقولها لا لااااا ملول نكوبي عليها
ولا معجبهاش الحال لاهي سهل
وثاني تفكرت علاه منيش نكتب نتوما اللي ضربتوني بالعين و عملتو سحر اديتولي صورة سانايا و حطيتو عليها ملح و جلجلان و سكر و كاوكاو ومبعد حطيتوها فمقبرة
هذا علاش مقدرتش نكتب شي و هاذي متكونش غير خدايم @الصحافية الساخرة و لا @حلم كبير
باسكو شفتهم غيارين كشوفوني فالمنتدى يتشنفو و يعملو رواحهم ماشافونيش معليش هاذيك الغيرة واش تعمل
مصح راني توسوست من حاجة
بلاك أنا جنية و حاسبة روحي آدمية اااه نو لازم نروح نرقي
لاااازم نروح عند الشوافة خخخخخخخخخخخ

 

[الصحافية الساخرة]

السلام عليكم

و أخيراااا الميسيو سكاكير راه هنا موضوع تاع السيحر والجلجان والتوسويس و، عجبتني تاع كنطر كنطر كنطر و يستاهل السحر هههههخهههه الله يعطيكم الربح ضحكتني ديجا أنت لازم تروح عند شيخ يرقيلك راك ماش صحيح هههههه ياخي مجنون و سكر هههه مانقولكش ليلى باش ما توسوسش ههههه

ايه نرجعوا للسحر يا لطييف الله يبعد علينا السحارة و ليزافار اللي يخدموا بيهم و الله يبعد علينا سيرتو اللي يظلوا يشكوا من السحر ( وانا نقرى في موضعك تفكرت وحدة غير المرة اللي فاتت تلاقيتها برى منعرفهاش ايا بدات تحكيلي و تقولي سحروها و معرف واش و راحت للراقي خاطر كي تروح للعراس مسكينة تالموا عندها اللحم كما قالت هي تتغاشى و تطيح يا عيني المشكل كي شفت ليها لقيتها غير شحم يرحم بوك شكون يقدر يسحر شحمة هههههه واش تلبسه تخرج دودان يا فجنبك يا فظهرك ) يا سبحان الله دوك ولا الغاشي الكل ينصحوه يرقي الطبيب وتروح عنده يقولك روح ت قي هههه أنا الوالدة كي مرضت قالولها ارقي وهوما غير اسنانها هههه

و نزيدلك حكاية خلاف ( هذي المرة غير الحكايات جمعتهم شكاير ههههه ) ايه مالا وانا في طريقي لوحد البلاصة منعرفهاش مليح تعرف كي تحوس على كاش حاجة تحبس الناس فالطريق وتبدا تسقسي اخويا ، اختي هخههه ايا وانا نحب نسقسي غير الجنس الوحشي نقصد اللطيف ايا حبست زوج بنات قلتلهم وين تجي هذي البلاصة ، ندمت اللي حبستهم هههه وحدة نطقت ليا و شافت فيا بتفنيين و هي صفراء مزية ما ماتتش فيا برك نزيد نباصي ههه ، ومن بعد قالتلي و هي محباش اصلا تجاوبني كارهة : " مانيش منا رانا جينا للراقي برك " ، علابلك فالدقيقة هذيك ضحكت ضحكة جامي ضحكتها معرف ضحكة غير مسموعة و مسموعة فنفس الوقت ههههه ياودي هوما صغار و رايحين للراقي علاااش ! شكون قالكم بلي راهم مسحورين هذا اذا كانوا رايحين باش يديروا كادنة لكاش واحد وينتقموا منو يربطونه ربطا بصح من وجهها بانتلي هي اللي دات المطرق الشافي من عند الشيخ الراقي هههههههه

هي صح كاين اللي ما يخافوش ربي سبحانه و بزااف ناس تلقاهم يروحو لعند للمشعودين و يديروا عفايس ماش ملاح ، كاين اللي تروح عند المشعوذ باش خطيبها ولا راجلها ولا حماتها ترجع مليحة معاها الله يهدي من خلق

بصح باش أنت ما تصلي ما ترفد المصحف ما تذكر ربي وتظل بالكتمان في وذنيك ورانا نشوفوهم يخرجو من القراية طول للغنا ، يرقدوا بالشاب خلاص و جورج سوف ويصبحوا بسرحاني و ديسباسيتو قولي منين ما توليش مخلخل اسمحلي هنا عاود راجع نفسك اللي تامرك بالسوء خاطر تلعب دور كبير فحوايج اللي نشوفوهم دوك كآبة ووو ، وانا نقول ما كان لا سحر لا هم يحزنون أنا فوت عامين ماش ملاح خلاص جحيم ما نخرجش من الدار حبست قرايتي ، تخيل ديت الباك و ما حبيتش نقرا فالجامعة و اللي يعرفوني حتى اللي جامي هدرت معاهم قالولي روحي ارقي راهم سحروك ولا ضربوك بالعين كنت نضحك في وجههم و نقولهم انا ما دام نقدر نصلي و نقرا القرآن كل يوم كيفاه هذي تسحرت هههه انا ما فسرتهاش كما فسروها الناس كامل حالتي قريت عليها و فهمت واش هي بويسك لوكان عاشوا واش راك تعيشه ما يقولولكش راك مسحور يشوفوا للظروف اللي راك فيهم من بعد يحكموا كما يحبوا ، انا ظروف دارتلي هكا و فهمت بلي راها كآبة و غرقت في عالم خلاف بصح الحمد لله راني شادة فربي سبحانه و ما خممتش كما خمموا الناس بويسك علابلي بلي ربي هو اللي يقدر ينفعني و يضرني ابارسا الناس ما يقدروا يديرولي والو ، وربي حطني في موقف و حاة هكا بويسك حبني و بلاني و الحمد لله جامي نسوء الظن بربي سبحانه و ثقت بيه هو سبحانه و احسنت الظن بري و راني نتحسن بالشوية ووليت افضل و بلعقل بلعقل ينفجروا حوايج فيا ملاح اكثر قوة من قبل باذن الله

مرسي سكر على الموضوع الرائع ، توحشنا كتاباتك الطريفة

والله فرحت كي شفتك هنا تضحك و تضحكنا معاك

بارك الله فيك ، كن بخير دائما و ما تطولش الغياب ^-^

 

[الصحافية الساخرة]

ههههههههه هذا سبيسيال للموسوسين الللي نهار كامل سحروني و ضربوني بالعين ووووووو ياخي عباد
أنا المهم توسوست قلت هاذيك الجارة اللي تحبني بزاف سور مخبية حاجة موراها غدوا كتجي نخليها واقفة فالباب
و كتبعثلي طعام نمدو لقطوطة و كتقولي جيبي بناتك يريحو معايا نقولها لا لااااا ملول نكوبي عليها
ولا معجبهاش الحال لاهي سهل
وثاني تفكرت علاه منيش نكتب نتوما اللي ضربتوني بالعين و عملتو سحر اديتولي صورة سانايا و حطيتو عليها ملح و جلجلان و سكر و كاوكاو ومبعد حطيتوها فمقبرة
هذا علاش مقدرتش نكتب شي و هاذي متكونش غير خدايم @الصحافية الساخرة و لا @حلم كبير
باسكو شفتهم غيارين كشوفوني فالمنتدى يتشنفو و يعملو رواحهم ماشافونيش معليش هاذيك الغيرة واش تعمل
مصح راني توسوست من حاجة
بلاك أنا جنية و حاسبة روحي آدمية اااه نو لازم نروح نرقي
لاااازم نروح عند الشوافة خخخخخخخخخخخ

ههههههههههههخخهه ياخي سنايا ياخي ، لااا ماشي أنا وماشي حلم كبير انتيا راكي لاتية مع روايتك وليتي تتكبري علينا ههههههه الله يعطيك الربح ، ها راكي لباس دوك تكتبي الحمد لله حصني روحك برك او يزيد يخرجلك واحد من حيث لا تحتسبي و تحبسي خلاص ههخخههههه

ربي يوفقك ختي مريومة و يبعد عليك كل عين حاسدة

الله يحميك

 

[sanaya]

ههههههههههههخخهه ياخي سنايا ياخي ، لااا ماشي أنا وماشي حلم كبير انتيا راكي لاتية مع روايتك وليتي تتكبري علينا ههههههه الله يعطيك الربح ، ها راكي لباس دوك تكتبي الحمد لله حصني روحك برك او يزيد يخرجلك واحد من حيث لا تحتسبي و تحبسي خلاص ههخخههههه

ربي يوفقك ختي مريومة و يبعد عليك كل عين حاسدة

الله يحميك

لاتية مع روايتي
معنديش مكرو ياجدك شريلي واحد أملا هههههههههههه

 

[Skor m@k]

السلام عليكم
ههههه عجبتني اصابع الفأر وشعرة القنفوذ، ووين تعرف نتا هاد الامور؟
بالاك نتا راك تبات قاعد مع السحارين توجدو في الخلطات السحرية ههه
المهم نحكم بلاصة هنا عندي بزاف افكار مخربطة في راسي
خلي نفرزهم ونرجع بحول الله خاطر عجبني الموضوع
لي عودة ان شاء الله
​

وعليكم السلام
ههههه سر المهنة هههه كيما يقولو ناس الخبرة هههه
وبلاك شكون شاف ههههه
وشكون قالك ماشي انا هو رئيس السحارين هههه
أعوذ بالله
رانا نستناو فيك باين بلي راهو ساكن حداكم فالشامرا جني صغير
وبلاك شكون شاف
ههههه​

 

[Skor m@k]

ههههههههه هذا سبيسيال للموسوسين الللي نهار كامل سحروني و ضربوني بالعين ووووووو ياخي عباد
أنا المهم توسوست قلت هاذيك الجارة اللي تحبني بزاف سور مخبية حاجة موراها غدوا كتجي نخليها واقفة فالباب
و كتبعثلي طعام نمدو لقطوطة و كتقولي جيبي بناتك يريحو معايا نقولها لا لااااا ملول نكوبي عليها
ولا معجبهاش الحال لاهي سهل
وثاني تفكرت علاه منيش نكتب نتوما اللي ضربتوني بالعين و عملتو سحر اديتولي صورة سانايا و حطيتو عليها ملح و جلجلان و سكر و كاوكاو ومبعد حطيتوها فمقبرة
هذا علاش مقدرتش نكتب شي و هاذي متكونش غير خدايم @الصحافية الساخرة و لا @حلم كبير
باسكو شفتهم غيارين كشوفوني فالمنتدى يتشنفو و يعملو رواحهم ماشافونيش معليش هاذيك الغيرة واش تعمل
مصح راني توسوست من حاجة
بلاك أنا جنية و حاسبة روحي آدمية اااه نو لازم نروح نرقي
لاااازم نروح عند الشوافة خخخخخخخخخخخ

ههههه الموسوسين كاين بزاف سورتو هنا فاللمة
لوكان تكتبي كاش حرف وتسكتي يتوسوسو وسقولك طلاسم هذو هههه
ههههه ولقطة لوكان تولي مسحورة ماتغيضكش زعما
اواه هذي لازم تتوسوسي منها هههه وبلاك تربطهم وتخليهم صغار مايكبروش هههه
هذي صح لوكان غير ربطوني وماخلاونيش نكبر ههههههه
ولا نقولك كيما قلتي صرقعيها بكوبي فالتيليفون ولا جات لعندك صرقعيها بكف هههه
أصلا معلباليش واش معنتها صرقعيها ههههه
ماعنداك نتمسخر تعودي تقولي راهو يحرض على العنف ههههه
وسوستيني صح هههه
الجنون مايقدروش يقولو تشيواوة سيي قوليها تشوفي اختبري نفسك هههه
هههههه نروحو كامل نرقو واقيل ههههه
سلام

 

[Skor m@k]

السلام عليكم

و أخيراااا الميسيو سكاكير راه هنا موضوع تاع السيحر والجلجان والتوسويس و، عجبتني تاع كنطر كنطر كنطر و يستاهل السحر هههههخهههه الله يعطيكم الربح ضحكتني ديجا أنت لازم تروح عند شيخ يرقيلك راك ماش صحيح هههههه ياخي مجنون و سكر هههه مانقولكش ليلى باش ما توسوسش ههههه

ايه نرجعوا للسحر يا لطييف الله يبعد علينا السحارة و ليزافار اللي يخدموا بيهم و الله يبعد علينا سيرتو اللي يظلوا يشكوا من السحر ( وانا نقرى في موضعك تفكرت وحدة غير المرة اللي فاتت تلاقيتها برى منعرفهاش ايا بدات تحكيلي و تقولي سحروها و معرف واش و راحت للراقي خاطر كي تروح للعراس مسكينة تالموا عندها اللحم كما قالت هي تتغاشى و تطيح يا عيني المشكل كي شفت ليها لقيتها غير شحم يرحم بوك شكون يقدر يسحر شحمة هههههه واش تلبسه تخرج دودان يا فجنبك يا فظهرك ) يا سبحان الله دوك ولا الغاشي الكل ينصحوه يرقي الطبيب وتروح عنده يقولك روح ت قي هههه أنا الوالدة كي مرضت قالولها ارقي وهوما غير اسنانها هههه

و نزيدلك حكاية خلاف ( هذي المرة غير الحكايات جمعتهم شكاير ههههه ) ايه مالا وانا في طريقي لوحد البلاصة منعرفهاش مليح تعرف كي تحوس على كاش حاجة تحبس الناس فالطريق وتبدا تسقسي اخويا ، اختي هخههه ايا وانا نحب نسقسي غير الجنس الوحشي نقصد اللطيف ايا حبست زوج بنات قلتلهم وين تجي هذي البلاصة ، ندمت اللي حبستهم هههه وحدة نطقت ليا و شافت فيا بتفنيين و هي صفراء مزية ما ماتتش فيا برك نزيد نباصي ههه ، ومن بعد قالتلي و هي محباش اصلا تجاوبني كارهة : " مانيش منا رانا جينا للراقي برك " ، علابلك فالدقيقة هذيك ضحكت ضحكة جامي ضحكتها معرف ضحكة غير مسموعة و مسموعة فنفس الوقت ههههه ياودي هوما صغار و رايحين للراقي علاااش ! شكون قالكم بلي راهم مسحورين هذا اذا كانوا رايحين باش يديروا كادنة لكاش واحد وينتقموا منو يربطونه ربطا بصح من وجهها بانتلي هي اللي دات المطرق الشافي من عند الشيخ الراقي هههههههه

هي صح كاين اللي ما يخافوش ربي سبحانه و بزااف ناس تلقاهم يروحو لعند للمشعودين و يديروا عفايس ماش ملاح ، كاين اللي تروح عند المشعوذ باش خطيبها ولا راجلها ولا حماتها ترجع مليحة معاها الله يهدي من خلق

بصح باش أنت ما تصلي ما ترفد المصحف ما تذكر ربي وتظل بالكتمان في وذنيك ورانا نشوفوهم يخرجو من القراية طول للغنا ، يرقدوا بالشاب خلاص و جورج سوف ويصبحوا بسرحاني و ديسباسيتو قولي منين ما توليش مخلخل اسمحلي هنا عاود راجع نفسك اللي تامرك بالسوء خاطر تلعب دور كبير فحوايج اللي نشوفوهم دوك كآبة ووو ، وانا نقول ما كان لا سحر لا هم يحزنون أنا فوت عامين ماش ملاح خلاص جحيم ما نخرجش من الدار حبست قرايتي ، تخيل ديت الباك و ما حبيتش نقرا فالجامعة و اللي يعرفوني حتى اللي جامي هدرت معاهم قالولي روحي ارقي راهم سحروك ولا ضربوك بالعين كنت نضحك في وجههم و نقولهم انا ما دام نقدر نصلي و نقرا القرآن كل يوم كيفاه هذي تسحرت هههه انا ما فسرتهاش كما فسروها الناس كامل حالتي قريت عليها و فهمت واش هي بويسك لوكان عاشوا واش راك تعيشه ما يقولولكش راك مسحور يشوفوا للظروف اللي راك فيهم من بعد يحكموا كما يحبوا ، انا ظروف دارتلي هكا و فهمت بلي راها كآبة و غرقت في عالم خلاف بصح الحمد لله راني شادة فربي سبحانه و ما خممتش كما خمموا الناس بويسك علابلي بلي ربي هو اللي يقدر ينفعني و يضرني ابارسا الناس ما يقدروا يديرولي والو ، وربي حطني في موقف و حاة هكا بويسك حبني و بلاني و الحمد لله جامي نسوء الظن بربي سبحانه و ثقت بيه هو سبحانه و احسنت الظن بري و راني نتحسن بالشوية ووليت افضل و بلعقل بلعقل ينفجروا حوايج فيا ملاح اكثر قوة من قبل باذن الله

مرسي سكر على الموضوع الرائع ، توحشنا كتاباتك الطريفة

والله فرحت كي شفتك هنا تضحك و تضحكنا معاك

بارك الله فيك ، كن بخير دائما و ما تطولش الغياب ^-^

وعليكم السلام
@الصحافية الساخرة
أبن عمي واشنو هذا هههه صح توسوست قبل ما نقرا ردك ههههههههه
بزاف يامحاينك باين عنك مووووودا ماكتبتيش هههههههه
المهم كيما قلت التوسويس بالسحر عندو ناسو يحبو يمرضو روحهم بلعاني
حنا ماهدرناش على لي مريض ربي يعافيه ويعافينا
بصح كاين ناس كل ماتهدر معاه يقولك راني مسحور وهو يتوسوس برك
والمشكلة تتغر عليه كاش حاجة يقولك سحروني
القهوة كان يدير 3 مغارف سكر كانت جيه مليحة ممبعد ولا يدير 4 مغارف وهكذاك تبقى مرة هههه
يقولك سحروني ولا قاسوني بروبيني هههه عين صغيرة شويا وهو غير كي لقا القهوة مرة ب 4 مغارف
بصح صح وسوسني كيفاه 3 مغارف حلوة و4 مغارف ولات مرة خخخخخ
روح ترقي احسنلتش هههه كي تاع الخليج ههههه
هاه نولو لردك الطويل ولعريض بسلامتو هههههه
هذوك الزوج باين يروحو يكادنيو وانت شفت الراقي لو جا مليح يستقبلهم ويرقيلهم بدون محرم خخخخ
لوكان انا فارغ شغل نتبعهم هههههه
هذي افار تاع كادنة وتصويرة وشعرة تاع ذئبة مطلقة ومعاودا الزواج وماعندهاش الدراري وهوما فراو الحالة هههههههه
صح عندك الحق ماشي الناس لي يحكمو عليك بلي راكي مسحورة
أنت وحدك تحكمي على نفسك خاطرش الناس كل مايشوفو واحد تبدل يتهموه بلي راهو مسحور
مي مايقولوش بلي بلاك عندو مشاكل ولا حتى هو امور تغيرت عليه بطبيعة الحال يتغير
الناس ديما يسبقو الاحداث ويحكمو على الشخص قبل مايعرفو واش صاريلو
المهم تكوني بخير هذاك هو الصح
شكرا لك ختيتو
هاه رانا نحينا العقدة بلاك هههه العام الجديد بدانا بالتفنيين ههه
​

 

[لؤلؤة قسنطينة]

السلام عليكم
تفكرت موضوعك هاني رجعت نكمل الرد تاع البارح
واصلا عدت مانقدرش ندخل نحط موضوع في واش راك تهدر وبالاك نتا مدايرلي السحر عند الباب
وشكون شاف ههههه، واصلا لي قاعد يكتب في الموضوع بالاك خاطي خونا مالك وشكون شاف ههههه
وبالاك كي مادخلتش نخدم وراني شوماج بالاك كاش واحد راهو يلعبلي بمستقبلي هههه مع انو قعدة الدار عاجبتني هههه
دركا نرجعو للصح، بصراحة الموضوع هادا كيما الكاس لي نصو فارغ ونصو معمر، خاطر نص الشعب الجزائري موسوس
كلشي يتوسوس منو، تلقى واحد يصبح راقد لـ 12 ويقولك مالقيتش خدمة وسحروني، واحد ماقرا ما تعب يدوبلي
يقولك علاه عاودت العام واقيلا سحروني ماش هكا بعد، كاين أمور لازمنا نسعاو ليها باه تلحقنا وماكانش دخل للسحر فيها
أما الجانب الثاني لي رايحين نتكلمو عليه وهو أنو السحر اليوم ولا كلي شربة ماء لي يوجعو راسو يروح يسحر عبد خلاف
تلقى واحد ولا وحدة متفوقين في الدراسة ومن الأوائل فجأة يصيبهم المرض ولا تصرالهم حاجة ويوليو مساكن في الهاوية
ولا وحدة تتزوج وهي عروسة جديدة مسكينة يهربوها من دارها تولي كي المهبولة تجري في الطرق، عني كاين أمور لا يتقبلها العقل
وين تتطلب رقية ويمكن تشك في السحر، مع أنو الرقية مليحة حتى للشخص السليم لأنها تحصنو من الايادي الشريرة
لي ناويتلو الشر، ولازم علينا كذلك نحصنو نفوسنا كيما قالت الاخت، كاين داعية قال أنو ترك أذكار الصباح والمساء
أخطر من البقاء بدون أكل وشرب وهذا دليل على أهمية الأذكار
وربي يعافينا ان شاء الله
شكرا خويا مالك على الموضوع ومازالني شاكة في شعرة القنفوذ هههه
تحياتي
​

 

[السلطانة]

وعليكم السلام ورحمة الله وبركاته
ومنلي كتبت الموضوع وانا نقول درك ندخل نرد ومعرف واش الشي الذي منعني واقيلا جني صحيح خخخخخخخخخخخخخخخخخخخخ
اواه الهربة تسلك زيك دايرين بيك خويا مالك وشعلت الشمع وانت تكتب الموضوع
راك وسوسوت الشعب درك كيفاه خليتني نتخيل بلي شومبرتي ممكن يكونو ساكنين فيها معايا درك وقاعدين معايا يتفرجو ويكوناكتيو
وبديت نخزر في دار شيخي قديمة تاع بكري بلاك راهم معمرين بيها
oh my good

انهم هنا

تقبل مروري نخليلهم قهوة

تقبل مروري ياموسوسهم

 

[زهور الأمل]

مام انا كلما نجي نعلق تشدني حاجة خفية،اوووه سور سحر ضد التعليق،المهم راني كليت 7 باكيت شيواوا بالملح و تعافيت.وعلى جال توسويس بدلت صورة نتاع البروفيل