كسكسي الرائع

[جنتي إيماني]

نحضروا رطل بصل نقطعوا مربعات بواسطة السكين او الة التقطيع نقلوا البصل مليح نضيفوا الملح الزيت ونخلوه يذبل ....... لإكمال الوصفة يرجى التفاعل

 

[مناجاتي لسجادتي]

السلام عليكم

ههههه و الله صح لازم التفاعل أصل ؟ بالاك 1000 اعجاب احسن خخخ
هذا المنتدى للإفادة و الإستفادة و لايوجد داعي لوضع شروط في طرح المواضيع
تحياااتي لك اختي

 

[Oussama.GF]

كما قالت اخت
لايوجد شروط
رجاء اكمال فكلنا نتفاعل من اجل ترقية منتدى

 

[السلطانة]

اكتبي الوصفة مع الصور وستجدين التفاعل المطلوب

مرحبا بيك اختي

 

[جنتي إيماني]

شكرا ارجوا المعذرة ستتم الوصفة بإذن الله

 

[جنتي إيماني]

الوصفة المقادير رطل بصل لانه هو الاساس'وحسب كمية الطعام
طماطم مصبر 'ملح' زيت بصل اخضر اوراق (حسب الرغبة)
طماطم اخضر 'راس الحانوت الكمية حسب الذوق
الكيفية نحضر الكسكسي ونخليه يفور المرة الاولى مبعد ننزعوا ونشمخوا بقليل من الماء وقطرة زيت ونرجعوا يفور مبعد ننزعوا مرة ثانية نضيف الملح ثم الماء ونخليه يتشرب ثم نضيف الزيت ونرجعوا يفور للمرة الاخيرة.
،من جهة اخرى نقوم بتقطيع البصل مربعات رقيقة وكمية البصل على حسب الرغبة المهم تكون باينة في الكسكسي نخليه على نار هادية حتى يتبخر الماء ديالو مبعد نضيف فنجان زيت ونخليه يتقلى هنا نضيفوا ملح، راس الحانوت ،فلفل العكري، فلفل احمر حار مرحي ،مبعد نضيف طماطم اخضر مقطع مكعبات فلفل اخضر حار طماطم مصبر 6ملاعق حسب جودة الطماطم ونخلي يتقلى شوي ونطفي النار مبعد نخلط كل الصوص مع الكسكسي ويقدم ساخن
ملاحظة: لازم يكون الصوص سا خن جدا او الاثنين سخونين باه يجينا مزج المكونات ساهل ويقدم ساخن وللتذكير البصل الاخضر نضيفوه في الاخير فقط لان طبخو يطلق مرارة بزاف ويكون مقطع رقيق نخلطوه مع الكسكسي كي نحيوه مباشرة من الكسكاس
سر الطبخة : تكون حارة حامضة ميدومة يعني ماهيش ناقصة الزيت
وشهية طيبة