ڨالو ناس بكري

[جودا الجميلة]

بسم الله الرحمان الرحيم
انا شفة ان لازم نحطو موقع نكتبو فيه كلام ناس بكري ماعليكم غير تكتبو قالو ناس بكري و تحطو الكلام
قالو ناس بكري الذيب ذيب و الحبيب حبيب و القهوة تتبدل كي نزيدولها الحليب
قالو ناس بكري لي فاتو الهدرة يقول سمعت ولي فاتو الماكلة يقول شبعت
قالو ناس بكري ضربني و بكى سبقني و شتكى
قالو ناس بكري جات تكحلها عماتها

 

[heba biba]

مشكورة على الموضوع

 

[ناصر dz]

موضوع راااااااااااااااائعة

 

[ناصر dz]

ناس بكري قالوا

البخت مايل والزهر ماعندي .....يلي نزرعو تفاح يطلع هندي....

 

[ناصر dz]

ناس بكرى قالوا ثلاثة يطولو العمر : الدار الواسعة و الفرس السريعة و المراة المطيعة
ثلاثة يعمروا الدار : الحرث بالغبار و الفحول الصغار و الزواج ببنت الكبار

خسارة :البني فالدار الصغيرة و الحرث فأرض حجيرة و الغلض فالمراة القصيرة
ثلاثة عدياني : عيني و وذني و لساني كون ما جوش هوما نروح لقبري هاني
ثلاثة يقللو الصحة : الزواج بالمراة المعفونة و مشيان الحفا و هزان الذري على الڨفا
ثلاثة يربحو :النعجة و العويجة و النحل ايلا جا ( العويجة تعني السنبلة)
ثلاثة من الجنون: الرايح للسوق بلا مال و الرايح للبير بلا حبال و الجالس وسط الجماعة و ما دارش البال.

 

[ناصر dz]

ناس بكري قالوا

الشمس تطلع والنجوم تغيب والصغير يكبر والكبير يشيب والدنيا تفرق ولفراق صعيب ولعزيز عزيز حتى لو كان بعيد.

ناس بكري قالوا

صبري على روحي ولى صبر الناس عليا نداوي جروحي بروحي ولامن يعلم بيا
​

 

[ناصر dz]

ناس بكري قالوا

تمشي ناس وتجي ناس وتقعد رضاية الوالدين تاج فوق الراس

 

[HAMZA USMA]

شكـر جزيلا ,, على المـــوضوع الــرائع ,, و المميز /
/ موضوع جميل ,, يستحق منا كل المشاركة ,, و التفاعل /

/ واصل(ي) تميزك ,, و تألقك(ي) في هذا المنتدى ,, الرائع /
/ بارك الله ,, فيك(ي) ووفقك(ي) الله .,, /

/ وفي إنتظار ,, ما ستجود(ي) لنا به ,, من مواضيع /
/ ننتظـر منك ,, الكثيـر ,, ان شـاء الله /
​

 

[اميرة المدائن]

السلام عليكم ورحمة الله وبركاته
مشكورة على الموضوع
بارك الله فيك

 

[اميرة المدائن]

قالو ناس بكري:
ماتخالط ما تقول انا الغالط ماتعاشر النحل ما تشكي من لسعاتو احكي سرك للغريب حتى واذا محافظش عليه ينشرو بعيد على دوارك ♡ولا تحكي سرك للقريب كي ينشرو يجيبلك العيب لباب دارك زين النساء في السترة والراجل يتقاس بالهدرة ومتحكمش على الناس بالنظرة تحب تشرب الماء صافي شوف مجراه ولا حبيت تحكم لغزال تبع خطاه وعمرك لا تقول كلام وما تعرف معناه لازملك كلام موزون وزيد ثبت معاه عيب النفس في كثر الخطايا وعيب العين من قلة النوم وعيب العقل في موت الخلايا وعيب الڨلب دسان الهموم ☹وعيب الروح في خبث النواياالرجال يبانوا فالشدة ❤وجه البارود اذا خرج مافيه ردة و الرجلة ماشي فالزندة والعظم عمرو ما يكون فالكبدة والجايح يخلع بالهدرة والدنيا فانية كيفها كيف الرقدة

 

[جودا الجميلة]

قالو ناس بكري المذبوحة تعاير في المسلوخة و المقطعة شبعت ضحك

 

[ناصر dz]

للي يبــينا عــيت النفـس تبغــيـه … واللي نبي عــيا البخـت لا يجـيبـه

 

[ناصر dz]

كاين الي عندو جوابو في فمو

وكاين الي داسه في فمو

وكاين الي حتى يشاور امو
​

 

[ناصر dz]

واحد يعجبك من نظرة

وواحد يعجبك فيه الهدرة

وواحد تصيب لوكان تضربه بحجرة
​

 

[ناصر dz]

حبيبك حبو والسر الي بينكم تخفيه

اذا حبك حبو كثر واذا تركك لا تسال علية

 

[ناصر dz]

ناس بكري قالو
الزين للنسا ..والنسا للرجال..واللرجآلـ للمحنة ...والمحنة للي يقدرلهآ

 

[اميرة المدائن]

ناس بكري قالوا

الدنيا بحـر; فيها المليح و فيها المشـؤم; و انت اعرف وين تعوم ;الفرحــة ماتـدوم و الغمة تزيد الهـــمـوم ;و اللي قرب للصابون لقى النقى و لي قرب للقدور لقى الحموم

 

[اميرة المدائن]

ناس بكري قالوا
دير الخير ولوحو في بحر جاري
الا ضاع عند العبد مايضيعش عند الباري

 

[ناصر dz]

ناس بكري قالو​

​

​

اللي قرصو لحنش يخاف من لحبيلة​

​

 

[ناصر dz]

ناس بكري قالوا

الشمس تطلع والنجوم تغيب والصغير يكبر والكبير يشيب والدنيا تفرق ولفراق صعيب ولعزيز عزيز حتى لو كان بعيد.