خربشــآتـ أنثى مجنونهـ

[أم سلطان 16]

اللهم اشفي كل مريض
ربي يكون معاك اختي ويرزقك الحكمة الله يشافي

 

[afnene]

لن يكون هناك" يسر "لولا وجود "العسر"
فسبحان الله جل جلاله لم يقل في كتابه ان بعد العسر يسر بل
قال تعالى (ان مع العسر يسرا )
فكل صعوبة تكون في حياتنا لو تخيلنا موقفنا قبلها لقنا مستحيل ان أتجاوزها.. لست لها ..
ولكن ونحن في تلك المتاهة محاطين بالهم والكرب...هناك ضوء وبصيص فرج ..يتوسع كلما قطعنا وهرولنا نحوه ...
ذلك هو اليسر ....
ومهما كان الهم والعسر الذي تعيشه .. انت له ...بما ان الله جعل لك قدرا ونصيبا من هذا الهم والا ويخبئ لك فرجا وجبرااا يليق بصبرك ...
فاصبر واحتسب ...
كلمات كنت ومازلت اهمسها لنفسي بين الحين والآخر خلال هذه الفترة ...

الفرج قريب ...فصبرااا

 

[afnene]

اشتريت سواااعد
(منيش عارفة اذا قاع لبنات يعجبوهم ولالا بصح عندي مدة نحوس عليهم وبصدفة تلاقيت إحدى زميلاتي في الدفعة تبيعهم وكي لعادة لازم نشري لاختي ايضا ولا نبقى نلبس غير فردة برك ..)
المهم بصحتي

 

[afnene]

اسبوعين وانا مريضة ،وكنت اظن انها حالة زكام ...
واذا هي حساسية جديدة ...حساسية من الأوراق والكتب ...
حتى جهازي المناعي ولم يعد يتحمل الدراسة ...
#هلوسات قبل الامتحان#

 

[afnene]

منذ اكثر من شهر لم اخربش هنا ...
لاني لو كتبت سأكتب بدمع عيني ...
اللهم جبرااا ..يضمد وينسي كل هم أو كرب ...
صبراااا ..فالفرج قريب ...

 

[طالب الخير]

قلت:
(فاحرص على انتقاء النهاية)
صدقت، نعم العبرة في النهاية أو الخاتمة...
ولهذا يركز ديننا على الخواتم ونرى المسلم يدعو دائما بحسن الختام.
وهكذا كل عمل إذا لم تكن خاتمته حسنة فلا عبرة لأوله.

 

[afnene]

ذكرى #
اليوم مر اسبوعين وانا طريحة الفراش قلت خلاص لابد من الرجوع للدراسة خاصة السطاج المنسي ...
ذهبت وفي اول نص ساعة أثناء معاينة المرضى أسقط مغشي علي...
استيقظ بعدها أجد نفسي في سرير إحدى المريضات ومعلق محلول بيدي ...
المهم نساو المرضى وانشغلوا معايا ،وقالولي غدوة بقاي في داركم (الحمد لله جات من عندكم هاذي لي كنت نحوس عليها انا)
دعواتكم بالشفاء

 

[afnene]

في هذه الفترة اكتشفت ان حتى الخربشة والفضفضة ..نعمة ...
ياليتني استطيع ان افضفض ...
اللهم فرجا قريبا ..

 

[afnene]

رسالة للشباب لي قراو معايا في الابتدائي

والله عيب عليكم كل مرة واحد يجي عند الوالد ويقولو باغي نتقدم لبنتك وكي يسقيه يقولو قريت معاها ..

وكي يجي سقسيني اذا تعرفي فلان قرا معاك وابي متوقع اني نقوله في الجامعة او على الاقل ليسي يطيح قرأ معايا في في الابتدائي او المسجد وانا عندي 4 سنين

والله الوالد اخواتي رجعوني تحريشة ها حشموا

ديجا كنتو متحملونيش كي تكرمني المعلمة وينتا طاحت عليكم هاذي لمحبة

 

[afnene]

عادة في هذا الوقت نكون مع تحضير الحلويات ومتحمسه للعيد من اجل الملابس الجديدة
هذا العام غدوة عاد ناوية نخمم شاندير قاطو و اليوم عاد درت لاكوموند على روبة وعباية اذا وصلهم ليفرور قبل العيد اللهم بارك اذا موصلوش نخليهم للعيد الكبير وصايي
الطفلة التي بداخلي كبرت بلخف ورجعت عجوز في السبعينات

 

[afnene]

نظن دراستي في الجامعة أثرت عليا
رجعت نخلي كلش لليلة الرعد ...
ملابس العيد وصلتني اليوم ...الحمد لله كون كان العيد لبارح كون راني خليتهم للعام لجاي هههه
واليوم تفكرت اني مدرتش لبقلاوة كيما كل عام فقررت قبل المغرب بعد ماكملت الميناج اني نديرها ...درك عاد طابت...
بقات آخر خطوة نختمو بها اليوم ...روتين العناية بالبشرة ونكوافي شعري طبعا مراحش نعيد كشرودة
وصباح لازم نبكر لصلاة العيد ...
ليلة العيد تعبت فيها أكثر من ليلة الرعد...
نروح نكمل ونرقد خربشت بزااااف
صحا عيدك يا انا

 

[afnene]

لمدة خمس سنوات جامي فكرت اني ندير garde في السبيطار ولكن هذي المرة طحت في سارفيس لازم نديرو garde
راني نوجد في صوالحي تقول جهاز تاع عروسة راني قريب نبكي والله ...
كيما يقول ابي انا مقلشة وانوشة ماشي تاع هذا التمرميد...أواه انا الميدسين متخرجنيش...
منقدرش لهذا العالم تاع لكبار...
ماني من النساء لي حوسو يحقو ذاتهم بالعمل زعما ،انا حشيشة طالبة معيشة ...موالفة رقاد ومكانش لي حاسبني وينتا نرقد وشاندير وشالازم ندير...
بدأت افكر جديا في مستقبلي ...

 

[afnene]

الحمد لله فاتت المناوبة بخير وعلى خير،مكانتش بالسوء لي تخيلته بالعكس تعلمت بزاااف صوالح وحسيت بحجم المسؤولية خاصة انها كانت في مصلحة انعاش الأطفال...
ولكن مرقدتش ولا دقيقة ...حتى اني خدمت مهامي ومهام غيري ...
صح كانت متعبة ولكن تجربة جديدة وديت فكرة على واش راه يقارع فيا منا على عام ...
بصح حاجة لي تأكدت منها...انا مستحيل راح اعتاد على المناوبات بصفة دائمة لازم تخصص خالي من المناوبات ....خاطيني تمرميد

ولا ناكتيفي مود بيتي سر سعادتي