مشكلتي راحت النية

[مشكلتي]

السلام عليكم و رحمة الله
بدون مقدمات المشكلة في زوجي و تمنيت لو لم اكتب هذه السطور و ترددت كثيرا و هي
اني لما تكون عندي فاميلتي مرات زوجي يدخل للبيت بلا ما نحس بيه و يبقى يسمع لحديثي معهم و حكمت شحال مرة و ما حبيتش نواجهو مرة واحدة فقط لي واجهتو و انكر و غاضتني عمري حسيتو ماشي يمشي معيا بالنية و راه عارفني مليح و ديما يقولها لي اني عمري ما نفكر نخدعو او عندي نية ماشي مليحة معاه
علاه هكذا ممكن نلقى اجابة بديت نخاف منو و الثقة لي بيني و بينو تهزت

 

[يوسےفے]

تم الاعتماد.
لنا عودة بعد العمل ان شاء الله.

 

[حلم كبير]

السلام عليكم ورحمه الله وبركاته
بارك الله فيك على شجاعتك لتتحدثي عن مشكلتك التي لا أراها مشكلة ولكن بداية مشكلة
يمكنك أن تمحيها قبل أن تكون مشكلة ويمكن تكبريها وتصبح مشكلة فعلا
يا أختي الكريمة ما دمت اكتشفت أنه يتجسس ألم تسألي نفسك لماذا ؟
هو من المفروض عمل لا أخلاقي ولا يمت للاسلام بصلة " ""ولا تجسسو ولا يغتب بعضكم بعضا " "" صدق الله العظيم
لكن هو عمل هذا الخطأ وفات الحال ،وأنت كوني ذكية
إختلقي قصة وقولي له سمعتها من أحد ما عن رجل يتجسس على أهل زوجته وزوجته وأطلبي رأيه في ذلك وناقشيه بكل تحضر وهدوء وقولي له أنك تكرهي هذا التصرف .
إذا كان فعلها فضولا فقط وانت تعرفين أن زوجك جيد الطبع فسيتوقف على الفور
يعني إذا كانت هذه الغلطة الاولى التي رأيتها فيه أقول لك تريثي ،ممكن فضول ويفوت
كما قلت لك اخترعي قصة لتبدأي معه الحديث عن هذا الموضوع وإذا قال لك أتشكين في أو شيء من هذا القبيل فقولي له لا حاشى أنت لاتفعل مثل هذه الأمور المنحطة أي سمي هذا التصرف بأبشع الأوصاف لكي يفيق أن ما فعله خطأ
وإياك ومواجهته مباشرة لأنه سيكذبك أكيد ولن تجدي مخرجا وستكبر المشكلة
إذا كان زوجك انسان مصلي ويعرف ربي سيتغير صدقيني وكوني ذكية وغيري فيه طبعا سيئا ،والزوجة دائما يجب أن تكون ذكية في تعاملها وحواراتها لتتمكن من تغيير طبع زوجها
ليس التنصت فقط بل كل طبع سيء
إياك تخربي بيتك بسبب هذا الأمر ،وعندما يحضر أهلك ناديه ليجلس معكم وإياك تأخذيهم على جنب هذا سيجعله يشك أن هناك شيء ما ناديه يشارككم الحديث ليعرف أنه لا شيء لتخفيه
وإذا أردت الانفراد بأهلك فعندما تذهبي زائرة عندك كل الوقت في الاستراحة معهم في الحديث وهذا حقك ما إن يكن في حدود الله
أرجو أنك فهمتني وستفعلي ما قلته بكل حذر وذكاء وبحول الله ستلاحظين التغير
ربي يهدي سرك ويهديه وتعيشي معه أيام حلوة آمين يارب العالمين

 

[يوسےفے]

@لؤلؤة قسنطينة
@الامين محمد
@السلطانة
@ضآحكة مستبشرة
@همس الوُرود
@زهور الأمل
@عقــ اللمه ــيد
@Yasmina.yaso
@سكون الفجر
@Soumia hadj mohammed
@heba biba
@The tank
@missing heart
@quěěŋ ŏŏŏŏf gříěf
@sanaya
@حلم كبير
@فاعل الخير[/QUOTE]

 

[Hakan]

التجسس قضية اخلاقية
كاين راجل راجل
وكاين رجل نسونجي
ضركي لازم تعرفي وش هو الشي اللي خلاه يدير هذا التصرف.. لانو الشك ما يجيش هكاك بالاك
خليتيه يرتاب منك بدون ما تحسي.. وفي الاخير الحل الوحيد باش تبهدليه..
اذا كنت رايحة تحكي في تلفون روحي احكي قدامو وصدعيلو راسو..
واذا جاتك لافامي تعك قوليلو جيب القهوة وارواح تشايخ معانا..
والنصيحة الاخيرة كامل.. توكلي على ربي ماكيش ديري في حرام وانت طيعي الزوج تاعك وربي يصلح بيناتكم..​

 

[بشرى ملاك]

تاكدي ماشي شك لوكان شك هدا شحال يطردك من داره هادي طبيعة فيه يا فضولي يبغي يسمع ويعمر راسه بالهدرة يا يبغي يسمع واش تحكي عليه فقط انت منا وجاي كل ماتجي عندك وحدة حكيله ماشي كلش وانما لي يقدر يرضي فضوله مايوليش يسمعلك انت وضيفاتك..
وتاني حاجة ماتقوليش مادايرش النية كي ينكر لا حبيبتي هو من اعماقه عارف روحه غالط يحشم يصارحك. علاه لي يخون يقول انا خاين؟؟? فهمتي طبيعة برك وان شاء الله يبطلها

 

[همس الوُرود]

السلام عليكم
اممم اختي انا نظن انو ممكن كي يدخل ويلقاك مع اهلك يحشم يجي منينكم ويروح بلعقل لبلاصة اخرى باش هوما مايفيقوش انو دخل وكذا مش انتي
انا ماشكيتش يكون واحد يحب يسمع حكايات النسا بالاصل الرجال هاربين منها هههه
يعني كون شكيتي فامراة تتجسس نقولو بلاك بصمح راجلك مشكيتش
المهم اختي اذا كاين منها صح انتي حاولي متحطيش فبالك هادي الفكرة وتعاملي عادي ليسونسيال نتيي ماتغلطيش فالهدررة متجيش تشكي ولا لانو اصلا فالدين مشاكلك الزوحية تبقى بينك بين زوجك ومش من حقك تخرجيها لغيركم ولو امك وصوني زوجك فحظوره وغيابه رايح يتجسس يتجسس ويلقاك انسانة طيبة وخاطيك اكيد يجي يوم ويحبس خليه يبني الثقة هاديك والعكس اذا انتي بقيتي تقولي علاش وعلاش وتتقلقي من فعلو يزيد يشك اكثر ويقول مدامها مقلقة اي خايفة نسمع امر ما فهمتيني اختي ! يمالا انا نصيحتي ليك ماتديريش كامل فبالك هدا الشي واحسني الظن بزوجك قولي بلاك يحشم او اي شي ومتقوليش يتجسس وعيشي بصفاء النوايا و بالمليحة وصاي وربي يهنيك

 

[السلطانة]

وعليكم السلام ورحمة الله وبركاته

بلاك يحب يسمع برك واش تهدري عليه مع لافامي تاعك
ربي يصلح الاحوال

 

[وۣۗهۣۗہۣۗم]

السلام عليكم
اختى الفاضلة لاتسيئي الظن في زوجك فهذه ستكون بداية المشاكل بينكما شوفي ختى وبكل صراحة هو منين بداه الشك هذا وكيفاه باه بداا يتجسس عليك ويتبعك في تصرفاتك حوسي على الاجابة للسؤال هذا وبعدها الحل يكون ساهل واثنى على راي الاخ حكيم @The tank انوو حاولى تشاركيه في كلشي في مكالماتك الهاتفية في زياراتك العائلية وكل امر الا وله حل هو التحاور ونقاش
دمت سالمة

 

[أم أحمــــد يــسّ]

السلام عليكم...
أسعد الله قلبكِ أخيتي...
أولا سأقول لكِ أن أي رد على أي مشكلة ليس هو الحل الأمثل فكلٌ يحكم بمنظوره هو في قراءة المشكلة وتختلف القراءات وذلك ما يحز في نفسي ان هناك اشخاص لقلة خبرتهم يغرفون من كل رد فتزداد مشاكلهم عوض حلّها...فدائما مايفيد غيرنا ليس بشرط ان يفيدنا...
نرجع الى المشكلة والتي لا نعرف جوانبًا منها ( گكل مشكلة طرحت هنا) وشخصيا اذا فسرتها أقول:
إما زوجك له طبع قديم في الاستماع للجلسات النسائية ويحب الأخبار ومعرفة كل التفاصيل كعادة اعتادها وهذا غير مرجح لانه وقتها سيدخل ويجلس ليشارك بكل عفوية وتظهر نيته..
وإما ان بينكما مشكلة فعلا ويشك في انك تخفين عليه أمورا عادة ما يكتشفها مؤخرا او من شخص آخر وهنا عليك اشراكه في أمورك ومشاريعك ( هذا إلا اذا كنتِ تفعلين ذلك لكن استهتاره وعدم وقوفه مع مشاكلك جعلكِ تبعدينه وتهمشين رأيه)
وإما أنه لديه هو ما يخفيه وخائف انكِ اكتشفتِ شيئا ويحاول التأكد بالإنصات؟؟؟
او أنكِ مخطئة في شكوكك كلها وأنه كان يدخل الى المنزل ولا يعلم بوجود ضيوف ولصفة الخجل او احتراما لكِ معهم يريد أن يبقى خفيا وانتِ تتفاجئين بوجوده وتخافين من انه استمع لجزء من أحاديثك ( خاصة اذا ذكرته بسوء أو بتقصير) والنتيجة في كل ذاك( سماعه لمحادثاته) أرى انه يجب أن يكون له رد فعل أكيد يعني يتغير تعامله او كلماته ستكون قاسية او يحاول اثارة الموضوع من جديد...الخ وهذا هو اللب يعني اذا استمع سيواجهك ولو بطريقة غير مباشرة لأن الأمر سيحز في نفسه ولن يرضى الا باجابة او مشكلة حتى...
خلاصة النصيحة أن تتناسي الأمر وتعيشي حياتك بسعادة وثقتك انتِ فيه سيستلزمها ثقته فيك وإلا انكِ ستدخلين في دوامة المشاكل باثارتك للموضوع كل مرة وستنغصين عليك حياتك وتجرين التعاسة لبيتك..
أحيانا التجاهل راحة للقلب
أسعد الله قلبك

 

[sanaya]

سأعود

 

[amro mostafa]

البيوت اسرار ما ينفعش تحكى على جوزك ايا كان الامر انا بستغرب فعلا من كشف ستر البيوت بهذا الشكل

 

[يوسےفے]

البيوت اسرار ما ينفعش تحكى على جوزك ايا كان الامر انا بستغرب فعلا من كشف ستر البيوت بهذا الشكل

الركن هذا ،الناس تشارك فيه بعضوية مجهولة ولهذا ردك في غير محله..صح للبيوت أسرار و عيب نهدرو على اسرارو..لكن لا نعرف ولن نعرف العضوية الحقيقية لشخص ما وضع مشكلة في هذا الركن..كلشي مجهول...شكرا

 

[amro mostafa]

انا اكلم عن المبدأ حتى لو كان مجهول ما ينفعش تحكى عن زوجها حتى لو كان لناس مجهوله فهمت قصدى

 

[sanaya]

انا اكلم عن المبدأ حتى لو كان مجهول ما ينفعش تحكى عن زوجها حتى لو كان لناس مجهوله فهمت قصدى

عادي هي تطلب النصح لا أكثر

 

[amro mostafa]

عادي هي تطلب النصح لا أكثر
اوك تمام اكيد انا غلطان بس ده راى وشكرا ليكى

 

[sanaya]

اختي
هذا مهوش مشكل كبير
الرجل مستحيل يلحق يتنصت على مارتو الا و عندو أفكار سابقة من اصدقائه أو من عائلته أو حتى من المجتمع نفسه عن أم الزوجة مثلا أو أخواتها على أساس أنو فيه من يغير تفكير الزوجة و يغيرها على زوجها يعني هو مادارش هكذا الا و عندو نظرة أو خلفية سلبية
بون نتي متكبريش المشكل بزاف و إنما خليه مع الوقت يتأكد أنو نتي و الناس المحيطين بيك مش تاع خربان بيوت ولا شي مش مليح و هكذا ينحي الطبيعة هاذي
و كذلك كتحكي معاه لمحيلو للتجسس و عن حرمته وووووووو
بون هذي طبيعة مش مليحة مي نتي خليه مع الوثت ينحيها و متحاسبيش فيه لعبيها مفقتيلوش و بالسياسة شوفي كفاه تنحيهالو
خصوصا الا راكي متزوجة حديثا هناك أزواج باش يلحق يوثق بمارتو 100/100 لازملو سنوات بون كل واحد و البيئة تاعو راجلك راهو عندو مشكل تاع التوسويس و مجاش هاكا و مش ضروري تعرفي السبب تاعو ولكن الأهم كفاه مع الوقت تبينيلو أنو هاذ التصرف معندو حتى معنى
نعرف وحدة كتجيلها يماها تريح عجوزتها تتصنت عليهم خترة تقلقت قالتلها علاه تتصنتي قالتلها كانت عندي مارت وليدي لاباس عليها هبلتها يماها حتى نهار رفدتها ونخاف يتعاود هاذ الشي
اتسما الشك لا يأتي من فراغ لابد أن هناك شيء مش فيك نتي ولكن في عائلته ولا صحابو و لا كاش واحد حكالو حكاية خلاتو موسوس
ياأختي نروحو للكوتي السلبي باش متقوليش راكي دافعي?? ياختي هاذي صفة نسوان و مش مليحة وووو دورك نتي كامرأة و كزوجة تبدليهالو
قد يستغرق الأمر سنوات و لكن على الأقل حاولتي
كاينة وحدة تزوجت براجل نسونجي مش تاع نسا ولكن طبائع النسا تجسس و غيبة ووووو المهم هاذي مثقفة نسبيا و كانت تتقلق منو
تخيلي بعد عشر سنوات زواج قاللها بسبتك تخليت على بزاف من الطبائع اللي مش ملاح و الفضل يعود ليك
كان يريح مع يماه فلانة وفلان فيهم و قيهم و تقول الزوجة ولى العكس اللي يجي يحكي على واحد يقولو خطينا
بون نتمنى المساج لحق ليك و ربي يهنيك اختي

 

[kacimo samy]

ما تكبريهاش
واقفلي الباب بزكرم باه كي يجي يطبطب هههه برك
انتهت مشكلتك