مشاهدة المرفق 98867
توم سوير أفضل ميكي عرفه التاريخ
نشاهد على الصورة توم سوير في الوسط اللي هو في الحقيقة مالك نتاعنا حفظه الله راه كبر الان ماشاء الله وعقال راكم تشوفو عجبوا الكوستيم نتاع صاحبو وراه يخطط كيفاش يسرقولو بعد نهاية الحلقة.
على يمينه مولات الموضوع شوية خوافة كما تلاحظون مع الابتسامة بيانسور راها تتصور واشبيكم.
على يساره صديقه حكيم مع الكوستيمة والبابيون النشافة ومشطة الشعر مع الجال بكري كان شكون يدير الجال يا حصراه حكيم كان قايم بروحوا كما تلاحظون مشاهدينا الاعزاء على يساره ماغيكاي تشان الاشتقال كان من بكري تربالها من الصغر الان هي أكبر قرعاجة في جنوب قارة مدغشقر تعمل مديرة دراسات ابحاث التقرعيج والتبلحيق كما ترون تبلحق بقوة في وجه حكيم او خلعها على مايبدو او عجبها ولا مانيش عارف.
فوقها مباشرة سمية الحاج ماشاء الله الاناقة البنية الطاغية هي في الحقيقة كان لباسها ابيض فقامت بدهنه باسلوبها لتتصور مع أصدقائها المهابل ودهنت شوية خدودها بالبني كلمسات فنية الله غالب يديها ياكلوها على البانتورة.بجانبها مول الكاسكيطة اخونا سامي المشرف السابق كما ترون شعره مايل على عينه يشوف بعين وحدة لهذا المنازل اللي يخدمها تلقاها مخدومة نص نص النص الايمن جديد والنص الايسر يبقى على حاله وديما كان يخلص نصف الاجر ومول الدار يجيب خدام آخر يكملوا النصف الثاني ابتسامة عريضة لمزية مفتحش فمو كان ياكل الصوار.
مباشرة اللي بجنبه شيخنا وحبيبنا الامين كان بصحتوا كما تلاحظون شوفو حنوكو قدش الله يبارك كان ياكل كل يوم عشرين دجاجة بالريش نتاعهم راهو ميت بالفرحة خاطر مكانوش راح يعيطولو لانو كان معروض في عرس في قرية أخرى من الميكيات سروال بروتال مازال محتفظ به للان والزوجة كل يوم تحلف تقطعوا وديروا نشاف لكنها الذكريات تمنعه من رميه شكله مضحك يا ربي ياربي على الطامة نتاع الماكلة نتاع الميكيات.
أخيرا الطفل الوسيم اللي بعده هو حبيبنا الاستاذ حليم قبل ما يغترب كان شوية يتكسل مين كان يلعب في الميكيات كما ترون نظرته حواجبوا ديكالاو من وجهوا يتكسل على التصوار قالهم انا موالف بالتصوار يخي عروبة تقول اول مرة تتصورو بدو هكذا قالهم في كواليس الميكي.
طبعا واللي كانت تصور فيهم هي ماروكو سلطانة باه قدرت تصور حطوها فوق برميل نتاع ماء الله غالب طولها لايسمح بالتقاط اعلى من الصبابط بعد التقاط الصورة طاحت في البرميل لكنها ظهرت في مسلسل آخر من بطولتها يسمى ماروكو ريكو في هوليود.
يعني مازال كاين تصاور لميكيات الان هم اعضاء معانا لكن ملقيتهمش يقدرو يتصورو الان ويبعثوهم خاطر مكانش فرق كبير هههه ربي يحفظكم والله جيحتونا على آخر الزمن هههه هاي فيك يا ليليا
مشاهدة المرفق 98867