أنت تسأل والأستاذ عبد الجليل يجيب

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
51,395
نقاط التفاعل
84,068
النقاط
821
محل الإقامة
الشرق-الوسط
الجنس
أنثى
السلام عليكم ورحمة الله وبركاته

نرحب بالأستاذ @جليلوس


أستاذ اللغة الفرنسية في التعليم الابتدائي

نرجو من تلاميذنا وأعضاءنا الكرام

ان استصعب عليهم أمر يخص هذا الطور أن يضعوا استفساراتهم هنا
والأستاذ سيجيبكم باذن الله


101015
 
بون صواغ :-p:-p

حبيت نسقسيك على الطريقة الصحيحة لبدء تلقين الطفل اللغة الفرنسية
نحاول نعلم بنتي حاليا بعض الكلمات
الحيوانات لي تشوفها وتتعرف عليها في الواقع وفي التلفاز
علمتهالها بالعربية والفرنسية
بعض الكلمات اليومية
الالوان
الاعداد ...
هل هي طريقة صحيحة ويقدر الطفل يتعلم الكلمات ويحفظها من خلال استعمالها ؟
كاين وحد الميكي اسمو كايو
نحطلها حلقة كل يوم او يومين ونفهمها فيها
لاحظت انو مازالت متفهمش لاها بسن ال 3 سنوات
قريت بلي راه الطفل كي يشوف الصور المتحركة بالفرنسية تتخبى في عقلو
ويتعلمها تدريجيا
المهم حبيتك تفيدني بعدة افكار كيفاه نعلم بنتي الفرنسية حسب سنها
اعتمد حاليا كيما قتلك على طريقة التسميع والتحفيظ
والمشاهدة للكتب او في الحقيقة للاشياء والحيوانات وتكرار الاسماء بالفرنسية ...
ارشدني


 
معكم في انتظار
اجابت الاخ لنستفيد
ربي يوفقك @السلطانة
في تربية و تعليم الطفلة
 
هههه موضوع رديت عليه هادا شحال ومالقيتش ردي
مانعرف وين تبخر الله اعلم
المهم سلطانة اشكرك على الموضوع بارك الله فيك
يعطيك الصحيتوو
الطفل الصغير باش يتعلم يتعلم اللغة وتكون اجنبية يعني 2eme langue لازم يكتسبها هي صح فاللول صعيبة مي مع الوقت يوالف ويولي يفهم مش يهدر برك ....
دوك نفهمك كيفاش لازم les gestes ول mimiques يعني تقوله le nezوتشير ليه بيدك هو صح مايعرف ينطقها مي يعرف le mot وواش يعني ومعا الوقت يتعلم كيفاش يهجيهاا ... مش مرة مش زوج لازم المداومة ومنين داااك حطيلو ميكي بالفرنسي خليه يتعلم حركاتهم لغة شفايفهم صور الأشياء حتى الألوان وكيفاش تتنطق يعني يكون الرصيد المعرفي وممبعد يجي رصيد اللغوي ههههه
وهذا احسن وقت لتعلم اللغة خاصة الفرنسية

علابالي كثرت عليك خليني نشوف رايك اومبعد نزيدو نفصلوا اكثر في واش حكينا
ربي يخليهولك ويحفظو
 
السلام عليكم
انا حاصلة على شهادة ليسانس لغة فرنسية و مؤخرا عرضت علي وظيفة تدريس اطفال سنة خامسة ابتدائي و سنة رابعة متوسط في مدرسة خاصة
محتارة حول تلاميذ السنة الخامسة ابتدائي فالسنة الماضية درست تلميذ سنة خامسة مايعرفش الحروف و الكلمات و تعبني بزاف
سؤالي استاذ هو هل تلاميذ السنة الخامسة نبدا لهم من اساسيات اللغة الفرنسية و الا نتبع دروس الكتاب المدرسي
تجربتي الاولى في مجال التعليم و هادا وين تخرجت خائفة جدا . ارجو المساعدة و شكرا
 
يعني كنت متمنية نلقى اجابة مي الله غالب باسكو كنت نحوس على اجابة من انسان عندو خبرة
اسحب سؤالي
 
السلام عليكم
انا حاصلة على شهادة ليسانس لغة فرنسية و مؤخرا عرضت علي وظيفة تدريس اطفال سنة خامسة ابتدائي و سنة رابعة متوسط في مدرسة خاصة
محتارة حول تلاميذ السنة الخامسة ابتدائي فالسنة الماضية درست تلميذ سنة خامسة مايعرفش الحروف و الكلمات و تعبني بزاف
سؤالي استاذ هو هل تلاميذ السنة الخامسة نبدا لهم من اساسيات اللغة الفرنسية و الا نتبع دروس الكتاب المدرسي
تجربتي الاولى في مجال التعليم و هادا وين تخرجت خائفة جدا . ارجو المساعدة و شكرا

السلام عليكم ختي
قريت اهتمامك اختي اولا نتمنالك التوفيق وربي يفتح عليك

انا نعطيك رايي ونتي تعرفي واش ديري
من الأفضل تبداي مع تاع الإبتدائي احسن لأنه الأغلبية الساحقة ماتعرفش حتى تكتب اسمها ولا تلصق الحروف ولا تفك حتى كلمة من ختها فما بالك تاع سيام وتاع ليسي هاديك الكارثة الكبرى يلا عندك القدرة على تحمل مشاغباتهم وضجيجهم وحسن التعامل معهم انصحك بهم والله ستجدين حلاوة التدريس معهم وهدا الكلام عن تجربة
وفيما يخص سؤالك لازم كلش يعرفه من اسمه الى منهجية الإجابة في الورقة لان عنده امتحان مصيري في نهاية السنة بالنسبة له
حنا دروس الكتاب نحاسبو بيها برك رانا نزيدو من عندنا وماراهم يفهمولك والو الله غالب هادا ماحلبت
اتهلاي في وليدات الناس وربي يباركلك في رزقك

يعني كنت متمنية نلقى اجابة مي الله غالب باسكو كنت نحوس على اجابة من انسان عندو خبرة
اسحب سؤالي

ماتزعفيش بزاف الله غالب كنت مشغول قلت نخلي الصباح ونرد عليك في راحتي

ربي يوفقك واي شيئ رانا هنا نحن في الخدمة

سلام
 
السلام عليكم ختي
قريت اهتمامك اختي اولا نتمنالك التوفيق وربي يفتح عليك

انا نعطيك رايي ونتي تعرفي واش ديري
من الأفضل تبداي مع تاع الإبتدائي احسن لأنه الأغلبية الساحقة ماتعرفش حتى تكتب اسمها ولا تلصق الحروف ولا تفك حتى كلمة من ختها فما بالك تاع سيام وتاع ليسي هاديك الكارثة الكبرى يلا عندك القدرة على تحمل مشاغباتهم وضجيجهم وحسن التعامل معهم انصحك بهم والله ستجدين حلاوة التدريس معهم وهدا الكلام عن تجربة
وفيما يخص سؤالك لازم كلش يعرفه من اسمه الى منهجية الإجابة في الورقة لان عنده امتحان مصيري في نهاية السنة بالنسبة له
حنا دروس الكتاب نحاسبو بيها برك رانا نزيدو من عندنا وماراهم يفهمولك والو الله غالب هادا ماحلبت
اتهلاي في وليدات الناس وربي يباركلك في رزقك



ماتزعفيش بزاف الله غالب كنت مشغول قلت نخلي الصباح ونرد عليك في راحتي

ربي يوفقك واي شيئ رانا هنا نحن في الخدمة

سلام
شكرا اخي على الرد
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top