مستر ريزو (wanted)

sami44

:: عضو بارز ::
أحباب اللمة
إنضم
10 ديسمبر 2009
المشاركات
13,068
نقاط التفاعل
26,463
النقاط
956
محل الإقامة
فالفيراج
الجنس
ذكر
السلام عليكم ورحمة الله

do.php


موضوع اليوم حبين نهدر على الريزو في البوسطة والبلدية وكل الادارات سيرتوهذ الايام

102314




اليوم ما رحتش للخدمة على اساس عندي شغل في البوسطة واحد يساللي دراهم نبعثهم له كان مدلي الرمز

والكلي فالهاتف ميساج

شربت قهوتي الصباح ودرت طلة في اللمة كي العادة وتوجهت للبوسطة تاع البلدية وين نسكن

دخلت من الباب لقيت لاشان كبير والحس كيما تعرفو البوسطة اغلبها روتريتيا والي يخلصو

التريسيتي والعجايز الي يستناو البانصيو


تقدمت من الgيشي وروشت بيدي لعبد الرزاق الشكارة (هذا جاري ندلعوه هكا يخدم في لابوست وسارفيابل)

قاللي واش تجبد قلتلو لا لا راح نفارسي لواحد في سطيف اذا تسلكني قالي راهي حابسة الريزو مكاش

صدقوني كنت نحسب
الريزو هذا غير فالتلفون والانترنت

وثما عرفت سبب لاشان كي يروح الريزو كل الناس تحكم لاشان وتستنى السيد ريزو يجي هو الكل في الكل بلا بيه

تحبس البوسطة والناس تطيح في البحر الي عندو مريض الي راح يقضي وحتى ذوك العجايز مساكن

تمرميد ما بعده تمرميد

حيدت للطرف وقعدت نستنى في الريزو يجي وفهذ الوقت بقيت ندردش مع الي مصابلين كيما انا متكيين على الحيط

تقول شومارة

نطق واحد منهم قالي راهم محبسين
الريزو على جال اصحاب الفايسبوك ومن هدرتو فهمت بلي ماوش عارف كامل

واش راه صاري كي الاطرش في الزفة

وواحد اخر قاللي موافين نقعدو بالساعتين في البلدية على جال شهادة ميلاد او ريزسدونص

واحنا تهدرو دخلت وحد العجوز باينة خلاصت لها الدنيا ومرحية من كثر الهموموالتعب قالتلنا يا ولادي واذا

ماجاش الريزو ما يخلصوناش اليوم سير حاسبة
الريزو هو الخدام الي يجيب الدراهم

وكانت وحد الاستاذة نعرفها مقابلتني عند الحيط لاخر تكوناكتي ووجها مكشر سير معذبها الريزو ما حبتش تعيط برك


هاذي تخيلتها @لؤلؤة قسنطينة باعت الرواية تاعها وراحت تخلص

وبعد ساعتين بالضبط الكل هجم على الgشيات وفي وقت واحد وولا الطايح اكثر من النايض والنايض مبليسي


وهنا اكتشفت بلي مستر ريزو قد وصل
وهنا اماجينيت
جا @الامين محمد يجبد الخلصة تاع لاروتريت وهو يعاني من لارني كيفاش بصرالو

تقدمت من الgيشي تاع الفارسمون لأنو هو الوحيد الي فارغ من الغاشي كملت شغلي وانا مدهوش من بعض

التصرفات الغير مسؤلة لوحد اللص يحاول سرقة كبار السن بعد قبض اموالهم

المهم المليحة كامل نهار جيت خارج حبيت نلتقط صورة للحشد المستقبل
للسيد ريزو وشافني وحد الشيخ كبير سير

مجاهد ولا فلاح الله اعلم

قاللي حبس واش راك تدير ما تحشمش انتوما اصحاب الفايسبوك الي على جالكم
الريزو راه قليل في البوسطة

خافو ربي خلونا نخلصو (الله غالب فهامة الكبار )
وهنا جا في بالي اخي @فريد أبوفيصل والاخ @حلم كبير

وانا وليت نشوف مورايا وقدامي ونحو س على اقصر طريق لهربة ومزية خرجت سالامات

ومن بعد قعدت مع قهوتي ونخمم استنتجت بلي
الريزو يتحكم في الكثير من مناحي حياتنا وللاسف هناك من يتحكم فيه


وانتوما كيفاش راكم عايشين مع مستر ريزو هذ الايام

 
آخر تعديل بواسطة المشرف:
السلام عليكم ورحمة الله وبركاته
والله موضوع حصري بارك الله فيك، أنا صراحة خاطيني البوسطات ولافامي تاعهم هههه دخلتلهم بالاك مرة واحدة فقط او مرتين
بابا لي يتكلف بكل الامر ربي يحفظو، بصح نسمع دائما بابا يتحدث على الريزو هادا، قالك نهار كامل كاين الريزو كاين كلشي
هي تبقى نص ساعة على وقت خروجهم يروح الريزو، هل تفكرون فيما أفكر؟ :unsure: نعم هاد الريزو مشكوك في أمره
واللعبة مخدومة ربما، خاطر هاد الريزو تحلالو غير وقت خروج العمال أنو يحبس وكأنو متفاهم معاهم ولا كيفاه، وماش مرة وماش زوج
فقلت في نفسي يمكن يتحججو بالريزو باه يتهربو من مهامهم ومسؤولياتهم، وإذا صح الريزو واش نقولو ربي يكون في العون
ديجا الشعب كامل رايحلو الريزو هههه انا خاطيني الريزوات تاع البوسطات عندي الريزو تاع الانترنت سورتو كي تروحلي في وقت حساس
مرة مع اللغز تاعك بعد قريب انتحرت، قاعدة ونقول وحدي راح اللغز لقاوها خلاص طفرت فيا، عدت نشوف في الانترنت
ونقولها نتيا الغالية العزيزة على قلبي ارجعي ربي يعيشك والله نديرلك دلال ماشافتو حتى كونيكسيو في الارض، ختي تتشوكا فيا
تقولي مابقالكش سيبو من هنا لمستشفى المجانين طول، ومؤخرا كي تروحلي نفتح صفحة من صفحات برنامج الوورد ونكمل نكتب شوي
من روايتي (بصح مازال مابعتهاش هههه) ومن بعد نتنارفا بشوي السينيال يروحلي، نولي نقول مريم اتكلاماي الكتابة لازملها الكالم
راكي أمام مسؤولية، وساعات كي تروح ويكون ميؤوس منها أنها تولي نفتح كاش كتاب ولا رواية ونبقى نقرا، من بعد كي نشوف نلقاها
جات، نقولها ياااه الخبيثة خلاتني مارحت وجات، ختي تقولي مزية ماجاتش الانترنت انسان كن راكي تدخلي للنار طول من كثرة
ماشبعتي فيها دعاوي شر ههههه، المهم هادي حكايتي المتواضعة مع الريزو
تحياتي

 
آخر تعديل:
السلام عليكم ورحمة الله وبركاته
والله موضوع حصري بارك الله فيك، أنا صراحة خاطيني البوسطات ولافامي تاعهم هههه دخلتلهم بالاك مرة واحدة فقط او مرتين
بابا لي يتكلف بكل الامر ربي يحفظو، بصح نسمع دائما بابا يتحدث على الريزو هادا، قالك نهار كامل كاين الريزو كاين كلشي
هي تبقى نص ساعة على وقت خروجهم يروح الريزو، هل تفكرون فيما أفكر؟ :unsure: نعم هاد الريزو مشكوك في أمره
واللعبة مخدومة ربما، خاطر هاد الريزو تحلالو غير وقت خروج العمال أنو يحبس وكأنو متفاهم معاهم ولا كيفاه، وماش مرة وماش زوج
فقلت في نفسي يمكن يتحججو بالريزو باه يتهربو من مهامهم ومسؤولياتهم، وإذا صح الريزو واش نقولو ربي يكون في العون
ديجا الشعب كامل رايحلو الريزو هههه انا خاطيني الريزوات تاع البوسطات عندي الريزو تاع الانترنت سورتو كي تروحلي في وقت حساس
مرة مع اللغز تاعك بعد قريب انتحرت، قاعدة ونقول وحدي راح اللغز لقاوها خلاص طفرت فيا، عدت نشوف في الانترنت
ونقولها نتيا الغالية العزيزة على قلبي ارجعي ربي يعيشك والله نديرلك دلال ماشافتو حتى كونيكسيو في الارض، ختي تتشوكا فيا
تقولي مابقالكش سيبو من هنا لمستشفى المجانين طول، ومؤخرا كي تروحلي نفتح صفحة من صفحات برنامج الوورد ونكمل نكتب شوي
من روايتي (بصح مازال مابعتهاش هههه) ومن بعد نتنارفا بشوي السينيال يروحلي، نولي نقول مريم اتكلاماي الكتابة لازملها الكالم
راكي أمام مسؤولية، وساعات كي تروح ويكون ميؤوس منها أنها تولي نفتح كاش كتاب ولا رواية ونبقى نقرا، من بعد كي نشوف نلقاها
جات، نقولها ياااه الخبيثة خلاتني مارحت وجات، ختي تقولي مزية ماجاتش الانترنت انسان كن راكي تدخلي للنار طول من كثرة
ماشبعتي فيها دعاوي شر ههههه، المهم هادي حكايتي المتواضعة مع الريزو
تحياتي

عندك الزهر كي ما تروحيش البوسطة ياو الغمة ومزيه البوسطة تاعكم ما فيهاش عبد الرزاق يطلع لاتونسيون والسكرمع بعض
 
السلام عليكم
ههههههه واعرا الضحكة تاع الليل ههههههه
يستاهل ختم التميز ... ختي مريم اياي اختميلو راني بالبرتابل
اواه انا العدو تاعي هو الريزو تانيت ههههه
والله مرة باش نجبد الدراهم ضربت 15 يوم كل يوم نروح لهذاك الميكرو ولا الموزع الآلي الى يسموه هكذا ههههه
والله كل يوم حتى قريب ولا يسقسيني من بعيد آه هذا انت سكر ارجع غدوا ههههه
مرة الريزو مكاش ومرة التريسيتي ومرة الدراهم مكاش ومرة نلقى غاشي ومرة حتى وصلت نسيت لاكارت
ونزيدلك مرة وصلت والريزو كاين والدراهم كاين والكرات كاين المشكلة نسيت الرمز السري ههههه
والله زهري ولا معروف مع الصراف الآلي هذا
وفالنهار داخل البوسط غاشي كبير ديما تلقى فايت 10 عيباد دايرين لاشان على جال الريزو
انا العدو اللدود تاعي هوما الادارات سبحان الله ديما فالادارات هذو نطيح مع عباد سامطين ومشنفين
والمشكلة عندنا 3 مراكز البريد وحدة دابزت مع الخدامين لي هناك على جال الكارت هذيك حتى دابزت معاهم باش مدوهالي وكانت عندهم
واصلا حاوزو وحد المرأة من هذاك المركز على جال الريزو
هو كاين وتقوللهم للناس مكاش الريزو باش مايخدموش
ممبعد اشتكاو الناس منها جاو كونترول وقالتلهم مكاش ههههه
كي دخلو فيريفياو لقاوها تكذب
والمراكز لوخرين غاشي فالنهار كبير ديما يديرو واحد برك لي يمد الدراهم
يحبو يهبلو الشعب ويكرهولو الدراهم لي راح يجبدهم
 
وعليكم السلام ورحمة الله وبركاته
لما نروح للبوسطة ونلقى الغاشي نرجع من الباب منستناش غير لما نكون مع لبنات يبهدلوني باه نقعد معاهم
اما البلدية باباتي ربي يحفظو هو اللي يجبدلي ولا وحدة من خوتي .. خاطيني الميليو
راني ماكتيفيا فلتيليفون باه لما يروح الويفي نفتح ليدوني وحفظت اماكن الريزو في الدار
لما منكونش ماكتيفيا ويروح الريزو اذا مزاجي تع انمي، ديما كاين انمي مثيليشارجي ريزارف حتى ترجع واذا تع روايات نبدا نقرا رواية لكن منحبسش حتى نخلصها ميهمنيش اذا جات الكونكسيون ونفس الشيء اذا بغيت نرسم
ومرات حتى وتكون كاينة الكونكسيون ميهمنيش كيف كيف
بارك الله فيك للموضوع الحصري والمميز اخي الكريم وجزاك كل خير وجعل كل حرف في ميزان حسناتك
ربي يحفظك مريومة للاشارة
ارجو تقبل مروري
تحياتي احترامي وتقديري
 
السلام عليكم
ههههههه واعرا الضحكة تاع الليل ههههههه
يستاهل ختم التميز ... ختي مريم اياي اختميلو راني بالبرتابل
اواه انا العدو تاعي هو الريزو تانيت ههههه
والله مرة باش نجبد الدراهم ضربت 15 يوم كل يوم نروح لهذاك الميكرو ولا الموزع الآلي الى يسموه هكذا ههههه
والله كل يوم حتى قريب ولا يسقسيني من بعيد آه هذا انت سكر ارجع غدوا ههههه
مرة الريزو مكاش ومرة التريسيتي ومرة الدراهم مكاش ومرة نلقى غاشي ومرة حتى وصلت نسيت لاكارت
ونزيدلك مرة وصلت والريزو كاين والدراهم كاين والكرات كاين المشكلة نسيت الرمز السري ههههه
والله زهري ولا معروف مع الصراف الآلي هذا
وفالنهار داخل البوسط غاشي كبير ديما تلقى فايت 10 عيباد دايرين لاشان على جال الريزو
انا العدو اللدود تاعي هوما الادارات سبحان الله ديما فالادارات هذو نطيح مع عباد سامطين ومشنفين
والمشكلة عندنا 3 مراكز البريد وحدة دابزت مع الخدامين لي هناك على جال الكارت هذيك حتى دابزت معاهم باش مدوهالي وكانت عندهم
واصلا حاوزو وحد المرأة من هذاك المركز على جال الريزو
هو كاين وتقوللهم للناس مكاش الريزو باش مايخدموش
ممبعد اشتكاو الناس منها جاو كونترول وقالتلهم مكاش ههههه
كي دخلو فيريفياو لقاوها تكذب
والمراكز لوخرين غاشي فالنهار كبير ديما يديرو واحد برك لي يمد الدراهم
يحبو يهبلو الشعب ويكرهولو الدراهم لي راح يجبدهم
يا ودي فكرتني بالصراف الالي
اكره ما اكره نهار تكون تسيي تجبد دراهم الغاشي يقرعجو عليك توسوس تقول حابين يسرقولي الكود. ونهار تجبد الدراهم الي بعدك يبدا يدير في الكود تاعو البقية سيكانيو فيك نهار تولي تحسب المهم ما تسلكش معاهم
 
السلام عليكم
ههههههه واعرا الضحكة تاع الليل ههههههه
يستاهل ختم التميز ... ختي مريم اياي اختميلو راني بالبرتابل
اواه انا العدو تاعي هو الريزو تانيت ههههه
والله مرة باش نجبد الدراهم ضربت 15 يوم كل يوم نروح لهذاك الميكرو ولا الموزع الآلي الى يسموه هكذا ههههه
والله كل يوم حتى قريب ولا يسقسيني من بعيد آه هذا انت سكر ارجع غدوا ههههه
مرة الريزو مكاش ومرة التريسيتي ومرة الدراهم مكاش ومرة نلقى غاشي ومرة حتى وصلت نسيت لاكارت
ونزيدلك مرة وصلت والريزو كاين والدراهم كاين والكرات كاين المشكلة نسيت الرمز السري ههههه
والله زهري ولا معروف مع الصراف الآلي هذا
وفالنهار داخل البوسط غاشي كبير ديما تلقى فايت 10 عيباد دايرين لاشان على جال الريزو
انا العدو اللدود تاعي هوما الادارات سبحان الله ديما فالادارات هذو نطيح مع عباد سامطين ومشنفين
والمشكلة عندنا 3 مراكز البريد وحدة دابزت مع الخدامين لي هناك على جال الكارت هذيك حتى دابزت معاهم باش مدوهالي وكانت عندهم
واصلا حاوزو وحد المرأة من هذاك المركز على جال الريزو
هو كاين وتقوللهم للناس مكاش الريزو باش مايخدموش
ممبعد اشتكاو الناس منها جاو كونترول وقالتلهم مكاش ههههه
كي دخلو فيريفياو لقاوها تكذب
والمراكز لوخرين غاشي فالنهار كبير ديما يديرو واحد برك لي يمد الدراهم
يحبو يهبلو الشعب ويكرهولو الدراهم لي راح يجبدهم

والله كنت رايحة نختمو
واشوا ترددت لأنو قلت من قبل ندير جولة حول المواضيع
ونخير المواضيع من جديد لي تستحق ختم التميز
على هادي بقيت بين نمد الختم درك وإلا حتى بعد عملية الفرز
درك نحطو درك مالا وبقية الاخوة لي شاركو في واش راك تهدر
ماتتقلقوش راكم في البال، كل المواضيع الحصرية والجميلة
رايحة تتختم بحول الله واعذرونا على التفنيين تاعنا ههه​
 
وعليكم السلام ورحمة الله وبركاته
لما نروح للبوسطة ونلقى الغاشي نرجع من الباب منستناش غير لما نكون مع لبنات يبهدلوني باه نقعد معاهم
اما البلدية باباتي ربي يحفظو هو اللي يجبدلي ولا وحدة من خوتي .. خاطيني الميليو
راني ماكتيفيا فلتيليفون باه لما يروح الويفي نفتح ليدوني وحفظت اماكن الريزو في الدار
لما منكونش ماكتيفيا ويروح الريزو اذا مزاجي تع انمي، ديما كاين انمي مثيليشارجي ريزارف حتى ترجع واذا تع روايات نبدا نقرا رواية لكن منحبسش حتى نخلصها ميهمنيش اذا جات الكونكسيون ونفس الشيء اذا بغيت نرسم
ومرات حتى وتكون كاينة الكونكسيون ميهمنيش كيف كيف
بارك الله فيك للموضوع الحصري والمميز اخي الكريم وجزاك كل خير وجعل كل حرف في ميزان حسناتك
ربي يحفظك مريومة للاشارة
ارجو تقبل مروري
تحياتي احترامي وتقديري
فكتيني وقت فات كان الريزو قليل والمخير عندو تلفون 110 ولا 3310 كي تبغي تعيطي تديري دورة حول البيت ووين ما لقيتي الريزو تقعدي هكذاك لا شتى على طرف البالكون ولا الدروج تتحركي سنتيم تنقطع المكالمة
 

والله كنت رايحة نختمو
واشوا ترددت لأنو قلت من قبل ندير جولة حول المواضيع
ونخير المواضيع من جديد لي تستحق ختم التميز
على هادي بقيت بين نمد الختم درك وإلا حتى بعد عملية الفرز
درك نحطو درك مالا وبقية الاخوة لي شاركو في واش راك تهدر
ماتتقلقوش راكم في البال، كل المواضيع الحصرية والجميلة
رايحة تتختم بحول الله واعذرونا على التفنيين تاعنا ههه​
ههههههههه واشوا ههههههه
شحال تعجبني الكلمة هذي انتم تقولوها بزاف
ايه غدوا ان شاء الله الى دخلت بالميكرو راني نعاونك
 

والله كنت رايحة نختمو
واشوا ترددت لأنو قلت من قبل ندير جولة حول المواضيع
ونخير المواضيع من جديد لي تستحق ختم التميز
على هادي بقيت بين نمد الختم درك وإلا حتى بعد عملية الفرز
درك نحطو درك مالا وبقية الاخوة لي شاركو في واش راك تهدر
ماتتقلقوش راكم في البال، كل المواضيع الحصرية والجميلة
رايحة تتختم بحول الله واعذرونا على التفنيين تاعنا ههه​
باينه قتلاتك الغيرة مزية لقيت الي يدافع عليا
 
فكتيني وقت فات كان الريزو قليل والمخير عندو تلفون 110 ولا 3310 كي تبغي تعيطي تديري دورة حول البيت ووين ما لقيتي الريزو تقعدي هكذاك لا شتى على طرف البالكون ولا الدروج تتحركي سنتيم تنقطع المكالمة
الريزو تع جيزي كاين اما تع موبيليس والو في الدار راجل اختي حتى يعيط للفيكس ههههههههه
ماكتيفيا ولاكتيفاسيون تروح هكداك تع لكلام لانه معندي مع من نحكي ههههههههه بل فنيانة حتى فلكلام ..
 
باينه قتلاتك الغيرة مزية لقيت الي يدافع عليا

لي راهي غايضتني كتر
التصميم تاعي، والختم تاع قسمي المفضل
ونتا الأول لي دشنتو
لماذا يحدث هذا لي 😫
 
الريزو تع جيزي كاين اما تع موبيليس والو في الدار راجل اختي حتى يعيط للفيكس ههههههههه
ماكتيفيا ولاكتيفاسيون تروح هكداك تع لكلام لانه معندي مع من نحكي ههههههههه بل فنيانة حتى فلكلام ..
قريب امنتك انتي تحكي مع الاشباح وما تخليش ليزينيتي يروحو باطل
 

لي راهي غايضتني كتر
التصميم تاعي، والختم تاع قسمي المفضل
ونتا الأول لي دشنتو
لماذا يحدث هذا لي 😫
اعرف انه خاب املك لكن معليش الختم تاع منتدى الالغاز ما استعملتوش وكوني شاطره وخليني نختملك لغز من تفكيرك واحنا تعادلنا
 
السلام عليكم
الريزو هذا بروبلام كبير في بلادنا
مرة كنت مشومرة ايا فليكسيت و جيت ناكتيفي 5 الاف بالغلاط اكتيفيت عشرالاف امالا موراها كي سطاليت باش نهدر راح الريزو و كي خلاصت الصلاحية تع واش اكتيفيت جا الريزو عادي تقول زكارة
و مرة ثاني رحت من الولاية لي نسكن فيها للولاية لاحدى البلديات وين مسجلة بنتي كي زادت و بكرت قلت نقضي صوالحي و كنت دايرة حساب لشحال من حاجة نقضيها و نولي على البكري انا وصلت كانت 9 تع الصباح قالولي الريزو مكانش استناي استنيت حتى 12 قلت درك يفروهالي كي عاد بعيدة قالولي وقت الفطور فطرو و ولاو و شدوني لل3 بحجة الريزو مكانش و وليت للدار و ما قضيت حتى صالحة من البروGرام تاعي

امالا ولينا نتحركو بالريزو وين نروحو قريب نولو ناكتيفيو التنفس و الا مكانش الريزو نموتو نرمال
مشكور اخي على الموضوع اللي هو جزء من واقعنا
في انتظار جديد مواضيعك المميزة
تحياتي لك
 
السلام عليكم
الريزو هذا بروبلام كبير في بلادنا
مرة كنت مشومرة ايا فليكسيت و جيت ناكتيفي 5 الاف بالغلاط اكتيفيت عشرالاف امالا موراها كي سطاليت باش نهدر راح الريزو و كي خلاصت الصلاحية تع واش اكتيفيت جا الريزو عادي تقول زكارة
و مرة ثاني رحت من الولاية لي نسكن فيها للولاية لاحدى البلديات وين مسجلة بنتي كي زادت و بكرت قلت نقضي صوالحي و كنت دايرة حساب لشحال من حاجة نقضيها و نولي على البكري انا وصلت كانت 9 تع الصباح قالولي الريزو مكانش استناي استنيت حتى 12 قلت درك يفروهالي كي عاد بعيدة قالولي وقت الفطور فطرو و ولاو و شدوني لل3 بحجة الريزو مكانش و وليت للدار و ما قضيت حتى صالحة من البروGرام تاعي

امالا ولينا نتحركو بالريزو وين نروحو قريب نولو ناكتيفيو التنفس و الا مكانش الريزو نموتو نرمال
مشكور اخي على الموضوع اللي هو جزء من واقعنا
في انتظار جديد مواضيعك المميزة
تحياتي لك
للاسف مرات الزهر يلعب دور
ماشي ساهله باش تصيدي الريزو
وقالولي الناس راهم يشرطوه في الخطبة
 
للاسف مرات الزهر يلعب دور
ماشي ساهله باش تصيدي الريزو
وقالولي الناس راهم يشرطوه في الخطبة
مليحة هادي تع يشرطوه فالخطبة ...
 
السلام عليكم
شحال نكره ريزو كي يروح لان نصف خدمتي كل هي لابوست
والحمد الله كاين عفسة اسمها تطبيق بريدي موب تفارسي ونتا مريح في داركم مي فيها مشكل واحد وهو في بعض الاحيان تتاخر ما توصلو دراهم الى يومين
يعني الا كان سيد مزرووب على دراهم باه يجبدها في نهارها مكلاه يستعملها ..
مستر ريزوو في بعض الاحيان قالب كي تكون دراهم مكاش يقولو هكذا حتى تجي دراهم لانو عيب يقولك دراهم مكاش ههه
 
السلام عليكم
شحال نكره ريزو كي يروح لان نصف خدمتي كل هي لابوست
والحمد الله كاين عفسة اسمها تطبيق بريدي موب تفارسي ونتا مريح في داركم مي فيها مشكل واحد وهو في بعض الاحيان تتاخر ما توصلو دراهم الى يومين
يعني الا كان سيد مزرووب على دراهم باه يجبدها في نهارها مكلاه يستعملها ..
مستر ريزوو في بعض الاحيان قالب كي تكون دراهم مكاش يقولو هكذا حتى تجي دراهم لانو عيب يقولك دراهم مكاش ههه
علابالي خويا قاسم انت من اكبر المتضررين من الاعيب مستر ريزو
وان شاء الله يكون الروسوفير الي تتعامل معاه ناس ملاح احنا عندنا عبد الرزاق تروح تجبد دراهمك تقول راح يعطيلك الدم ومرات يسقسيك حتى واش راح تدير بيهم المهم قرعاجي سيبريور
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top