زفيطي بوسعادي من مطبخي

[السلطانة]

+

مساء/صباح الخير ان شاءلله راكم بخير
سبق وان حطيت وصفة طبق الزفيطي التقليدي الخاص بمنطقة بوسعادة والمسيلة وماجاورها
قلت نزيد نعاود نحطلكم زفيطي تاع 2019

نشوي الفلفل الحار وحبة طماطم وثوم وجعبة فلفل احمر نقطعها رقيق



نوجد الكسرة ماء وملح على طرف ونطيبها




نجيب المهراس ونبدى نزفط



نهرس الفلفل ونملحو ونحط عليه مغرف كسبر مرحي ونزيد عليه الطماطم



والكسبر حشيش نهرس
ومغرف طماطم مصبرة


نسخن الماء
ونحط الكسرة لي فتت ونهرس ونضيف الماء ونهرس









🌶🌶


شهية طيبة


​

 

[ملكة زوجي]

السلام عليكم ورحمة الله
امممممممممممم والله حتان سخفت ههه يعطيك الصحة اختي
والله يشهي
دمتي​

 

[أبو خديجة]

إذا زفيطي لازم تشوي الفلفل والطماطم والثوم
وإذا بومهراس عادي يتحطو نيين
والبومهراس مشهورة بيه بسكرة

 

[لؤلؤة قسنطينة]

السلام عليكم ورحمة الله وبركاته
يعطيك الصحة والله شهيتينا تاع الصح
انا مانعرفش الزفيطي جامي ذقتو
بصح نسمع عليه ويقولو بنين
بصحتكم الطبخة اللذيذة، ويسلمو ايديك
يعطيك الصحة على الوصفة​

 

[ليليا مرام]

السلام عليكم دانا قريت زفيطي جيت نجري
امنيتي ناكلو راسي يقولي اكري طاكسي روحي لبوسعادة كوليه راح نموت وناكلو
يعطيك الصحة دوماج ماجيتيش جارتي
يسلمو الأيادي روعة

 

[Golden Man]

مشاهدة المرفق 102816


مساء/صباح الخير ان شاءلله راكم بخير
سبق وان حطيت وصفة طبق الزفيطي التقليدي الخاص بمنطقة بوسعادة والمسيلة وماجاورها
قلت نزيد نعاود نحطلكم زفيطي تاع 2019

نشوي الفلفل الحار وحبة طماطم وثوم وجعبة فلفل احمر نقطعها رقيق

مشاهدة المرفق 102817

نوجد الكسرة ماء وملح على طرف ونطيبها
مشاهدة المرفق 102819



نجيب المهراس ونبدى نزفط

مشاهدة المرفق 102818

نهرس الفلفل ونملحو ونحط عليه مغرف كسبر مرحي ونزيد عليه الطماطم

مشاهدة المرفق 102821

والكسبر حشيش نهرس
ومغرف طماطم مصبرة
مشاهدة المرفق 102823

نسخن الماء
ونحط الكسرة لي فتت ونهرس ونضيف الماء ونهرس

مشاهدة المرفق 102820

مشاهدة المرفق 102824


مشاهدة المرفق 102825


🌶🌶
مشاهدة المرفق 102826

شهية طيبة


​

بارك الله فيك على المعلومة,
حياتي كلها وانا نسمع بهدا الطابق المسمى الزفيطي: وعمري شفتو او كليتو..... اول مرة نشوفو.. .
شكرا لك

 

[sami44]

الواحد يكون مهني لاباس
تولو تجيبولو هذ الماكولات تتغير كامل احوالو
انا ملي شفت الاكلة هاذي راهي معركة في كرشي بين المصارين
بورك فيك وانار الله طريقك
لا تحرمينا مما تنتقي اناملك
يعطيك الصحة

 

[سكون الفجر]

​

أنا بمووووووت بهاد الطبق وعن جد نفسي أكله من يد جزائرية
تسلم ايديكِ على التعذيب قصدي الطبق هههه
بارك الله فيكِ وريتو صحتين وهنا على قلوبكم

 

[خيرة جانت]

زفيطي وعليه الكلام غاليتي تسلم الايادي