استضافة مع ضيف لماوي في رمضان- الضيف الثاني صمت النبض -

السلام عليكم
صح فطورك واسعد الله ايامك
عدت لاكمال التحقيق وان شاء الله كنت خفيف الضل
هذي قهوة مولينو اونبرسون باش تقعدي راسك
مشاهدة المرفق 107471
_ عادة في المجتمع ترينها غير مناسبة وجب ازالتها او التخلي عنها
_ما قولك في سياقة المرأة للسيارة
_بغير اللمة اين تبحر صمت النبض في النت اقصد مواقع التواصل
_ما قولك في المسابقات الرمضانية على اللمة
_ما قولك في هذه المصطلحات
الخيانه. السعادة. الثقة. النرجسية. الكذب.
_ ما اول شيى تذهبين اله عند تسجيل الدخول هل التنبيهات ام الرسائل ام مواضيعك ام عمود الاحوال الشخصية
_ هل تهمك الاعجابات في مواضيعك وايها احب اليك جام. جادوغ. مضحك. حزين
_هل تستهويك مواضيع النقاش
_هل انت عضو يمكنك الاعتماد عليه
_ما قولك في مواضيع مشكلتي
_ لو كنتي فالبيس وبقى مقعد واحد فارغ لمن تخليه للمتحدث معك ام للشريرة شيماء
_عندك مكان في الكوزينة ام انت من النوع الي ياكل ويغسل الماعن فقط
_هل انت ممن يقبلون النصيحه ام وجهة نضرك معزة ولو طارت
_هل تعتمدين على الطب الشعبي ام الفارماسيان قبلتك بعد كل مرض لا قدر الله
_عادة رمضانية اندثرت عندكم وتتمنين عودتها
_يوم من ايام الطفولة تريدين عودته
_ل حصل معك موقف حزين لكن اضحكك
_اكثر شئ يحزنك واكثر شيئ يفرحك
_ما قولك اعياد الميلاد. الكريسماس. عيد الحب

اتمنى ما اكون اثقلت عليك
صح سحورك
اهليين
و عليكم السلام و رحمة الله
جات القهوة في وقتها كشما نبقى فاطنة شوي ههه

- اممم عادة في المجتمع ، مازلنا في عصر الواحد يعس خوه ، و عايشين في حياة بعضاهم

-السياقة حاجة عادية و بالعكس حاجة مليحة ، شخصيا نسوق عادي ، الوحدة تحتاج حاجة ، تكون عندها حاجة ضرورية لازم تتقضى ، و ثاني شي مليحة مستقبلا ليها و تعاون راجلها

-كاين فيس ساعات ، كاين منتدى اخر ، المهم ندور شوي لاباس ههه

-المسابقات الرمضانية ، والله حاجة مليحة بالبزاف ، عجبتني صراحة ، افكاركم جديدة و حصرية و زيد ناشطة الحالة بينتاكم ربي يستركم من 👀👀

-الخيانة : أبشع حاجة يعيشها الانسان سواءا من طرف اصدقاء ام احبة ، تعني فقدان ثقة باتم معنى الكلمة للشخص و غيره
السعادة : مايبحث عنه الجميع بكل الطرق ، اجمل حاجة عند الانسان
الثقة : حاجة لازم تكون ، اذا راحت ، واحد مايقدر يعيش مع خوه
النرجسية : اكيد حاجة موش مريقلة ، الواحد مليح يحط راحو في الموقع اللي راهو فيه و علاه يروح للشي اللي خاطيه
الكذب : ابشع حاجة و اكثر حاجة نكرها

-هه نروح ديراكت للتنبيهات

-ههه اكيد ، نحب اضحكني😂😂

-اكيد هيه ، و انما هنا فب المنتدى مزال ماخرجتش عليها هه

-اكيد يمكن الاعتماد علي
- مواضيع تكون غريبة في بعض الاحيان ، مؤلمة في احيان اخرى ، عبرة و دروس....

-😏😏 نحط فيه صاكي ، واحد مايقعد

-اكييد ، نحب الكوزينة بزاااف هه ، كي نقلق اول حاجة نديرها نطيب ، حتى و ان منتصف الليل ، المهم نطيب و نشغل روحي

-نتقبل النصيحة اكيد و بكل صدر رحب. ، و اطا ماعحبتنيش نتناقش مع مولاها ، حتى يانقنعو يايقنعنني

-لافارماصي بكل تأكيد ، الشعبي قليل وين نبدا بيه ، كيماينفعش ، ديراكت لازم دوا

-اممم ، صراحة ماكانش
وشنو كاين فرق بين بكري و ضركا
كي.كنا صغار ريحة رمضان كيفاه ، كنا مع الجوارين ، رمضان كيفاه يفوت حالة صح
اما ضركا سماطة ، مابقاش جو رمضان تاع بكري

-اكيد ، نحب نرجع لطفولتي لكن قبل ماندخل نقرا 😏، التقلاش و التكسال تاع الصغر قبل القراية وحدو😂😂

-اكثر شي محزن انو نشوف واحد من القريبين على قلبي يكون غندو مشكل ولا يتألم ، مانكذبش عليك ، تضيق نفسي صح صح
الشي اللي يفرحني كي نشوف حبابي ثاني فرحانين و نشوف روحي حققت الشي لي بغيتو

-ههه شوف ، الواحد كي يديرهم موش راهو يقتدي بيهم ولا ، نديرهم على اساس ملمات و جمعات
لحد الآن مجربة غير اعياد الميلاد 😋 ، الكريسماس نن
مي راني قتلك تصنف كمناسبات للمة برك ، و غرضها موش حاجة اخرى

هه لا عادي
الله يسلمك و انت زادا
 
107482
شريرة صح تحطي الصاك وما تخليش واحد يقعد خليني انا نقعد نحميك من الاشرار وهي تبقى واقفه زكارة ياووووو
 
مشاهدة المرفق 107482
شريرة صح تحطي الصاك وما تخليش واحد يقعد خليني انا نقعد نحميك من الاشرار وهي تبقى واقفه زكارة ياووووو

هههه ماكانش ، تبقى واقف انت وياها نشوفكم تتعذبو مع التعب يعحبني الحال😋😍
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top