الغدة الدرقية و الحمل

[ودادد]

السلام عليكم انا نشرب ليفوتيروكس 25 و راني بالحمل 8اسابيع و اليوم حسيت قلبي يخبط راح يحبس رحت للمستشفى ضغط الدم مليح هل ممكن ليفوتيروكس معادش يكفيني لانو طبيبة تاعي قاتلي نزيدلك فالدوا كي تكوني بالحمل

 

[السلطانة]

@خديجة ph

 

[ام أمينة]

السلام عليكم
اختي اهلا و سهلا بكي في ركن الحمل و الولادة
بما أن ضغط الدم تاعك عادي
و بما ان عندك الغدة الدرقية زوري في أقرب وقت طبيبة النساء لي راكي تبعي عندها هي لي تفحصك و تقولك واش عندك
ربي يكملك حملك بخير و ربي يطلعك على خير
و اي استفسار لا تترددي في طرحه في ركن الحمل الولادة
موفقة​

 

[خديجة ph]

وعليكم السلام اختي
ربي يكملك و تفرحي بيه صحيح صالح ان شاء الله لكن اختي انت ما قلتيش اذا عملتي عملية و نحيتي الغدة الدرقية ولا فقط تعاجي بالليفوتيغوكس
المهم اختلال الغدة الدرقية يؤثر حتى على فرص الحمل يعني احمدي ربي انك قدرتي تحملي و اشكريه و الشكر انك تحافظي على النعمة هذي اول شي تروحي لطبيبة النساء تتأكدي انو الحمل طبيعي و تخبريها انك عندك خلل في الغدة الدرقية و اكيد رح تعطيك تحاليل الحمل و بزيادة تاع الغدة الدرقية t3 t4 tsh وهي رح تخبرك اذا تتبعي معاها ولا لازمك تراجعي مع مختص الغدد اللي تتبعي عندو endocrinologue
المهم تاخذي كل النصائح بعين الاعتبار ما تفرطي في حتى شيء باه كلش سفوت عادي باذن الله
ربي يكملك
سلام

 

[ودادد]

و عليكم السلام اختي خديجة لا انا منحيتهمش عندي التهاب فقط عندي سكر من قبل و لعام لي فات حكمني goitre لكن بدواء كان مليح لبارح درت تحاليل طلعلي على لي مالفة مفاتش فوق العادي ولكن من 1.20 راه لبارح 3.21 في مدة شهر يعني راه يطلع ليوم نروح للطبيب يزيدلي فالدواء ربي يسلكني انا و الجنين على خير انا ثاني الحمل اللول في الشهر الثامن ماتت في كرشي ربي و رحمتو الله يرزق كل محروم و الله يتمم علينا بالصحة و العافية اسمحيلي اذا طولت فالميساج سلام عليكم

 

[خديجة ph]

وعليكم السلام اختي وداد
ربي يشفيك و يعافيك و يرد اليك صحتك و تتمتعي بيها ما حييتي و يرزقك الذرية الصحيحة الصالحة التي تنفعك دنيا و آخرة
اختي السكري و الغدة الدرقية مع بعض لازمك أقصى درجات الانتباه ما تقوليش راني كرهت من المتابعة الطبية ولا ما كالاه نروح للطبيب البارح و انا عندو ولا تسمعي كلام الناس راهي تدلل كل يوم عند طبيب صدقيني لن ينفعوك ابنك هو من سينفعك ان شاء الله لذلك تروحي لطبيبة التوليد تاعك و تتابعي معاها حملك ثانية بثانية ما يهمك حتى كلام ثاني تسع اشهر و يفوتو و ابنك يبقى معاك العمر كلو
اعملي مجهودك في الريجيم الغذائي تاعك تتبعي الطبيبة حرف بحرف حالتك النفسية تاني تنساي أي مشاكل تزعجك المشاكل مش رايحة تنساك انت من يجب ان ينساها اذا تعملي خوذي سنة بدون راتب ان امكن
التحاليل ثم التحاليل ثم التحاليل مقياس السكر دايما معاك كذلك مقياس الضغط و كلما شكيتي في شيء تبعي احساسك حتى تتأكدي انه مر بخير
ربي يكملك في العافية
واي شيء تحتاجيه رانا في الخدمة طمنينا عليك .كذلك اختي المواضيع او التعليقات هنا ليست محددة يعني تقدري تطولي الكتابة و عادي لن يزعج ذلك احد اذا عندك اي استفسارات الباب مفتوح
سلام

 

[ودادد]

سلام اختي اليوم رحت لطبيب نتاعي زادلي في ليفوتيروكس نولي نشرب50 وانشاءالله ندير لي عليا و انا الحمد الله لي جيت منحبش سكريات ولا قواطو والو و ربي يقدرني و نسلك انا و البيبي على خير و بصحة جيدة غدوة نروح gynécologue و نخبرك واش تقولي ربي يحفضك اختي سلام