قالوا ناس بكري

ناس بكري قالو
يروح زمان ويجي زمان تولي المرأة ماتحكم الدار والقط مايحكم الفار والفلفل مايولي حار و تنقص لمة بين الجار والجار

b35fdbc6f324dd470ec14eac0eb4c3ca.jpg
 
ناس زمان ڤالوا..
اللي يحبك يستر ذنوبك.. و اللي يكرهك يفضح عيوبك...
6fe78c4f7ed3f8d09d11864964b74ed9.jpg
 
ناس زمان قالو
ما ينفعك في الضّيق غير ذراعك، وما يوكّلك الحلو غير صباعك.. لي راح وخلّاك، يجي النهار ويتمناك، ما تقطع الواد حتى يبانو حجارو، وما تمشي في الليل حتى يطلع نهارو، وما تصاحب حدّ حتى تعرف خبارو . لي أصلو تفاح عمرو ما يتلاح، ولي أصلو دفلى، عمرو ما يحلى،

308ede62f856c323a6a098b2fa0ed1ea.jpg
 
قالو ناس زمان
زلقت لقدام توجع الركايب و زلة اللسان توجع لحبايب عثرة الأرض تبرا و تطيب و عثرت اللسان تجرح لحبيب جرح الهبرة يبرا و يصير ملموم و جرح اللسان ما يبرا ويبقى في القلب مرسوم .. و يقولو ضربة بدمها و لا كلمة بسمها .. أما زلقة الأيام مصايب ما كيفها مصايب ..
babe60050d8d19ddd610419d63cf9e2a.jpg
 
السلام عليكم ورحمة الله
بارك الله فيك على هذا الموضوع الجميل ، المليء بالحكم ما شاء الله . وبارك الله في كل من مر من هنا ، جميل أن تجد أمثالا كهذه تضرب في وجه من لا يعرف المعنى من كونه إنسان لا يجب أن يظلم و يجرح أو يستغل و لأقول لكم :" ذيك النعمة ياه هههه 😂😂"

" الفرح و الضيق ما يغرك اللي وقف معاك ، كلشي يتبدل كيما الحال .. "
 
be.jpg
 
ياناشر العجب كونك قياس
💮
البنيان الشامخ ينقاس بساسو
💮

والذهب الحر عمرو مايرخاس
🌹
والدرغم عيب وعار يوطي راسو
🌻
اللبة للصيد خيار التوناس
🌻
كي التاج المرصع
👑
زينتلو راسو
🍂
والقلب البارد يكون بلا إحساس
💓
والزيت في أصلو خالق من تعفاسو
🌼

أعرف ووأزن الكلام ياك الحديث قياسو
🌼

شرب العنصر ماهو كي شرب الكاس
🌸
واللي مايشبع من المجمع مايشبع من تلحاسو
🌸
اللي سبقونا قالو الحديث قياس
🌷

واللي ماقاس الغير ليه قاسو
🌷
واحد بهاه في حسن اللباس
🌹

والاخر بهاه في رجاحة راسو
🌹

تحية من القلب
💓
للناس اللي تفهم المعاني
😍

012.jpg
 
قد ماتكبر العين الحاجب فوقها
 
قالوا ناس بكري
من لاتعلم ماتسره العلوم
وقالوا
اللي ما يعلمه قلبه ما تعلمه الناس
وقالوا
ما يقطع الفرجه صبي يناوي
 
ناس بكري قالو
زين الماكلة ما حضر
وزين اللبسة ما ستر
وزين اللمة كبيرها
وزين دار صغيرها
وزين الدنيا المال
وزين لاخرة صالح الأعمال
a536849f8453d699f8f55dffa09e048e.jpg
 
والله كلمات من ذهب
قالو ناس زمان :
عز البنت مع بوها ،وبلا بوها تنهان ،لوكان شيخ القبيلة خوها ،و راجلها ولد السلطان
الراجل لي ما يعرف لا ذبيحة لا سليخة زواجه ببنت الناس فضيحة
المراة لي متعرف تغسل لا مصران لا دوارة زواجها بولد الناس خسارة
 
والله كلمات من ذهب
قالو ناس زمان :
عز البنت مع بوها ،وبلا بوها تنهان ،لوكان شيخ القبيلة خوها ،و راجلها ولد السلطان
الراجل لي ما يعرف لا ذبيحة لا سليخة زواجه ببنت الناس فضيحة
المراة لي متعرف تغسل لا مصران لا دوارة زواجها بولد الناس خسارة
قالو ثاني ناس زمان
بنت العز لما تطلع من بيت عز
و تفوت علىٰ بيت جديد تتعامل مع الناس بأصل
لإنها شبعانة عند ٱهلها

ٱما البنت المحرومة
لما تفوت علىٰ بيت العز تتكبر علىٰ الناس
لإنها طلعت من الحرمان و دخلت علىٰ وضع كثير عليها

لا تخافوا من بنت العز
خافوا من الي دخلت علىٰ العز جديد
و علىٰ مبدأ ..
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top