قالوا ناس بكري

قالو ناس زمان :
البلاد اللي يطيح فيها قدرك ماتسكنهاش والحاجة اللي ماتعجبكش ماتشريهاش والكلمة اللي ماكش قدها ماتقولهاش والقعدة اللي مالك فيها كلمة ماتقعدهاش والعودة اللي ديما شاردة ماتركبهاش والارض البور ولو كانت ارضك ماتحرثهاش و
خليها على لسانك كلمة وفي مخك كلمة وماتنسهاش
FHZw2vGWUAI58KV.jpg​
 
يقولوا ناس زمان :
ارْقاد الجبانة ولا عيشة الهانة .
قال شاعرهم : لا تسقني كأس الحياة بذلة بل فاسقني بالعز كأس الحنظل
أمسية طيبة للجميع

FG_W9qyXMAEAF6A.jpg​
 
قال حفياد آدم:
يقولوا ناس زمان :
ارْقاد الجبانة ولا عيشة الهانة .
قال شاعرهم : لا تسقني كأس الحياة بذلة بل فاسقني بالعز كأس الحنظل
أمسية طيبة للجميع

مشاهدة المرفق 140559​
إضغط للتوسيع...
الله الله على القعدة .. وعلى الكلمة !

بصحتكم صديقي..
 
يقولوا ناس زمان
ثلاثة ما يضمنو ثلاثة :
القراية ما تضمن الفهامة
والمال ما يضمن الكرامة
والسلاح ما يضمن الزعامة
وثلاثة تغم البنادم
موت الام
وعيشة الهم
والناس اللي تآذي بالفم
ربي يرزقنا ويرزقكم الصحة والعافية

813fea6302e37f4390181a30d982d0b8.jpg ​
 
يقولوا ناس زمان : يجي جيل مجلجل قطاع الكسرة بالمنجل ياكل بالأرطال ويشرب بالأسطال ويسهر الليل وما طال يرقد النهار ويقول مازال الحال ماكلتو نجارة ولبستو خسارة وهدرتو دسارة مائهم (الماء) في الحيوط وهدرتهم بالخيوط الراجل يقلع العمامة والمرأة تقلع الكمامة و روحي يا دنيا بالسلامة

FFsqLZKXsAw13tO.jpg​
 
يقولوا ناس زمان : الفرس على الفارس ، والفرس مهما كانت متمردة لا يروضها إلا فارس يفقه قوانين الحرب، الرجولة ليست قطوشة أو سراويل ممزقة، للرجولة ناسها ومبادئها عليك وعلى فهامتك
88a1db8fc4cfa499ef80c044b16ddace.jpg​
 
يقولوا ناس زمان:
مايحكلك غير ظفرك ومايبكيلك غير شفرك

22430104_124215278244602_3927706858722164736_n.jpg​
 
يقولوا ناس زمان:
صفي قلبك و دير النية و توكل على الله
اللي كرهك بعد منو و نساه و اللي بغاك عرف بقيمتو و موت معاه.

26128d6bf157a44fca60c80e16837942.jpg​
 
قالو ناس زمان
لا تسرج حتى تلجم وعقد عقدة صحيحة, ولا تكلم حتى تخمم لا تعود عليك فضيحة.

FWo1b3qXwAAs7dG.jpg​
 
قالو ناس زمان
راح زمان الجدود وهذا زمان لعيوب الحق على وجهو مكبوب
الغالب ولى مغلوب والوقت يمشی مزروب
كثر البهتان والكذوب
من الحرام تعمرت الجيوب حتی سبولة ولات تجي بلا حبوب

FU_PTbZWAAE8Eci.jpg
​
 
قالو ناس زمان :
الشتاء هم وغم. والربيع ما تشكر ما تذم والصيف اجري ولم... ومحلى الخريف لوكان يتم.. قال الربيع أنا بزهوري..وقال الصيف انا ببقولي..وقال الخريف انا بدقولي..وقال الشتاء لمو وهاتولي دقولي بمعنى دقلة الشتاء شدة.. والربيع منام.. والصيف ضيف.. والخريف هو العام

Fatjp4iWYAIi6oy.jpg​
 
قالو ناس زمان
ما تعجبك ليام يا راكبها غدوة تهبط، و تركب لي عاجبها
دنيا صعيبة واسأل لي مجربها ساعات زاهية، و ساعات يكثرو مصايبها
FZkm7UgXEAQcHMT.jpg​
 
قالو ناس زمان ⁦
⁩ ولد الأصل لوكان توكلو الخبز الحرفي يصونك وقليل الأصل لوكان توكلو لحم أكتافك يخونك

FZKqQLVX0AM9d0m.jpg​
 
قالو ناس زمان كي يروحو لحراير تولي النعمة تتباع فالشكاير
 
FS-PxsUWUAEXSoM.jpg

قالو ناس زمان
ليام كي شهر مارس ساعات سخانة وساعات برد ڨارص وساعات ملاك وساعات على ملك الناس حارس ساعات مغلوب وساعات فارس
​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top