الحمد لله الدنيا مازالت بخير وفيها الخير

[AMH1398]

وصلتني اليوم رسالة من صديق فيها "بارطاج" لواحد تاجر مواد غذائية يقول فيها :

* البارح دخل عندي واحد نعرفو عايش على قد الحال نهار كاين ونهار مكانش .. قالي خصني 50دج عدس ، و باطة طماطم من الصغيرة ، مركيهم و كي ينوب ربي نخلصك ، قلتلو معليش ..

* في نفس الوقت دخل واحد مانعرفوش وماشي موالف يجي عندي جامي شفتو باين عايش لاباس بيه ..

* بدا يشري في القضيان أعطيني هذي زيدلي هذي .. لوبيا روز حمص طماطم زيت سكر قهوة ... ماخلا مابقى ، قضى كل شي الله يبارك .. و انا بقيت حاط الماشينة ونحسب ..

* بيني وبين نفسي قلت : سبحان الله واحد خاصتو خمسة آلاف عدس بالكريدي و واحد قاضي كامل هاذ القضيان .. قلت ماعليش ربي هو قسام الارزاق ..

* حتى نطق هذا السيد قالي لي كان هنا واحد السيد تعرفو ؟ قلتلو إيه نعرفو، قالي خبيلو هاذ القضيان وكي يجي عندك أعطيهملو ..

* خرج ركب في السيارة و عاود نزل .. جا عندي قالي شوف شحال عندو كريدي .. زاد خلص الكريدي لي عليه و راح في آمان الله ...

الدنيا مازالت بخير وفيها الخير و الحمد لله

​

 

[إلياس]

الحمد لله يا رب العالمين ربي يكثر من مثالوا

 

[وۣۗهۣۗہۣۗم]

صدقت مزال كاين قلوب صاحية
وحنينة
وتحب الخير


بوركت على المشاركة​

 

[بنت الشمال]

أسأل الله أن يقضي ديون المسلمين ويفرج همهم وينفس كربهم ويغنيهم من فضله الكريم عمن سواه ويكفيهم بحلاله عن حرامه إنه جواد كريم
بارك الله فيك على الموضوع الجميل
وأتمنى أن يوفقنا الله لنفس الفعل الصالح الذي قام به هذا الرجل بأن فرج كربة أخيه

 

[سكون الفجر]

الله يبارك له في ماله وصحته واولاده
أنت قلتها يا أخي
الله هو مقسم الأرزاق وفعلاً هذا الرزق كتبه الله لهذا الرجل

 

[السلطانة]

الحمد لله مازال الخير
ربي يكتبلو الاجر

مازال كاين ناس تحس ببعض

ربي يكون فعون كل واحد


شكرا للمغزى و الرسالة الانسانية الكامنة من الموضوع

+يستحق ختم التميز

نظرا لاهميته

 

[aljentel]

لو خليت خربت

 

[sana barhoumi]

صدقة السر تطفئ غضب الرب

 

[MARYTA]

الحمد لله لوجود اناس كهذا الانسان
جزاه الله خيرا
وربي يوفقنا لمثل عمله
جزاك الله خيرا اخي على موضوعك
في القمة