سهرة مع ضيف @"viola" ( خفاشة )

["viola"]

سبيطار نتي حق ربي
هاو لياه تحلفي في خوك ياااه
حتي الصغيرة نتي نجيبلك كوجاك بالعيد هايا

الفايدة كي تروحي عند بيجوتري ديني معاك
حتى انا بقالي غ الهوا والدم

بالڨرام ضاعت حياتنا

 

[Hakan]

ق البارح كنت 22 سنة ههههه الله يبارك نهارات كي تمشي :
عجبتني توزني عند البيجوتري ههههه مليحة الخفة ،اوموا كي تتغاشاي كاش نهار يهزوك ليه ليه ههه ،
احكيلنا شوي على نهار الترسيم و اسكو انت من نوعية الأساتذة لي يعطيو التلاميذ درس يحضروه على جال الترسيم ،هذي صراتلي مع أستاذة الفرنسية كي كنت نقرى سنة 2 متوسط هههه .
نجيو للماكلة صح ما تحبيش قلب لوز ؟
كشما نقصتو في طابلة مع نهاية رمضان ؟
واش هو الطبق لي ديما حاضر في الطابلة ما عدا الشربة ؟
وسؤال شخصي :
بكل صراحة يعني اسكو المرأة العاملة تقدر توفق بين اعمال البيت و خدمتها ؟

 

["viola"]

ق البارح كنت 22 سنة ههههه الله يبارك نهارات كي تمشي :

يا صايم يا تصبر فيا ، تمشي احكيم ؟! تمشي ! راها ماراطون امحاينك

عجبتني توزني عند البيجوتري ههههه مليحة الخفة ،اوموا كي تتغاشاي كاش نهار يهزوك ليه ليه ههه ،

ههه والله عييت جاتني ترسيم موراه رمضان ديركت النفس متنفستش

احكيلنا شوي على نهار الترسيم و اسكو انت من نوعية الأساتذة لي يعطيو التلاميذ درس يحضروه على جال الترسيم ،هذي صراتلي مع أستاذة الفرنسية كي كنت نقرى سنة 2 متوسط هههه .

ياعمري أجمل نهار تلاميذ كفاه وقفو معايا وكفاه فات الدرس يااا هاذي لازملها موضوع وحدها هههه والله فاتت حمدلله حمدلله جهدي ماراحش خسارة
و الدرس مستحيل حتى تلاميذي قالولي أعطينا وشمن درس والله محبيت بسك تسماط و تجي باينة خليتها هاك و خرجت تهبل اللجنة قالولي أول مرة يعجبنا الحال و مالفين يخرجو ميكملوش الحصص بصح عندي كملو و كي صونات المفتش قال ااا دوماج فحلة خيتك شبيك
و نزيدك رسمتني استاذتي لي قريت عندها و ترسمت في قسمنا فالليسي

نجيو للماكلة صح ما تحبيش قلب لوز ؟

ايه لا هو لا زلابية نشتي هذاك البنان منعرف وش يسموه هو نوع تع زلابية بصح اسمو بنان خخخ

كشما نقصتو في طابلة مع نهاية رمضان ؟

لالا عادي حنا اصلا نطيبو فالمعقول مالنهار لول مكاش هاذيك سبعين پلا نطيبو وش ناكلو

واش هو الطبق لي ديما حاضر في الطابلة ما عدا الشربة ؟

بوراك و شربة وشللظة و شربات و كسرة وحلو هاذي تشكيلة اساسية و دوزيام پلا كل خطرة كفاه

وسؤال شخصي :
بكل صراحة يعني اسكو المرأة العاملة تقدر توفق بين اعمال البيت و خدمتها ؟

والله معلابالي شغل انا فالدار ماما مهنيتني وقت الخدمة عادي بصح تبانلي نورمال معايا خدامات و بديارهم يعني متزوجين و باولادهم و مسلكينها عادي

 

[السلطانة]

أهلا وسهلا

بعد المقدمة المشوقة ههههههه


نرحب بيك اختي العزيزة

اسئلتي:

-تعرفي تنقي الدوارة؟
-،تعرفي تڨلي القهوة الخضراء؟
-تعرفي تطلعي مطلوع السه السه؟
-واش نوع لحشواش لي نداوو بيهم اللبن؟


زعم جيتك بعقلية عجايز بكري ههههه

 

[Hakan]

أهلا وسهلا

بعد المقدمة المشوقة ههههههه


نرحب بيك اختي العزيزة

اسئلتي:

-تعرفي تنقي الدوارة؟
-،تعرفي تڨلي القهوة الخضراء؟
-تعرفي تطلعي مطلوع السه السه؟
-واش نوع لحشواش لي نداوو بيهم اللبن؟


زعم جيتك بعقلية عجايز بكري ههههه

مشاهدة المرفق 144780

زيدي شديلها شعرها و شوفي ذراعها واخطبيها لكاش واحد وخلاص هههه

 

[Golden Man]

@"viola" "والله يا اختي راكي مسامحة دنيا وآخرة..ههههههه ما خلاونا ما نسقسو عَمِيلِي الاستخبـارات السّرية @Hakan هكان فيدان التركي و @جليلوس الجزائري.
يا بابا غسلو الطفلة غسيل الدوارة يا صاحبي.. وأختي @السلطانة مازالت تسقسي فيها على غسيل الدوارة تاني"

شرفتينا بمعرفتك اختي, انا ما نزيدلكش خلاص هههههههه

 

["viola"]

أهلا وسهلا

بعد المقدمة المشوقة ههههههه


نرحب بيك اختي العزيزة

اسئلتي:

-تعرفي تنقي الدوارة؟
-،تعرفي تڨلي القهوة الخضراء؟
-تعرفي تطلعي مطلوع السه السه؟
-واش نوع لحشواش لي نداوو بيهم اللبن؟


زعم جيتك بعقلية عجايز بكري ههههه

مشاهدة المرفق 144780

اهلا بيك خيتي
يا بنتي وشني هاذو تقول راني داخلة للثلث الغالي
نعرف نديرهم قع اپار تع اللبن خاطيني
صحيتي خالتي ام الخير خخخخ

 

["viola"]

زيدي شديلها شعرها و شوفي ذراعها واخطبيها لكاش واحد وخلاص هههه

ياودي تخطيني نضيع

 

["viola"]

@"viola" "والله يا اختي راكي مسامحة دنيا وآخرة..ههههههه ما خلاونا ما نسقسو عَمِيلِي الاستخبـارات السّرية @Hakan هكان فيدان التركي و @جليلوس الجزائري.
يا بابا غسلو الطفلة غسيل الدوارة يا صاحبي.. وأختي @السلطانة مازالت تسقسي فيها على غسيل الدوارة تاني"

شرفتينا بمعرفتك اختي, انا ما نزيدلكش خلاص هههههههه

ههههه تحاماو ايه كمل معاهم تحاسبك ياودي
الله يسلمك اخي

 

[ريحـان]

اهلا وسهلا بيك
في المتابعة

 

["viola"]

اهلا وسهلا بيك
في المتابعة

بيك خيتي ⁦⁩

 

[إلياس]

بسم الله الرحمن الرحيم
السلام عليكم ورحمة الله وبركاته.
كيف الحال اختي
انا لم اطرح سؤالي لدي طلب اذا تستطيعي تقديمه لي هو الدعاء بتسهيل اموري ان شاء الله و دعاء لأبي رحمه الله

 

[Hakan]

ياتل ما تخلوهاش سقسوها راهي فرصة ليكم هههه ،صحا فطورك :
.انا نسقسي كشما تكسيتي في هاذ العيد ولا مكيش معولة ؟
كشما سيارة في طريق ولا خاطيك ؟
واش سبب حرصك على زيارة بيت الله الحرام ولا رغبة من بكري ؟

 

[Hakan]

بسم الله الرحمن الرحيم
السلام عليكم ورحمة الله وبركاته.
كيف الحال اختي
انا لم اطرح سؤالي لدي طلب اذا تستطيعي تقديمه لي هو الدعاء بتسهيل اموري ان شاء الله و دعاء لأبي رحمه الله

ربي يرحمو ويوسع عليه وربي يفرج عليك وعلينا ان شاء الله .

 

["viola"]

بسم الله الرحمن الرحيم
السلام عليكم ورحمة الله وبركاته.
كيف الحال اختي
انا لم اطرح سؤالي لدي طلب اذا تستطيعي تقديمه لي هو الدعاء بتسهيل اموري ان شاء الله و دعاء لأبي رحمه الله

و عليكم السلام
الحمدلله اخي نشالله كل أمورك بخير
ربي يرحم الوالد و يوسع عليه في هذه الايام المباركة و أبشر اخي والله ندعيلك

 

["viola"]

ياتل ما تخلوهاش سقسوها راهي فرصة ليكم هههه ،صحا فطورك :

هههه والو راقدين
الله يسلمك نتا زادا

انا نسقسي كشما تكسيتي في هاذ العيد ولا مكيش معولة ؟

الصح والله ماهي نافحة بالاك منشريش

كشما سيارة في طريق ولا خاطيك ؟

اواه مع السوق لي راه طالع نشري 3

واش سبب حرصك على زيارة بيت الله الحرام ولا رغبة من بكري ؟

هي من بكري ماللي بديت الخدمة بصح قبل رمضان شفت وحد القرعة قلبي ضرب عليها الله يرزقنا

 

[dahman kz]

صحى فطوركم
مرحبا بالضيفة

هوايتك المفضلة !

موقف طريف ولا غريب صرالك في اللمة

كاش خطرا ظربتي واحد من تلاميذك

كاش مقلب داروهلك تلاميذك

حاجة تكرهيها في سلك التعليم

 

["viola"]

صحى فطوركم
مرحبا بالضيفة

الله يسلمك صحا فطورك

هوايتك المفضلة !

نغني

موقف طريف ولا غريب صرالك في اللمة

فاللمة والله ماني شافية تالمون كنا وحد الوقت كليكة تع هبال قع المواقف طريفة هههه

خطرا ظربتي واحد من تلاميذك

كيما كنت فالمتوسط ضربت خخخ ضك ليسي نخبط الظهر برك ولا نحكم مالشعر

مقلب داروهلك تلاميذك

هو مش مقلب بصح كانو دايرين مشاريع تع اعادة التدوير و جابولي وحد اللامبة عمروها بالما و دارولها بريز ولات كي الفيوزة و قالولي نشعلوها انا خفت كشما يصرالهم قتلهم نشعلها انا رحت للبريز نبرونشيها و ميتة بالخلعة الحق الحية تقطر بللما و انا راحا نركبها فالتريسيتي راحا نركب و نشهد جا مورايا تلميذ ضبح خلعني حبسلي القلب حسبت روحي تخطفت خخخخ

حاجة تكرهيها في سلك التعليم

التحضير تع الدروس فالدار و الصابوطاج تع الناس

 

[*amani*]

السلام عليكم
صحا فطوركم ولا سحوركم خخخ
أهلا وسهلا ومرحبا ب @"viola"
بسلامتهم الجماعة قامت بالواجب ماخلاو والو


1- موقف جميل صرالك كي كنتِ ف الجامعة جامي تنسايه ؟
2- وش افضل مرحلة فوتيها ف القراية
المتوسطة ولا الليسي ؟
3- شُعورك في اول يوم عمل لك ؟
4- رحتِ لسلك التعليم عن حب ولا لا ؟
5- مقروط ولا بقلاوة ؟
6- عندكم تحضيرات وعادات خاصة ديروها ف العيد ؟
7- اكلة تحبيها بزاف ؟ واكلة تكرهيها ؟

شفتي انا خفيف ظريف موش كيفهم


​

 

["viola"]

السلام عليكم
صحا فطوركم ولا سحوركم خخخ
أهلا وسهلا ومرحبا ب @"viola"
بسلامتهم الجماعة قامت بالواجب ماخلاو والو

اهلا بيك صحا فطورك

1- موقف جميل صرالك كي كنتِ ف الجامعة جامي تنسايه ؟

موقف جامي ننساه كي تحرق البيسي وقت الميموار و كنت في ديبريسيون كحلة عيطتلي صحبتي من تيارت قاتلي اخرجي خرجت من لاسيتي لقيتها جايبتلي بيسي تعها نخدم بيه شقات من تيارت لألجي علاجالي والله الموقف هذا جامي ننساه

- وش افضل مرحلة فوتيها ف القراية
المتوسطة ولا الليسي ؟

ليسي

3- شُعورك في اول يوم عمل لك ؟

شعور سيء بسك انا متخرجة استاذة تعليم ثانوي و دايرة سطاج تاعي مع تلاميذ ترمينال كبار مبعد مدولي أولى متوسطة صغااار و لغة جديدة ميعرفو والو ملقيتش قع روحي ليامات لولين

4- رحتِ لسلك التعليم عن حب ولا لا ؟

لا حب لا والو مكتوب

5- مقروط ولا بقلاوة ؟

لا هاذيك لا هاذيك بصح اذا بيناتهم بقلاوة بسك المقروط مستحيل

6- عندكم تحضيرات وعادات خاصة ديروها ف العيد ؟

مكاش كيما ناس اكل

7- اكلة تحبيها بزاف ؟ واكلة تكرهيها ؟

نشتي الرشتة و نكره البوزلوف

شفتي انا خفيف ظريف موش كيفهم

ههههه الله يبارك عليك
صحيتي⁦⁩