سهرة مع ضيف @"viola" ( خفاشة )

[إلياس]

ربي يرحمو ويوسع عليه وربي يفرج عليك وعلينا ان شاء الله .

اللهم امين يارب العالمين اجمعين

و عليكم السلام
الحمدلله اخي نشالله كل أمورك بخير
ربي يرحم الوالد و يوسع عليه في هذه الايام المباركة و أبشر اخي والله ندعيلك

اللهم امين يارب العالمين اجمعين

 

[الامين محمد]

اخي فيصل والله ق يعطيك الصحة عندك خيال نظن عندك عرق مع اليابانيين
زعما ماهمش خوالك و حنا لا خبر

ايمان المجرمة
الخاوة ما بقاو ما خلاو
يااتل واش راكي عاملة للجماعة نظن كليتيهم في كاش ورث هاذي بالرسمي

المهم إيمان احدى مهبولات اللمة الشيرة مهبولة و بكواغطها ق ما تخربوش فيها ههههههه

إيمان واش تعملي كي يجيك تلميذ قبيح و عنده لاطاي تاع كونان واش تعملي معاه
و كي يجيك تلميذ قبيح عنده لاطاي تاع بوقرة واش تعملي معاه و لا تشري السلم الاجتماعي
لوكان نقولك انت بخيلة واش تردي علي
شحال عندك دراهم في الكونت ـ علابالي هذا السؤال ماراحش تجاوبي عليه
انت قبيحة و لا عاقلة
نهار تتزوجي و تطيحي في عجوز نقراشة و ما تخليكش ترقبي من التاقة او من ثقب الباب
بصراحة واش راه تعملي معاها ههههههه
خبرينا متى موعد زواجك و هل زوجك قطري ام اماراتي او لبناني او من دار الشيوخ
مما تخاف إيمان
نقطة ضعف إيمان
أمنياتك من غير تاع الخارج

و الله ياسر عليك و ممكن نرجع بسؤال او اثنين

 

[sana barhoumi]

يا حسرة على المحقق togomori

 

[afnene]

راهم تهلاو فيك الله يبارك
بما انك أستاذة إنجليزية ما هي افضل طريقة لتعلم وإتقان اللغة ؟
ايمان لو ما كانتش أستاذة واش كانت راح تكون ؟
زواج ولا الهجرة ؟
نصيحة لطالبة بكالوريا تريد اختيار تخصص المدرسة العليا للإنجليزية ؟
ايا بزاف عليك
قبل ما يجي الاخ فريد يطلق عليك الكلب

 

[أبو عاتكة]

هيا Atak اللي تلقاه مزال يدور في الخيمة كولو من نيفو

 

[الرومانسي الجاد]

بلعتو ولا مزال
مخلاو مانسقسي.. البالون باين خطيك.. ايا مال تعرفي طيبي بسبوسة..؟؟ كنتي طيحي من فراشك مين كنتي دبدووبة..؟؟

 

["viola"]

خاوتي بلعنا ولو العام الجاي
نجاوب على هاذو معليش

إيمان واش تعملي كي يجيك تلميذ قبيح و عنده لاطاي تاع كونان واش تعملي معاه
و كي يجيك تلميذ قبيح عنده لاطاي تاع بوقرة واش تعملي معاه و لا تشري السلم

متعاملة معاهم مليح مصاحبتهم بزاف تلقاه قد الحيط بصح كي نهدر معاه يحشم و يسكت يشتوني يشتوني خخخ

لوكان نقولك انت بخيلة واش تردي علي

ضك اذا راك تسقسي اذا انا بخيلة مانيش و اذا راك تقولي باللي انا بخيلة مانيش

شحال عندك دراهم في الكونت ـ علابالي هذا السؤال ماراحش تجاوبي عليه

يهديك ربي علاه راكم دسو دراهم فالكونت ؟ خخخخ

قبيحة و لا عاقلة

كل خطرة كفاه ساعات نبان لروحي عاقلة ساعات واحد ما يسلك معايا

نهار تتزوجي و تطيحي في عجوز نقراشة و ما تخليكش ترقبي من التاقة او من ثقب الباب
بصراحة واش راه تعملي معاها ههههههه

خخخخ يا حسراه اصلا ندير داري وحدي

خبرينا متى موعد زواجك و هل زوجك قطري ام اماراتي او لبناني او من دار الشيوخ

منين جبت هاذو الجنسيات بصح منعرف قاضية ماكتوب خخخ مزال مقررتش

مما تخاف إيمان

مش عارفة والله بزاف صوالح تخسر والديك ممكن

نقطة ضعف إيمان

بابا

أمنياتك من غير تاع الخارج

خليهم سر

 

["viola"]

راهم تهلاو فيك الله يبارك
بما انك أستاذة إنجليزية ما هي افضل طريقة لتعلم وإتقان اللغة ؟
ايمان لو ما كانتش أستاذة واش كانت راح تكون ؟
زواج ولا الهجرة ؟
نصيحة لطالبة بكالوريا تريد اختيار تخصص المدرسة العليا للإنجليزية ؟
ايا بزاف عليك
قبل ما يجي الاخ فريد يطلق عليك الكلب

لتعلم اللغة الممارسة يعني متخليهاش فالقسم تعاملي بيها في حياتك تيليفون ديريه اونقلي افلام تفرجي بأونقلي تواصلي مع صديقاتك باللغة
انا لو ما كنتش استاذة راني بوليداتي معنداك كنت حابة صحافة
الهجرة و لا زوج يحوس عالهجرة ثاني مليحة
نصيحة لطالبة البكالوريا اقراي كامل المواد مكاش مادة مهيش مهمة و مترضايش بالقليل مكاش تع 14 بزاف لالا لازم البلافون مكاش القناعة فالقراية
ياودي ماللي شفت الفوطو تع الكلب التلفة هدرتلي

 

["viola"]

بلعتو ولا مزال
مخلاو مانسقسي.. البالون باين خطيك.. ايا مال تعرفي طيبي بسبوسة..؟؟ كنتي طيحي من فراشك مين كنتي دبدووبة..؟؟

خخخ لالا مخاطينيش البالون
بسبوسة لي خاطيني منشتيهاش سيبورصا منطيبهاش اصلا الحلو قع معندي حاجة فيه نشتي المالح
واه طحت و مخيطيني قع خخخ

 

["viola"]

هيا Atak اللي تلقاه مزال يدور في الخيمة كولو من نيفو

مشاهدة المرفق 144845

خلاص عمي رانا سيقنا

 

[أبو عاتكة]

اللي نسيتلو هديتي يسمحلي وخلاص.
هدية الضيفة الكريمة




زيدي هاذ المهراس نتاع العزوج باه ادقيي الحنة ولا كاش راس عبد.



واخيرا باه كي يطيحلك المورال تلقاي باه ترفعيه.



بالسلامة.