النفاق وعلاش

[منال إدريس]

سلام ..
رانا نشوفو في مجتمعنا ظاهرة خطيرة بالزاف وهي النفاق هذه الآفة الإجتماعية الخطيرة اللي طغت على الأغلبية ولاو الناس يظهرون ما لا يظمرون يضحكو في الوجه ويبينو مظاهر الود والمحبة بالصح غير العبد يبعد يسمع ويشوف العجب لماذا كل هذه التصرفات اللي لا علاقة لها بالأخلاق ولا بالتربية إنسان ماعجبكش ماشي بالضرورة أنك تتعامل معاه سلام سلام وأجبد روحك وما تجبدوش في الجماعة لأنو ممكن هو صح غايب ولكن ربي حاضر في كل وقت وكيما تحب الخير لنفسك حبو لغيرك هذا هو الإيمان الحقيقي..ربي يهدي ما خلق شاركونا بقصص أو أحداث صراولكم في الحالة هادي ودمتم سالمين​

 

[أبو عاتكة]

اللسلام عليكم.
موضوع هام وتصرفات وصفات فعلا طغات على تعاملاتنا في وسط المجتنع حتى تحولت الى امور عادية بالرغم من انو في جلسة واحدة يكون منافق وكذاب ونمام ومغتاب وكل هذا علاش؟ فقط حتى يبان انو احسن واحد ويبان انو فايق وفاهم وعبقري. جني وجن العبد المنافق ونحترم الصريح في المواقف الحازمة ميخليهاش لحديث الجماعة ويحط الموس في الناس اذا معجبكش انسان صارحو بيها او لتصمت.

ساعود للموضوع حتما لانه يمس يومياتنا ومعاملاتنا ويحتاج لكشف هذه الطبائع المقيتة.
بارك الله فيك الاخت منال إدريس.

 

[Hakan]

انا ما نحبش نسميه نفاق لأنو النفاق بكل صراحة يتعلق بالكفر بربي سبحانه يعني انسان لي يعادي الاسلام من داخله و يظهر الاسلام من برا ،ممكن نقولوا فيه خصلة نفاق ، وهاذ الاشياء لي ذكرتيها تلقاها بزاف في الانسان الجبان لي ما عندهش شخصية معينة او شخصيته دايرة كيما هاك ، ما يقولش كلمة الوجه و ينمم بين الناس فقط لأنو جبان وتلقاي هاذ الخصلة منتشرة بزاف في الوسط النسائي ،بحكم المرأة ضعيفة وتخاف ،و الهم الاكبر أنو الرجال نتاع هاذ الوقت رجعوا متصفين لهاذ الصفات الله يعافينا يا رب شكرا على الموضوع .

 

[العنود بوفاتح]

سلام ..
رانا نشوفو في مجتمعنا ظاهرة خطيرة بالزاف وهي النفاق هذه الآفة الإجتماعية الخطيرة اللي طغت على الأغلبية ولاو الناس يظهرون ما لا يظمرون يضحكو في الوجه ويبينو مظاهر الود والمحبة بالصح غير العبد يبعد يسمع ويشوف العجب لماذا كل هذه التصرفات اللي لا علاقة لها بالأخلاق ولا بالتربية إنسان ماعجبكش ماشي بالضرورة أنك تتعامل معاه سلام سلام وأجبد روحك وما تجبدوش في الجماعة لأنو ممكن هو صح غايب ولكن ربي حاضر في كل وقت وكيما تحب الخير لنفسك حبو لغيرك هذا هو الإيمان الحقيقي..ربي يهدي ما خلق شاركونا بقصص أو أحداث صراولكم في الحالة هادي ودمتم سالمين​

يا بنتي تشكيلي نبكيلك لوكان نحكيلك محنتي ندوخك النفاق مرض وةالعياذ بالله