وعلاش غير الفايسبوك

[sanaya]

سلام حباب كيفكم
نشالله تكونو كامل ملاح
اليوم كنت نرد على موضوع جات عندي فكرة فبالي ولا مجموعة أفكار فبالي حبيت نطرحها هنا باش ميهربوش ولا نفشل
كنت نرد على موضوع مضمونو أسكو لمرا تقبل يكون عند زوجها حساب في الفايس ولا
النقطة الأولى اللي حبيت نهدر عليها لماذا دائما الفايسبوك = الخيانة ولا الشك
أنا عن تجربة فتحت أول صفحة فالفايس منذ 8 أشهر فقط
فبالكم واش ستفدت ؟؟؟؟؟
أنا مقريتش انجليزية العام اللي حبست فيه لقراية مزال مدخلوش الانجليزية للمتوسط
و تعلمت منها وحدي غير شويا ومنقدرش مامبا نهدر بيها و الآن بعد ثماني أشهربالضبط من التواصل مع وحدة هندية هي أخت وصديقة وهي مهندسة برمجيات وليت نهدر انجليزي و نقدر نسلك روحي فور وهاذ الشي شجعني باش نلتحق بتكوين الانجليزية والفرنسية العام الجاي نشالله
هاذا مثال عطيتو باش تنحوا من بالكم أنو الفايس هو مكان للعلاقات المشبوهة ووووووووووو
ومثلا كاين نسا يخدمو يعرضو منتجاتهم عبر الفايس
و بزاف صوالح قادر الواحد يتعلمهم لوكان برك يعرف كفاه يستعملو
وصح كاين فيه تفاهات معندهم معنى أنا شخصيا كنت مديرة فڨروب وتخليت عن إدارتها وبلوكيت الفايس كامل وعاودت واحد جديد باش منحبسش التواصل مع صاحبتي اللي هدر عليها من قبيل
والتفاهات هادو فلستاتي أغلبية لستاتي كامل تافهين ونهار نحط ستاتي تاع معلومات ولا ثقافة نلقا بالاك خمس لايكات ولا مكاش
ولكن فالجانب الاخر كاين إيجابيات مش مكاش إيجابيات خلاص
الواحد يعرف كفاه يستعملو
لأنو إذا كان الشباب راح يستعمل الفايس شئنا أم أبينا فعلى الأقل نوجهوهم للإيجابيات الموجودة فيه
باش نهار يستعملو يتوجه للحاجة المليحة
الشيء الثاني
وعلاش غير الفايسبوك
نستغرب بزاف كنشوفهم يقولو الفايسبوك يهدم العائلة والعلاقات
وكأنو مكاش حاجة تهدم العائلة غير الفايسبوك
كاين سكايب واتساب مسانجر فايبر جمايل ميكو وووووووووو
يعني هادو ڨاع متصراش فيهم العلاقات المحرمة غير فالفايس
ههههههه
معليش هاذي مش نقطة مهمة
الشيء الثالث
كنجي نكتب موضوع نسقسي نسا ولا لبنات هل زوجك له حساب في الفايس ولا تقبلي بهاذ الشي
ولا نطرح سؤوال على هاذ النحو
شكون منكم يلاحظ هنا راني ناخذ فكر المتزوجات لا إراديا للخيانة والشك فالزوج
فمن خلال مطالعاتي الكثيرة قي مجال علم النفس
عرفت أنو الحاجة اللي تكثري الهدرة عليها يروح اهتمامك ليها من دون إرادتك
والأخطر أنو حتى الزوج راح تهليه يهتم بديك الحاجة سواءا كانت مليحة ولا لا
نعطيكم مثال :
تخيل خترة سافرت ورحت لمدينة و ملي دخلتها راك تشوف فالمستشفيات والعيادات
هاذي لأمراض القلب
هاذي للعيون
هاذي للمعدة
وووووووووووو
هنا ومن دون شعور الفكر نتاعك يتوجه للمرض والمكوث لساعات طويلة في المستشفيات وووووو.
ولو سافرت لمدينة ملي دخلتها راك تشوف صالات للرياضة حمامات و صالة لليوڨا مثلا
هنا من دون شعور يتوجه التفكير نتاعك للصحة السليمة والجسم القوي
وبالرغم من أنو المشافي لا نستغني عنها إلا أنو وجودها بكل مكان يخلي الواحد يركز التفكير نتاعو على المرض
لذلك يجب وجود البديل اللي هو صالات الجيم على سبيل المثال
و علاهاذيك تاني كنركزو ا ديما على مواضيع الخيانات الزوجية ولا تلمح مجرد التلميح للخيانات راهي تخلي المتزوجات يركزو من دون إرادة على الخيانة
لذلك عوض أنو نطرحوا مثل هذه المواضيع نطرحوا المواضيع اللي تعطي الأمل للمتزوجة وتعطيها القوة باش تزيد تكسب راجلها و لو أنو مليح الوحدة أنو تعرف واش راه صاري باش تحل عينيها شويا
مي مش لدرجة أنو تركز تفكيرها على الخيانة ويكون دايما محور الحديث النسوي
لازم البديل
الفكرة الأخيرة
صراحة من بين أغرب الردود اللي قريتهم تجي وحدة تقولك راهي نهار كامل تعس فتليفون راجلها ولا معلاباليش واش
زعما نتي راكي تعسي فيه ماهوش قادر يدير زوج بورتابل ومتفيقيش عليه
علاه لوكان خير متعسي فيه تروحي تطهلاي بروحك تقراي ولا تسمعي محاضرة عن الحياة الزوجية ولا تروحي تشري و تروحي عند حفافة تبدلي ستايلك ولا تروحي ديري سبور
وتخمي توفري لراجلك جو فالدار يخليه ميخممش ڨاع يروح للعلاقات المشبوهة
هذي غلطة يديروها نسا تبقا تعس فالراجل
فالوقت اللي لازم تروح تحوس وراه الخلل باش تعاود تصلح واش تكسر
و فكرة تاني جاتلي فبالي دوكا
كاين بزاف نسا تماجيني باش تكسب الزوج نتاعها كاين حاجة وحدة
وهي الجمال والجاذبية
نعم هاذي حاجة لازم تكون مي مش وحدها
كاين صوالح بزاف أخرين
لازم تثقف الوحدة روحها فيهم
مثلا الزوجة الطموحة
الزوجة التي تشارك زوجها في هواياته و طموحاته
الزوجة التي عندها أفكار عن ميدان عمل زوجها حتى لو كان ميدان للرجال كالميكانيك مثلا ونزيد تدعموا ولم لا
و كذلك لمرا المبتسمة اللي يجي راجلها للدار يلقاها فرحانة مش معصبة ومنرفية كل وقت وووووووووو
على كل حال هاذو أفكار نتمنى نكون وفقت باش نطرحها ليكم
وملخص القول :
متركزوش على المشكل
ركزوا على الحلول
هاكا باش تعطو للمتزوجات دائما توقعات و أفكار إيجابية عن العلاقة الزوجية
سلام

 

[الامين محمد]

أهلا أختااه بسبب غياب مشرفي القسم
يشرفني أن أعتمد موضوعك سيدتي و لي عودة للمناقشة بحول الله

 

[sanaya]

أهلا أختااه بسبب غياب مشرفي القسم
يشرفني أن أعتمد موضوعك سيدتي و لي عودة للمناقشة بحول الله

شكرا على الاعتماد أخي

 

[حلم كبير]

السلام عليكم ورحمة الله تعالى وبركاته

اختي الفاضلة مواضيعك دائما هادفة ،وتنم عن انسانة تخاف على أخواتها وإخوتها .
بارك الله فيك وبارك لك في عملك الدؤوب.
الفيس مصيبة على الجيهتين.
المصيبة انو يطيح في ايدي ما تعرفش تستعملو، ويديرو فيه كوارث ما يعلم بيها غير ربي سبحانه.
والمسكين اللي على نياتو يدخل يقولك راني داخل لاهل ربي، يلعبو عليه لهون ولهيه.
أما المرا اللي ميش واثقة في راجلها، نقولها راجلك عندو مليون طريقة يخونك بيها غير ما تتقلقيش سكريلو ربعين رصيد نتاع فيس .نحيلو النت خلاص كاين وين يروح اذا كان عينو في حاجة ولا شياخة ميش قدامك يا جايحة.

حاجات قلتيهم ونصحتي بيهم المرا رائعين ما عندي ما نزيد عليهم ،كون اي مرا تبع نصائحك رايحة تعيش مطمئنة وهانية ولاتية بعائلتها وولادها وراجلها بدل الجري ورا حاجة فارغة .


نزيد حاجة برك اللي يدير هكذا من راجل ولا مرا عندو نقص ثقة في نفسو،وحاس بلي ماهوش معمر عين طرفو الثاني.

موضوع رائع كعادتك
تقبلي مروري مع فائق الاحترام والتقدير
حلم كبير​

 

[sanaya]

السلام عليكم ورحمة الله تعالى وبركاته

اختي الفاضلة مواضيعك دائما هادفة ،وتنم عن انسانة تخاف على أخواتها وإخوتها .
بارك الله فيك وبارك لك في عملك الدؤوب.
الفيس مصيبة على الجيهتين.
المصيبة انو يطيح في ايدي ما تعرفش تستعملو، ويديرو فيه كوارث ما يعلم بيها غير ربي سبحانه.
والمسكين اللي على نياتو يدخل يقولك راني داخل لاهل ربي، يلعبو عليه لهون ولهيه.
أما المرا اللي ميش واثقة في راجلها، نقولها راجلك عندو مليون طريقة يخونك بيها غير ما تتقلقيش سكريلو ربعين رصيد نتاع فيس .نحيلو النت خلاص كاين وين يروح اذا كان عينو في حاجة ولا شياخة ميش قدامك يا جايحة.

حاجات قلتيهم ونصحتي بيهم المرا رائعين ما عندي ما نزيد عليهم ،كون اي مرا تبع نصائحك رايحة تعيش مطمئنة وهانية ولاتية بعائلتها وولادها وراجلها بدل الجري ورا حاجة فارغة .


نزيد حاجة برك اللي يدير هكذا من راجل ولا مرا عندو نقص ثقة في نفسو،وحاس بلي ماهوش معمر عين طرفو الثاني.

موضوع رائع كعادتك
تقبلي مروري مع فائق الاحترام والتقدير
حلم كبير​

والأروع هو مرورك أخي الفاضل نعم أنت محق جدا
الوحدة كتكون تبع فراجلها لوكان واثقة من روحها علاه حتى تبع فيه
وأكيد اللي ميخافش ربي عندو ألف طريقة للخيانة
علاهاديك أوليو تبع فيه تطهلا بروحها و تشوف واش خصها
والفايس أكيد مهوش كامل مليح وي
والواحد يعرف كفاه يستعمل فيه
و ألف شكر أخي على حضورك الدائم

 

[أم أُنٌَيسة]

السلام عليكم و رحمة الله تعالى و بركاته
بارك الله فيكي و جزاكي كل خير اختي الكريمة و جعل كل حرف خطته يمناكي في موازين حسناتكي ان شاء الله يارب
كل واحد مسؤول عن نفسه و عن تصرفاته ولا دخل لاي موقع اجتماعي في احد
فكل واحد يستعمله كما يحب وفيما يرغب
فمن اراد استعماله في الامور الجيدة فهو كدلك و من اراد استعماله في الامور السيئة فهو كدلك ايضا
لكن اغلب النساء او الرجال يرفضن ان يكون للطرف الاخر موقعتواصل اجتماعي ليس لانهم لا يثقون بهم بل لانهم لا يثقون باناس الزمن الحالي فحسب
فكما نسمع و نرى نسال الله الهداية الثبات
نسال الله ان لا كون منهم و ان كنا منهم عن غير قصد فنرجو من الله الهداية ان شاء الله يارب
ارجو تقبل مروري
تحياتي احترامي و تقديري
في امان الله وحفظه​

 

[sanaya]

السلام عليكم و رحمة الله تعالى و بركاته
بارك الله فيكي و جزاكي كل خير اختي الكريمة و جعل كل حرف خطته يمناكي في موازين حسناتكي ان شاء الله يارب
امين يارب
كل واحد مسؤول عن نفسه و عن تصرفاته ولا دخل لاي موقع اجتماعي في احد
فكل واحد يستعمله كما يحب وفيما يرغب
فمن اراد استعماله في الامور الجيدة فهو كدلك و من اراد استعماله في الامور السيئة فهو كدلك ايضا
هاذي هي الهدرة ولا بطل
كل واحد مسئول عن تصرفاتو وأقوالو ولا دخل لمواقع التواصل في الأمر
وي عندك ألف حق ربي سبحانو عطانا عقل و تفكير باش نخمو مش باش نديروا الحاجة اللي نحبوها سوا مليخة ولا لا
لكن اغلب النساء او الرجال يرفضن ان يكون للطرف الاخر موقعتواصل اجتماعي ليس لانهم لا يثقون بهم بل لانهم لا يثقون باناس الزمن الحالي فحسب
نعم ولكن كل واحد يشوف حسب روحو إلا هو يستعمل فهاذ الصوالح بشكل صحيح نورمالمو ميشكش فالطرف الثاني
فكما نسمع و نرى نسال الله الهداية الثبات
نسال الله ان لا كون منهم و ان كنا منهم عن غير قصد فنرجو من الله الهداية ان شاء الله يارب
أمين يارب مشكورة على كرم الرد والمرور و نشالله نشوفك في نواضيع أخرى سلامي
ارجو تقبل مروري
تحياتي احترامي و تقديري
في امان الله وحفظه​